|
Re: براكم ياناس الدوحة - ينصر دينك ياصلاح عبدالله (Re: عمر سعد)
|
ولدنا متولي
دي طلعّتها من وين؟؟ دي ليها أكتر من تلاتة سنين، مقلب سواهو معتز الكارثة كانت جلسة محضورة وونسة راقية مع ناس ظريفين في بيت العربي الفارة بدرالدين
منتظرينك نعيد أيام بيت العزابة بتاع أولاد بحري يا حليل النجمة والحراج
الدوحة اتغيرت يا بن خالتي ، وأسأل عمر سعد ده!!
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: Salah Abdulla)
|
يا سسسسسسلام يا متولي ياخي.. والليلة يعلم جبت خبرية ولقطة عجيبة وود خالتي ابو صلاح عجييييييييب ياخي وانامل وصوت خرافي الا انه راسسسسسسسسسو قوووووووووي وحسسسسسسسسسود وعنيد كمان لانو دوما يرفض العودة الي هذا الابداع والدهشة وعامل لينا غاغا احنا المساكين الجالسين في الرصيف في انتظار عودته الي منصات العود والنقرشة والاغاني العالية الجمال...
في انتظارك يا متولي ان تزونا في الدوحة وليك علي يا فردة ابو صلاح ده لو انت جيت حيغني حيغني بالبوليس حيغني بالجيش حيغني عضلات تبشششششششششششش برضو حيغني حغني
-------- عند تسجيلات مكبشر من قبل الظلامي قريش فيهو ابو صلاح يغني لعثمان حسين في اغنية يا النبي نووح منها ساحاول القوقلة حتي اجده ونتمني من الظلامي قريش ان يمدنا بهذا التسجيل فورا.
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: محمد مكى محمد)
|
اخي عمر سعد وزي ماقال حميد قلنا نجيب المداحين طنطن قال انا جاي من الحج وعارف راشد لما يطنطن كل الدنيي الفيني تطنطن قال نجيب الغنايين شان الشول بت سرنا ترقص وكنا نقولها مرارا وتكرارا انو الود الجن صلاح دا فنان ضل طريقو للمحاماة والشرطة. ربنا يهديهو ويرجع يشنف اذاننا التي خربت وصدآت .
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: Mutwali Malik)
|
أووووووووه ... المعلمين ،، ناس طارق ميرغني ،، وكيكي ،، والمكي..
المكي ياخي يديك العافية ، وبالطريقة دي الواحد ح يقوم يصدق إنو بيعرف يغني ويتقمص الشخصية ويشّرد الناس من البلد!!
يا طارق بيت أولاد بحري ده كان أشهر بيت عزابة في دولة قطر وده طبعاً قبلما متولي يبقى خواجة البيت فرتق زمان والعزابة عرّسوا ، وأولادهم بقوا عزابة هسي وبعدين الفن يفوتك يمشي وين يا أبوالطرق، ما شاء الله (أوركسترا كاملة)!!
كيكي قال ح يجيب لي الحكومة والله يا كيكي بدون حكومة تلقانا جنبك المشكلة بقينا نتذكر المغني ده في المواسم أكل العيش يا إبن خالتي ما مدينا فَرَقَة نتونس مع الأخوان ولومك بي ( نتونسو) قبلما ولدنا متولي ده يجي ، ولمن يجي ، وبعد ما يمشي زاتو.. شفت كيف؟؟ ما يقوموا كمان يعملوا لينا (محاكم تفتيش) هنا ده ، ويسلخونا !!
ناس الدوحة بقوا يخوّفوا ياخ..
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: معتز القريش)
|
يا سلااااااام الراجل الراقي أيمن والله ليك وحشة ،، وكتر خيرك لكن يا جماعة والله بي كلامكم ده أنا بقوم أصدّق !! أعملوا حسابكم.. وبعدين تغادر تمشي وين يا أيمن ؟؟ هو البيجي الدوحة دي بيغادرها؟؟ وجايب لي معاك المتآمر الأكبر ود عمي خلف الله؟؟
غايتو يا معتز عشان أخوك (الوزير) ده نحن بنسكت الدوحة ما مضمونة !! لو خارجوني من هنا ،، دربي عديييييل على (أخونا السموأل) تلج تقيل جداً.. أيامك والله ، اتجدع على كيفك ،،، مش أخوك وزير ؟؟؟ وطيب ..
