|
|
|
 Re: طقس بديع فى الحرطوم .. غيوم و زخات مطر ... صور بس (Re: ود الباوقة)
|
الاخ أنور
حسب ياهو ويثر فان يوم الخميس ستشهد فيه الخرطوم امطاراً خفيفة اما يوم غد الجمعة باذن الله فستكون هناك شعفوفة ليها ضل، نوع السحاب البتلقاه مزرقن داك فمن هسي نصيحتي ليك ان ماشي التكينة امرق من دربك دا.
الكلام دا جد يا جماعة ياهو متوقع امطار غزيرة جداً في الخرطوم يوم غد باذن الله.
الغريبة يا انور انه مكة ليها يومين زخات مطر وبيشهد الله امس العصر المطرة بتنقط رزاز مرة وشي من الشباك الهواء القابلني كانه مارق من فرن!!!!!
| |
 
|
|
|
|
|
|
|
|
Re: طقس بديع فى الحرطوم .. غيوم و زخات مطر ... صور بس (Re: انعام حيمورة)
|
اللهم .. متع اهلنا في السودان بهذا الجو البديع
اللهم . ادم عليهم نعمة الجو الصحو
اللهم انهم عبادك يتمتعون بنعة الحر طول السنه .. والسخانا في اي حته
فلاتقطع عنهم زخات الامطار وبوردت الاجواء هذه الايام
اللهم الحق هذا الجو الرائع بشهرك الكريم
اللهم يارحيم يا رحمن نسالك الزخات والرزاز ..
اللهم يارحيم يا رحمن نسالك الزخات والرزاز ..
| |
|
|
|
|
|
|
|
|
|
Re: طقس بديع فى الحرطوم .. غيوم و زخات مطر ... صور بس (Re: انور التكينة)
|
الأخ الأستاذ / أنور
تحية وتقدير
أرفع لك أسمى آيات التقدير والاحترام والتشكرات محملة
بأريج أهلنا الطيبون فى بلاد المهجر لهذا العمل الرائع
والجميل والذى تتحفنا به دائما وابدا .
فلك التحية من القلب الى القلب دون ريا ومن يقل غير
ذلك فهو مكابر بدون شك .. مرة أخرى لك تحياتى وتشكراتى
أيها العملاق الرائع ودمت للجميع ..
تاج السر
| |
|
|
|
|
|
|
|
|
|
Re: طقس بديع فى الحرطوم .. غيوم و زخات مطر ... صور بس (Re: تاج السر محمد حامد)
|
| Quote: فلك التحية من القلب الى القلب دون ريا |
الحبيب تاج السر
تحياتى
اخجلت تواضعى بطيب كلامك ، فلك الشكر مثنى و ثلاث و رباع
هذا الحديث الطيب لا يصدر الا عن طيب .. فلك مودتى و احترامى
منفلة :رغم اننى ذكرت ان البوست ( صور بس ) يعنى كتامى من جانبى ..
الا انك حركت الكيبورد .. فالعتبى لبقية المتداخلين و العذر
| |
|
|
|
|
|
|
|
|
|
Re: طقس بديع فى الحرطوم .. غيوم و زخات مطر ... صور بس (Re: عبد العزيز عبدالكريم نهار)
|
Quote: صلاح عبد الله
لكن ... الخرطوم دي في الصور نشوفها سمحة ونضيفة
لمن نمشي ، نلقاها غير كده ..
يا ربي الغلط وين؟؟؟
عبد العزيز ود نهار
الخرطوم ليته بديعا كهذا طوال العام
|
يا صلاح عبد الله الغلط في الصورة.
ياود نهار كان جو زي تلقى في الفاشر أبو زكريا أدّاب العاصي، بس أوعك تهوِّب جنب سوق المواسير تقوم تطقك ماسورة في راسك تلحقك أمات طه.
طبعاً يا التكينة الجو دا جو فول أكيد.
| |
|
|
|
|
|
|
|
|
|
Re: طقس بديع فى الحرطوم .. غيوم و زخات مطر ... صور بس (Re: عبد العزيز عبدالكريم نهار)
|
| Quote: افو..هاي يا وليد جو متل دي كان ليقاني انا في فاشر مرة تاني كلو نسوي |
هي ترا ولا كلمتيكي بكلام أهلنا قلتا وليد دا تخرتم بقى ولا بعرفي كلامنا.. أخير نكلمي بكلام عيال بحر كلو بعرفو وبعدين بكلمينا.
هم ترا عيال بحر ولا عارفين أردمتا جنة واطا... أرض جنينة جنة فوق.
كان قبيل أكلا تبش من نرتتي وشربا ألمي بارد من قلول .. كان عرفا خير كلا في دارنا .. إلا الله غالب عيالنا خربوا علينا.
تحياتي لك مع المودة
كباشي الصافي - أبو جبيهة - جنوب كردفان
| |
|
|
|
|
|
|
| |
انور التكينة
بكرى خليفة صديق
قلقو
انعام حيمورة
محمد عمر الفكي
عبدالله كع
تاج السر محمد حامد
عفاف الصادق بابكر
عبدالرحمن الحلاوي
عمر عشاري
عبد العزيز عبدالكريم نهار
cantona_1
فيس بوك
تويتر
انستقرام
يوتيوب
بنتيريست