|
Re: الارباب صلاح ادريس بالغ في اللحن (Re: khaleel)
|
خليل ... كيفك يا حبيب
خلي بالك معاي شوية ... في صندوق الأُغْنِية (مُش الرابِط) في أسفل الصندوق أقصى اليسار في عداد بِشْتغِل لامِن الأغُنِية تبدأ ... شغِل الأُغْنِية مِن البِداية وراقِب عداد الزمن ، لامِن عداد الزمن يِصل لِلزمن ده 11/01 02:07 بتلقاها لحن أُغْنِية بِضُبانتا ... الأُغْنِية القاصِدا أبت تجي معاي كلو كلو ... لكِن لو الجبنه شِرِبْتا بِكون في كلام تاني ...
أنا شخصِيًا بحِب ألحان صلاح إدْريس ... الزول فنان ... بس ظالما قُروشو
| |
|
|
|
|
|
|
Re: الارباب صلاح ادريس بالغ في اللحن (Re: عزام حسن فرح)
|
شنو يا خلي قبلنا اغنية الجابري لانها سمحه جد جد ومافيها كلام عايزنا كمان نقبل دي!!! عادل مسلم فنان مافيهو اي كلام وصوت ممتاز وهو في نفسو ملحن بارع شديد وعارف شغلو مظبوط .
بس علي احمد ده كيسو فاضي من الحان وكلام عزام ده ما تهملو لانو صاح وده لحن لاغنية معينة وموجودة و حنتذكره ونجيبه ليك وبتلقي انو السيد علي احمد ده اتصرف فيها شوية كده وقائل نفسو حريف .
| |
|
|
|
|
|
|
Re: الارباب صلاح ادريس بالغ في اللحن (Re: khaleel)
|
Quote: لحن لاغنية معينة وموجودة و حنتذكره ونجيبه ليك وبتلقي انو السيد علي احمد ده اتصرف فيها شوية كده وقائل نفسو حريف . |
سفيان صباحو
قد تكون بعض اللزمات في اللحن تشبه اغنية معينة
ولكن هذا لا يمنع ان الارباب لحن هذه الاغنية
بمهنية يحسد عليها
| |
|
|
|
|
|
|
Re: الارباب صلاح ادريس بالغ في اللحن (Re: طارق الكوتش)
|
Quote: لكن لحن الاغنيه دى اظنو مشابه للحن لمصطفى سيد احمد
|
يا كتاشة لا اعتقد انها تشبه علي بابك بتاعة مصطفي سيد احمد
وبعدين ملك الغناء عثمان الشفيع كل الحانو تتشابه
ايامنا زي اللون الخمري
المهم اللجن لا ياتي من الفراغ ياتي
من الارثي اللحني الموجود
| |
|
|
|
|
|
|
Re: الارباب صلاح ادريس بالغ في اللحن (Re: khaleel)
|
اخي خليل
هذا اللحن اعتبره اجمل لحن صاغه صلاح ادريس وبعده يجيء لحن اغنية اعذريني لسيف الجامعه
وانا في انتظار صديقي عزام ليرينا اللحن المشابه خاصة واني عملت تراكنق للمنطقه التي قالها
ولم اتوصل لشيء ورايي كما يلي:
الفنان عادل مسلم رجل فنان بحق وحقيقة ورجل ملتزم وراقي وهو بدا حياته الفنيه مختطا طريق حيدر
بورتسودان اي متاثرا بالفنان محمد الامين
وفي هذا اللحن رغم ان واضعه صلاح ادريس لكن يبدو ان عادل مسلم اصبغ عليه بصمته وبصورة واضحه
مما جعل اللحن وحتي صوته في مناطق معينه يشبه الي حد كبير الحان وصوت محمد الامين
| |
|
|
|
|
|
|
Re: الارباب صلاح ادريس بالغ في اللحن (Re: طارق ميرغني)
|
Quote: هذا اللحن اعتبره اجمل لحن صاغه صلاح ادريس وبعده يجيء لحن اغنية اعذريني لسيف الجامعه
|
شكرا يا طارق ميرغني وجمعتك مباركة