Quote: من مات دون أكل عيشه فهو شهيد |
ما ياهو أكل الباسطة ده زااااااتو المجهجهنا!!
إنت قايل شنو؟؟
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: Salah Abdulla)
|
ابوصلاح يافردة ياصاقعة طبعا انا برضو ديامي - محطة الغالي - عمارة الالمان وفندق كيشو - فريق الشعلة برابطة السجانة وعييييييك
Quote: دي طلعّتها من وين؟؟ دي ليها أكتر من تلاتة سنين، مقلب سواهو معتز الكارثة كانت جلسة محضورة وونسة راقية مع ناس ظريفين في بيت العربي الفارة بدرالدين |
بدرالدين فارة امال اللي في بالي بالي يكون شنو. ونزولا لرغبة كيكي وايمن تابر واهداء لجميع المتداخلين هنا اغنية عثمان حسين بصوت صلاح عبدالله
<">=">">>
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: Salah Abdulla)
|
ابوصلاح يافردة تلك قصة تعود للعام 1980م عندما رحلنا من السكة حديد - الخرطوم ونسبة لبعض التصليحات في بيتنا بامدرمان سكننا الديم محطة الغالي في البيت البعد عمارة الالمان ناس المجروس ديتش ولعبت في فريق الشعلة الفي الديم مع عمر العلمين وجعفر عبدالوهاب ومعتصم رمضان والفاتح قمر والزنجي وشهونة من اولاد السكة حديد وبيتنا فاتح في مقابر فاروق وجارنا الفنان المبدع احمد جاويش حيطة بالحيطة. ساعود لي الجكس والبارتيات وحلة الحجر وناس عبدالناصر وصديقي امير عبدالله.
">">">>
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: Mutwali Malik)
|
Quote: عمر العلمين وجعفر عبدالوهاب ومعتصم رمضان والفاتح قمر |
أها دي ياها حلتنا زااااااتا!! معقول ما إتقابلنا ؟؟ خليني استرجع شرايطي القديمة وأكيد ح أتذكرك.. عمر العلمين موجود. جعفر عبدالمجيد (مش عبدالوهاب) رجع من ليبيا وأستلم ورشة أبوه معتصم محمد رمضان لاعب الهلال السابق ، توفى الى رحمة الله قبل أشهر قليلة.. الفاتح قمر لاعب المريخ السابق ، توفى الى رحمة الله قبل سنوات طويلة بالسعودية (الرياض).
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: معتز القريش)
|
غايتو يوم مرة كــدة* غنى (مابوريكم ويــن ومتين...)
جضم الغناء,,,,جضم العود,,,جضم احساسنا زاتو ,,,,,
غايتو انا بركت فى الوا..ط,,ة,,دى قدامو وقعدت ابحلق ,,
صلاح فناااان بالجد لكن مكبر اللفة,,,
تحياتى يامتولى مالك وتعال مارى بالدوحة شان نسمع صلاح للمــرة التانية,,,,,
_
___________________________ اقدر اقول يوم الكسرة بالموية والطماطم والبصل
(عدل بواسطة Amira Elsheikh on 07-17-2010, 01:28 PM)
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: Amira Elsheikh)
|
لك التحية اخي طارق مرغني ودي مامجاملة صلاح عبدالله يمتلك كل مقومات الفنان صوت واداء راقي وعزف متفرد ,
Quote: ابو صلاح الفنان
يعني لا انت لا عزام لا حسن طه
توروني بيت اولاد بحري وانا هناك ؟؟؟
يعني ما عارف بحري دي بترمينا في الشوك
عامل غناك السمح ده!!!!! |
بيت عزابة اولاد بحري كنا نذهب ليهو بعد دافوري الجمعة عندهم شاي لبن مقنن سرو باتع واعتقد انو في الحلة البعملو بيها لو شفتها ماتشرب شاي في حياتك ولو ماشفتها يصبح ادمان عديل لهم التحية.
