كتب الكاتب الفاتح جبرا المتوفرة بمعرض الدوحة
|
|
 رساله الى ضباط وضباط صف وجنود القوات المسلحه السودانيه
|
أخواني أفراد القوات المسلحه السودانيه ...
السلام عليكم ورحمه الله
أوجه اليكم رسالتي هذه وقلبي يعصره الألم لما لحق بكم في هذا المؤسسه من أذى بليغ , فليس هناك أذى أكبر من ان يجد الفرد منكم نفسه في قتال مع أبناء وطنه .
قدركم وقدر السودانيين جميعا أنه يتقدمهم (أقزام) , لا ينظرون أبعد من أرنبه أنوفهم , فقد زج بكم هؤلاء الاقزام في حروب لا طائل منها ولا تحقق أي خير للسودان , وهذا يتنافي مع القسم الذي اديتموه, وتعهدكم بحمايه السودان وشعبه.
أراد لكم هؤلاء الأقزام الذين يتقدموننا أن تكونوا مخلب قط لنهش الجسد السوداني مقابل بقائهم وأهليهم في السلطه متمتعين بخيرات السودان , وكما تعرفون بأن الحرب في الجنوب قد كلفت المؤسسه العسكريه الكثير من الارواح والجرحى وكان لها أكبر الأثر على حياه العديدين منكم وامتد ذلك الاثر الى اسركم الكريمه , وها هي الاخبار تترى عن اعداد أخرى من القتلى والجرحى يسقطون في دارفور في حرب عبثيه اخرى يحاول من خلالها هؤلاء الاقزام البقاء في السلطه.
هنا اجد نفسي أسألكم : لماذا تقاتلون اخوانكم مجددا ؟! بعد ان كشفت حرب الجنوب لكم وللعالم أجمع زيف وكذب هؤلاء الاقزام الذين تدثروا بالكذب والتزييف لفرض سيطرتهم ولم يترددوا من استخدام دمائكم واطرافكم واستقرار أسركم كوقود لتلك الحرب !.
لماذا تقاتلون وقد قالوا بأن جميع القتلى (فطائس) ؟ لماذا تقدم نفسك وروحك التي وهبها لك الله , ولمره واحده فقط في هذه الدنيا, وتعرضها لخطر الموت ؟!.
هل من أجل الراتب الشهري تقدمون أرواحكم للهلاك ؟! أم طاعه لأوامر كما تفرضها القوانيين العسكريه ؟!
هل تعتقد يا أخي الكريم أن طاعه قانون (نابليوني) وضعي سببا كافيا لأن تموت فطيس؟! .
انتو عارفين أن الحقوق لا تستجدى بل تنتزع , ومن هذا المنطلق قام رجال لاسترداد حقوقهم غير هيابين للموت , فعلها اهل الجنوب ويفعلها الان المهمشين في الشمال , والحق دونه الدماء , فلماذا تقاتلون المظلومين طاعه لقوانيين وضعيه وتخالفون قانون السماء ؟!
اني اوجه اليكم هذه الرساله بأعتباركم أخوتي في الوطن , ولو كان لي اخ شقيق في هذه المؤسسه العسكريه لوجهت له هذه الرساله شفاهه , لا تلقي بنفسك للتهلكه مقابل بقاء الاقزام في نعيمهم .
لا تنسى بأنك أيضا مظلوم وغالبيتكم من أهل الهامش , وليس لك أي مصلحه في القتال سوى مرتباتكم الضئيله التي تتقاضونها , ولا اعتقد أن هناك عاقل يقدم روحه للموت من أجل مرتب !.
لذا أقول لك فكر مليا قبل أن تذهب لملاقاه أصحاب الحقوق في ساحات الوغى , فكر ألف مره لأن الامر يتعلق ب (روحك) التي ان ذهبت فلن تعود , وستقف أمام الله جل وعلا وتسأل لم قاتلت أخوانك في الوطن ؟ , ولن يعفيك تبرير (ضلونا كبرائنا) .
