|
|
 دعوة لى شله برنامج اغانى واغانى السنوي فى المنبر ،،، لمعرفة الجديد عن البرنامج
|
السلام عليكم وكل سنة وانتو طيبين
ورمضان كريم عليكم
دا بوست تسخينة لى البوست الرسمى لى برنامج اغانى اغانى المعروف
عايزين نعرف فيه الجديد شنو فى البرنامج ،،
هل فى اصوات جديدة ،،،
هل فى رؤية جديدة للبرنامج ،،
هل البرنامج نفسه مافى ،،،
على حسب معرفتى البسيطة ومتابعتى ،عرفته انه حا يكون فى نجوم جديدة
فى البرنامج وهم ،،
الفنان محمود عبدالعزيز
الفنان طه سليمان
الفنانة نانسى عجاج
اي زول عنده معلومة ،،، يجى يدينا ليها هنا ،،
يلا يا ،،،
الخال ابوبكر ،،
الزول زاته ،،،
ممكونة ،،،
وباقى العقد الفريد ،،، فى الانتظار النار النار
|
|
 
|
|
|
|
|
|
|
 Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: abubakr)
|
Quote: الفنان محمود عبدالعزيز
الفنان طه سليمان
الفنانة نانسى عجاج
|
ود العباسية .. كل اغانى واغانى انت طيب ..
غايتو الناس الفوق ديل كلهم ما مشجعين ... مع الاعتذار وكده ..
اغانى واغانى رمضان الماضي كانت مزيج من نجوم الغد وفنانين حلوين ..
ودائما الجديد بطعم الشغله وبديك احساس يمكن بكره الحلقه تكون احلى ..
لكن من هسه .. انا غايتو لو ما طعموها بي جديد .. ما جايه حفلتكم دي هههههههه
تحياتى ..
| |
|
|
|
|
|
|
|
|
 Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: Manar Mahsoub)
|
| Quote: سلام يا ناس بوست التسخينة ....احسن خبر انو نانسى اعتذرت ...شلت هم انى امشى اشترى بطانية اصلو صوتها بيدينى احساس بالبرد و الشتاء ....ياخى الزولة دى متكلفة بشكل ...مع خالص اعتذارى لناس ود المرتضى ...ما بحبها لله فى لله |
أهو نانسي وفرت عليك حق البطانية ..
لكن حا تضطري تشتريها أيام العيد لأنك حاتشوفيها كتير في برامج العيد
بوصفها الفنانة الأولى في السودان (إذا إستثنينا الغنايات (جمع غناية) ..)
وطالما هي كذلك فهذا يعني أنها (نجمة) وفكرة البرنامج لا تناسب مفهوم النجومية
حيث أن النجم لا يخاطر بالإطلالة لثلاثين يوماً متواصلة على المشاهدين ..
..
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: كمال علي الزين)
|
لك التحية الاخ ود العباسية وكل شلة اغاني واغاني ومتابيعيها
| Quote: [غايتو الناس الفوق ديل كلهم ما مشجعين ... |
اتفق مع الاخت عفاف ايضا مع الاعتذار لكل محبي الفنانين الذين تم ذكرهم
لكن المسالة اذواق وفي الفن ما في مجاملة لانه المسالة ما شخصيةولا تقليل لقيمة احد بقدر ما هي تذوق لصوت فنان دون الاخر
اغاني واغاني برنامج ارتبطنا به وجدانياوسمعيا رغم السلبيات الفيهو لكن اكيد انه له نسبة مشاهدة كبيرة
والمتابع له بتمنى انه تقل نسبة السلبيات دي بدرجة كبيرة
وما يبقا زي ما قلت قبل كدا عبارة عن حلومر تكرر استخدامه لدرجة انه فقد طعمه ولونه وبقا موية سكر ساكت
لكم الود وكل اغاني واغاني وانتو بخير
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: طارق ميرغني)
|
يا طارق ... الموسيقي موهبة اولا والدراسة بتعطيها ابعاد ومداخل متعددة وانت يبدو كانت لدييك الموهبة اصلا و Passion فاردت ان تجد لها ساحات اوسع فبحثت ودرست ...
في السنوات الاربع الماضيات تناول هذا البرنامج معظم غناء الوسط اوالذي اتفق علي انه غناء السودان .. ربما لو حاولت حلقات هذا العام ربط ذلك بالغناء الاثني لكانت اضافة مميزة اما اعادة التدويير فسيبقي امتاعا وقتيا ينتهي بنهاية البرنامج ....
