كتب الكاتب الفاتح جبرا المتوفرة بمعرض الدوحة
|
|
 رسالة حب الى طارق الامين..والشفيع عبدالعزيز
|
اول هام..
الكتابات التى تمدح احدا اصبح ينظر اليها فى بعض المنابر
نظرة غريبة ويطلق عليها لفظة عامية (كسير تلج)
غايتو اى زول ونظرتو طبعا..
شخصيا احب هذا الثنائى جدا..الشفيع عبدالعزيز..وعوالم
من المتعة فى FM100 ,والنيل الازرق..
اما طارق الامين..وجماعتو.. ديل حلاتهم عديل كده..
طارق مبدع ضخم..والزول بحسدو عديل على كل اعمالوا المذهلة
ومعالجاتو للمشاكل الاجتماعية..بطريقة درامية بسيطة..
زول يخليك تفكر انك تجمع كل اهل الدراما وتحلق ليهم على الزيرو
باسثتناء محمد المهدى..دا عاوزنو بى تفتو دى..
|
|
 
|
|
|
|
|
|
|
 Re: رسالة حب الى طارق الامين..والشفيع عبدالعزيز (Re: مُحَمَّدٍ عِوَضٌ احْمَدُ)
|
اشكر كلماتك وليتني اعرفك حتي ارد لك الحب حبين يارجل
سلامي وتحياتي
وانا هنا ابرؤك تماما مما يطلقون عليه (كسير تلج)
لسببين:
1_ لاتوجد معرفه سابقه وان كنت حريصا علي انطلاقها في زمن ندره الحب
2_ لاخيل عندنا نهديها ولامال فليسعد النطق ان لم يسعد الحال
احترامي وتقديري لكلماتك وشكري مكررا
( وش فيهو حبه خجله خفيييييييييييفه)
| |
|
|
|
|
|
|
|
|
 Re: رسالة حب الى طارق الامين..والشفيع عبدالعزيز (Re: طارق الأمين)
|
Quote: اشكر كلماتك وليتني اعرفك حتي ارد لك الحب حبين يارجل
سلامي وتحياتي
وانا هنا ابرؤك تماما مما يطلقون عليه (كسير تلج)
لسببين:
1_ لاتوجد معرفه سابقه وان كنت حريصا علي انطلاقها في زمن ندره الحب
2_ لاخيل عندنا نهديها ولامال فليسعد النطق ان لم يسعد الحال
احترامي وتقديري لكلماتك وشكري مكررا
( وش فيهو حبه خجله خفيييييييييييفه |
تسلم كتير اخوى طارق الامين..
وانا بعرفك بس..لما اشوف ضحكة فى وش اى سودانى..بسيط..
وياريت تصلك بشائر حب اكتر كمان.
.ربما يعرف الشعب اهل الدراما اكثر من اى شئ آخر..لانهم هم الاكثر التصاقا بهم..وهم لسان حالهم الوحيد..
تحياتى لك مرة اخرى..واتمنى ان نرى لكم مجهودا اكبر فيما يخص
مسألة الوحدة .. اذكر جيدا عمل لك فى 2008 يتحدث ببساطة متناهية
عن مسألة السودان الموحد حتى قبل يبداء الساسه الذين يتباكون الان العمل
لجعلها جاذبة..