عليك عدم الذهاب الي الحرب حتي ولو اضطررت الى الهروب من الخدمه العسكريه , فأرض الله واسعه الفضاء طولا وعرضا شرقها والمغرب , وبكل تأكيد ربنا حيعوضك ما تتقاضاه وستجد لك مكانا للعيش بكرامه لا تظلم ولا يظلمك أحد .
وأعلم أنك بعدم ذهابك ومخالفتك للقوانيين العسكريه التي تفرض عليك الطاعه العمياء تكون قد ساهمت في سقوط وتعريه هؤلاء الاقزام , وعنده سيعود السودان للسودانيين يعيشون جميعا مصاني الكرامه والحقوق .
مع قائق تقديري واحترامي
مجدي
|
|
 
|
|
|
|
|
|
|
 Re: رساله الى ضباط وضباط صف وجنود القوات المسلحه السودانيه (Re: مجدى محمد مصطفى)
|
ما هو الموقف الشرعي من هذا الموقف ...
انت رجل عسكري تعمل في بلدك وهو يرزح تحت نيران الحرب الأهليه , تصرف لك الاوامر بقتال بني وطنك وفقا لرغبه القائد الاعلى للجيش , ترفض تنفيذ الأوامر , يتم اعدامك .
ما رأي الشريعه الاسلاميه في هذه القضيه ؟!
أفيدونا يا اهل العلم
------------------------------------
اذن من الافضل الهروب من الجيش وعدم الذهاب من اساسه بدلا من الذهاب و مخالفه الاوامر و بالتالي قتلك .
| |
|
|
|
|
|
|
|
|
|
Re: رساله الى ضباط وضباط صف وجنود القوات المسلحه السودانيه (Re: مجدى محمد مصطفى)
|
فوق من اجلك أيها الجندي السوداني البطل.
لا تذهب الى الموت بقدمك من اجل مجموعه من المأفونيين والمجرميين , رئيس العدل والمساواة قال بأنه سيحتل مدن دارفور وسيحضر مره اخرى الى الخرطوم , أي ان القوات المسلحه بنتظرها صيف حار وخريف ملتهب .
لا تذهب , أمشي بيتكم , ولو ناس الشرطه العسكريه حيجوك في بيتكم أمشي بيت أي زول قريبك في أي مدينه أو قريه سودانيه بس ما تمشي للموت برجلك .
خلى ناس كافوري وحي المطار يحاربوا ويدافعوا عن ملكهم , أنت ما عندك نفقه في الحرب دي .
فلا تلقى بيدك الى التهلكه ...
مودتي
| |
|
|
|
|
|
|
|
|
|
Re: رساله الى ضباط وضباط صف وجنود القوات المسلحه السودانيه (Re: مجدى محمد مصطفى)
|
هل تذكر احراش الجنوب ايها الجندي الكريم
طبعا اكيد بتتذكر , لأن ما رأيته وما عايشته من ويلات لن تمحوه السنيين , بالله كده اطلع على اللنكات دي وشوف المجاهدين أيام الجنوب , طبعا المجاهدين كانو غير الجيش في الجنوب , لا في المأكل ولا في الملبس ولا حتي في ما يصيب الجرحى , وانت تعرف هذا الامر أكثر مني .
هؤلاء المجاهدين جميعا قيل أنهم (فطائس) تخيل !
طيب انت تكون شنو , الزول الجاء بأرداته و في الغالب الأعم جاء (مخدوع) أكلوا احسن منك ولبسوا احسن منك ,حتى العائد المالي احسن منك ومع ذلك طلع (فطيس) ! أنت في رأيك كده حتكون شنو ؟؟؟؟!!!!
طبعا مافي زول تاني حالتو فايتاك في السؤء الا الجماعه الكانو بيقبضوهم من المواصلات ديلاك بتتذكرهم صح ! ناس الخدمه الوطنيه ...
ديل كانو بيرسلوا الواحد الجنوب وينسو هناك لما يعفن وما يجيبو ليهو بديل الا بعد ما زيتو يكون طلع .
اهه بعد ده وبعد الحصل ده كلو تاني تمشي عشان تحارب! ملعون أبو قانون وضعو انسان يخليك تقتل اخوك في الوطن أو تعرض حياتك للخطر ...