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: abubakr)
|
بس ان شاء الله الناس السنةدى تجى حافظة مش مبخرة... استاذنا السر قدور ليه ما بيجهز للبرنامج ده من بدرى شديد؟؟ خاصة و انو بقى برنامج ناجح و ليه جماهير و بتتفتح ليه بوستات قبلما يبدو بروفاته زاتو ...خروج عصام محمد نور خسارة كبيرة حتنزل رصيد البرنامج .....انا غايتو ادروب ولووف عندى اغانى اغانى تعنى اول مجموعة شاركت فى الحلقات الاولى زى ايماننا بسينجال تو و صابون لوكس و سجاير بنسون ،حقو يكونو الاساس و يضيفو ليهم شخصيات جديدة مثلا يفتشو وين عافية حسن و يجيبوها، الحمد لله بتاعة التونة السنة دى مافى
قريبى ابوبكر عشان خاطرك بكره رجفة صوتها( كيف اسلوب المجاملة ده معاك)
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: Manar Mahsoub)
|
يا قريبتي
| Quote: قريبى ابوبكر عشان خاطرك بكره رجفة صوتها( كيف اسلوب المجاملة ده معاك) |
يعني .. اهو الموجود ..
___
عموما السنة دي اليجي ما حافظ حيسبستف علنا وفي جميع المنابر الاسفيرية وحاعمل بوست لكل واحد ما حافظ وجايب بخرة بالصورة والصوت .. وكمان اي واحدة/واحد ما لابس كويس ومظهر/ا العام مش مضبوط كمان سينال بستفة اسفيرية ...ناس الكاروهات والدهب الهبر (دي حقوق الملكية بتاعتا عند بتنا سوميتا )والبوهيات في الوش والتي شيرتات والطواقي القاطعناها من راسم والشبشب مع الشراب والمركوب جلد نمر او اصلة او فهد (حقوق ناس ال WWF) وكفة المناطليين الفاكة و ربطة الكرفتات المزحلقة والزراير اللي كانت والكروش الطالعة والماحالقيين شنيباتم ودقيناتم والبتبرش عويناتا والبجعرو ساااي فياويلم وسواد ليلم ....
النشوف ...
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: abubakr)
|
Quote: عموما السنة دي اليجي ما حافظ حيسبستف علنا وفي جميع المنابر الاسفيرية وحاعمل بوست لكل واحد ما حافظ وجايب بخرة بالصورة والصوت .. وكمان اي واحدة/واحد ما لابس كويس ومظهر/ا العام مش مضبوط كمان سينال بستفة اسفيرية ...ناس الكاروهات والدهب الهبر (دي حقوق الملكية بتاعتا عند بتنا سوميتا )والبوهيات في الوش والتي شيرتات والطواقي القاطعناها من راسم والشبشب مع الشراب والمركوب جلد نمر او اصلة او فهد (حقوق ناس ال WWF) وكفة المناطليين الفاكة و ربطة الكرفتات المزحلقة والزراير اللي كانت والكروش الطالعة والماحالقيين شنيباتم ودقيناتم والبتبرش عويناتا والبجعرو ساااي فياويلم وسواد ليلم ....
النشوف ... |
ياخااااااااااال
اعصابك ياخ ،،
المره دي فيها اشكال جديدة ،،
الاولاد الشباب ديل بحفظو كويس ،،
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: عفاف الصادق بابكر)
|
الفنان عاصم البنا وجوده مهم لكن يظل صوته رغم قوته وجماله بيحصره في نمط اغاني محددة لانه صوته ما مناسب لغناء كل الاغاني
بس لو رحمونا من فرفور ، فرفور يجيد الصراخ اكثر من الغناء
غايتو عذاب شديد
مرات كتيرة بحس انه في لحظة محددة بينسى انه بيغني
نادر خضر برضو امكانيات صوته بتحصره في اغاني معينة تحمل ستايل نادر خضر الذي ينتهي بحرف الواو
محتاجين لوجوه جديدة تضيف للبرنامج ولا اقصد بوجوه جديدة انه مؤديين وفقط ومن جيل نجوم الغد الحاليين او الشباب فقط
بل اصوات قوية تغني بابداع
وطالما فكرة برنامج اغاني واغاني هي تقديم نماذج من الغناء السوداني ببقا ممكن وجود فنانين من غير الجيل الحالي
مثال الفنان احمد جاويش ، الفنان ابوبكر ( معليش ما عارفة اسمه بالكامل )
والكثيرين الممكن يطربونا ويقدموا غناء جميل
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: طارق ميرغني)
|
سلام ياجماعة أغاني وأغاني ...
