|
|
 ما هو اصعب اصعب شي في الدنيا ؟؟؟؟؟؟؟؟؟؟
|
بسم الله الرحمن الرحيم
سؤال لكل الاعضاء \\\
وهو\\\
كان فى واحد قاعد مع اصحابه وسالهم ما هو اصعب شي بالحياة؟؟؟؟؟؟
الاول........... قال الموت اصعب شيء
الثانى.......... قال الحب من طرف واحد
والثالث ..........قال انك تنجرح من حبيبك
والرابع .............قال انك تعيش واحدانى
والخامس.......... قال ان الدنيا تبعدك عن الناس الي بتحبهم
ما رايكم
ما هو اصعب اصعب شي في الدنيا؟؟؟؟؟؟؟؟؟؟؟؟
تحياتي
|
|
 
|
|
|
|
|
|
|
 Re: ما هو اصعب اصعب شي في الدنيا ؟؟؟؟؟؟؟؟؟؟ (Re: خالد درق)
|
خالد ..ٍسلامات ...
غايتو اصعب حاجة في الدنيا انا شفتها امس ... لمن رجعت من الشغل قفلت قزاز العربية كله ونسيت قزاز كرسي السواق وخشيت البيت ..بالمساء ماشي مشوار بالعربية فتحت الباب وركبت واتوهطت كويس الا كديسين كانوا جوا العربية ومافي شباك غير الانا قاعد جنبو ..فتخيل كدايس مخلوعة وهايجة ودايرة تطلع !! والله الا الواحد رقد تحت الكوابح مع صرخات تخويفيه مساندة ...
ده اصعب من جرح الحبيب او موته في تلك اللحظة ...
| |
|
|
|
|
|
|
|
|
|
Re: ما هو اصعب اصعب شي في الدنيا ؟؟؟؟؟؟؟؟؟؟ (Re: فايزودالقاضي)
|
Quote: خالد ..ٍسلامات ...
غايتو اصعب حاجة في الدنيا انا شفتها امس ... لمن رجعت من الشغل قفلت قزاز العربية كله ونسيت قزاز كرسي السواق وخشيت البيت ..بالمساء ماشي مشوار بالعربية فتحت الباب وركبت واتوهطت كويس الا كديسين كانوا جوا العربية ومافي شباك غير الانا قاعد جنبو ..فتخيل كدايس مخلوعة وهايجة ودايرة تطلع !! والله الا الواحد رقد تحت الكوابح مع صرخات تخويفيه مساندة ...
ده اصعب من جرح الحبيب او موته في تلك اللحظة ... |
والله ياود القاضى كتلتنى بالضحك واتخيلت منظرك وانت مزنووووووووووووق
خالد تحياتى
والدنيا دى كلها صعبة وبالمناسبة جرح الحبيب بقى زى اكل الزبيب
| |
|
|
|
|
|
|
|
|
|
Re: ما هو اصعب اصعب شي في الدنيا ؟؟؟؟؟؟؟؟؟؟ (Re: طارق الكوتش)
|
خالد ياصاحب
سلامات
وصدقني اصعب حاجة انك.......
تجي الخرطوم وتلاقي الاحباب البورداب
وتسافر بورسودان وتعيد الذكريات مع اصدقاء الطفولة
والجيران ودفعة المدرسة .
تمشي دنقلا وترتاح في احضان الاهل والاقرباء
وكل يوم انت في مناسبة ودعوة واحتفائية بكل حميمية
في كل مكان من هذه الامكنة.........!!!!!!!!!!!!!!!!
وفجاة تلقي الاجازة انتهت ولازم ترجع..........!!!!!!!
حتي الان تفكيري فقط في........
كيف سافارق هكذا حياة
اذا........
صدق الخامس حين قال
| Quote: والخامس.......... قال ان الدنيا تبعدك عن الناس الي بتحبهم |
مودتي
| |
|
|
|
|
|
|
| |
فايزودالقاضي
مدثر قرجاج
khaleel
جمال الباقر
Abd Alla Elhabib
willeim andrea
مرتضى احمد عبد القادر
haroon diyab
السر عبدالله
Soumeta
فيس بوك
تويتر
انستقرام
يوتيوب
بنتيريست