وكان لسه عندك شك كده أسأل القائد بتاعك مباشره في طابور الصباح وقول ليهو يا سيادتك ليه الجيش غاضى الطرف عن (حلايب) ! , وانا نصيحتي ليك ما تسألوا لأنو حيستلموك ناس الاستخبارات ويرسلوك السجن الحربي وممكن يصفوط زاتو زي ما صفو الضباط والعساكر في الفافشر قبل يومين .
ما تسألو ولا حاجه بس لو قالوا ليك بالله ارح الحرب أمشي وما تجيهم راجع , خلي الزول العندو مصلحه في وجود المجرمين في السلطه يمشي يحارب هو ...
الكلام ده خلى في راسك , العدل والمساواه جايه الفاشر ونيالا وحتجي الخرطوم برضو قريب , والكلام ده قالوا رئيس الحركه ذاتو بي نفسوا ما نقلوا عنو ! اتخارج يا عزيز روحك أولى من هؤلاء المتجبرين .
حأنزل ليك هنا تباعا فيديوهات للمجاهدين الشهداء (الفطايس) (زي ما قالوا) عشان تعيشك في جو المعركه وكده أصلو الايام دي المعارك كتيره .
------------------------
بالله يا شباب واحد يتبرع يورينا كيفيه عرض القيديو وظهوره مباشره بدل اللنك ....
والشكر مقدما
| |
|
|
|
|
|
|
|
|
 Re: رساله الى ضباط وضباط صف وجنود القوات المسلحه السودانيه (Re: مجدى محمد مصطفى)
|
العِفْريتة
كالعادة بوستاتك بايركس تُحدِّث فيها نفسك
نحرِّكا ليك شِويّة
البوست بتاريخ 01-07-2010, 01:45 ص
و اليوم 16-07-2010
يعني 15 يوم يا حسرة يوم ينْطح يوم
و كل المُداخلات حقّتك
مُش قُلت ليك إنت زول ما ليك أيِّ وجود
وجودك زي عدمو؟
لذلك أجد لك العُذر حينما تُؤدِّي دور العِفْريتة في بوستات الآخرين
فما بك ليس هيِّن
تهميش جُوّة و برّة البورد
أيِّ مُداخلات بعد مُداخلتي دي ما تفرح بيها
قيم إذ أوفر
البجي تاني بكون جاي مكاواة
لو في زول أمرك بهِمُّو كان جاك بدري شوية
معليش يا عفريتة حظّك كِدة
لكن بقوم ليك بالواجب الليلة
| |
|
|
|
|
|
|
|
|
|
Re: رساله الى ضباط وضباط صف وجنود القوات المسلحه السودانيه (Re: Tragie Mustafa)
|
الاخ مجدي
سلام
اين هو الجيش الذي تتحدث عنه ؟
لقد رمي بجيش البلاد الى الشارع وجاءو بمليشيا اسلاموية قوامها من المنحطين والشواذ والارزقية ..
بالله عليك اي جيش هذا الذي يقودها عبدالرحيم ممد حسين الذي يتودد ويتملق قائده البشير من خلال زيارة والدته و(شرب الجبن) معها ..!!
ان ما يفعله علاء الدين معك يمثل الدليل الحقيقي لاثبات ان الجيش قد رمي به الى الشارع وتحول الى علاء الدين وصحبه ..
ولا تستعجب لو اصبح علاء هذا قائدا لجيشهم فهذه هي وسائل دفاعاتهم الكذب والدعاية الرخيصة بدون اي طحن ..
قال نفديك بالدم ..قال
| |
|
|
|
|
|
|
|
|
|
Re: رساله الى ضباط وضباط صف وجنود القوات المسلحه السودانيه (Re: عبد المنعم سليمان)
|
الاخ عبد المنعم سليمان
سلام ومحبه
Quote: اين هو الجيش الذي تتحدث عنه ؟
لقد رمي بجيش البلاد الى الشارع وجاءو بمليشيا اسلاموية قوامها من المنحطين والشواذ والارزقية .. |
اتفق معاك ان الجيش السوداني في أسوء حالاته , زمان كنا بنسمع عن الجنود الاكلوا ورق الشجر في الجنوب وقليلا ما نسمع عن جندي هرب اثناء المعركه , الان اصبح الهروب اثناء المعركه سمه من سمات الجيش , وده بيخلينا نسأل سؤال هل الجندي ده بيسوقوهو الى الميدان بخدعه ما ؟!