بالصدفة شفت جزء من بروفات البرنامج ...
أسوأ حاجة .. إضافة طه سليمان والتاني أحمد الصادق ...
يعني رمضان ده موعودين بـ ألم المرارة والفشفاش ...
نادر خضر ... موجود وبكل أسف .. يعنى لسه ح نكون مع غرويد العيون .. كوجين الفنا...
تسفاى .. حقيقي فقد ... تسفاي غناي غناي ...ومكانه ح يكون شاغر ...
العملاق (فردتنا) ود البنا ... سندالة البرنامج ...
فرفور .. برغم هرجلته وعدم جديته ... لكن طعم غناهو مختلف ...
غايتو موضوع نانسي ده ماشفته ... لكن نحمدالله كثيراً إذا إنسحبت كما قالوا ..= ياخي بتغني كل الأغنيات بشكل واااااحد=
وتاني كمان شفته لي بنية .. بس ماعرفتها والله ..
ولـــقدام ..
.
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: ودالعباسية)
|
اخوتي الاعزاء ابوبكر وعفاف
أأمن علي حديثكما
لماذا ينحصر البرنامج في اغاني الوسط
ليه ما يروح لجهات السودان المختلفه ولو تخصص حلقة واحده لكل اقليم بدءا من الاقليم الجنوبي
دعما للسلام والوحده او استعراض تاريخ يوسف فتاكي الغنائي مثلا
والشرق ناس ادم شاش وفنجان جبنا بي شمالو
او الرجوع للتاريخ القديم لغناء فنانين امثال عثمان المو وصالح سعد ومحمد عبد الرازق
واحمد فرح اي الفنانين الذين نسوهم الناس
او اعطاء فرص للفرق الغنائية المختلفة مثل البالمبو
ما اظن ان طه سليمان واحمد الصادق سيضيفون جديد للبرنامج
الاخت مايا تقصد الفنان ابوبكر سيد احمد
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: طارق ميرغني)
|
قريبنا استاذنا ابوبكر
والاخ طارق
لكم تحياتي وتقديري
شكري الكتير لتوضيح اسم الفنان الاستاذ ابوبكر سيداحمد
وليعذرني الاستاذ ابوبكر لانه فعلا نسيت الاسم بالكامل
واضيف لملاحظات الاستاذ ابوبكر في الاهتمام بحفظ الاغنية وتجنب البخرات البوظت كتير من الاغاني
انه يكون في اهتمام بتوزيع فرص الاغاني على المشاركين
يعني في مجموعة منهم مرات بتكون قربت تنوم في الحلقة بكترة الصمت
واعطاء كل حلقة حقها لانه مستوى الحلقات متفاوت ما بين صعود وهبوط
كل ما اتذكر حلقة الفنان عبدالعزيز المبارك بتحير ، كانت حلقة تخلو من الاستعداد النفسي والفني تماما
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: طارق ميرغني)
|
عزيزي طارق
| Quote: لماذا ينحصر البرنامج في اغاني الوسط |
هذه مشكلة ؟؟؟الاصرار علي ان الوسط يمثل كل السودان لايجب ان يكون مدخلا لالغاء ارث وثقافة شعوب السودان المختلفة...التحيز الاعلامي والسلطوي كان واضحا منذ بداية الاذاعة حيث منع الغناء مثلا الا باللغة العربية ثم حصر كل ابداع الاثنيات في برنامج وحيد (منربوع السودان)...هذا كله ساهم مع التجاهل الاقتصادي لما هو بعيد عن الوسط الي خلق طبقة الوسط.. الوسط ليس عنصرا ولا عرقا ولا اثنية انما طبقة من مزيج كل السودان وعلي اساسه صار الحكم والغناء ...
