|
|
 قراءة المؤخره بدلا من الكف والفنجان
|
طبعاً الأيام دي نجم الشباك هو بول الأخطبوط الذي طلع أشطر من ماردونا ودونقا ولوبوف وكل المدربين الوهم وخلى إسبانيا تشيل كأس العالم بأقل مجهود. وبذلك أصبح التنبؤ والتنجيم مهنة ليها شنه ورنه ، أها ناس الوداعية والفكي أب ناتوله وناس أضرب رملك يا رمالي ومن لف لفهم كل أولئك أصبحوا موضه قديمة في حضرة الأخطبوط بول. لكين ظهر لينا واحد ألماني خطير جداً ، دا مشكلته إنه بيقرأ لكين ما الفنجان ولا الكف دا تخصص قراءة مؤخرات ، هكذا يقول الخبر ، فقد ذاع صيت خبير ألماني نفسي في قرية ميلدروف في شمال غرب أمدرمان (عفواً) هامبورغ ، يقول كليرفويانت وداعية أو فكي المؤخرات هذا وهو خبير نفسي على ذمة التحقيق أن المؤخرة تحتوي على خطوط تشبه خطوط الكف لكنها اكثر دقة وتعطي تنبؤ ادق عن مستقبل الانسان وأردف قائلاً (ما بقيت الحكاية قراءة أرداف) أن حظ الإنسان يكمن في شكل مؤخرته وليس بخطوط كف يديه تحديداً.
هذا الخبير النفسي يقوم بتحسس الخطوط في مؤخرة الشخص قبل ان يعطيه تقريراً مفصلا عن الاحداث التي تنتظره ويبدو أن عملية التبن أو اللمس للمؤخرة التي يقوم بها هذا الخبير فيها كل الأسرار. الغريبة أن زبائن كليرفويانت الهباش هم من اشهر رجال وسيدات الاعمال .. بالاضافة الى الفتيات اللائي يحضرن للتاكد من نوايا فارس الاحلام في الارتباط ، يعني ماشه معاهو بطيخ في الحته دي ، لكين ينتفي العجب عندما نعرف أن كليرفويانت هذا أعمي باللمس بس يعني وهذا ما يفسر سبب عدد زواره الهائل.
كلير فويانت يقول على سبيل المثال:
ان المؤخرة التي تتخذ انسياب التفاحة تعبر عن شخص له تأثير وكريزما .. واثق من نفسه وينتظره المزيد من النجاح ..
اما اصحاب المؤخرة المسطحة فهم اشخاص بحاجة الى استشارة الاصدقاء عند كل خطوة خوفا من الفشل , لانهم لا يحسنون الاختيار. بقي أن تعرفوا أن اللمس يجب أن يكون مباشراً ومن دون أى ساتر أو عازل حتى تأتي القراءة بصورة صحيحة وبطريقة برايل تلك.
==
رحم الله الشاعر نزار قباني فقد رحل عنا بعد كتابته للنص الجميل قارئة الفنجان وقبل ظهور قارئي المؤخرات هذا.
|
|
 
|
|
|
|
|
|
|
 Re: قراءة المؤخره بدلا من الكف والفنجان (Re: محمد عبد الماجد الصايم)
|
| Quote: يا جنابو .. نحن لسع ما عرفنا قصة بتاع الورنيش ياخ! |
ياعمك نكتة ابوداؤد دي قديمة ....... لكن مافي مانع نديك منها الجزء الاول تم الباقي براك ........
ابوداؤد قعد مع ست الودع قال ليها شوفي لي الحاصل شنو ؟؟؟؟
المهم بعد الوهمات البعملوها الجماعة ديل قالت ليهو :
ديل منو الاتنين السود المبارنك ديل ؟؟؟؟؟ .............
