|
|
 ابحث عن شريكة حياة
|
طويلة ..بيضاء اللون...ماتكون نحيفة ولاسمينة ... تقدس الحياة الزوجية .. لم يسبق لها الزواج ..تجيد المكوي والغسيل ...واهم شي ماتعرف تطبخ الويكه.يشترط وجود سياره ورخصة قياده .....اما انا فاعزب... حلبي اللون..طويل ..مصلي ...اخاف الله ...
|
|
 
|
|
|
|
|
|
|
|
Re: ابحث عن شريكة حياة (Re: فايزودالقاضي)
|
سلام فائز
زمااااانك لما كنت صغير كان بعض المزعجيين لما يزعلو مني ينادوني ب"الحلبي" وبعدين لما كبرت وشفت ناس "حلب" و كمان حلب Gipsies جايين من اوربا عرفت انو انو الوصف ما دقيق حيث ان لوني لون المولاتو ’mulato وهو لون العناصر المختلطة mixed races كالامريكان من اصل افريقي او اسباني..الخ ....
يعني اعلانك دة ترجمو الي الانجليزية وحتلقي Footfall كتير ...
| |
|
|
|
|
|
|
|
|
 Re: ابحث عن شريكة حياة (Re: سيف النصر محي الدين محمد أحمد)
|
| Quote: طويلة ..بيضاء اللون...ماتكون نحيفة ولاسمينة ... تقدس الحياة الزوجية .. لم يسبق لها الزواج ..تجيد المكوي والغسيل ...واهم شي ماتعرف تطبخ الويكه.يشترط وجود سياره ورخصة قياده .....اما انا فاعزب... حلبي اللون..طويل ..مصلي ...اخاف الله ... |
فائز ود القاضي مساء الورد ما ناقص الا تخت الفاكس عشان المعنيين بالامر يرسالوا السيرة الذاتية
والصورة إذا أمكن ذلك 
شرط رخصة القيادة ده غلبني أفهموا لانوا حيث أنت لعروس المستقبل غير مفيد بالمرة
يازول ربنا يديك الفي مرادك
تحياتي
| |
|
|
|
|
|
|
|
|
|
Re: ابحث عن شريكة حياة (Re: عبد الناصر الخطيب)
|
طيب ...
كويس ...
الله يستر حالكـ يا حلبي ...
والله ام الود لو سمعت الكلام دا ...
إلا نحجز ليك في قهوة الزمالك ...
اصلو الحكوماتم قوية بيجو هناك ...
أسأل شادوووووووووول ......
...........................حجر.
| |
|
|
|
|
|
|
|
|
|
Re: ابحث عن شريكة حياة (Re: عبد اللطيف السيدح)
|
السيدح الحاقد ..سلام ..
Quote: طيب يا حلبي
الاولاد البتقري فيهم في المدرسة العالمية ديل تبع منو؟
ارجع لكلامك بتاع المدارس الحكومية والسودانية واالخاصة |
الغريبة انت وحجر بقيتو ( تفرق شملهم الا علىّ ) ..
ياالسيد الاولاد ديل انا متبنيهم ...فما تحرمني من اجرهم بنشر ذلك في المواقع والاسافير ...
| |
|
|
|
|
|
|
|
|
|
Re: ابحث عن شريكة حياة (Re: تولوس)
|
يا ود القاضي هى تغسل و انت اكوى
و لازم تحدد مين البقوم ب
قطيع البصل
غسيل العدة
تجهيز شاى الصباح
المذاكرة للاولاد
ادارة الرموت كنترول بتاع التلفزيون
| |
|
|
|
|
|
|
|
|
|
Re: ابحث عن شريكة حياة (Re: mwahib idriss)
|
ود القاضي أخوي
تحياتي
النصيحة والله أحسن ليك العزوبية مالك وكتم الحريات والانفاق المستمر والي نهاية العمر غير مسألة المجاملات الجديدة كان في العاصمة والاقاليم وأشياء أخري ترهق الروح والجسد
| |
|
|
|
|
|
|
|
|
|
Re: ابحث عن شريكة حياة (Re: بكري عباس علي)
|
ياود القاضي
في نقاط عايز اسال عنها اول حاجة عربية ورخصة قيادة دي عروس لا مندوب مبيعات
تاني حاجة تقدس الحياة الزوجية كيف يعني ؟ هل تقصد انها لازم تقوم الليل والناس نيام لوووووووووووولز
ياخي خليك من كلام الجرائد ده افتح بوست واول واحده تدخل مامعرسة عرسها طوالي البياض والطول بيجي بعد العرس هاهاهها يكه
ماتصعب الامور حصل نفسك
تحياتي
زاتوووو
| |
|
|
|
|
|
|
|
|
|
Re: ابحث عن شريكة حياة (Re: اساسي)
|
Quote: اخيرا حتعرف اني قوال جنس قوالة
حارسل اساسية باللابتوب في زيارة خاطفة لابداء وجهات النظر حول الامر
موضوعك استحمي يا صاحب |
بحرش ليك حجر ...ومن العدم هباني ...