يمكن للغناء ان يخرجنا من هذه الطبقية بحيث يتم ارجاع غناء الوسط الي عناصره الاثنية و الثقافية بواسطة متخصصيين يحضرون برنامج اغاني واغاني ويشيرون علي جزئيات او مكونات كل لحن فهذا من المنطقة الشمالية وتلك من الغرب ..الخ بحيث يعرف الجميع ان بعضا من ارثهم هو الذي يكون هذا الغناء
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: طارق ميرغني)
|
Quote: ليه ما يروح لجهات السودان المختلفه ولو تخصص حلقة واحده لكل اقليم بدءا من الاقليم الجنوبي
دعما للسلام والوحده او استعراض تاريخ يوسف فتاكي الغنائي مثلا
والشرق ناس ادم شاش وفنجان جبنا بي شمالو
او الرجوع للتاريخ القديم لغناء فنانين امثال عثمان المو وصالح سعد ومحمد عبد الرازق
واحمد فرح اي الفنانين الذين نسوهم الناس |
يا طارق فنانين البرنامج الاغانى المسموعة ما قادرين يغنوها الا من البخرات
عاوز تضيف ليهم اغانى بلهجات محلية والله الا يوقفو التصوير لحدى ما يستهجو الحرف .
غايتو البرنامج بنستفيد منو المعلومة
وبستفيد منو الفنان المشارك بزيادة رصيدة من التسجيلات للتلفزيون
اما من ناحية استمتاعنا باغانى بيحصل فى الشهر مرة او مرتين .
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: عبد الدائم سيد أحمد)
|
يا عزيزي طارق
Quote: اتمني ان يكون معد البرنامج او مقدمه او اي انسان واصل
ان يطلعون علي ما نكتب |
هم بيطلعون علي ما نكتب ويطلعونه من نافخوهم عند التحضير للبرنامج .....لو رجعت الي حلقات الاعوام الماضية وما كتب لعرفت انو ما في فائدة من الكتابة الي معد او مقدم البرنامج او فردتنا الواصل هنا وهناك ....يااخ السر قدور كام مرة عمل لفردتنا زي الفريق الالماني مع الارجنتين .....
_____
الواحد بقي يكتشف مواهبو الفنية والكوروية كمان اليومين دييل ...ما فضل الا نغني ونلعب سترايكارز كمان ( زماااانك كانو بيقولو علي الاسترايكار فوورورد ...بقينا خبير كروي استراتيجي ومحلل غنائي
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: عبد الدائم سيد أحمد)
|
Quote: يا طارق فنانين البرنامج الاغانى المسموعة ما قادرين يغنوها الا من البخرات
عاوز تضيف ليهم اغانى بلهجات محلية والله الا يوقفو التصوير لحدى ما يستهجو الحرف .
|
عبدالدائم ... كيفنك ..
معليش الكلام موجه للاخ طارق .. اسمح لي بالرد ..
عايزين الفنان يكون من نفس المنطقة ويغنى بلهجته ..
مش الفنان يكون من منطقه ويغنى من البخره ..
يعنى مثلا ... الشرق فيهو فنانين فنهم جميل شديد لمن تقرب تدخل كورسات عشان تفهم غناهم ..
وفى نفس الوقت غناء حنين يغصبك عشان تسمعوا .. وكذلك باقى المناطق المختلفه ..
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: Elmuiz Haggaz)
|
عساكم جميعكم بألف خير ورمضان كريم ويعود عليكم بالخير والصحه ،
يا باش ، أنا السنه الفاتت قلت متابعة البرنامج دا مرات بتعمل حرقان مع الحلومر،
على أية حال بوست القيدومه العملو ودالعباسيه ده ربما يدفعك لابتدار البوست هذا الرمضان،
ليست لدي تفاصيل ولا عموميات عن برنامج هذا العام بسبب التنقل الكتير ومسيخ كما أن عزيزنا
الفرده قام على سغالتو وبطنو الغريقه والتعتيم الإعلامي.
تحاياي لكم جميعا ومحبة.
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: Elmuiz Haggaz)
|
Quote:
يا طارق ... الموسيقي موهبة اولا والدراسة بتعطيها ابعاد ومداخل متعددة وانت يبدو كانت لدييك الموهبة اصلا و Passion فاردت ان تجد لها ساحات اوسع فبحثت ودرست ...
في السنوات الاربع الماضيات تناول هذا البرنامج معظم غناء الوسط اوالذي اتفق علي انه غناء السودان .. ربما لو حاولت حلقات هذا العام ربط ذلك بالغناء الاثني لكانت اضافة مميزة اما اعادة التدويير فسيبقي امتاعا وقتيا ينتهي بنهاية البرنامج ....
|
معاك يا باشمهندس أبوبكر فيما ذهبت إليه
وكل التقدير للأخ طارق المبدع وإحترامي لآرائه وتقديري لإبداعه وعلمه.
