|
|
 إلى زوجتي : مع الشُكر اللطيف
|
9/8/1996
كانت دبلوما تخرج الطالب لؤي حامد
وكانت المسرحية حينها على ما أعتقد (في إنتظار جودو)
وكان الفنان خالد نحل يقلّد الفنان كمال ترباس
فأنا حينها إقتصادياً لم أكن أملك إلا أجر (مُقلِّد)
كانت العجاجة ... تختلط بأنوار كشافات الفرح
وكانت (بهجة عبدالرحيم الحسن علي النوش) مبتهجة بشكل قلق ....
ــــــــــــــــ
بكري أبوبكر والله كنت منتظر الأرشفة لكن غلبني
فإضطريت أفتح ها البوست ...
رجاااااااااااااااء
رجاااااااااااااااء
ما تأرشفه .... وشيلوا لي مع محاكمة أخوي أبوذر علي الأمين
وتكون طالبني قضية .....
|
|
 
|
|
|
|
|
|
|
|
Re: إلى زوجتي : مع الشُكر اللطيف (Re: Ahmed musa)
|
ود موسى وبرى والزمن الصعب
وودى واعزازى
تسلم
سرد لذيذ
يا ظلامى0000
لبن 000 سبحان الله
حليل الفول000
والاتوستوب؟؟؟؟
ياخ مشتاقين 00؟؟؟
ود موسي احلم احلام وطنيه ؟ او ؟لا تحلم؟؟؟
رسالة انيقة
| |
|
|
|
|
|
|
|
|
|
Re: إلى زوجتي : مع الشُكر اللطيف (Re: Ahmed musa)
|
مساءات الفرح السوداني مشحونة دوماً بصرخات في قلوب الصبايا
وتقودك للقفز عالياً للمحاولة بالتشبث بشئ في فضاء مسكون
والروح تحفظ إيقاعات الغناء وتتمايل مع الأجساد
وتتساوى حينها أعمار الحاضرين ...والحاضرات
ويختفي العُرف الإجتماعي القابض نوعاً ما ليفسح مجالاً لعيونٍ عاشقة
ودقات قلوب عزراء تساوى في لهفتها بين الجنسين ...
| |
|
|
|
|
|
|
|
|
|
Re: إلى زوجتي : مع الشُكر اللطيف (Re: Ahmed musa)
|
التقدمى؟
احمد موسى
يعنى انا غلطان
قلت ود موسى ده صديقى وزول تقدمى ياخ والله على الملا احمد موسى تقدمى
ياخ التقدمية مش سلوك؟؟ ولا برضو ؟؟ اتغيرت
ياخ انت قاعد جوه؟؟
فهمنى وريحنى؟ ربنا يريحك دنيا واخره؟؟
تبا لنا نحن قبيلة الهروب الاقتصادى؟؟؟
رسل جوالك فى الخاص لو تكرمت؟؟؟
| |
|
|
|
|
|
|
|
|
|
Re: إلى زوجتي : مع الشُكر اللطيف (Re: mayada kamal)
|
Quote: أحمد موسى المحامي
سلام وتحية واحترام
التحية عبرك للمصونة بت الاكارم (العزيزة بهجة)
عشت معهم جيرة سمحة في امتداد ناصر |
ولك مثلها من التحايا أُختي ميادة كمال
ولك مؤونة عام من الإحترام على قول أخونا محمد فرح
الله يطراه بالخير
| |
|
|
|
|
|
|
|
|
|
Re: إلى زوجتي : مع الشُكر اللطيف (Re: معاوية عبيد الصائم)
|
Quote: كتر خيرك ؟؟
احمد موسى اين قلت لك انا برلوم ؟؟؟ |
اخ معاوية
انت كدا اثبتت لاحمد موسى المحامي انك برولوم
لانو الاجابة وااااااااضحة من تاريخ التسجيل اللي تحت صورة البروفايل مباشرة
ومنها بتعرف الشخص برلوم ولا مقطعها في المنبر دا
هههههههههه
| |
|
|
|
|
|
|
|
|
|
Re: إلى زوجتي : مع الشُكر اللطيف (Re: mayada kamal)
|
سلام ود حلتنا احمد
دقيقة خليني ابدأ بي الضلامية ميادة!
| Quote: جيران خالتي عزيزة ام اميري |
بالله خالتي عزيزة خالتك برضو!!