| |
|
|
|
|
|
|
|
|
|
Re: ابحث عن شريكة حياة (Re: ALZOLZATOO)
|
| Quote: وعندى بيت فى اسكان الصحفييين |
اعمل حسابك دا مقلب كبير..
ناس اسكان الصحفيين ديل طوالي طالبهم بي رخصة عامة 22 لستك..
بعدين مواصافات غسيل ومكوى ورخصة قيادة في السعودية دي الا تعرس ليك هندي ..:)
| |
|
|
|
|
|
|
|
|
|
Re: ابحث عن شريكة حياة (Re: Mohammed Awad)
|
ودالقاضي يامفتح
أظنه ده إعلان في واحدة من القنوات بتاعة الخليج ديلاك
قلت لي عاوزه بالمواصفات دي كلها؟
شكلك عاوز تتفرغ بس للإضافة مابين قنصلية جدة والمغتربين
مايهمك نحن بنساعدك بما لدينا من سابق معرفة وخبرات
| |
|
|
|
|
|
|
|
|
|
Re: ابحث عن شريكة حياة (Re: أبوعبيدة محمد الأمين)
|
صديقنا الكان معانا وهرب وخلانا ...ابوعبيدة ...سلام ..
Quote: ودالقاضي يامفتح
أظنه ده إعلان في واحدة من القنوات بتاعة الخليج ديلاك
قلت لي عاوزه بالمواصفات دي كلها؟
شكلك عاوز تتفرغ بس للإضافة مابين قنصلية جدة والمغتربين
مايهمك نحن بنساعدك بما لدينا من سابق معرفة وخبرات |
بعلاقاتك شوف لينا واحدة من فوق خالص ... السن ماضروري ...
| |
|
|
|
|
|
|
|
|
|
Re: ابحث عن شريكة حياة (Re: حسين نوباتيا)
|
حسين ..ٍسلامات ..
Quote: اعمل حسابك دا مقلب كبير..
ناس اسكان الصحفيين ديل طوالي طالبهم بي رخصة عامة 22 لستك..
|
المره ام 22 لستك بتكون غالية ..احبذ ملاكي الخرطوم ...
| Quote: بعدين مواصافات غسيل ومكوى ورخصة قيادة في السعودية دي الا تعرس ليك هندي ..:) |
| |
|
|
|
|
|
|
|
|
|
Re: ابحث عن شريكة حياة (Re: ALZOLZATOO)
|
الزول زاتو ...كيفنك ..
Quote: ياود القاضي
في نقاط عايز اسال عنها اول حاجة عربية ورخصة قيادة دي عروس لا مندوب مبيعات |
ياابوبكر نحن في اوربا المره عادي تسوق شاحنة عشان كده عايز اضرب عصفورين بحجر واحد ، لمن تكبر وتعجز اشغلها سواقة في الشاحنة ابو 22لستك ...شغلها بلا خماها وهى في السن داك ...
| Quote: تاني حاجة تقدس الحياة الزوجية كيف يعني ؟ هل تقصد انها لازم تقوم الليل والناس نيام لوووووووووووولز |
ياخي انا مادام اصلي وبخاف الله معناها بقوم الليل نصفه اوقليل منه ..
| Quote: ياخي خليك من كلام الجرائد ده افتح بوست واول واحده تدخل مامعرسة عرسها طوالي البياض والطول بيجي بعد العرس هاهاهها يكه |
قالولك انا هامل ولا هامل ...
| |
|
|
|
|
|
|
|
|
|
Re: ابحث عن شريكة حياة (Re: بكري عباس علي)
|
صديق بكري.. سلام ...