(طبعا بعد ده ممكن تتخيل عمك بكون قال ليها شنو ؟؟؟؟؟) 
| |
|
|
|
|
|
|
|
|
|
Re: قراءة المؤخره بدلا من الكف والفنجان (Re: أيمن الطيب)
|
أيمن الطيب
جدودنا زمان وصونا ما على الوطن والتراب الغالي وبس برضو قالو لينا تدي ضهرك الحيطه وقالو العندو ضهر ما بنضرب على بطنه والمصريين قالو طول ما ندي ضهرنا للترعة عمر الباعوضة في جتتنا ما ترعي. طيب يا أبناء النيل لو قارئي المؤخرات دا طلع غواصة عديل كده بجيد العوم والغوص نكون كتاب مفتوح قدامو يعني ولا شنو.
| |
|
|
|
|
|
|
|
|
|
Re: قراءة المؤخره بدلا من الكف والفنجان (Re: محمد عبد الماجد الصايم)
|
ود الصايم يا عمك غيرت صورتك مالك شكيت الفكي الإلماني على الله كان هو السبب في حرماننا من إبتسامتك المبالغه ديك قبل قراءة الطالع ، ود الصايم معليش الجاتك في الركبه سامحتك بس ولا يهمك ألمانيا بالعافية طلعت تالت العالم في جنوب أفريقيا وخلي الشيخ الألماني دا يقرأ لي مولر ولا أوزيل ولا بودولسكي.
| |
|
|
|
|
|
|
|
|
|
Re: قراءة المؤخره بدلا من الكف والفنجان (Re: أيمن الطيب)
|
Quote: الناس ديل متأكدين إنو شيخ هناى دا أعمى؟؟؟؟
والله كان طلع مدقس الجماعة وبشوف!!!!!!
الضحك شرطاهم الناس البمشو يقرا ليهم ديل’’’ |
بس تشيلو وتذكرونا في النكات ..........
اسه دي ماقصة بتاع اللبن العميان زااااااااااااااته ................
| |
|
|
|
|
|
|
|
|
|
Re: قراءة المؤخره بدلا من الكف والفنجان (Re: أيمن الطيب)
|
| Quote: اما اصحاب المؤخرة المسطحة فهم اشخاص بحاجة الى استشارة الاصدقاء عند كل خطوة خوفا من الفشل , لانهم لا يحسنون الاختيار. |
التسطيح في اي شي كعب
| Quote: بقي أن تعرفوا أن اللمس يجب أن يكون مباشراً ومن دون أى ساتر أو عازل حتى تأتي القراءة بصورة صحيحة وبطريقة برايل تلك. |
هههههههههههه
الزول دا عندو اجندات اخرى خلّي بالك
أبو يمن يا عمك | Quote: والله كان طلع مدقس الجماعة وبشوف!!!!!! |
شوف شنو تاني هو قاليك داير يتحسس بدون عازل
ما يشوف كان شاف بعد دا
| |
|
|
|
|
|
|
|
|
|
Re: قراءة المؤخره بدلا من الكف والفنجان (Re: حمزاوي)
|
ود البشرى يا معيار,,Quote: شوف شنو تاني هو قاليك داير يتحسس بدون عازل
ما يشوف كان شاف بعد دا |
ما كدا ببقى سورة وسوت بعدين ياخ قالو بشوف القلب يا عمك!!
عمك دا بكون جناحاتو تاكلا جنب الباب
وكدارتو جنبو.. 
| |
|
|
|
|
|
|
|
|
|
Re: قراءة المؤخره بدلا من الكف والفنجان (Re: أيمن الطيب)
|
يا جنابو,,,
تشابهت عليك النكت يا,,| Quote: اسه دي ماقصة بتاع اللبن العميان زااااااااااااااته ................ |
داك عم أحمد الفتّح!!! بتاع اللبن كان شايف وعارف لكن بطالب بحسابو فقط لا غير
بالطريقة دى قريب حا تجليها واقفة...