بين قوسين (وأسفي لبورداب الرياض لم يتيحوا له الفرصة ليستفيدوا من علمه)
وياريت لو السر قدور يكون متابع البوست ده أو يتم إيصاله له ليبني عليه وقد علمت أن البرنامج من إنتاجه وتقديمه
ليته متابع لهذه الأراء القيمة ولو ما متابع ليت لو كان هناك من ينقل له ما يدور هنا عله يستفيد منه والرجل لديه القدرة على المواكبة ولا أعتقد أنه سيتحيز للوسط الذي نشأ وترعرع وكهل فيه.
والتحية لصاحب البوست
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: Al-Shaygi)
|
سلام يا شلة
الحمدلله نانسي اعتذرت, و رحم الله امرء عرف قدر نفسه
طه سليمان و احمد الصادق حيجينا منهم عسر هضم
فرفور اتمنى يبطل كواريك و و ما يلبس بجامات
عاصم يبطل الزهج و و الاحباط الكان فيه السنه الفاتت و صوته اجمل الاصوات المشاركه
تونا ربنا رحمنا منها و من صوتها المسهوك
الاهتمام بالمظهر و النضافه و الحلاقه و الاظافر الشفناها السنه الفاتت اتمنى تتقلم السنه دي و كفة البناطلين تكون مثبته كويس و فرفور يلم رجلينه عليه
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: Dania Elmaki)
|
| Quote: يمكن للغناء ان يخرجنا من هذه الطبقية بحيث يتم ارجاع غناء الوسط الي عناصره الاثنية و الثقافية بواسطة متخصصيين يحضرون برنامج اغاني واغاني ويشيرون علي جزئيات او مكونات كل لحن فهذا من المنطقة الشمالية وتلك من الغرب ..الخ بحيث يعرف الجميع ان بعضا من ارثهم هو الذي يكون هذا الغناء |
استاذنا ابوبكر
الاتجاه السائد في الاعم عندنا هو التركيز فعلا على غناء الوسط او بشكل اكبر على اغاني الحقيبة ، في وقت في ارث فني عالي القيمة في مناطق السودان الاخرى الشيء الانعكس عليه بشكل سلبي
مثلا على سبيل المثال وليس الحصر
تراث اغانينا النوبية برغم عمقه، بيتم عرضه في الاعلام السوداني على استحياء باعتباره مكمل غنائي سوداني مرة مرة بيتم تناوله من باب التذكير فقط
تخيل لو تم عرض حلقة نوبية في اغاني واغاني ، هل حيكون في اهتمام بمتابعة النماذج المقدمةمن شريحة واسعة؟
اخشى انه حنلقا بس المشاهدين هم اهل المنطقة النوبية ومن الممكن جدا الشريحة الاكبر المتابعة لاغاني واغاني في اليوم داك ما حتحضر الحلقة باعتبار انه ده نوع من الغناء شديد الخصوصية ويتعلق بمنطقة محددة
غير انه حتبقا مشكلة في برنامج زي اغاني واغاني محدود الزمن وبعتمد على تقديم نماذج قصيرة اذا تم تطبيق وجود متخصصين يحضروا البرنامج
لانه كعادة الشعب السوداني في البرامج الاعلامية هي محاولة سيطرة كل متحدث على الجلسة والتنظير الكتير بشكل ممكن يفقد الحلقة مضمونها
تماما زي برنامج نجوم الغد بدأ دسما وتواصل اقل دسامة
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: maia)
|
اؤيد كلام الاعزاء عبد الدائم وعفاف
من المفترض ان يؤدي العمل فنان ن المنطقه
يعني من الشرق ممكن يجبيوا يحيي ادروب
وكثير من الفنانين من مختلف المناطق صاروا متواجدين في العاصمه
وما عايزه تفتيش من الاسم بس يمكنك نقرهم
مثلا هاشم بابنوسه وحيدر بورتسودان ومحمد الشبارقه
هذا كمثال وليست للحصر
__________________
يا اخوي يا الشايقي ما علما قدر ده
زمان فكت وبقينا زي المانيا مع اسبانيا
شفت كيف يا ابوبكر.... ما براك
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: طارق ميرغني)
|
يا طارق ياخوي
| Quote: شفت كيف يا ابوبكر.... ما براك |
بعد شغل الميتادور والتوريرو الليلة الفائتة اها انا من صباح الله غيرت قميصي الي احمر بعدما المكائن الالمانية بقت متربسة في الواطة والكورة ملصقة بسوبر قلو في رجليين التوريرو ؟؟؟؟
غايتو انا بقت "مسقف" تمام في الاغاني والكورة وبعد الغربة الدهرية دي عايز ارجع اشتغل خبير استراتيجي في اغاني واغاني وكاس العالم ..