Quote: ود القاضي الحلبي
الله يديك الفي مرادك
لكن والله البسمع كلامك الكتير دا يقول معرس ليك 3 نسوان
دا كلام شنو ؟ |
اميييين ...انا زول صبور يابكرى ..والعزوبية عذبتني ...داير الشراكة ..
| |
|
|
|
|
|
|
|
|
|
Re: ابحث عن شريكة حياة (Re: زهير عثمان حمد)
|
زهير ...سلامات ..
| Quote: النصيحة والله أحسن ليك العزوبية مالك وكتم الحريات والانفاق المستمر والي نهاية العمر غير مسألة المجاملات الجديدة كان في العاصمة والاقاليم وأشياء أخري ترهق الروح والجسد |
كدي نلقى الروح والجسد وبعداك خليهم اليرهقوا ...
| |
|
|
|
|
|
|
|
|
|
Re: ابحث عن شريكة حياة (Re: mwahib idriss)
|
مواهب ..ازيك ..
Quote: يا ود القاضي هى تغسل و انت اكوى
و لازم تحدد مين البقوم بـ
قطيع البصل
غسيل العدة
تجهيز شاى الصباح
المذاكرة للاولاد
ادارة الرموت كنترول بتاع التلفزيون |
الخدمات دي حسب جمالها ..اذا كانت جميلة زي لميس نحن نقوم باى حاجة ...واذا كانت وسط فنشاركها بحسب ذلك ..واما اذا كان شينة فحرام علينا زواجها من الاساس ..
| |
|
|
|
|
|
|
|
|
|
Re: ابحث عن شريكة حياة (Re: رهف)
|
Quote: يا ود القاضى
انا طويلة بس ما بيضاء لكن ممكن اشوف لى كريم
اها الرخصة دى عامة ولا ملاكى
وعندى بيت فى اسكان الصحفييين |
مادام بيت في الصحفيين ماحانختلف ...بس مايكون عندك بوادر صلعة ...
منكم خوف يااتحاديين ..تقلبوا وطني بسهولة ..
| |
|
|
|
|
|
|
|
|
|
Re: ابحث عن شريكة حياة (Re: عبد الناصر الخطيب)
|
صديقي العزيز عبدالناصر ..
Quote: فائز ود القاضي مساء الورد ما ناقص الا تخت الفاكس عشان المعنيين بالامر يرسالوا السيرة الذاتية
والصورة إذا أمكن ذلك |
وصلت كمية كبيرة من الصور عبر وسائط مختلفة ..لكن الالوان مامشجعة ...
| Quote: شرط رخصة القيادة ده غلبني أفهموا لانوا حيث أنت لعروس المستقبل غير مفيد بالمرة |
البتستاهل بنلغي ليها اكثر من شرط ..
| Quote: يازول ربنا يديك الفي مرادك |
آمييييييييين ...ياخي انت زول راقى زي اهلنا الحبش ...
| |
|
|
|
|
|
|
|
|
|
Re: ابحث عن شريكة حياة (Re: أمين محمد سليمان)
|
| Quote: والله يا فايز بلسانك الطويل ده أنا قايلك معرس تلاته ، تطلع قاعد ساي ؟!! |
وانت بصلعتك الكبيرة دي وشهادة الدكتوراة الصرفناها ليك في المنبر ده ومامتزوج ..انا صغير وجاهل المابقعدني ساى شنو ؟!!!
| |
|
|
|
|
|
|
|
|
|
Re: ابحث عن شريكة حياة (Re: abubakr)
|
استاذي المحترم ..ابوبكر ..
| Quote: زمااااانك لما كنت صغير كان بعض المزعجيين لما يزعلو مني ينادوني ب"الحلبي".. |
دي انا بعاني منها لغاية هسي ..كنت بتمنى لوني يكون اسمر شوية ...
| |
|
|
|
|
|
|
|
|
|
Re: ابحث عن شريكة حياة (Re: نور الدين عثمان)
|
بابكر ..ٍسلامات ..
بقول ليك تجربتي مع المدارس في السعودية / جدة ..