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: Yassir Hamid)
|
كيكي ياصديقي
Quote: عند تسجيلات مكبشر من قبل الظلامي قريش فيهو ابو صلاح يغني لعثمان حسين في اغنية يا النبي نووح منها ساحاول القوقلة حتي اجده ونتمني من الظلامي قريش ان يمدنا بهذا التسجيل فورا. |
شفت الود الجن صلاح عبدالله بيبخل علينا بلحظات الدهشة والابداع كيف. نعمل شنو نتكرفس ونجلس القرفصاء في انتظار البوح والتطريب العالي. يامعتز القريش افتكر كلام كيكي واضح صلاح حرمنا وانت سيد الجود والكرم في انتظارك.
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: Mutwali Malik)
|
متولي (مرولي) الجابك الديم شنو ...؟ تانى خلي مزيكه اخوك يتريق علينا ..
ياخ مره الصادق فطر معانا فى رمضان معاهو يوسف بشري عملو فينا عمايل ..
لازم يكون صلاح عبدالله فنا من مجاميعه مش من الديم ...
ياخ الخرطوم دي كووووووولها من غير الديم تصبح خراااابه ..
والعنده راي يجينى هنا ..
تسلم يا صلاح فن وابداع ..
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: Mutwali Malik)
|
Quote: والله يا صلاح عبد الله غلبني الكلام , يا أحي ابداع
ماليهو حد,,, أتحفنا بصوتك الجميل وما تبخل علينا
ناس ديم التعايشة حلوين وودودين وحبايبنا من زمن
الطفولة. مليون تحية يا صلاح وواصل ابداع. |
استاذنا سيف الدولة كامل لك كل التحايا شفت الود الجن صلاح عبدالله بيبخل علينا كيف احتمال يكون ماعارف انو مبدع وفنان ولوعارف تبقي دي اكبر من مشكلة اسحق الحلنقي ذاتو. تشكر علي المرور
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: Ashraf el-Halabi)
|
الله عليك يل متوكل .. هذا الولد زول آفة , لكنه غانج و غتيت و بتاع مكنات .. و أجزم إنه لو في زول نقارب بين عزفو للعود و عزف صلاح , بيكون برعي محمد دفع الله .. بدون مبالغة .. أو يمكن عوض احمودي . أول من عرفني على النوتة الموسيقية في الثمانينات كان صلاح . و هو لسه شافع .. كان مهووس بالمزيكة أكتر مني بكتير ( و انا العامل فيها ربها ) .. اشترك في عمرو داك في مركز شباب السجانة .. و بعدها فرقة الخرطوم جنوب . الكلام ده و هو لسه يا داب في أول سنة في الثانوي . بصراحة أنا اتكيفت شديد .. قلت خلاص , الشافع ده ح يطلع لينا عبقري الأغنية السودانية الجديد .. عصرت عليهو يعلمني النوتة الموسيقية .. قام لقاني ما عندي ليها روح و لا طولة بال .. صلاح بيتصل بي مرات بعد انصاص الليالي و يقول لي : أسمع الكبة دي . تطلع أغنية الناس نستها .. و هو بهناك يطنطن : لاااااا إله إلا الله .. أو يسمع شي بديع من مزيكتنا العجيبة دي .. يقوم يقول لي عاين ده , الاقي شعرات جلدو واقفات سلك بس ( و هذا ما جعل شعر راسو يتساقط و يرقد رز ) .. و لو تسمع صلاح يا متوكل براهو في الحوش و أمي راقدة و هو جني كرعيها على العود و الحجة أم صوت بديع تدندن معاهو : حاولت انساك و قلبي زاد في جروحو .. لا إله إلا الله . أو تسمعو براهو بيغني - و العيون مغمضات - أبسمي يا أيامي .. إنا لله . في مرة صافين انا و ياهو .. قلت ليهو يا برعي كدي نقرش لينا ( فتنت بيك ) للكاشف .. هبش العود و دلعو كده و ابتدا يخش في المقدمة بتاعتها و هو مغمض برضو .. بعد دخل فيها شوية فجأة قال لي : لا إله إلا الله .. الكاشف كافر و العياذ بالله ..