يعني بيطلعوا بيهو الي الحرب دون ان يعرف أنو ماشي الحرب ! ودي برضو يا منعم حصلت زمان كتير مش مع الجيش بس بل مع مجندي الخدمه الالزاميه والدفاع الشعبي , كانوا بعد جمعهم وتدريبهم كم يوم يرسلواهم الى الموت بدون ان يعلم اغلبهم انهم ماشين الى الحرب .
فهل يخدع الجيش السوداني جنوده لأرسالهم الى دارفور ؟!
علاء الدين ده صبي أرزقي ساكت , من صوره الشايفنها دي ما زول دوواس , ده زول يقعد في الكندشه مع بقيه صبيه نافع ويقعد يكتب في سودانيز أولاين , وكلوا مدفوع ...
انا عارف انو البوست ده بيكون مجنن الزي علاء ديل جن شديد , خاصه لو تمكن الجنود من الخلاص من قبضتهم بالهروب قبل ارسالهم الي المعارك , فأكيد ممكن يلقى نفسوا يوم نافع نهروو قوم يا زول من اللابتوب ده شيل الكلاش ده وامشي حصل الجماعه , يعني الزول بيحاحي على ضنبو ما يجي اليوم الي يلقى نفسوا طلع من الكندشه وماشي يلاقي الصنادييد .
تابع معنا يا حبيب سنورد كثير من حقائق ارسال ابناء السودان الى محارق نظام الاباده الجماعيه .
مودتي
| |
|
|
|
|
|
|
|
|
|
Re: رساله الى ضباط وضباط صف وجنود القوات المسلحه السودانيه (Re: Tragie Mustafa)
|
يمين يا تراجي ضحْكتيني ضحك شديد خلاص
قلتي لي بوست في السِّلك!!!؟
وليهو كمطاشر يوم ما جيتيهو إلا بعدما رفعناهو ليهو!!!؟
والله يا عفريتة حقو تديني جائزة لأني طلّعتك للوجود من خيبتك المِنْبرِيّة و بوران مواضيعك
أها يا تراجي النبي فوقك كان ما خليتيهو يراسل بكري بخصوص المُداخلة الفوق مُداخلتك طوّالي
باقي إنتي ظاهر عليك بعد الكُبُر دخل
بقيتي تجي ماشة بي سرعة مية في المُداخلات
و تشوتي قبّال تقري
أها أنا العفريتة دة لو ما جا و إتعابط
ما كان إشتغلت بيهو الشّغلة
باقي الناس المطْمورين ديل ما عندي ليهم زمناً كتير
يا عفريتة
فووووووووووووووق قلت ليك
أيِّ مُداخلة بعد مُداخلتي الكانت يتيمة بوستيك الفارغ دة
ما تحسِبا
لأنّهم جايين مُكاواة لعلاء الدين
لا لمُشاركتك
ديل النّوع الما بجيك إلا جنازة
تههههههههي
| |
|
|
|
|
|
|
|
|
|
Re: رساله الى ضباط وضباط صف وجنود القوات المسلحه السودانيه (Re: صلاح أبودية)
|
Quote: مجدى !
شكلك كده من الناس القدوا السلك !! |
مالك متعجب يا صلاح ؟
ما تقول لي لأنك بتوافق أنو ابناء السودانيين القادهم قدرهم العاثر للعمل في القوات المسلحه يقدموهم للمحرقه من اجل بقائهم في السلطه , انا شايف انو الزول الدارير السلطه دي تستمر هو المفترض يخوض ليها معاركها مش أولاد الغلابه الاهلهم منتظرين منهم عمار .