في البداية قلت ياخي انا غربتي ماحاتتطول عشان كده اخير ادرس ولدي مدرسة سودانية عشان لمن يرجع السودان بكون متأقلم مع المنهج السوداني ...لكن لقيت الشغلة جهجهة ومدارس مامعترف بيها وتضيع زمن ...قمت نقلت ولدي لمدرسة عالمية (منهج بريطاني ) رسومها كويسة وتدريسها تمام والدين موجود والعربي موجود وده شي ملزم للمدارس العالمية من وزارة التربية والتعليم السعودية يعني مافي حاجة اسمها مافي دين ومافي عربي ..والدين ياهو هو أكان بالعربي ولا بالانجليزي ...يعني ماظنيت العصر بالعربي يقول ليك صليها اربعة ركعات وبالانجليزي اتنين...
الآن ولدي كمل تانية وماشي تالته انجليزي تمام وعربي فل ودين مية مية ..وبزيد عليه في الاجازة بسجلة في اقرب تحفيظ وكده يكون اتعلم كويس ..واما قصة الهوية فما عارف تقصد بيها شنو ؟!! واهميتها شنو ذاته ؟!! وهي شنو ؟!!
بالمناسبة المدارس العالمية على راس كل شهر ليهم اختبار ده غير امتحانات نصف السنة والنهائي ...يعني تحصيل تمام ..
ودي ،،
(عدل بواسطة فايزودالقاضي on 05-07-2010, 02:05
| |
|
|
|
|
|
|
|
|
|
Re: ابحث عن شريكة حياة (Re: نور الدين عثمان)
|
نور الدين الكسلاوي ..
Quote: ود القاضى ( عفشك كمكم وعدك قيس )
|
وانت عفشكك كمكم وعدك حزي من ركبا ...
| Quote: + عليك ب استاز صالح عبده |
صالح عبده زولتو دي كبيرة شكلها وانا زول لبست البامبرز واكلت السيرلاك ..عاد الا تبقى علاقة ابن بامه ...
| |
|
|
|
|
|
|
|
|
|
Re: ابحث عن شريكة حياة (Re: فايزودالقاضي)
|
ود القاضي صباح الخير
والله شايف البتاع دا من أمبارح
اليوم من الصباح فتحت البورد قلت أشوف ود القاضي دا
دخل ياتو مستشفى عشان نزوروا
الحمد لله لقيناك كويس شكلك عامل اتفاقية سلام كويسة في البيت
| |
|
|
|
|
|
|
|
|
|
Re: ابحث عن شريكة حياة (Re: الامين موسى البشاري)
|
| Quote: طويلة ..بيضاء اللون...ماتكون نحيفة ولاسمينة ... تقدس الحياة الزوجية .. لم يسبق لها الزواج ..تجيد المكوي والغسيل ...واهم شي ماتعرف تطبخ الويكه. |
والله مافضل ليك إلا تقول إستثنائية !!
| |
|
|
|
|
|
|
|
|
|
Re: ابحث عن شريكة حياة (Re: السيد المسلمي)
|
Quote: رغم انك عارف اني اعزب لكن مصر تقيف قصاد احلامي المشروعة ..الله يسامحك يارفاعي ..معارضة حتى في الاعراس  |
يا فايز هسه فى عرفكم حلايب سودانية أم مصرية بعدين الجواز بتاع شمال الوادى يمكن إكتسابه بالزواج ,, إنت كيف عامل مع القصة دى؟؟؟
أخدر ولا أخدر
| |
|
|
|
|
|
|
|
|
|
Re: ابحث عن شريكة حياة (Re: عصام دهب)
|
مولانا دهب ...سلامات ..
| Quote: تقسم و اللا نكلم .. |
كدي ناس اساسي والرفاعي عرفناهم قاعدين لمحاربة الوجيهين في جدة... انت زول وجيه ومستشار العليك شنو ؟!!
خليك محضر خير ...ادعم بشدة انتماءك الجديد كحق مشروع ..كيف القسمة دي معاك ؟!!
| |
|
|
|
|
|
|
|
|
|
Re: ابحث عن شريكة حياة (Re: أيمن الطيب)
|
حبيبنا ..ايمن ...سلامات ..
| Quote: يا فايز هسه فى عرفكم حلايب سودانية أم مصرية بعدين الجواز بتاع شمال الوادى يمكن إكتسابه بالزواج ,, إنت كيف عامل مع القصة دى؟؟؟أخدر ولا أخدر |
ومازال المرجفون ومزوري الحقائق يعيثون في المنبر فساداً ويحاولون اغتيال شخصنا الرمز الوطني الوجيه ..تباً لهم ..
| |
|
|
|
|
|
|
|
|
|
Re: ابحث عن شريكة حياة (Re: أيمن الطيب)
|
خالة سعبة بس؟ الخالة دي ما لغى الغروس..