الكاشف في مقدمة أقل من دقيقة كسر جوه أربعة سلالم و مقامات . أنا طوالي سبيت ليهو هو و الكاشف و الليل الجابني ليهو .. و قمت مشيت . و تحت تحت كده صلاح عندو شريط غمتي .. كوسوهو يا متوكل بلله .. الزول ده فيك يا هذا الشريط ساوي البدع .. قال : براي في بيت العزابة قفلت علي الباب و وزنت عودي و ختيت مويتي جنبي و المسجل و انفتحت غنا .. أمي الله يديها العافية كلما تسمع هذا الشريط تحن و عيونها يبقن دقااااق و تتمتم : يا حليلو صلاح . أمانة ما حسو سمح الولد ده . في الديم في الليل في إجازات صلاح بنقعد جلسات غريبة قدام بيتنا .. صلاح و عوض دوكة و سيد مكاوي و عماد اب صلعة و انا و نديها غنا .. كلما الليل يصن الغنا بيبقى سنين و حلو و هياج يا متوكل .. و صلاح يجضم العود و عوض دوكة يهوزز راسو و انا في عالماً تاني من نشوة الطرب الكبيرة .. نفلفل غنا السودان ده مطرب مطرب و غناي غناي .. العالمين ديل ما بيهبشو غنا مطروق و مهبوش و سايد . بيهابشو الغنا المنسي .. و أشهد ان في هذا البلد غنا منسي لو انه وزع على مشاعر المخاليق كافة لظبطها و جملها و طرح فيها البركة .
صلاح عبدالله غتيتوني و لئيم و ضنين و خجول و .. تيتل .. أنا لو أمتلك عشر ما أداهو ربنا لهذا الزول من طلاوة صوت و مقدرة عبقرية على عزف العود .. يمين بالله أرفع نخرتي فوق أجعص جعيص و يا بلد ما فيك إلا انا .. لاكين تقول شنو : يدي الحلق للأحوص .
شكرا يا متوكل و ليك مليون شكر يا معتز .. كده أديتوني طرف خيط للكتابة فيما يخص هذا الصلاح .. أخوي .
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: khaleel)
|
Quote: و أجزم إنه لو في زول نقارب بين عزفو للعود و عزف صلاح , بيكون برعي محمد دفع الله .. بدون مبالغة .. أو يمكن عوض احمودي .
|
اخي عماد ما قلت الا الحق
صلاح رجل عزااااااااااااااااف بمعني الكلمة
ربنا يديهو العافية
بس كما ذكرت هو رجل خجول وربما ضنين...ما بالوعد لاكين
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: Mutwali Malik)
|
عارف حاولت ادخل البوست ده ميه مره عشان اكتب لكن بيرفض نهائى ما عارف المكجرنى منو
لكن لقيت فرصه طوالى كتبته حتى نسيت السلام فالسلام على الجميع تانيا
تعليقى الاول على كلام صلاح الدوحه ما تغيرت يا فنان ولكن تغير من بها من بشر كيمان كيمان ...والباقى دقه ....هاهااه
ياخى انا لو كنت بمتلك نص امكانات صلاح ده وحاتك عداداتى تتخابت ..هاهاههاهه
ويا صلاح ان شا الله حلقه الشفيع قائمه فى مكانه بس مش الجمعه دى يعنى امشى بالسلامه مع الوالده ويانا راجينك ...