صدقني لو كنت في القوات المسلحه لهربت من الخدمه اذا ارادوا ارسالي الى الموت , ليس خوفا من الموت ولكن ما بموت عشان مجرم هارب يفر من العداله!
| |
|
|
|
|
|
|
|
|
|
Re: رساله الى ضباط وضباط صف وجنود القوات المسلحه السودانيه (Re: ABUHUSSEIN)
|
| Quote: إذا كان الجيش موجود دخلو أم درمان و قتلوا و دخلوا الأسواق |
ده كلام مفترض يوجه لوزير الدفاع وقاده الجيش , خاصه انو الحركه قالت مرات عديده انها جايه والخور العملوا في امدرمان ده ما حيحميهم ,
| Quote: سرقوا حتى الموبايلات من الناس |
ده تلفيق ظاهر يعني الناس دي لو كانت جايه بي فهم السرقه ما لقوا الا الموبايلات الصينيه المضروبه الماليه السوق دي يسرقوها !
| Quote: عايز الجيش إقيف متفرج علشان إحصل شنو ؟؟؟ |
انا ما قلت الجيش يقيف متفرج انا قلت الجندي ده يحارب ليه عشان شنو ! عشان الماهيه ! ولا عشان طاعه الاوامر العسكريه وفقا للقانون الوضعي الوضعو (انسان) زيو زي الجندي ده واحد! ...
الداير يحارب وعندو مصلحه في حرب اخوانه السودانيين يمشي يحارب هو ما يرسل ابناء السودان من تعيسي الحظ الي ما لقوا تعليم ولا رعايه واضطروا للعمل في القوات المسلحه ...
| Quote: و ليه ما طلبت من كل من يحمل السلاح أن يتوقف عن القتل ؟؟؟؟ |
يا زول انت نايم وين ! الناس الشالت السلاح دي شالتو لأنها ما لقت اي طريقه تاني لأسترداد حقوقها من مجرمي المؤتمر الوطني , والريس قالها صراحه (ما بنتفاوض الا مع زول شايل سلاح) , وانت عارف وكل الدنيا عارفه انو الحكومه غدرت وتنصلت من اتفاق وفق اطلاق النار في الدوحه بينها وبين العدل والمساواه , وعملت على القاء القبض على رئيسها يعني بالعربي اختارت الحرب , فهل يعقل يا اخي اطلب من زول الدوله اختارت تحاربو ان يضع السلاح ويستسلم !!! ...
وده ما معناهو اننا نقبل بأن تزج الدوله بأبناء المساكين من افراد القوات المسلحه ليحاربو عنها بالوكاله , الداير يحارب يمشي يحارب بس ما تجبر زول او تستغفلو عشان يحارب ليك معاركك ...
| |
|
|
|
|
|
|
|
|
|
Re: رساله الى ضباط وضباط صف وجنود القوات المسلحه السودانيه (Re: علاء الدين يوسف علي محمد)
|
صبي نافع الارزقي علاء
| Quote: وليهو كمطاشر يوم ما جيتيهو إلا بعدما رفعناهو ليهو!!!؟ |
يا ود يا نرجسي , قلت لي أشهر منك الا المتهم بالاباده ده صح! ...
انت قايل عندنا امتيازات مثل البيدوك ليها ناس نافع ديل عشان الواحد يفضل حاضن الكمبيوتر حقو 25 ساعه في اليوم ! , يا زول ادى نفسك فرصه وما تتقمص دور البطل المشهووور محطم قلوب العزارى , انت حي الله صبي ارزقي تعمل اجير مع اول سواني يعذب زول بيعرفوا في التاريخ نافع على نافع معذب وقاتل زميله الاستاذ بجامعه الخرطوم .
والله انا اتحدى اي سوداني يقول انو في سوداني ممكن يعذب سوداني تاني بيعرفوا وسكن معاهو غير ولي نعمتك نافع ...
كل الناس هنا عارفه انك مجرم بتأييدك لأجرام أولياء نعمتك , بس الدايرو منك تكون مجرم بي شرف , ما ترسلوا أولاد الناس للموت بالخداع أو بالتخويف , ابقو رجال وحاربوا انتو ...