يعني كان سالوه قالو ا ليه الساعة كم يبقى عليهو حال السواد..
زي قريبي الكان واقف في محطة البص وجات مارة جنبو واحدة رهيبة سلمت عليهو باسمه
وسالته البص اتاخر ماله؟ الساعة كم بالله يا فلان..رجف قريبي حتى اوشك ان يقع على الارض
واصلو ما كضب عاين للساعة وقال ليها بكل ثقة .الساعة ستة ونص وعشرة دقائق...
دردقوا لي وش جاي...بركة الما قدر دخل يمسح.
| |
|
|
|
|
|
|
|
|
|
Re: ابحث عن شريكة حياة (Re: HAIDER ALZAIN)
|
يا فوفو,,| Quote: غايتو لو كنت مريت علينا قبل ثلاثة عشر عاما |
تانى خالتك منال دى لو إتكلمت معاها بدون
ما تقول يا خالتو تكون ما جميلة منك أبدا!!| Quote: إنت نمت بشيلتي ام شبط مقاس 44 يا قريبك وقلت تدبل بيها والا شنو؟ |
غايتو دا لو شبط العروس تبقى يا صعايدية يا صحابية أم 44 دى,,,يعنى القصة دى بلا شك 4X4
| |
|
|
|
|
|
|
|
|
|
Re: ابحث عن شريكة حياة (Re: أيمن الطيب)
|
فايز أضحكتنا بهذا البوست الممتع بتداخلاته.
أولا : سوال ليك ولكل الذين يطلعون علي هذا البوست : وليه بيضاء اللون ؟ وكل الخلق دى بتجرى وراء اللون الابيض ...ولو ما متوفره اصحاب الالوان الغامضه ما يتجوزوا خالص,
وكمان بعد السماحه والوجاهه دى طول ولون وكمان تغسل وتكوى وتسوق العربيه...انت ياخوى شكلك طالع ليك من عرسه كدا وعاوز تريح باقي عمرك ...ولا كلامي غلط؟
في مواصفات تانيه ما ذكرتها : اجادة اللغات الاجنبيه كيف معاك ؟
طيب انت حتعمل او تشارك في الشراكه دى بشنو؟ .
| |
|
|
|
|
|
|
|
|
|
Re: ابحث عن شريكة حياة (Re: Mahassin Ibrahim)
|
محاسن بت عمنا ابراهيم نصر ...سلامات ...
جعل الله كل ايامك افراح وابتسامات ..
| Quote: أولا : سوال ليك ولكل الذين يطلعون علي هذا البوست : وليه بيضاء اللون ؟ وكل الخلق دى بتجرى وراء اللون الابيض |
...
عشان انا ابيض ..ماعايز الخبط النسل ...بعدين اللون الابيض بضوي ..
| Quote: ولو ما متوفره اصحاب الالوان الغامضه ما يتجوزوا خالص, |
ديل ربنا خلق ليهم ناس معاوية واساسي وحجر وشقدي ..
| |
|
|
|
|
|
|
|
|
|
Re: ابحث عن شريكة حياة (Re: أيمن الطيب)
|
| Quote: غايتو دا لو شبط العروس تبقى يا صعايدية يا صحابية أم 44 دى,,,يعنى القصة دى بلا شك 4X4 |
تصدق ديل تبع ود الزين ..نحن قلبنا جدة قلب عشان نلقى مقاس زي ده ..قمنا فصلنا ليها تفصيل ..احذية عاملة زي نماذج المراكب الشراعية ..
| |
|
|
|
|
|
|
|
|
|
Re: ابحث عن شريكة حياة (Re: HAIDER ALZAIN)
|
اووووووووووه السيد العريس قريبنا ود الزين ..
Quote: إنت نمت بشيلتي ام شبط مقاس 44 يا قريبك وقلت تدبل بيها والا شنو؟!