اميري ود خالتك ؟
محاسن الظريفة
وماجدة الجميلة
وومشاعر " مشو " الدبدوبة
بنات خالتك ؟
معاوية ود خالتك ؟
شوفي البيت ده بيتنا
اكلت من يد خالتي عزيزة ملوحة وقراصة
اتونست مع عمنا احمد اميري
كنت بجي يوميا
ولمن اغيب خالتي عزيزة بتفقدني
الليلة بشد تلفون لي محمد اميري مرشح حزبنا في ناصر
واقول ليه :
شيل الدربكين امشي لي بت خالتك الضلامية دي
صلح ليها راسه !!
والله العظيم يا ميادة انا سعيد جدا اعرف انو اهلي ديل .. اهلك
ومن الليلة كان زميل ساي حمر ليك !!
اديني ماسنجر
| |
|
|
|
|
|
|
|
|
|
Re: إلى زوجتي : مع الشُكر اللطيف (Re: خالد العبيد)
|
| Quote: ومن الليلة كان زميل ساي حمر ليك !! |
للدقة ...
حمر من حُمرة عين
ولا حُمرة لون ؟؟؟؟
...
...
...
للعلم كان لنفاج منزل أميري القدح المعلى في زواجنا
وللمبدعة نفيسة طه دور أكبر وأهم وأخطر
لولا خوفي من إحتمال قراءة والدة زوجتي لقلت انني كنت أقابلها أحياناً بمنزل ناس أميري
وكانت مشو غطاء وأمن
لهم التحية لوقفتهم معي إبّان النضال العاطفي
| |
|
|
|
|
|
|
|
|
|
Re: إلى زوجتي : مع الشُكر اللطيف (Re: Ahmed musa)
|
| Quote: للعلم كان لنفاج منزل أميري القدح المعلى في زواجنا |
أضبط!!
البيت ده واحد من خنادقنا !!
وخنادقنا وبيوتنا فيها مساحات واسعة للشوق والريد
على ايقاع مقولتنا الخالدة:
حبو غنو الدنيا ما زالت ندية!!
شفت نحن حلوين كيف
ويا حليل ايام زمان يا احمد
نزل الصور الصور !!
| |
|
|
|
|
|
|
|
|
|
Re: إلى زوجتي : مع الشُكر اللطيف (Re: خالد العبيد)
|
Quote: بالله خالتي عزيزة خالتك برضو!!
اميري ود خالتك ؟
محاسن الظريفة
وماجدة الجميلة
وومشاعر " مشو " الدبدوبة
بنات خالتك ؟
معاوية ود خالتك ؟
شوفي البيت ده بيتنا
اكلت من يد خالتي عزيزة ملوحة وقراصة
اتونست مع عمنا احمد اميري
كنت بجي يوميا
ولمن اغيب خالتي عزيزة بتفقدني
الليلة بشد تلفون لي محمد اميري مرشح حزبنا في ناصر
واقول ليه :
شيل الدربكين امشي لي بت خالتك الضلامية دي
صلح ليها راسه !!
والله العظيم يا ميادة انا سعيد جدا اعرف انو اهلي ديل .. اهلك
ومن الليلة كان زميل ساي حمر ليك !!
اديني ماسنجر |
سلااااااااامات اخ خالد العبيد
بالله شفت الدنيا دي ضييييييقة كيف
ياخي انا مبسوطة انك بتعرفهم
طيب : تعرف انا يمكن اكون شفتك
لاني قعدت وقريت معاهم ثانية وثالثة ثانوي في مدرسة البراري النموذجية
خالتي عزيزة اطيب ام وخالة
شفت الناس دي بسيطة كيف لكن طيبة الدنيا كلها فيهم
مشاعر الدبدوبة البتقول عليها دي.... الان عندها ولدين حلوين (4 سنين و التاني كم شهر كدا ما بعرف بالظبط) ربنا يحفظهم ليها
حارد عليك بي هناك في الماسنجر بتفاصيل اكتر
| |
|
|
|
|
|
|
|
|
|
Re: إلى زوجتي : مع الشُكر اللطيف (Re: Ahmed musa)
|
فاجأتني ذات مساء...