انشاء المره الجايه نشوفك في امدرمان (طبعا ما حنقول ليك امشي حارب في دارفور) ده شعر ما عندك ليهو رقبه , خليك في خرطومك دي , وخليل قال جاييكم قريييب دايرين نشوفك هناك مع بقيه الصبيه بدل ارسال ابناء المساكين .
| |
|
|
|
|
|
|
|
|
|
Re: رساله الى ضباط وضباط صف وجنود القوات المسلحه السودانيه (Re: Tragie Mustafa)
|
الغاليه الحبيبه ام حازم
سلام وتقدير
Quote: بوست موفق وضرب في العصب اذناب الحكومه هنا
لذا جنج جنونهم. |
لسه يا غاليه الجنون ده ذاتو حيكون بسيط في تخبأه لهم الايام , خاصه عندما تأتي قوات العدل والمساواه الى الخرطوم قريبا جدا لتنفيذ أمر المحكمه الجنائيه الدوليه بقبض المتهم عمر البشير ...
علاء ده زول بتاع اكل عيش , وماعندوا مانع يعمل اي حاجه بسب يخرب يشتم بس تفضل امتيازاته وانشاء السودان كلو يولع , ديل صبيان المجرم نافع , الي بيحاولا يسوقوا اجرامه وتصويره عمل بطولي .
دايرين في الهجوم القادم على امدرمان يطلع الزي علاء ده مش يرسل أبناء الناس المساكين يموتو وهو قاعد لابد شايل اللابتوب وسندوتشات لذييذ ! ....
| |
|
|
|
|
|
|
|
|
|
Re: رساله الى ضباط وضباط صف وجنود القوات المسلحه السودانيه (Re: مجدى محمد مصطفى)
|
| Quote: ده تلفيق ظاهر يعني الناس دي لو كانت جايه بي فهم السرقه ما لقوا الا الموبايلات الصينيه المضروبه الماليه السوق دي يسرقوها ! |
إتصلت على واحد يوم الهجوم لقيت الموبايل مقفول .... إتصلت عليه في البيت قال الموبايل شالوهو منو المتمردين
تلفيق شنو ؟؟؟؟
| Quote: وخليل قال جاييكم قريييب دايرين نشوفك هناك مع بقيه الصبيه بدل ارسال ابناء المساكين . |
المرة الفاتت رسلهم أطفال المرة دي حا إرسل منو ؟؟؟؟
| |
|
|
|
|
|
|
|
|
|
Re: رساله الى ضباط وضباط صف وجنود القوات المسلحه السودانيه (Re: مجدى محمد مصطفى)
|
زعلان مالك
و إنت دافِع من جيبك يا عِفْريتة
ما ياهو الويلفير و الإعانات
اللي من أجلها ممكن تبيع نفسك شان تاخد ليك شويّة سنتات خوفاً من إنّك تبيت القوَى
باقي نوعك دة لا يجيد غير التّسوُّل
ما بقدر على شغل الرُّجال
ترقد ليك في ملجأ تِتجدّع مع الإعانات دي و تجي البلد جضومك كُبااااااااااار تعمل فيها مُغْترِب و كِدة
| |
|
|
|
|
|
|
|
|
|
Re: رساله الى ضباط وضباط صف وجنود القوات المسلحه السودانيه (Re: Tragie Mustafa)
|
العزيز / مجدي
تحياتي وتقديري دوماً
انت عارف يامجدي أكبر ما يشكل هاجس الان بالنسبة لنظام الانقاذ الجثم فوق
رقبتنا عشرين سنة دا.
هو الهزيمة والانهيار النفسي الذي من المحتمل ان تصاب به هذه المليشيات المرتزقة التي تدافع عنه
جراء:
1- دارفور
2- نتيجة الإستفتاء علي تقرير المصير للجنوب.
3- والقرار الأخير الذي عزز من مطالب المحكمة دولياً بالقبض علي البشير.
عليه هم الان بفكروا في كيف يماسكوا القوات دي نفسياً.
قبال ماتنقد الرهيفة.
لك تحياتي وسلامي وكن بخير.
| |
|
|
|
|
|
|
|
|
|
Re: رساله الى ضباط وضباط صف وجنود القوات المسلحه السودانيه (Re: محمد ادم الحسن)
|
حبيبنا محمد ادم الحسن
تحياتي
Quote: انت عارف يامجدي أكبر ما يشكل هاجس الان بالنسبة لنظام الانقاذ الجثم فوق
رقبتنا عشرين سنة دا.