عموما برسل ليك مندوب مع لابتوب اساسي نشوف آخر القصة |
حاجة غريبة خلاص ..كل المحاربني في عرسي ده من ناس السعودية ومن صنف الرجال ..
| |
|
|
|
|
|
|
|
|
|
Re: ابحث عن شريكة حياة (Re: محمد علي شقدي)
|
محمد على شقدي ..سلامات ..طبعاً اسم جدك ده بذكرني اسم جدي اسقدي .قريب منه ..
Quote: لا تبحثوا مع ود القاضي
كامل تضامنا مع زوجتك الاولي
ولا للتعتيم المتعمد للحاله الاجتماعيه |
قبل نتزوج عايز تتضامن ضدنا ؟!!! ده تضامن استبقاي ولا شنو ؟!!
لكن الوليد ربنا يحفظه يشبهك ...بس لونه افتح .يبدوا انك كنت منزل بوست زي ده قبل العرس ..
| |
|
|
|
|
|
|
|
|
|
Re: ابحث عن شريكة حياة (Re: حمزة سيف الشريف)
|
حمزة ..ازيك ..
Quote: مواصفاتك صعبة شديد
الله اديك الفي مرادك |
هي صعبة ..لكن الحياة ذاتها صعبة وماممكن اقضيها مع واحدة ماطويلة ولا بيضاء وماعندها رخصة قيادة سيارة ...
| |
|
|
|
|
|
|
|
|
|
Re: ابحث عن شريكة حياة (Re: ايهاب الطيب بله)
|
حبيبنا ايهاب ..سلام ..
Quote: ودالقاضى ازيييييك
عندنا نفس المواصفات بس بى تشخر |
ختها على جنب ، لوما لقينا بنرجع ليها ..بس قبل العرس بستأصل ليها جهاز الشخر مع اللسان ...
| |
|
|
|
|
|
|
|
|
|
Re: ابحث عن شريكة حياة (Re: السيد المسلمي)
|
Quote: | Quote: طويلة ..بيضاء اللون...ماتكون نحيفة ولاسمينة ... تقدس الحياة الزوجية .. لم يسبق لها الزواج ..تجيد المكوي والغسيل ...واهم شي ماتعرف تطبخ الويكه. |
والله مافضل ليك إلا تقول إستثنائية |
الاستثنائي استعجل..ماله لو صبر ؟!!!
| |
|
|
|
|
|
|
|
|
|
Re: ابحث عن شريكة حياة (Re: الامين موسى البشاري)
|
البشاري بلدياتنا ...دبايوا ..
Quote: فايــز ود القاضي
دبايوا يا صاحب
الله اديك الفي نيتك يا زول
بس قبلها انصحك بما يلي:
قراءة الانستركشن الخاصة ببرنامج السكند وايف بروقرام انستوليشن
عشان يكون التصتيب تمام
تحاياي |
مافاهم حاجة لكن احتياطي آمييييين ..
| |
|
|
|
|
|
|
|
|
|
Re: ابحث عن شريكة حياة (Re: جعفر محي الدين)
|
ابو النسب ..استاذنا جعفر ....سلامات ...
| Quote: شكلك عامل اتفاقية سلام كويسة في البيت |
الحمدلله ياجعفر خلاص الوالدة وافقت انهي حياة العزوبية دي واتزوج ...واجيب تلاتة بنات وولدين ..اسمي الود الكبير عمار والبت البعده اسميها بسنت ..والتالتة اسميها وعد والرابع اسميه محمد والاخيرة اسميها وئام ..وكده التلاتة بنات يدخلوني الجنة والولدين انا ادخلهم المدرسة العالمية ...نور الدين ده زول حاقد خلاص وجنو فحيت ...
| |
|
|
|
|
|
|
|
|
|
Re: ابحث عن شريكة حياة (Re: فايزودالقاضي)
|
| Quote: واهم شي ماتعرف تطبخ الويكه |
الأهم من دا كله، أنك ما تفتشه في السودان
ود القاضي ، الويكة ماله يا خوي؟
ربنا إديك بت الحلال البتعرف العواسة وبتظبط ملاح الويكة ، واللي بتحلف على الضيف وتقول: "علي بحلفو" أي علي الطلاق، كان تنزل وتتفضل ، وبعد شوية تجي شايلة قدح العصيدة بملاح الويكة.
| |
|
|
|
|
|
|
|
|
|
Re: ابحث عن شريكة حياة (Re: إسحاق بله الأمين)
|
| Quote: رغم انك عارف اني اعزب لكن مصر تقيف قصاد احلامي المشروعة ..الله يسامح يارفاعي ..معارضة حتى في الاعراس |
والمتمرد الكسر الصالة داك حق الجيران ؟؟
يافايز هووووووي شكلي ح اكون معارضة بالجد !!!