| |
|
|
|
|
|
|
|
|
|
Re: قراءة المؤخره بدلا من الكف والفنجان (Re: طارق جبريل)
|
إنت يا طبنجة جيت مدني و(ودرو) فيك (إبره) ولا شنو شايل حسنا بالاسافير؟
وبالمناسبة عندنا واحد متخصص (يحوي) العقرب والدابي فقط في المؤخرة ما لاقاك برضو؟
الملا (غمر) ياعمك حظنا نحنا عارفنو خليه بتشطر علي الاسترالي البقيس متانة الارايك داك
| |
|
|
|
|
|
|
|
|
 Re: قراءة المؤخره بدلا من الكف والفنجان (Re: ممدوح أبارو)
|
| Quote: بس أوعي واحد يقول ليك : (أرفع لي الكيس دا يا ولدي) |
زمااان كان غسيل زير .. يوصوك لو فكي الخلوة قال ليك تعال غسل الزير اوووعك تدنقر تغسلو ..
هسسسع بقي رفع أكياس .. صحي الزمن اتغير والناس اتطورت
سلامات يا ابرو يا حبيب وليك وحشة ..
رشّ طبنجة دا بالله لمن ماسورتو تدمع اخلص لينا حقنا .. مدني دي قرينا فيها ستة سنة ..
| |
|
|
|
|
|
|
|
|
|
Re: قراءة المؤخره بدلا من الكف والفنجان (Re: ALZOLZATOO)
|
وردني إيميل من صديق المقيم بديترويت وقال لي تعرف يا ضهب الواحد لو مشي للمنجم الألماني ده وكان حظه نحس كالعادة حا يبقي عليهو إتنين مش جري وطيران طبعاً لا سوء طالع وهبيش كمان عشان كده خلي الحكاية مستورة طالما الحظ نحس.
وفي ذات الصياغ حكي لي مونج نكته تحوم حول المؤخرات ، فقال "واحد عملو ليهو عملية بواسير وكان البروفيسور معه نفر غير قليل من طلبة كلية الطب ، المهم الراجل لمن البنج بدأ يفك منو والهواء سباهو (على رأي الجابري) قال يا ساتر ، فما كان من البروف إلا أن رد عليه قائلاً قول يا ليطف إنت والسترة إتفارقتو زماااان.
| |
|
|
|
|
|
|
|
|
|
Re: قراءة المؤخره بدلا من الكف والفنجان (Re: almulaomar)
|
الملاعمر
سلام كبير
غايتو الزول دة حيخلي قراء الحظ و الطالع يتفننوا في أمكنة قراءة الطالع
ما حيخلوا حتة
***
قال يا ساتر ، فما كان من البروف إلا أن رد عليه قائلاً قول يا ليطف إنت والسترة إتفارقتو زماااان.
الله يلعن إبليسك
| |
|
|
|
|
|
|
|
|
|
Re: قراءة المؤخره بدلا من الكف والفنجان (Re: almulaomar)
|
Quote:
لكين ينتفي العجب عندما نعرف أن كليرفويانت هذا أعمي باللمس بس يعني وهذا ما يفسر سبب عدد زواره الهائل.
|
الملا سلام
حكاية أعمى دي ذكرتني قصة أعمى يقولون أن أسمه ود فطينه
كان يعيش في قرية من قرى الجزيرة المروية ويجوب الحلة شرقها وغربها ويخبر دروبها وأهلها.
والناس بحبوه ويعطفوا عليه ويستأنسوا بحديثه وونساته التي تفرج عنهم هموم الدنيا...
في يوم مشى لي بيت واحد من كبار أهل الحي مكانة وغني حاج عبدالجبار
طرق الباب لم يكن الحاج موجوداً وكانت زوجته خديجة بت حاجة كلتوم الداية تتدخن وقابعة فوق حفرة الدخان.
صاحت من مكانها منو الفي الباب؟
رد بصوت عالي أنا ود فطينه....
فكرت وقدرت فود فطينة أعمى ومافي داعي تخرب دخانه وتقوم تلبس عشان تفتح الباب...