حقيقة الاغنية صعبة جدا وتحتاج لملحن من شاكلة برعي محمد دفع الله
ولكن الارباب تفوق علي نفسه واجاد وابدع
يا لك من رجل رائع اعتقد اعذريني ايضا من الالحان الجميلة والتي بذل
فيها الارباب مجهود خرافي
| |
|
|
|
|
|
|
Re: الارباب صلاح ادريس بالغ في اللحن (Re: Elmosley)
|
Quote: ولكن هذه ليست مشكلة فدورة الغناء السوداني متداخلة
|
شكرا يا استاذي الموصلي
Quote: واعتقد آن اختيار صلاح لسيف الجامعة وعادل مسلم ينم عن ذكاء وحكمه فهذان لن يتورعا في الزود عن اغنياتهما اضافة
|
وهذا ينم علي ذكاء الارباب في اختيار المطربين
Quote: بس ياخليل زودها شويه بقولة تفوق علي الملحنين
|
اسفين يا موصلي تفوق علي نفسه
Quote: يعني دي احسن في الليله ديك ولا القبلة السكرى ولا شال النوار ولا ولا ولا
حاشا وكلا
تشكرات للمعلم الموصلي
|
| |
|
|
|
|
|
|
Re: الارباب صلاح ادريس بالغ في اللحن (Re: صلاح شعيب)
|
Quote: أتمنى أن يتواصل التعاون الفني بين الملحن صلاح إدريس وعادل مسلم ما دام أن هذه الأغنية تمهر علاقة مثمرة يمكن أن تتطور بكثافة من الأغنيات، وإذا تمكن الأثنان بتوقيع عشر أغنيات مثلا فإن ذلك سيمنحنا مجالا أوسع للحكم الموضوعي على لحنية صلاح إدريس من جهة، وقدرات عادل مسلم الصوتية والأدائية، من الجهة الأخرى، وأعتقد أن الإثنين قادران على النجاح، على خلفية هذه الأغنية المرفقة، ويحتاجان لبعضهما البعض.
|
واذا اتت الشهادة من خبير في قامة استاذي صلاح شعيب
لا املك الا ان ابصم واشكر الله باني اذني الموسيقية لا زالت بخير
تحياتي استاذ صلاح
| |
|
|
|
|
|
|
Re: الارباب صلاح ادريس بالغ في اللحن (Re: محمد المرتضى حامد)
|
Quote: صدقني يا خليل لوهلة اعتقدت أنه سيؤدي (الحزن النبيل) لمصطفى سيد أحمد، من هو عادل مسلم؟ أرجو تعريفنا به. |
هلا محمد مرتضي
عادل مسلم فنان بورتسوداني الهوي ظهر مع حيدر بورتسودان
كان يغني في الدورات المدرسية مقلدا للاستاذ محمد الامين
يمكن كتابة اسمه في قوقل وتجد اعماله هناك وننتظر تقييمك له باقي انت اضانك نضيفة
| |
|
|
|
|
|
|
Re: الارباب صلاح ادريس بالغ في اللحن (Re: محمد عثمان)
|
Quote: الفنان الجميل عادل مسلم صديق عزيز و نحن ابناء مدينه واحده اثر الرجوع الى بورتسودان و استقر به المقام هناك حاليا... |
سيدي محمد عثمان
عادل مسلم فعلا يمتلك امكانيات هائلة وكانت المنافسة محتدمة بينه وبين حيدر بورتسودان
ايام الزمن الجميل
وكلهم تغنو لعروس البحر
| |
|
|
|
|
|
|
Re: الارباب صلاح ادريس بالغ في اللحن (Re: khaleel)
|
خلي النفاق حرام ...
والله بس عشان خاطر عشقك الزيداني وكنوز المحبه والغناء البترشنا بيه ما بنسألك
صلاح شعيب زول تب ما بيختلف فيه اثنين وانا اعتبره اكثر كاتب موثوق فيما يتناوله في ما يخص الحراك الغنائي والثقافي
وخاصة ناس زيدان والجابري ومصطفي ..
