|
|
 دولة جـــنود السودان
|
نبداها من وين ؟
والتكفيريون مالين الارض دشمان
نختاها لى وين ؟
والمفسدون .. القاتلون .. السارقون فى حلقومك يا وطن !!
طيب .. فكرة انو ملامحك الوطنية لابد تصرخ ..
تمنطق اللحظة بالجدية وتدى عمرنا امل بكرة
اى زول ماخد فى خاطرو ... وشايل جواه قيح ..
ماا اصلا انو الوطن مكسور والتباريح
الاندفن جوانا .. الانطرح والبساسق فى المنافى والفيافى والبجمعنا مافى ..
الحليب الاندفق ..وصراخ الطفولة اللسة تديك الحياة
ولسة خاتين فيها روحنا وبذرة متمسكة بالوجود والسجود والقيم ..
اختونا انتو ... بنبقى افضل ...
لكننا والاسف ايدينا ماسكة الانحراف عن جادة الطريق
ايدنا ما ملوية ولسانا محظور الشكية ..
قولوا لى ..
ليه تتقازم طموحاتنا وتتوسع فينا الانتهازية ؟!!
ليه تبقى افكارنا العظيمة اضيق من بطاقة وطن شخصية ؟!!
شيلوا تلكموا - نضفوا مداخلكم اليوت محنطة بالعنجهية
شيلوا من قدامنا العصبة النرجسية ..
تعرفوا .. لا يغير غيرنا ارضا مخطط ليها الامل لا بندقية
لا بتنفع نضالات السر ولا شهيق
الذفير مالى الامكنة والتواريخ المجيدة تئن
ابقوا جنود للوطن وامسحوا الدقن المهووسة
المنجوسة .. المنحوسة الشيطانية
الثورة لابد تجى
اللحظة فينا بترتجى
والامل والاله المعانا
والتضاؤل للقزم السارق للفرح
لابد تقوم الثورة بكرة
لابد تقوم
|
|
 
|
|
|
|
الفاتح الصادق حامد
فيس بوك
تويتر
انستقرام
يوتيوب
بنتيريست