وهاك دي هدية مني ليك .
هاهاها
........................................................حجر.
| |
|
|
|
|
|
|
|
|
|
Re: ابحث عن شريكة حياة (Re: jini)
|
يا فائز
قيل:
من أمِن العقوبة أساء استخدام السايبر..
__
يا أساسي فكرة إرسال أساسية بلابتوبها هي نوع من أنواع بلع البوستات أفقياً..
| |
|
|
|
|
|
|
|
|
|
Re: ابحث عن شريكة حياة (Re: معاوية عبيد الصائم)
|
معاوية ...سلام ...
Quote: ود القاضى ابشرك ؟
بكل المواصفات موجودة ؟؟؟
بس فى مشكلة صغيرونة ؟؟ اضانه تقيلة ؟؟؟ |
إن شاء الله بس الاضان اليمين ؟!! جنى وجن المره الاضانها الشمال تقيلة !!
| |
|
|
|
|
|
|
|
|
|
Re: ابحث عن شريكة حياة (Re: خدر)
|
| Quote: طويلة ..بيضاء اللون |
سلامات
واحد صاحبنا رسل لي امو في السودان المواصفات دي ردت عليهو امو قالت ليهو والله يا ولدي الا نخطب ليك تلاجة
| |
|
|
|
|
|
|
|
|
|
Re: ابحث عن شريكة حياة (Re: yasir Abdelgadir)
|
..
.
اها عايز تدبل
ياخى انحنا واحدة ما لمينا
انت بتقابض فى التانية ..
زى ما قال نوباتيا انت محتاج
هندى ولا بنغلاديشى للغسيل والمكوى
----------
بالله المواصفات الما بتنفع معاك
رسلها لينا فى الماسنجر ..
الواحد يبقى يتيم ام وابو وما عندو زوجه
والله دى ما حصلت ..!!
| |
|
|
|
|
|
|
|
|
|
Re: ابحث عن شريكة حياة (Re: yasir Abdelgadir)
|
ياسر ... سلامات ..
Quote: سلامات
واحد صاحبنا رسل لي امو في السودان المواصفات دي ردت عليهو امو قالت ليهو والله يا ولدي الا نخطب ليك تلاجة |
مع مضايقات اساسي وطيفور والرفاعي شكلي حاابقى على التلاجة .... بس كهربتها كيف 110 ولا 220 ؟!!
| |
|
|
|
|
|
|
|
|
|
Re: ابحث عن شريكة حياة (Re: خدر)
|
الفنان المخضرم طارق ...سلام ..
Quote: الحياة لا تحتاج لشراكة يا صديقي
الحياة تُعاش بحُرية
مُجرب + مُدرب |
اها ياكوتش ..خطة اللعب شنو مادام انك مجرب ومدرب ؟!!
| |
|
|
|
|
|
|
|
|
|
Re: ابحث عن شريكة حياة (Re: jini)
|
جنى ..ٍسلامات ..
Quote: ود القاضى
حاول شئ لازم تحفظ دعاء دخول المنزل!
"اللهم ثبتنا عند السؤال"
مالك ومال القراية أم دق!
جنى |
البدخلني المنزل شنو وانا مامعرس ؟!!!
| |
|
|
|
|
|
|
|
|
|
Re: ابحث عن شريكة حياة (Re: فايزودالقاضي)
|
| Quote: ..تجيد المكوي والغسيل |
ياعمك شوف لي معااااك بس بالشروط التالية
تستمتع بالمشاوي
وتجيد حرفة غسيل الاموال...
وتقدس الحياة الكنجالية...
اوصافي انا...
ابيض ...
شرابي المفضل ابيض ضميرك...
وجبتي المفضلة البيض...
