|
هدم الوحدة
|
بدلاً من دعمها
يتفننون في هدمها
نكاية في النظام الحاكم
وبلا حياء ولاخجل
ولا وازع من ضمير
يساندون الانفصاليين
هم مناضلو آخر الزمان
يمسكون بتلابيب هذا المنبر
ويذرفون دموع التماسيح
و يتباكون علي انفصال الجنوب
يمزقون اوصال الشمال
هؤلاء هم اعداء الوحدة فاحذروهم
|
|
|
|
|
|
|
|
Re: هدم الوحدة (Re: عبد اللطيف السيدح)
|
Quote: هؤلاء هم اعداء الوحدة فاحذروهم |
انا غايتو يا سيد ح مستعد (اخجل ليك) لو انت جلدك بقى تخين للدرجه دي , منو بالله اعداء للوحده اكثر من قاده نظامك العنصري القمي البغيض ! ,
منو بالله اعداء الوحده اكثر من قاده حزبك القسموا السودانيين لأحرار وعبيد , لأشراف , وخدم !!!...
منو اعداء الوحده اكثر من الناس القادو حملات تطهير الجنوب من المسيحيين الكفار الفجار ,
ومنو اعداء الوحده اكثر من القادوا حملات تطهير دارفور من الناس الشينيين الما بيشبهوكم !
منو اعداء الوحده اكثر من قاده المؤتمر الوطني ورئيسه المطلوب للعداله الدوليه بتهمه اباده شعبه في دارفور , منو اعداء الوحده اكثر
من قاده المؤتمر الوطني النصبوا أول جريده ناطقه بالعنصريه في تاريخ السودان ! ...
الدنيا كلها عارفه منو البيهدد وحده البلد بعد ان تكشف كل الزيف والخداع الحكموا بيهو زمان , وهو بلا منازع نظام المؤتمر الوطني وريئسه المجرم ,
الجنوب ده يا سيدح خلاص انسو , بس اقرعو الواقفات ...
عرفت ليه انا مستعد (اخجل ليك) ؟؟؟!!!
| |
|
|
|
|
|
|
Re: هدم الوحدة (Re: مجدى محمد مصطفى)
|
سيدح الاختشو انتحروا ! هل يفعلها احد قادة المؤتمر اللاوطنى ؟
هكذا هتف الجنوبيون فى جوبا ؟؟؟؟ الكيزان تجار الوحدة ؟؟
كدى اشوف ليك محمد مسيلمة فرح لو عندو فديو ؟
تبا ايها العنصرى ؟
| |
|
|
|
|
|
|
Re: هدم الوحدة (Re: معاوية عبيد الصائم)
|
رمتنى بدائها وانسلت من منحوا خمسة سنوات من اجل وحدة جاذبة ولم يفعلوا شيئا يجب ان لا يلوموا الاخرين! سيجارة البنقو دايرة والاخير البتتمسك عندو حقو راح! كل الحكومات السابقة فشلت ولكن الانقاذ نجحت فى تمزيق اوصال الوطن! والبشير هو الذى سيوقع والتاريخ سيشهد له بذلك جنى
| |
|
|
|
|
|
|
Re: هدم الوحدة (Re: jini)
|
Quote: انا غايتو يا سيد ح مستعد (اخجل ليك) لو انت جلدك بقى تخين للدرجه دي , منو بالله اعداء للوحده اكثر من قاده نظامك العنصري القمي البغيض ! ,
منو بالله اعداء الوحده اكثر من قاده حزبك القسموا السودانيين لأحرار وعبيد , لأشراف , وخدم !!!...
منو اعداء الوحده اكثر من الناس القادو حملات تطهير الجنوب من المسيحيين الكفار الفجار ,
ومنو اعداء الوحده اكثر من القادوا حملات تطهير دارفور من الناس الشينيين الما بيشبهوكم !
منو اعداء الوحده اكثر من قاده المؤتمر الوطني ورئيسه المطلوب للعداله الدوليه بتهمه اباده شعبه في دارفور , منو اعداء الوحده اكثر
من قاده المؤتمر الوطني النصبوا أول جريده ناطقه بالعنصريه في تاريخ السودان ! ...