Quote: سودان ده
زى ده
اصبح واحد
وكيف نقسمويعنى لى قسمين؟
اويل..نيالا وبورتسودان
جزيرة..حصايصا ..كردفان
رومبيك ..وحلفا جيران..جيران.. |
[
| |
|
|
|
|
|
|
|
|
|
Re: رسالة حب الى طارق الامين..والشفيع عبدالعزيز (Re: مُحَمَّدٍ عِوَضٌ احْمَدُ)
|
Quote:
تحياتى لك مرة اخرى..واتمنى ان نرى لكم مجهودا اكبر فيما يخص
مسألة الوحدة .. اذكر جيدا عمل لك فى 2008 يتحدث ببساطة متناهية
عن مسألة السودان الموحد حتى قبل يبداء الساسه الذين يتباكون الان العمل
لجعلها جاذبة.. |
العمل علي ما اذكر في 2006 او 2007
وهو واحد من الاعمال التي وجدت اهمالا من التلفزيون كعادته
سودان دا زي دا( اشاره ال اصبع)
اصبع واحد
كيف تقسمو يعني لي اننين
بسوي دم دا
وحمي زي دا
بجيبو مووت لي زول بعدين
اويل نيالا بورسودان
كريمه حصاحيصا كردفان
رومبيك وحلفا جيران جيران
اكول دا زي دا يقوم يلببس يفوت كنيسه بريس توقود صلي في وطن
عبد الله زي دا يفوت لي جامع يصلي مغرب يفوت بقاله يجيب لبن
سودان تسامح
بكون وطن
شكرا للتذكير
قبل اربع سنوات غنينا الكلام دا وكان غريب غريب
الان
تخطت دعوات الانفصال سقوف الزمان
كان يمكن لغناء اليوم ان يبدأ منذ الامس
لكن جدودنا زمان
وصونا
علي
الشغل يوم الوقفه
فكيف يكون العيد طاعما بربك
ذكرتني سنوات قريبه
دعونا فيها لوحده جاذبه
قبل ان تصبح كاذبه
بتساوي الناس رغم كل اختلاف
في اللون والعرق والجنس
وكنا حسني النوايا ولازلنا
لكن شركات المحاسيب الاعلاميه
ونظريه الشغل يوم الوقفه
اعملت فينا سيوفها
فمهلا لايقاف النزيف
اشكرك مره اخري بشجن اكيد
وموده صادقه
طارق
| |
|
|
|
|
|
|
|
|
|
Re: رسالة حب الى طارق الامين..والشفيع عبدالعزيز (Re: طارق الأمين)
|
Quote: سودان دا زي دا
اصبع واحد
كيف تقسمو يعني لي اننين
بسوي دم دا
وحمي زي دا
بجيبو مووت لي زول بعدين
اويل نيالا بورسودان
كريمه حصاحيصا كردفان
رومبيك وحلفا جيران جيران
اكول دا زي دا يقوم يلببس يفوت كنيسه بريس توقود صلي في وطن
عبد الله زي دا يفوت لي جامع يصلي مغرب يفوت بقاله يجيب لبن
سودان تسامح
بكون وطن |
طبعا اخوك غلطاتو فى النص بتاعك بتذكرنى برضو بى بوست شهير فى منبر مجاور للاخ ابوتسعة اسمو سمعتها كده..
بحكى فيهو عن غلطاتو الفظيعة لما كان بيسمع الاغانى وبفهم شوية من معنى كلماتها غلط...
بقول ليك مثلا
| Quote: أجمل من لؤلوة بضة ..( سيبك) من شط البحرين |
ومن النكات المشهورة..عن مثل هذه الاخطاء..يقول..ايضا..
Quote:
قال ليك واحد بقلد وابو داؤد يسمع ساى
قال
كيف الحيااااة .. غير نيمك
بدل
ليمك
قام ابوداؤد قال ليو
ما تنسى بالله ... لون برسيمك |
فـ شنو يا طارق يا خوى..امسحا لى فى وشى..اخوك لاحق ابوتسعة ده..بس العمل ده بالذات بيرن طوالى فى ذاكرتى
كلما ما جابو سيرة الوحدة..دى..وبعرف كويس مدى التجاهل الغريب فى حينها لمثل هذه الاشياء التى لا تكلف كثيرا
وتخدم اكثر من الف مؤتمر ومليون سياسى..
Quote: لكن جدودنا زمان
وصونا
علي
الشغل يوم الوقفه
فكيف يكون العيد طاعما بربك |
وانت الصادق..اى حاجة بنحاول نلحقا فى الاخر..أكان وحدة..ولا فرقة..على كل المستويات..العامة او الشخصية..
.بنقبض الوظيفة لما يكون فاضل لينا للمعاش..سنتين او تلانة...لما تفكر وتقرر تمشى تطلب يد حبيبتك تلقاها جابت الشافع الخامس..
من راجل غيرك..بعدها فى اخر ربيع عمرك تنساها..وتعرس بى اخر نفس..برضو..
بس ربك يهون..يازول..وانتو كمان ان شاء الله اصلو ما تخيبو رهان البسطاء عليكم..يا اهل الدراما والفنون اجمالا
ومشكور على الرد والاهتمام يا جميل..,ومعذرة للأطالة
| |
|
|
|
|
|
|
| |
مُحَمَّدٍ عِوَضٌ احْمَدُ
فيس بوك
تويتر
انستقرام
يوتيوب
بنتيريست