اشمعني يعني كلهم ياخبير استراتيجي يا محلل استراتيجي يا بروف ...؟؟ انا كمان بروف استراتيجي
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: ودالعباسية)
|
سلام ود العباسية والصحاب..
وكل عام وانتم بخير مقدما..
أعتقد أغاني وأغاني يحتاج ان يغيب موسم على الأقل وذلك لإعادة النظر في شكل ومحتوى البرنامج..
البرنامج استنفد كروته كاملة -أكثر من مرّة- واصبح مملا جدا..
لذا أعلن إعتزالي التام عن المتابعة، وساكتفي بدقائق منتقاة مما ستضعونه -مشكورين- في البوست
وذلك لسماع ما تجمع عليه الغالبية من الغنا الكويس .. وتجنّب الكواريك والمطبات الصوتية..
الله معاكم يا حلوين..
_____
معاك يا منار في تقييمك لنانسي عجاج..
وأضيف.. نانسي + فرفور=ميتة وخراب ديار..
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: نجوان)
|
حتي لا اكون كذلك مساهما في "اعادة التدويير " فانني ساكتفي هذا العام ان مد الله في الاجال بما بينته اعلاه وهو افراد صفحات اسفيرية لمن لا يهتم بالمظهر العام هنداما ولباسا وجلوسا وتصرفا ولغة جسد ..اما المتابعة اليومية التسجييل وخلافه فامره يترك لطارق والمجموعة التي شاركت العام الماضي لاول مرة وود العباسية لو كان صاحي وبطل النوم بعد الافطار والسهر في القهاوي :
| Quote: عموما السنة دي اليجي ما حافظ حيسبستف علنا وفي جميع المنابر الاسفيرية وحاعمل بوست لكل واحد ما حافظ وجايب بخرة بالصورة والصوت .. وكمان اي واحدة/واحد ما لابس كويس ومظهر/ا العام مش مضبوط كمان سينال بستفة اسفيرية ...ناس الكاروهات والدهب الهبر (دي حقوق الملكية بتاعتا عند بتنا سوميتا )والبوهيات في الوش والتي شيرتات والطواقي القاطعناها من راسم والشبشب مع الشراب والمركوب جلد نمر او اصلة او فهد (حقوق ناس ال WWF) وكفة المناطليين الفاكة و ربطة الكرفتات المزحلقة والزراير اللي كانت والكروش الطالعة والماحالقيين شنيباتم ودقيناتم والبتبرش عويناتا والبجعرو ساااي فياويلم وسواد ليلم .... |
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: abubakr)
|
الاعزاء عفاف وابوبكر
ورد بجريدة الخرطوم صباح اليوم ان الاتية اسماؤهم سيشاركون في برنامج اغاني واغاني محمود عبد العزيز,طه سليمان,احمد الصادق,صباح عبد الله,"حاليا متبنيها السني الضوي", اميمه يحيي "عضو عقدد الجلاد السابقه",شموس " نجمة نجوم الغد", بجانب ريماز ميرغني,منار صديق,شريف الفحيل,بالاضافة الي الفنانين الذين درجوا علي المشاركة سنويا في البرنامج وافادت المصادر ان الواعده افراح عصام لن تشارك هذه المره.
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: baha eassa)
|
كل سنة و انتو طيبين و طيبات
مزعلاني حكاية كترة الفنانين و الفنانات دي
الناس ديل أكتر مما يجب , و حا يقعدوهم/ن وين و كيف
الحلقات السنة دي عن الملحنين
بالأمس حادثت الموسيقي المخضرم سعد الطيب و كان بجواره العملاق محمدية
و كانا في طريقهما لدخول غرفة البروفة, تقدمت لسعد باقتراحين و وعد
بنقلهما إلي الغرفة و منتظر أشوف النتيجة و بكلمكم بعدين.. دا طبعا لو
جاءت (سبع)!