هو الهزيمة والانهيار النفسي الذي من المحتمل ان تصاب به هذه المليشيات المرتزقة التي تدافع عنه |
الهزيمه والانكسار حدثت خلاص يا محمد يا اخوي , والله لو حدثوك الشباب عن الهزائم المتواصله للجيش في دارفور والهروب الجماعي للجنود اثناء المعارك لذهلت لما وصل اليه حال الجندي السوداني المعروف بصبره وثباته , فالجنود يقاتلون بدون أي معنويات و من يرفض منهم تتم محاكمته بالاعدام رميا بالرصاص ...
وقد حث فعلا ان تم اعدام عدد من الضباط قبل اسبوعين في الفاشر واحضر البغض الاخر الى الخرطوم مصفديين الله يعلم ماذا حل بهم ...
وزي ما انت عارف يا غالي انو الجنود ديل بيخوضو معارك ليست لهم , فالجندي السوداني مهمته حراسه حدود الدوله وحمايه المواطنيين وليس العكس , الان الدوله المسيطر عليها هؤلاء المجرمين يسخرون الجيش في حروبات ضد مواطنيين يطالبون بأن يعيشو بكرامتهم في بلدهم , لذلك عليك الله لو بتعرف ليك جندي وصل ليهو رسالتنا دي والاجر عند الله.
محبتي الاكيده .
| |
|
|
|
|
|
|
|
|
 Re: رساله الى ضباط وضباط صف وجنود القوات المسلحه السودانيه (Re: Tragie Mustafa)
|
Quote: مجدي شغل نضيف
...ليبقى عاليا.... |
ام حازم شكرا على المرور والتشجيع ,
بالله ما تنسي الرساله دي وصليها الى أي زول بتعرفيهو وسلميها ليهو أمانه يوصلها الى اي جندي بيعرفو , الايام والشهور الجايه دي
صعبه , والحريق ممكن يزداد كتير , والجندي ده كفايه عليهو لغايه كده الداير الحرب يمشي يحارب براهو , دايرين ناس علاء وبقيه صبيان
نافع ديل يمشو يحربو هم وما يستغفلوا أولاد الناس ...
وزي ما بيقول الداير يحارب يحارب على بينه , مش عشان مرتب أو طاعه لأوامر ...
---------------
بالله يا اخوانا دايرين فتوى دينيه في مسأله الجنود البيودوهم يقاتلوا بالاونطه ديل حكمهم شنو عند الله ...
شهداء ولا فطايس أفتونا اثابكم الله
| |
|
|
|
|
|
|
|
|
|
Re: رساله الى ضباط وضباط صف وجنود القوات المسلحه السودانيه (Re: علاء الدين يوسف علي محمد)
|
صبي نافع المثابر
Quote: زعلان مالك
و إنت دافِع من جيبك يا عِفْريتة |
يعني يا علاء الولفير ده برضو داير تقاسمنا فيهو ياخي حرام عليك , ما قالوا نافع ده كريم مع صبيانه مخليهم بيغرفوا ساااي من غير
حساب ! ولا يكون هو زاتو بيقاسمكم في البيلغفها ليكم من الدوله !
طبعا اكيد لما يطلع ليكم حاجه في الاعلام الالكتروني بقص كجمتو منها , يكون اسي امن مستقبلوا في ماليزيا ولا دبي , لكن مافي ليهو طريقه
كان خش وين و وين نحن حنفضل وراه لغايه ما يمشي السجن أو حبل المشنقه ...
أما انتو صبيانو فحتطاردكم لعنه السودانيين بقيه عمركم والوقت داك حتاكلوا نيم.
| |
|
|
|
|
|
|
| |
مجدى محمد مصطفى
علاء الدين يوسف علي محمد
Al-Shaygi
Tragie Mustafa
عبد المنعم سليمان
صلاح أبودية
ABUHUSSEIN
محمد ادم الحسن
Mahjob Abdalla
فيس بوك
تويتر
انستقرام
يوتيوب
بنتيريست