صاحت مرة أخرى لتتأكد أنه هو والأهم ألا يكون معه أحد مفتح؟؟
إنت يا ود فطينة معاك منو؟؟
رد: براي يا بت كلتوم وبدور الحاج ضروري...
قامت من الحفرة وألقت بالشملة على العنقريب القريب منها وقدلت أمفكووووووو تجاه الباب ...
تضارت بضلفة الباب وهي تفتحها برفق: أدخل يا ود فطينة وتعال جاي على الراكوبة... ماك عارفه....
أي تعال لي جاي ،،، أي يمينك ،،، بس العنقريب وراك أقعد....
قدلت في أمفكياته ومشت على الزير وجابت ليه كوز مويه وحملت التربيزة الصغيرة بيدها الأخرى ووضعتها أمامه ووهطتها بأرجلها المتمايعة على الأرض الغير مستوية ووضعت الكوز وقالت له/ أشرب الكوز قدامك فوق التربيزة...
عادت إلى حفرتها وتناولت الزيت وبدأت في مسح تضاريسها الوعرة بالزيت لتعود للجلوس فوق الحفرة غير آبهة بهذا الأعمى...
سألته وهي منهمكة في عملها غير آبهة لعريها أمام الأعمى ود فطينة ،،،
= بتدور الحاج في شنو يا ود فطينة؟؟؟
رد: بدورأعزمة على الكرامة الجمعة القدامنا دي
كرامة شنو يا ود فطينة؟؟؟
كرامة أني فتحت وبقيت أشوف!!!!!!
عاد يا بت كلتوم الليله شوفي ليك قبلة تمشي عليها!!!!!
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: قراءة المؤخره بدلا من الكف والفنجان (Re: محمد أبوالعزائم أبوالريش)
|
Quote:
غايتو يا الشايقي قصة ود فطينة دي، شيلا وأمشي علي (سجيمان) و(الفاتح جبرة)، لأني سمعتها برواية تانية، وإلاّ حأمشي أقاضيك في محكمة الملكية الفكرية، لأني سمعتها قبلك.
|
أبو الريش مالك داير تجيب لي الهوا...
بس سواتك دي ذكرتني قصة واحداً من بلدنا يقولوا ليه ود رزق
يوم سكر وما عنده عشاء قام أتسلل ومن أقرب حوش فيه جداد ظبت ليه واحدة ونتفها وأتعشى بيها...
الصباح الناس أكتشفوا الأمر من آثار الريش والكرعين وباقي المصارين...
البلد كلها شالت ليك حال ود رزق سرق الجدادة ود رزق أكل الجدادة
ونسجت الحكايات حول طريقة السرقة شيء قالوا غمتها بي جلابيته وشي قالوا شرك ليها بالمصران ووووو
أخينا زهج من كلام الناس وأنفجر قائلاً:
أتو يا ناس عمرنا كله نسمع ونشوف الكدسة تشيل في الجداد والصبارا تسرق الجداد والكلاب تاكل الجداد والحديه تختف فيهو...
يوم ما سمعنا زول ينجهه فيهن ،،، بس يومي الأتعشيت لي بي واحدي البلد كوووولها ود رزق ود رزق
ود رزق ده عشيته طايري....
أهه تعال قولي جبره وسجيمان تطير عشتم المنشكلين لي في حنة وأمبوبة غاز ما قالوا لينا حتى ماركتا شنو؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
| |
almulaomar
محمد عبد الماجد الصايم
أيمن الطيب
Al-Shaygi
omer osman
Mohammed Awad
محمد مكى محمد
محمد البشرى الخضر
khaleel
طارق جبريل
الصادق صديق سلمان
على محمد على بشير
ممدوح أبارو
محمد الامين محمد
HAIDER ALZAIN
ALZOLZATOO
ابو جهينة
Walid Safwat
محمد أبوالعزائم أبوالريش
ياسر عبدالكريم محمد
فيس بوك
تويتر
انستقرام
يوتيوب
بنتيريست