|
|
|
 Re: عاوزه لي قطعة ارض وقروشي حبه (Re: هويدا شرف الدين)
|
التحية أستاذتنا هويدا
يا ريت لو نقدر نقدم المساعدة
لكن ..
أضعف الإيمان .. دعوة طيبة بس
ربنا يوفقكم ويسهل ليكم الأمر إن شاء الله
ولو تصبري لما بعد الاستفتاء أتوقع أفضل
لأنو اتجاه السوق ما واضح في الفترة دي
دا حسب معرفتي البسيطة
والتحية تاني
| |
 
|
|
|
|
|
|
|
|
Re: عاوزه لي قطعة ارض وقروشي حبه (Re: عاطف عمر)
|
Quote: سلامات اختي العزيزه
انا عندي بيت في الكدرو 700 متر ومؤجر حاليا (بيتين) بقريب 900 جنيه في الشهر..
يعني بنفع مع مغترب ماداير يجيه اسا ويستسمر فيه..
ينفع.؟ |
يا عمك
شوت السعر والمواصفات في الماسنجر
ربما .. يكون هناك نصيب
تحيات
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: هويدا شرف الدين)
|
| Quote: أفو يا اخوي ما كانت المحريه فيك ابيع دهبي وانت قاعد |
(والذين يكنزون الذهب والفضة ولا ينفقونها في سبيل الله فبشرهم بعذاب أليم، يوم يحمى عليها في نار جهنم فتكوى بها جباههم وجنوبهم وظهورهم هذا ماكنزتم لأنفسكم فذوقوا ما كنتم تكنزون )
مسنوحة مكدسة الدهب عندك وعايز تأكلي راسنا عديل
والله يوم القيامة تشوفي الويل .
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: هويدا شرف الدين)
|
| Quote: المسنوحة والدهب الشفناهو زمان هنا وتالي ايدك نامن ماشة متكجة بالجنبة وديتيهو وين ؟ |
يا قريبي
زمان اشتريت لي قطعة أرض
عندي بت خالة كدي قالت لي ياخ انتو بتلمو القروش كيف
نحن لينا سنين دايرين نشتري وما قدرنا
قلت ليها بسيطة.. بعنا الدهب
أكان قالت لي (بري ياخوي الواطاة دي خليناها تب)
شنو ليك !!
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: نادر النور آدم)
|
| Quote: يا نعيم غايتو لو قطعتك دي اتابعت تديني حق السمسره ازيد بيهو قريشاتي شويه |
شوفي يا عمتكـ
لو تم الاتفاق مع نعيم دا
أنا عندي قطعة في أحد المواقع الانتي طالباها دي
وموقعها استراتيجي 200%
ممكن أبيعها ليك عشان أتم ليه قروشو
عشان كدة أقنعي لي الزول دا يديني سعر حلو
اتفقنا ؟؟
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: نادر النور آدم)
|
طبعا مبدئيا ده بيت ابوي
المواصفات :-
سلامات الحبيب نادر
الكدرو ام القري جنوب محطة الاميه تاني ناصيه من شارع الظلط
البيت 700 متر مقسم لبيتين البيت الاول فيه غرفه مع صاله مقفولات مع بعض ومطبخ خارجي مع صاله كبيره وحمام (بلدي) وحوشين + باب قراش وقراش كبير
البيت التاني فيه غرفه بحمام داخلي (منفصله) + غرفه وصاله وحمام خارجي ومطبخ..
البيت مبني طوب احمر ومونه حره ومسقوف زنقي والعرش ملقم تلقيمه جديده (لزوم يذيد سعر الاجار وكده)..
____________________
اختنا هويدا والله لو مابقي من نصيبك (سمسرتك وسمسرة بكري برررره)..
_____________
الحليفه اعلاه صادقه
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: هويدا شرف الدين)
|
اختي الكبيرة هويدا
مسكاقمي
والله انت بت حلال ومحظوظة كمان
امبارح اخوي صديق الموج قال لي شوف لي زبون لي بيتو
قال لي عايز يبيع
بس عنده شرط قال يتم بيع البيت بما حوا
يعني بكل ما بداخل البيت
محتويات البيت حوش وراكوبة وابريق للوضوء والمرا وشوية عيال وبث
أها يا بت القبايل شن قولك
الوسطاء يمتنعون امثال ودشيقوق
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: هويدا شرف الدين)
|
غايتو يا هويدا يا بت أمي لقيت روحك رياضية بشكل !!!!