كانت وأُخريات يعزفن لحناً أُنثوياً صاخباً
وهي (دونهنّْ) كانت تتكئ على جسد العشق ...
خرجتْ عُدّة أفراح من بين ثناياها المُولعة بالطفولة
وسجدتُ (أنا) لربي أن شُكراً لك وحمدا ...
| |
|
|
|
|
|
|
|
|
|
Re: إلى زوجتي : مع الشُكر اللطيف (Re: Ahmed musa)
|
...
...
...
أهدتني ذات صباح (جُزءٌ منها)
أهدتنيه بطيبِ خاطرٍ فرّقته بين عوالمي ففاض أدويةٍ من جمال
نظرتُ إليهما , فشعرتُ أنني ملكٌ لعصورٍ قادمات
فرحاً حملتُ عطاءها
أسميه (بِكْرِي)
و قبّلته بين عينيه
حينها (فقط) ... ضمني الكون بين ذراعيه
فشعرتُ بأمانٍ لم يزلْ
| |
|
|
|
|
|
|
|
|
|
Re: إلى زوجتي : مع الشُكر اللطيف (Re: Ahmed musa)
|
لك ولها التحية والاحترام وليحفظكم الله من كل شر ويديم عليكم نعمة الصحة والعافية والسعادة سرمدا .
سعادة الاسرة وتماسك نسيجها واستقرارها هو الدعامة الاساسية لاستقرار المجتمع وتقدمه وازدهاره .
| |
|
|
|
|
|
|
|
|
|
Re: إلى زوجتي : مع الشُكر اللطيف (Re: عمر عبد الله فضل المولى)
|
شُكراً أخوي عمر عبدالله فضل المولى
ودمت ... أخي
...
...
...
في بدايات أغسطس من العام .1996م تحرك الرقيب شرطة .موسى عمر عبدالله إبن قبيلة الشأياب المقيم بالخرطوم إلى إحدى الوزارات الحكومية لمقابلة الوزير فيها السيّد .محمد طاهر إيلا لدعوته لحضور زواج إبنه المحامي وذلك برغم إعتراضاتي على ذهابه إشفاقاً عليه من تكبُّر وزاري قد يصيبه و يؤذي عصاميته ولكنّه كان يريد حينها مباهاة الجميع بإبن قبيلة الهدندوة الوزير الذي سيحضر زواج إبنه وسعدت لعودته فرحاً بمقابلة الوزير حينها .إيلا وإنتهاء المقابلة بوعد منه بحضور المناسبة ...
| |
|
|
|
|
|
|
|
|
|
Re: إلى زوجتي : مع الشُكر اللطيف (Re: Ahmed musa)
|
إتكأتُ يوماً على صفحة الذكريات ...رأيتها تخرجُ من بين الاحرف
تحملني طفلاً ... تسقيني من ماء تشُدُّ به عضد العشق
وأنا أغيب عن وعيِّ وأقفز أعلى حًلمي ... وأصرخ ....
تسمعَني أحجارٌ من جبالٍ شاهقاتٍ لا تملُك إلا الإنحناء لملامسة أسفل قدميها
وأنا أجفف جسدي من عرقٍ يتصبب قسراً منّي
و (أقضم) بقاياي المُتكئةُ على حبال غسيلها اليوميّ
| |
|
|
|
|
|
|
| |
Ahmed musa
Soumeta
معاوية عبيد الصائم
mayada kamal
talha alsayed
خالد العبيد
عمر عبد الله فضل المولى
Ashraf el-Halabi
فيس بوك
تويتر
انستقرام
يوتيوب
بنتيريست