الدنيا كلها عارفه منو البيهدد وحده البلد بعد ان تكشف كل الزيف والخداع الحكموا بيهو زمان , وهو بلا منازع نظام المؤتمر الوطني وريئسه المجرم ,
الجنوب ده يا سيدح خلاص انسو , بس اقرعو الواقفات ...
عرفت ليه انا مستعد (اخجل ليك) ؟؟؟!!! |
ينصر دينك يا مجدي
| |
|
|
|
|
|
|
Re: هدم الوحدة (Re: خدر)
|
المعارضون وادعياء النضال هم الذين يغرون صباح مساء الانفصاليين الجنوبيين امثال باقان
وإدوارد لينو للمضي قدماً في مشروع تكوين الدولة الجديدة وذلك من خلال الدعم السري
والجهري سواء كان من خلال الاجتماعات تحت لافتة تجمع جوبا او بالتصريحات والشتائم للحكومة
بمناسبة او دون مناسبة نكاية وتشفياً وتصفية لحسابات شخصية ومصالح ذاتية ضاعت مع ضياعهم
للوطن قبيل مجئ ثورة 89 التي وضعت الامور في نصابها واعادت للسودان عزته وهيبته وقوته
واوقفت حربا نصف قرنية لم تشهد لها افريقيا مثيلا من خلال اتفاقية سلام شاملة اعطت للجنوبيين
وبمحض ارادتهم حق تقرير المصير مع اعطاء الوحدة الخيار الاول والاخير وهذا ما عمل عليه شريكا
نيفاشا ودفع من اجله المؤتمر الوطني كل غال ونفيس لكن كيف تتحقق الوحدة واعداؤها يعملون ليل
نهار علي تفتيتها نكاية في من جلب السلام للوطن والشعب وهؤلاء الادعياء ليس لهم من كرت رابح
يبقيهم علي ساحة السياسة سوي اشعال نيران الفتنة في صدور الجنوبيين حتي يتمكنوا من فصل
الوطن ومن بعد ذلك تتفرغ شرازم المعارضة لسب المؤتمر الوطني الذي سيتهمونه بالتفريط في نصف
الوطن وهم يعلمون انهم من تسبب في ذلك وادي اليه والتاريخ لن يرحم ابدا وسيدون في سجله الحافل
بالاحداث الذين وقفوا مع الوحدة وعملوا من اجلها ودفعوا في سبيل تحقيقها دماء ذكية اروت شطآن
الاستوائية وبين اولئك الذين سخروا كل جهودهم واعملوا عقولهم المريضة من اجل تشتيت شمل الوطن.
| |
|
|
|
|
|
|
Re: هدم الوحدة (Re: فتحي الصديق)
|
السيدح لماذا كنت صامتا وانتباهة خال الرئيس تمزق قيم التسامح وتزكي نار الفتنة ليل نهار حتى اوقفها العقيد القذافي .؟؟؟
يا فتحي
الانتباهة اوقفها رفض اهل الشمال لمسلكها وتغريدها خارج السرب ولم يوقفها القذافي كما يتوهم البعض
ومن اجل الوحدة سقط الاف الشهداء من خيرة ابناء الوطن سواء كانوا من شماله او جنوبه
الجميع مع الوحدة عدا اعداء النظام الذين لايفرقون بين المعارضة والخيانة.
| |
|
|
|
|
|
|
Re: هدم الوحدة (Re: عبد اللطيف السيدح)
|
Quote: الانتباهة اوقفها رفض اهل الشمال لمسلكها وتغريدها خارج السرب ولم يوقفها القذافي كما يتوهم البعض |
هههههههههه
والله يا سيدح انت جلدك مش تخين بس , ياخي انت فاقد حنان عديل ,
قلت لي رفض اهل الشمال لمسلكها اوقفوها !!! , كويس انو عرفتو ان اهل الشمال رفضو توجهاتكم العنصريه المارستوها بأسمهم وهم منها
براء
بس حتى في دي كذبت فيها يا سيدح وبعين قويه , صحيح اهل الشمال رفضوا دعواكم العنصريه الاستمرت طوال الفتره الانتقاليه لكن الانتباهه
قفلتوها لانو العقيد اداكم العين الحمرا , وانتو عودتونا انو ما ترعووا الا بالعين الحمرا , تخافوا ولا تختشوش ...