بيضاوي الشكل وامتلك نسبة معقولة من البيض...
| |
|
|
|
|
|
|
|
|
|
Re: ابحث عن شريكة حياة (Re: حافظ كنجال)
|
يا ود القاضي
| Quote: التلاتة بنات يدخلوني الجنة والولدين انا ادخلهم المدرسة العالمية |
قال ليك واحد بيقول لي صاحبو
يا اخي البنات ديل نعمة
يفتحو عليك ابواب الرزق مازي الاولاد
جاتني البت الاولى إشتريت عربية
جاتني البت الثانية إشتريت بيت
جاتني البيت التالتة دخل السوق وماشاء الله
جاني الولد بعت البيت وبعت العربية وطلعت من السوق مديون
اعمل حسابك
قرض على البنات
ياعمك
| |
|
|
|
|
|
|
|
|
|
Re: ابحث عن شريكة حياة (Re: كمال الشادي)
|
مسيار
اجيها بالدس
واطلع منها بالدس
مرتي ما تعرف بالموضوع
بيضاء ناصعة البياض
جميلة وتشبه باكسال مشعلاني
ومكربة زي ليلى علوي
ود القاضي
اديني تلفونك عشان اقول ليك المقاسات الداخلية
-----
بصراحة
دي شروطي
ياود القاضي
فتش لي معاك
| |
|
|
|
|
|
|
|
|
|
Re: ابحث عن شريكة حياة (Re: كمال الشادي)
|
| Quote: لا تبحثوا مع ود القاضي |
رغـــــــم راي ده جاني اتصال في صمة خشمي ( قال فتش لقى رقمي في البروفايل ) والله احرجني جد والامانه تقتضي نقله
بقول ليك طلبك جاهز لو انت جادي بلهجه انسان الشرق الرجل ورقم الاتصال وامكن العروس كما في جده
----------------------------------------------------
في حالة يكون كمين من اهل مرتك ( الله معاك )
--------------------------------------------------
الولد يا والقاضي اسمر وانا اسمر وامو سمراء ( متصالحين مع لونا ) دي الاضاءه بس
| |
|
|
|
|
|
|
|
|
|
Re: ابحث عن شريكة حياة (Re: محمد مختار جعفر)
|
ود القاضى
داير تعرس ليه ؟
مالك ؟
صغير وجاهل
حلات الدنيا عليك
مالك ومال الهم
خليك فراشة زينا كدا
واسال محمد مدنى من احوال الفراشة
وكذا خالد محمد طه
وعادل عبد الرحمن
مالك ياخ
الله بسالك فى زول بشيل اصبعه ويطبظ بيهو عينو ؟
| |
|
|
|
|
|
|
|
|
|
Re: ابحث عن شريكة حياة (Re: سلمى الشيخ سلامة)
|
استاذة سلمى العزيزة والغالية ...سلامات ..
ياخي انت مفروض اول واحدة تدعميني معنوياً ..نفسي اعرس ويكون عندي بت زي بتك العرستي ليها في السودان عشان بعد عشرين سنة تجي انت ومحمد مدني وعادل عبدالرحمن وخالدمحمد طه تحضروا عرس بتي ..وكل ماعرستوا لي بدري عرس بتي يكون بدري وكل مااخرتوه بيتأخر عرس بتي وفرزكم للاشياء يبقى صعب ...
مرورك اسعدني يااستاذة/ تحياتي للعروسين كما ابلغك سلام العزيز محمد مدني ..
| |
|
|
|
|
|
|
| |
فايزودالقاضي
abubakr
معاوية عوض الكريم
mayada kamal
أمين محمد سليمان
الرفاعي عبدالعاطي حجر
عبد اللطيف السيدح
رهف
تولوس
زهير عثمان حمد
بكري عباس علي
ALZOLZATOO
اساسي
حسين نوباتيا
Mohammed Awad
أبوعبيدة محمد الأمين
نور الدين عثمان
أيمن الطيب
جعفر محي الدين
هويدا شرف الدين
الامين موسى البشاري
عصام دهب
حليمة محمد عبد الرحمن
محمد علي شقدي
HAIDER ALZAIN
إسحاق بله الأمين
jini
Yassir Tayfour
خدر
حافظ كنجال
كمال الشادي
محمد مختار جعفر
سلمى الشيخ سلامة
فيس بوك
تويتر
انستقرام
يوتيوب
بنتيريست