عزام كان جغم ليه جغمة بن بعد الفطور بجيك راجع بالثابته
عادل مسلمي زول فنان وزمان كانت في محاولات من الشباب لمده ببعض النصوص
عثمان بشري علي سبيل المثال .. ومما غني لالااستاذ أزهري يعني انه ماشي صح واختلف مع الاستاذ صلاح شعيب
في انو يكون ضمن جوقة السر قدور.. مسلمي عارف بيعمل في شنو ,,
الاغنيه من البدايه لم تسمع المقدمه الموسيقيه بتتلخبط تقول يا ربي دا محمد الامين لا وردي ؟ لا
الطيب عبدالله ؟ لا لمن حتان يدخل مسلمي بتسمعها برضو ,, انا شخصيآ الاغنيه دي بحبها
وما كنت عارف الملحنها منو لكن بعد اعلانك دا ... مارست أغتيال شخصية للغنيه ..
انت برضو يا خليل خليك رهيف زي ما عودتنا مادام اللحن عجبك وكلام عثمان عجبين ما عجبك برضو عجبين عنده
الحق في انه اللحن ما يعجبو .... حاجه عجيبه يا اخي
| |
|
|
|
|
|
|
Re: الارباب صلاح ادريس بالغ في اللحن (Re: khaleel)
|
Quote: عثمان
عدم الاتفاق علي الاشياء ظاهرة سودانية
استاذ موصلي وطارق ميرغني وصلاح شعيب اشادو باللحن
وهم من اهل الاختصاص
وانت لم يعجبك اللحن وانا مبسوط من اللحن
عيدك مبارك يا اخوي |
خليل ياخليل
المسالة ابدا ما مسالة اعجاب ولا ذوقي وذوقك تركيب الاغنيةيفضحها لا اكثر ولا اقل اما بخصوص اشادة الاساتذة المذكورين: اعتقد انها مجاملة لا اكثر، اما لعادل مسلم او صلاح ادريس وازيدك من الموسيقى مازورة: ليس هناك مختص في الموسيقى غير الموسيقي الموهوب ، وغير ذلك هم علماء (منجزات) موسيقية.
ومن حقك ان تعجب باللحن
عيدك اكثر بركة
| |
|
|
|
|
|
|
Re: الارباب صلاح ادريس بالغ في اللحن (Re: عثمان عجبين)
|
Quote: المسالة ابدا ما مسالة اعجاب ولا ذوقي وذوقك تركيب الاغنيةيفضحها لا اكثر ولا اقل اما بخصوص اشادة الاساتذة المذكورين: اعتقد انها مجاملة لا اكثر، اما لعادل مسلم او صلاح ادريس وازيدك من الموسيقى مازورة: ليس هناك مختص في الموسيقى غير الموسيقي الموهوب ، وغير ذلك هم علماء (منجزات) موسيقية.
|
شكرا ابو عفان
وكل سنة وانت طيب
| |
|
|
|
|
|
|
Re: الارباب صلاح ادريس بالغ في اللحن (Re: خليفة موسى حمدان)
|
خليلوف : كدي قوقلني أو أرشفني وح تلقاني كتبت عن عادل مسلم ده بوست جمييل وتحديداً كان لحن القمر مادام معاي أعمل إيه انا بي الكواكب ..وكان من الحان صلاح إدريس تقريباً.. انت قلت جملة جميلة جداً صلاح ظلمتو قروشو .. فعلا انا في الأول كنت بفتكر إنو صلاح إدريس كان بيشتري الاحان بي قروشو وإنو برضو الزول العندو قروش مفروض يكون ما مبدع !! :) شهادة حق قالها لي الزول الحلو دكتور الكوباني وهو في أشد خلافاته مع صلاح ادريس ايام مشاكلو مع فرفور قال لي يا عمر الفاروق صلاح إدريس ملحن حقيقي وملحن ما ساهل وعازف عود بارع.. ومن يومها وانا اترصد الحان صلاح ادريس.. طبعا صلاح إدريس عندو مشكلة رتابة في بعض الألحان وفي كلام قالو اخر متداخل اسة كلامو حلو شديد صلاح إدريس مرات ما بيفاجئك باللحن..اي نعم بيبدا اللحن حلو لكن بعد داك بيبقا دائري ومرتل.. معلومة بسيطة عايز اصلحك فيها وهي قصة إنو عادل مسلم ظهر مع حيدر بورتسودان .. هل تعلم حتى حيدر بورتسودان كان ينادي عادل مسلم بي " الأستاذ" ؟ الزول القليلوني ده ما توفو حجير كده بس ده علم كلللل ناس بورتسودان الغنا بمن فيهم حيدر بورتسودان .. من أجمل الألحان اللي قدمها عادل مسلم بكل تأكيد أغنية " وشوش نسيم ريدك" والعايز يستمتع بي عادل مسلم على ضمانتي يسمع الاغنية دي..