| |
|
|
|
|
|
|
Re: هدم الوحدة (Re: مجدى محمد مصطفى)
|
والله يا سيدح انت جلدك مش تخين بس , ياخي انت فاقد حنان عديل ,
جلد تخين وفاقد حنان اصلن ما بتلاقن يا مجدي
بعدين انتوا الجنوب ده القدمتوه ليهو شنو
نحن دفقنا فيهو دم احمر معقول نتخلي عنو بالساهل كده
يا اخي اختشي انت وقف تأمل بس فيما يفعله الرجال
بلا قذافي بلا بتيخ معاك
| |
|
|
|
|
|
|
Re: هدم الوحدة (Re: عبد اللطيف السيدح)
|
Quote: جلد تخين وفاقد حنان اصلن ما بتلاقن يا مجدي |
دي زي محاوله انك تعمل من الفسيخ شربات البديت بيها بوستييك ده , يعني تشيل كل دائك وترمي في الاخرين وتنسل !
Quote: بعدين انتوا الجنوب ده القدمتوه ليهو شنو
نحن دفقنا فيهو دم احمر معقول نتخلي عنو بالساهل كده |
قصدك الفطايس و لا ياتم! ...
يا زول ديل خلاص اصبحو عند الله يتصرف معاهم عز وجل بعدالتو وحكمتو ,
بس انا ما شايف اي علاقه بين الدم الاتسكب هناك وبين موقفك الحالي بالصاق سعي المؤتمر الوطني الدؤوب لتفتيت السودان في معارضي النظام البيطالبو بي دوله القانون والعداله الحتضمن الوحده ,
زمان كانو لما الواحد يموت ليهو زول في الجنوب طوالي يرقو في التنظيم و في كل مجلس يتونس بي اخوهو ولا ولدوا الاستشهد وفي روايه اخرى فطس في الجنوب , وانت اسي بي كلامك ده زي الداير تزايد على حق الجنوبيين في تقريير المصير بالدم الاحمر الدفقتو هناك ! ...
الوحده دي خلاص بقت خارج برنامج المزايدات ,
دايريين وحده اسسو دوله القانون اليتساوى فيها القوي والضعيف الابيض والاسود , لو سرقت فاطمه بيت محمد لقطع محمد يدها , وابدو بالبشير ده عشان تبرهنو للناس صدقكم المره دي , فالراجل يده والغه في دماء سودانيين كتاار حتي اصبح مطاردا دوليا , حاكمو وتوبوا يمكن توحدو البلد , غير كده يكون بكاء على اللبن المسكوب وستطاردكم لعنه السودانيين الي يوم الدين , يوم الدين متذكروا يا سيدح ؟!!!
| |
|
|
|
|
|
|
Re: هدم الوحدة (Re: عبد اللطيف السيدح)
|
السيدح تحياتي منطق معوج شديد .. كيف تقتلون في الجنوب تلك الألوف وتحرقون وتجهرون تلك القرى وتروعون الآمنين وكل ذلك ( الدم الأحمر) المسكوب الذي تشير إليه.. وتدعي أنكم رسل سلام وأصحاب مشروع وحدوي ؟ عاوزين نفهم شوية معاكم ... بل الأدهى والأمر ما يصرح به خال الرئيس ويجاهر ويفاخر به في صحيفته وفي قناة الجزيرة القطرية مع الاستاذ ساطع الحاج ... كلام يستحي المرء أن يقتبس منه (كلمة) ... وكمان أنتم أصحاب مشروع وحدوي ورسل سلام ؟؟؟ الجنوب خلاص (أنسى) في الدرب جنوب وجنوب آخر ... دارفور وربما الجزيرة كمان ... تحياتي الشفيع إبراهيم
| |
|
|
|
|
|
|
Re: هدم الوحدة (Re: Alshafea Ibrahim)
|
الجزيرة بركان يغلي من الغضب جراء استهدافها
من هؤلاء الحطابين الذين قضوا على الأخضر واليابس
وعلى خطى أخوتنا في الجنوب الذين دفعوا مهر حريتهم
دماءهم .
| |
|
|
|
|
|
|
Re: هدم الوحدة (Re: معاوية الأرباب)
|
Quote: معقول نتخلي عنو بالساهل كده |
الحبيب عبد الطيف ... اعلاه كلام استعماري استعلائي قاسي... المنبر مقروء ياصديقي فلاتطلق لاصابعك العنان.
| |
|
|
|
|
|
|
|