واول ما تجى انا حا احتل ليك فى بيتكم .........هاهاهههاهاهاهها
فى ناس بتخجل ...كده ساكت ..عندنا كان زميل لينا فى مرحله الجامعيه اسمو ابوبكر من جبل اولياء بيمتلك صوت ما عادى نفس طبقه الكاشف وتطريب جميل شديد خلاص
المهم الزول ده فى حفلات الاتحاد بيرفض يغنى ما بغنى الا فى الداخليه بالليل ومع ناس محدودين لو فى زول غريب ما بيغنى كلو كلو ...
لكن كان عندنا علاجو ................................وخليناهو يشارك فى حفل الوداع بتاع تخرجو الناس كلها انزهلت وقالول لينا داسينو مننا كل الزمن ده
وحاتك الصباح لمن عرف انو امبارح غنى تانى ما مشى الاتحاد الى الى الطائره ........
ده اسمو بزار والله زى دديل بس اسمو شغل بزار عديل كده ....
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: عمر سعد)
|
Quote: متولي (مرولي) الجابك الديم شنو ...؟ تانى خلي مزيكه اخوك يتريق علينا ..
ياخ مره الصادق فطر معانا فى رمضان معاهو يوسف بشري عملو فينا عمايل .. |
الاخت عفاف الصادق بابكر تحياتي مزيكا مالو بيتريق عليكم الديم من اجمل الاماكن الواحد بيجد فيها نفسو وتصوري لما رحلنا امدرمان مزيكا كان رافض تماما الفكرة وقرابة السنة من الشغل للسكة حديد مايرجع الا للنوم . وفطرو معاكم هو ويوسف بشري دا عيد ما رمضان.
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: Mutwali Malik)
|
Quote: و تحت تحت كده صلاح عندو شريط غمتي .. كوسوهو يا متوكل بلله .. الزول ده فيك يا هذا الشريط ساوي البدع .. قال : براي في بيت العزابة قفلت علي الباب و وزنت عودي و ختيت مويتي جنبي و المسجل و انفتحت غنا .. أمي الله يديها العافية كلما تسمع هذا الشريط تحن و عيونها يبقن دقااااق و تتمتم : يا حليلو صلاح . أمانة ما حسو سمح الولد ده . |
عماد عبدالله اخوك وبتعرفو اكتر من اي زول ولكن وللحقيقة صلاح عبدالله فنان يمتلك صوت قوي وعازف ماهر علي العود بس ........ الله يجازي بس دي بس عايز يرجع لصوابو ويختها واطة. تخريمة يمين شنبو شنب فنانين ...... هه هــــه
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: Mutwali Malik)
|
يا جماعة ،، والله العظيم خجلتوني !! شكراً ليكم كلكم ،، بس يا جماعة أنا زول فارة ساي ،، بحب الغنا والموسيقى بس .. الشغلة دي حدنا معاها ( الونسة ) فقط ..
لكن بي طريقتكم دي ،، الواحد (بعد ما يصدق) ح يبتدي تمارين صوت ويضرب عدادات...
أشرف يا أبوحليب ، بقيت تخاف ؟؟ مداخلتك (حفظتها) أنزلها ليك هنا بي جكسيها ومعجباتها وأيامها المفتوحة؟؟ المدام (فردة) يا أخو ، والدار أمان..
| |
|
|
|
|
|
|
Re: براكم ياناس الدوحة - ينصر دينك ياصلاح عبدالله (Re: Mutwali Malik)
|
Quote: صلاح عبدالله غتيتوني و لئيم و ضنين و خجول و .. تيتل .. أنا لو أمتلك عشر ما أداهو ربنا لهذا الزول من طلاوة صوت و مقدرة عبقرية على عزف العود .. يمين بالله أرفع نخرتي فوق أجعص جعيص و يا بلد ما فيك إلا انا .. لاكين تقول شنو : يدي الحلق للأحوص . |
اخي عماد عبدالله مااتكلمت معاهو وحاولت تقنعو انو يمارس الغناء حتي كهاوي وليس محترفا امكن لو جربت معاهو يكون امتداد لجيل الراحل المقيم مصطفي سيداحمد كما اظن.
| |
|
|
|
|
|
|
|