إتنازلتي ليهم بالساهل كدا ؟؟
حتى لو ما عاوزة تشتري أو لقيتي السعر أكبر من توقعاتك
( إتعكلتي ) عشان ترفعي السعر
واقسمي الزيادة مع نعيم
شوفتي شغل السوق كيف ؟؟؟
إنت قايلة أغنى الناس في الخرطوم هم ( السماسرة ) ليه؟؟
_________________
بعدين ما تنسيني لمن تنفذي الخطة
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: عاطف عمر)
|
| Quote: الله يخليهو ناس الطيب شيقوق وطارق وابو سنينه والبشير دفع الله والمقرشين لوعندهم رغبه يزيدوا لي قروشي واشتري في اركويت ولا المعموره ولا الرياض برضو ما عندي مانع |
انت كلك تكشكشي بالدهب وعايزانا نحن الكحيانين ديل نكع
اسمعي دي القطعة رقم كم
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: طارق جبريل)
|
عاطف عمر
الله يديك العافيه ، ما اتنازلت لكن نحن ناس الخرطوم لا بنحب بحري ولا امدرمان عشان كدا طلبي في الخرطوم ، لكن حركتك حلوه شديد النتفق مع نعيم ، نعيم ما شفتو نطه بقي يقول بيت ابوي وما بيتي
| |
|
|
|
|
|
|
|
|
 Re: عاوزه لي قطعة ارض وقروشي حبه (Re: طارق جبريل)
|
| Quote: فوشيا يا نعيم ياخي خليك مواكب |
الحرجلي كنت حا ازرع فيه ريحانتين وصباح الخير..
الفوشي ده داير ليه (عباد الشمس) عديل..
__________________
خلاس شوف لينا المزيره لكن تدونا ليها بالزير (سالم) يكون
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: naeem ali)
|
Quote: الحرجلي كنت حا ازرع فيه ريحانتين وصباح الخير..
الفوشي ده داير ليه (عباد الشمس) عديل..
__________________
خلاس شوف لينا المزيره لكن تدونا ليها بالزير (سالم) يكون |
صباح الخير ذاته في يا الحبيب
مزروع في علبة ((نيدو))
نسيت اقوليك فيهو ترباس بيفتح من جوة
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: طارق جبريل)
|
| Quote: نسيت اقوليك فيهو ترباس بيفتح من جوة |
ده عيبه...
_______________________
مسطول رجع بيتم نص الليل , فتحت ليه بته الصغيره
(طاااااااااااااخ) اداها كف.. وقال ليها
(كنتي حايمه وين نصاصي الليل ده)..!؟
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: naeem ali)
|
| Quote: حلم بإمتلاك قطعة ارض ، في الاندلس ولا الفتيح ولا أم عشر ولا الشقيلاب بالله مساعده والعاوز حق السمسره ما عندي مانع والبساعد لي الله ، الله يخليهو ناس الطيب شيقوق وطارق وابو سنينه والبشير دفع الله والمقرشين لوعندهم رغبه يزيدوا لي قروشي واشتري في اركويت ولا المعموره ولا الرياض برضو ما عندي مانع |
الاخت هويدا
لو عاوزة بيت فى المناطق دى انا بساعدك
لان اخوى عندو مكتب عقار,,,بس اغلب الاراضى حيازه
لكن البيوت المبنية عندها شهادات بحث
اضفى عليه الزهراب,,والسلمانية ,,دى مناطق منتعشة بصورة خياليه
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: abuguta)
|
| Quote: شنو في البدايه شابكني لا نملك الا الدعوات ، ما اهو انت بتملك اكتر |
والله ياست البوست (والقروش الحبة) بالغتى
لكن السواى ماحداث
المنبر دة شفتى ليك فيه زول باع واشترى؟
البيع والشراء فى سوق الله اكبر العديل
حق السماسرة الطماعيين وكضابين
مع صادق دعواتى لك بتحقيق مقصدك
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: هويدا شرف الدين)
|
| Quote: ود شيقوق صدقني ما عندك خوه تب |
انا كان قبلت عليك بالمطرق دي بوريك النجم بالنهار يا مسنوحة
انت الناس ديل مسوية ليهم موية سكر هسع من فتحتي البوست دا بطلوا السياسة والكورة والمعايير جوا كاسرين بجاى .