لو خيروني سوف أختار:عاصم,عصام,نادر+ حيدر بورتسودان..كذلك:آمال النور
أسرار, منار, ريماز + عافية لو كانت available
مع أني زعلان لاعتذار نانسي فهي لا تزال في بداية طريق سوف تعتلي قمته نهاية!
أهم شئ هندسة الصوت و الآلات الموسيقية المتوازنة يا مهندسي الصوت..كذلك
مايكات المغنيين و المغنيات.. أعتقد أنه أفراح عصام تضررت من الحكاية دي
العام الماضي لأنه كان يجب رفع درجة صوت المايك الخاص بيها قليلا!
الساكسفون آلة مهمة جدا في غنانا و تمنيت لو استفادوا من خدمات المبدع
ياسر بتاع (نجوم الغد) تتذكروه أكتر في أغنية (يا حنين زي عش العصفور)!
فرفور لو مشارك يبقى نطلب من مهندسي الصوت أن يلفوا لينا المايك بتاعو بي بشكير
بعدين ما يقعدوا يلبسوا لينا جلالايب الزمن دا الشينة ديك و الطواقي العجيبة ديك!
الباقي لي قدام مع المتابعة كان حيينا
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: المعز ادريس)
|
السلام عليكم اهلنا الطيبين ،، وجمعتكم مباركة ان شالله
نجوان ازيك ،،
صراحة لا نقبل بهذا الكلام نهائ ،، معاي يا شباب ولا ما معاي
Quote: لذا أعلن إعتزالي التام عن المتابعة، وساكتفي بدقائق منتقاة مما ستضعونه -مشكورين- في البوست
وذلك لسماع ما تجمع عليه الغالبية من الغنا الكويس .. وتجنّب الكواريك والمطبات الصوتية..
|
لينا 4 سنيين هنا بننضم ونس###### وكل سنة بجونا بى حاجات غير ،، بالله عليك خليك متواصلة
وبلاش عدم التفاؤل دا plz
يا خااااااااااال ،،
نحن برضو ما بنرضى انك تكون بعيد مننا ،، لازم تفرد صفحاتك دي هنا ونخليها صفحة واحدة
وبنرضى تمشى تخلينا نهائ ،،،
| Quote: فانني ساكتفي هذا العام ان مد الله في الاجال بما بينته اعلاه وهو افراد صفحات اسفيرية لمن لا يهتم بالمظهر العام هنداما ولباسا وجلوسا وتصرفا ولغة جسد |
والكلام دا برضو لى ،،
محمد المرتضى ،، سفرك وتنقلك ما بخليك ما تكون معانا ،،
شنو يا خوانا نبطل ولا شنو ،،
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: ودالعباسية)
|
ياودالعباسية
| Quote: وبنرضى تمشى تخلينا نهائ ،،، |
دة من متطلبات "التغيير" تيمنا بابن عمنا (م)باراك حسين اوباما .. يعني بعد الفترة الزمنية القياسية لاي نشاط "ديمقراطي" اي " 4 سنوات " فيجب "التغيير" و"التبادل" السلمي للسلطة التعليقية ومن هذا المنطلق(شايف كيف؟؟) فالقيادة الجديدة برئاسة طارق ومستشار النوم القومي "ودالعباسية" هي التي ستقود مسيرة بستفة البرنامج هذا العام ...
كما ان اسماء جديدة لم اسمع لها ستكون في البرنامج هذا العام ولذا ساهتم بالامور الهندامية والمظهر العام وياريت "فرفور" بيقرء الكلام دة وما يشرب ينسون قبل تسجيل البرامج وياريت لو المعد والمخرج شافو غرفة صغيرونة كدة كلها قزاز في قزاز وخلو فرافور يغني من داخلها حتي يكون صوته في مستوي صوت الباقيين وما يتجاوز 140 ديسبل والبعدها تنقد الاذن الوسطي للبني ادميين .. ياريت
| |
|
|
|
|
|
|
|
|
|
Re: دعوة لى شله برنامج اغانى واغانى السنوي فى المنبر ،،، لمعرفة الجديد عن البرنا (Re: abubakr)
|
اخي ابوبكر
كتر الف خيرك علي الثقة و لكن
انتو الساس والراس
والعين لا تعلي علي الحاجب
انت وود العباسية وعفاف ونجوان وممكونه والحردانين والممانعين
اسياد الحوش ونحن معكم نشد من ازركم
في اطار ما ظللنا نناقشة في هذا البوست
كتب بحريدة الخرطوم الاستاذ الزبير سعيد في عموده"إقرأ واسكت"
- وبالطبع نحن نقرا ولكن لن نسكت-
اغاني واغاني
سيجد برنامج اغاني واغاني بقناة النيل الازرق في رمضان القادم انتقادات واسعة لان البعض بدا منذ الان في مناوشات.