تخريمة : إتافقنا القايمين فيهو الايامات دي انا وانت يا خلي مزعجني جدا وخايفو ياتي بنتائج عكسية على الهلال ..:)
| |
|
|
|
|
|
|
Re: الارباب صلاح ادريس بالغ في اللحن (Re: خليفة موسى حمدان)
|
يا ابوخليل
نسيت والله اشيد بكلمات الشاعر الكبير ازهري محمد علي
وهي من اروع كلمات الاغاني التي استمعت اليها مؤخرا
بعدين بالله تمهل في الحته اللي قال فيها
" مرات اشوف وعدك حقيقه
ومرات الاقي هظار هظار "
ما في شاعر قال كلام زي ده من قبل...
موافقني !!!!
| |
|
|
|
|
|
|
Re: الارباب صلاح ادريس بالغ في اللحن (Re: طارق ميرغني)
|
ياخليل كدي رمضان كريم وعيد سعيد اولا تانيا انا برضو ما مختص في دراسه الموسيقي لكن اضاني موهوبه بالتذوق الموسيقي وعلما في زمن دراستنا بالمعهد العالي للموسيقي والمسرح.. كان عندنا ماده اسمها تذوق موسيقي المهم ياصاحبي قصه اللحن ده انا ماشايف فيهو عبقريه لكن اهو لحن والسلام قد تسمعو انت باضان غير سمعي ليهو بي اضان اما الملحن: سبق ولحن لي حسين شندي ياراقي احساسك ولي جمال مصطفي فرفور كلك كلك حـــــــــــــــــــلو الموهبه تحتم عليك وعلي المستمع ان لاجدال في اللحن بحيث الموسيقي تدخل من لالاذن للقلب مباشرة قدر ماسمعت الاغنيه دي هبشت قلبي بي جاي وبي جاي ما اتحرك ساكن قلت في نفسي امكن قلبي مات مع الغربه دي لكن لما مشيت اليوتيوب وسمعت اغنيه قديمه لي عادل مسلم حسيت بالفرق والابداع لعادل مسلم الناس بتتفق علي السمع بدون جدال يذكر اما اللحن النزلتو ده فكتر الف خيرك لحن عادي وبشبه الحان كتيررررررة ود اللمين وزيدان وكمان بدايه اغنيه للفنان محمد وردي برضو كدي ركز شديد لكن العندو قروس؟؟؟يـــــ... وشكرا عادل مسلم بالمناسبه صلاح ادريس ده لما يجي يلحن شكلو بعزم الفنانيين الكباار في البيت عشاء وبسمعهم بدايه اللحن والباقي يتموهو المعزومين والعيد مبارك
| |
|
|
|
|
|
|
Re: الارباب صلاح ادريس بالغ في اللحن (Re: عليش)
|
والله ياخليل
كترت مساراتك الواحد يتابعك من وين موا عارف
صلاح دا لحن رجعنالك سبق فيها الكبار
الزول دا موهوب ,,مشكلتو حاجتين مصنع الشفا ورئاسة الهلال
ديل جابن ليه الكفوة من جمهور الصفوة
طبع كلمة صفوة تعجبهم لما تجى من هلالابى لانه اضافة شرعية الكلمة
انا عندى كلمات لصلاح ادريس دا بس خلينى اتفاهم معاه تحياتى
| |
|
|
|
|
|
|
|