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: الطيب شيقوق)
|
الاخت هويدا
البوسست شكلو مسخن شديد
عندى اقتراح اى متداخل فى البوست بمليون جنيه مساهمه فى شراء القطعه
بدل ما تشترى الاندلس تدخلى الازهرى وجبره
مولانا شيقوق حتى الان عليهو خمسه مليون واحسبى الباقى انتى
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: الطيب شيقوق)
|
| Quote: وبيني وبينك نيالا احسن من الخرطوم مليون مره |
محمد معانا سيف مساعد ما يغشانا..
تعرفي يا الغالية..
سمسارة الأراضي علشان يرفعو من قيمة أسعار الأراض كانو بيقولو لرأسمالية السودان "الما عندو بيت في نيالا بيعدم التحتح..
علشان كده ما تستغربي وجود ناس نهار وناس كمبال والشيخ مصطفى الأمين.. وما إلى ذلك.. والزيعلي..
يمين زمان جهة المطار والسكة حديد كنا بنمسيها أم زعيفة وبنسرح بالغنم هناك كان الواحد بيمسك عشوائي وفي اليوم التاني الحكومة بتدفعو رسوم المساح والفارغة كان بيملاها الله..
لا خطة إسكانية ولا يحزنون..
والبلد حالها ميسور..
لغاية ما جات الإنقاذ بكل علاتها..
غنو ليها جلالة قدر دا..
أنا ماشي نيالا..
والحال بقى من بعضو لا بسر حبيب ولا غريب..
| |
|
|
|
|
|
|
|
|
 Re: عاوزه لي قطعة ارض وقروشي حبه (Re: هويدا شرف الدين)
|
أختنا العزيزة / هويدا شرف الدين
سلامات يا زوله وإن شاء الله تب بعد ده ما عندك مشكله ...
Quote: الاخت هويدا
البوسست شكلو مسخن شديد
عندى اقتراح اى متداخل فى البوست بمليون جنيه مساهمه فى شراء القطعه
بدل ما تشترى الاندلس تدخلى الازهرى وجبره
مولانا شيقوق حتى الان عليهو خمسه مليون واحسبى الباقى انتى |
غايتو يا هويدا لو طبقتي كلام أخونا عبد القادر ده .. الشافك سكنت جاردن سيتي ما كدب ..
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: هويدا شرف الدين)
|
| Quote: حلم بإمتلاك قطعة ارض ، في الاندلس ولا الفتيح ولا أم عشر ولا الشقيلاب بالله مساعده والعاوز حق السمسره ما عندي مانع والبساعد لي الله ، الله يخليهو ناس الطيب شيقوق وطارق وابو سنينه والبشير دفع الله والمقرشين لوعندهم رغبه يزيدوا لي قروشي واشتري في اركويت ولا المعموره ولا الرياض برضو ما عندي مانع |
الأخت هويدا شرف الدين
ســـلام
الأندلس أحسن ، أو أشتري في أطراف العاصمة مع النازحين والمساكين وأنسي القطعة سعرها حايزيد ويمكن بعد كم سنة كده تشتري ليك بيت في المنشية أو كافوري - أو تعالي لينا في ولاية الجزيرة شيخ الحلة يمكن يديكم قطعة (خطة إسكانية) بس قبل بيع مشروع الجزيرة ( بعد داك يمكن ما تلقينا).
ربنا يحقق حلمك وتمتلكي ليك قطعة أرض في أرض المليون ميل مربع، وكلنا حلمانين زيك ما براكي.
سؤال:
عليكم الله أسعار الأراضي في البقعة (أم درمان) بي كم ؟
صلاح حمد
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: صلاح حمد)
|
صلاح حمد
مشكور والله علي المرور فعلا كلامك صاح كنت عاوزه في الكلاكله ، لكن بعد كدا لقيتها اكبر من طموحاتي شغاله في وظيفه كبيره وراجلي شغال وما قادرين نلم في قطعة ارض شكلي كدي حا اقع السكن الشعبي
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: صلاح حمد)
|
Quote: لكن تعالى النسعلك الزهراب .. والسلمانية ديل وين ؟؟؟
غايتو انا واقفه بعييييييييييد ومستفيده .. |
عفاف
بعد الاحطياطى المركزى جنوبا
شرق زلط جبل اوليا
بتقع السلمانية والزهراب
لكن لو عاوزة بزودك بالتفون
تحياتى
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: abdelgadir mustafa)
|
| Quote: اها يمين مليونك ومليونى على ضهرى دا ومحل هويدا ما عاوزه القروش تصلا |
كويس هي ذاتها محتاجة ليها لطاحونة دقيق - الكيلة بتدققها بجنيهين وتسلمها سيدها ثلاثة ارباع عشان ربع بتقصد تحتو في الواطة وتجي اخر اليوم تخم المحتوت وتبيعو عليقة لناس البقر .