اغاني واغاني برنامج ناجح جدا ولكن في السودان فان النجاح في أي مجال ضريبته باهظة لان اعداء النجاح يزدادون كل يوم بينما لا احد يهتم بانتقاد اصحاب التجارب الفاشلة والمؤلم ان الاشياء الناجحة هي التي تتعثر بينما تستمر الاشياء الفاشلة وهذا احد اسباب تواضعنا وتراجعنا واخفاقنا علي جميع المستويات.
ان كان برنامج اغاني واغاني يرغب في ان يواصل نجاحاته فلابد من توسيع دائرة التشاور حول هذا البرنامج قبل تحديد ملامحه ونجومه في كل عام .. ونقول ذلك لان البرنامج دخل عامه الرابع وبنجاح كبير ولكن حتي اللحظة لم توجه اسرة البرنامج الدعوة للنقاد واهل الشان ليقولوا كلمتهم في ذلك البرنامج ويحددوا اسباب نجاحه ومتطلبات ان يستمر ذلك النجاح ويتضاعف ، نقول ذلك لاننا نعلم بان ليس كل ما يعرف يمكن ان يكتب في الصحف ولكن يمكن ان تقال اشياء كثيرة في لقاء تفاكري يغلب عليه طابع الاسرة وتتسع فيه الصدور والعقول كما ان اللقاء التفاكري يتيح الفرصة للنقاد بان يستمعوا الي توضيحات مباشرة من اسرة البرنامج كما ان ما يطرحونه من اراء تجد الاهتمام عكس ما يكتب عن البرنامج وان وجدت طريقا لذلك فان الرد علي اسئلة كاتب المقال ربما لا يصل بالشكل الذي يخدم البرنامج واهدافه ولا بد من التاكيد علي ان فكرة اضافة اصوات جديدة للبرنامج تعتبر خطوة ايجابية لان طه سليمان و احمد الصادق الان هما ابرز نجوم الساحة الغنائية وبلا شك لكل منهما جمهوره خاصة وسط الشباب من الجنسين وهذه خطوة جيدة من ادارة البرنامج.
وان كان البعض يعتقد ان طه والصادق قد يخفقان في الحديث فلا بد ان نؤكد بان فرفور وعصام محمد نور ونادر خضر لم يفلحوا جميها في ان يجيدوا الحديث طوال مشاركتهم في هذا البرنامج واكتفوا بدور المستمع لحديث مقدم البرنامج كما اكتفوا بتقديم انفسهم بما عرفهم الناس به وهو الغناء.
اتمني ان يخصص برنامج اغاني واغاني حلقته الاولي في رمضان او الاخيرة "كلو واحد" واستضافة نقاد واساتذة موسيقي وشعراء حتي يرسموا لهذا البرنامج خارطة لمواصلة المزيد من النجاحات كما ان تلك الخطوة تغلق الابواب امام الذين ينتقدون هذا البرنامج الناجح من منطلقات انطباعية لا تخلوا من دوافع شخصية بينما المنطق يقول ان نقد التجارب الابداعية الناجحة يجب ان ينطلق من حرص علي استمرارية تلك التجارب والعمل علي تطويرها ودعمها بالاراء الواعية والعلمية والبعيدة عن المزاجية و" الاغراض والامراض".
| |
|
|
|
|
|
|
| |
ودالعباسية
abubakr
كمال علي الزين
عفاف الصادق بابكر
Emad Ahmed
عبد الدائم سيد أحمد
mamkouna
Elmuiz Haggaz
محمد المرتضى حامد
Al-Shaygi
Dania Elmaki
نجوان
baha eassa
المعز ادريس
سارة علي
فيس بوك
تويتر
انستقرام
يوتيوب
بنتيريست