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: هويدا شرف الدين)
|
قدورة
| Quote: ود شيقوق متين اصبحت البت شغلا ما وصلتو انت ناطى ليها فى حلقا غايتو حركات ولاد عرب تتكل فى الشعب لى قوله فلان كعب |
كدى راجع البوست دا فوق شوف انا البديت ولا هي مقطوعة الطاري البدت
انت خليك على كلامك هي ما بتهظر انت بس وريها انك وين و بكرة من الصباح تلقى مرسالها قدامك جاييك بشنطتو فيشان يتحصل منك ال 3 مليون دي .
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: هويدا شرف الدين)
|
هويدا ... ازيك ..
انا اشتريت فى الاندلـس مربع 8 فى شهـر 4 الفات بـ 32 الف جنية جابت هسع 40 الف ، لكن قلبى اتقطع لمن اشتريتو .. ابعدى بقدر الامكان من السماسرة لانهم بيرفعوا ليك الاسعار ولو لقيتى فى الاندلس فى مربع 8 اوعك من الناحية الشرقية زى ماقلت ايك فى الايميل .. الاندلس موعودة انها تكون حتة جميلة خاصة المربعات البعيدة من مناطق مايو ومانديلا .. تابعى بوست اخونا منصور وختى ايميلك لعل وعسى .. انشاء الله نسمع انك اتوفقتى فى الموضوع دا قرييب ....
تحياتى ...
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: هويدا شرف الدين)
|
يابتي
زمااان كنت مهندس في الاسكان والاراضي واها فنشنا ابوعاج وفكينا الزوغة لي هسع ..بس بعد كام سنة طلبت لمعاينة في الخطة الاسكانية علشان يحددو هل انا بستحق واطة والا لا وانا كات مقدم من قبل كدة كم طاشر سنة ...وقامو اصرو علي اني احلف يمين علي المصحف انو ما عندي واطة وانا ما كان عندي واطة ....وبعدين سنيين طاشر قالو ادوني واطة ..بس وين ما عارف ....وانتي هسع قلتي اسامي كتيرة في اول كلامك وانا ما عرفت ولا واحدة اصلو طلعونا والخرطوم كانت حدها العماراتوالصحافة وكيلو خمسة كدة الواحد بس ضهبان عشان يصلو او بجمع سنة مكة يبيعو .... يعني هسع واطتي دي بتكون وين ؟؟؟
| |
|
|
|
|
|
|
|
|
|
Re: عاوزه لي قطعة ارض وقروشي حبه (Re: abubakr)
|
| Quote: يعني هسع واطتي دي بتكون وين ؟؟؟ |
كان قالوا ليكـ وين ، أكيد حا تزعــل يا أبوبكر !
لأنو زمن تقديمك كان عشمك في الأزهري والا المعمورة !!
هسع أقنع وسلم رايتكـ للبعـدك (ورقكـ) وخليهم هم بعد كم سنه كدا
يفتشوا ليها براهـم ..
غاتو يتوارى لي إسـمك دا في الوادي الأخـضـر مربع 47 ..
ــــــــــــ
في واحد فوق قال نيالا أحسن من الخرطوم .
وهو الفرق بقى شنو بين نيالا والخرطوم ؟
الشوارع تتشابه في الناس و الدواب ، والتراب
نفس اللقطه في شوارع نيالا ياها في الخرطوم وكادقلي وسواكن
في الخرطوم بقى الشارع في الرياض والا المعموره زي
شارع الدروشاب وزي المليون غـبي في القضارف والا الدمازين ما عارف ،
وزي شارع العناقريب في أمدر ..
البلد كلها بقت درجة 643 ما زي زمان كان زمان في درجه اولي وتانية وتالته .
هشام
| |
|
|
|
|
|
|
| |
هويدا شرف الدين
نادر النور آدم
naeem ali
معتصم محمد صالح
عاطف عمر
الطيب شيقوق
Asim Fageary
A.Razek Althalib
طارق جبريل
معاذ حسن
abuguta
احمد التجانى احمد
Hisham Ibrahim
عبدالحفيظ حسن
معاوية عوض الكريم
إدريس محمد إبراهيم
عفاف الصادق بابكر
صلاح حمد
مزمل خيرى
abubakr
فيس بوك
تويتر
انستقرام
يوتيوب
بنتيريست