|
|
 العدل والمساواة تدعو لتكوين (جبهة عريضة) !!!! .... بعد إيه؟؟
|
أود أن أستعير رائعة الشاعر إسماعيل حسن والتي تغني بها وردي " بعد إيه "
وتذكرني هذه الأغنية بزميل الدراسة والسكن عمر العيكورة - 19 تربية حنتوب
كان لعمر شريط كاسيت واحد وأغنية واحدة هي ( بعد إيه ) يستمع إليها طول الليل في توازن مهزوز ، بين حصار الكبرياء وضعف القلب
وكان يتمرغ بألم عنيف حتي وقعنا جميعا في أسرهذه الأغنية وحفظناها علي ظهر القلب.
وكانت سلمي هناك (بنت دفعته ) فتاة غجرية ضاحكة العينين تطيل من ألسنة اللهب
المهم كانت قصة عمر وسلمي من أشهر قصص الحب في مدينة حنتوب الجميلة
بالمناسبة كان ناصر حاكم بتاع الرباط ود جامعة أمدرمان الأهلية الاسع في أمريكا دا ( الأسبونسر بتاع القصة دي)
وياجماعة الخير عليكم الله البيلاقي منكم :
أ عمر العيكورة
ولا أ سلمي
ولا الأستاذ ناصر حاكم يغريه مني السلام
وأيضا تذكرت عندما أنتج محمد السبكي بعد عقد من الزمان فيلم كوميدي ظريف أطلق عليه إسم (عمر وسلمي) بطولة الفنان تامر حسني
ومي عز الدين ، يا سلاااام كان يمكن أن يصلح هذا الفيلم ما أفسده الدهر بينهما.
المهم تقول بعض كلمات الأغنية
بعد ايه جيت تصالحني
بعد ما ودرت قلبي الكنت فيه
جيت تشكي
جيت تحكي
جيت تبكي لية ليه
اعتذارك مابيفيدك
ودموعك مابتعيدك
العملتو كان بإيدك
انا ما لي ذنب فيه
ليه جيت تشكي
ليه جيت تحكي
ليه جيت تبكي لية ليه
نواصل....
|
|
 
|
|
|
|
|
|
|
|
Re: العدل والمساواة تدعو لتكوين (جبهة عريضة) !!!! .... بعد إيه؟؟ (Re: محمد ادم الحسن)
|
Quote: وكان يتمرغ بألم عنيف حتي وقعنا جميعا في أسرهذه الأغنية وحفظناها علي ظهر القلب.
وكانت سلمي هناك (بنت دفعته ) فتاة غجرية ضاحكة العينين تطيل من ألسنة اللهب
المهم كانت قصة عمر وسلمي من أشهر قصص الحب في مدينة حنتوب الجميلة
بالمناسبة كان ناصر حاكم بتاع الرباط ود جامعة أمدرمان الأهلية الاسع في أمريكا دا ( الأسبونسر بتاع القصة دي)
وياجماعة الخير عليكم الله البيلاقي منكم :
أ عمر العيكورة
ولا أ سلمي
ولا الأستاذ ناصر حاكم يغريه مني السلام
وأيضا تذكرت عندما أنتج محمد السبكي بعد عقد من الزمان فيلم كوميدي ظريف أطلق عليه إسم (عمر وسلمي) بطولة الفنان تامر حسني
ومي عز الدين ، يا سلاااام كان يمكن أن يصلح هذا الفيلم ما أفسده الدهر بينهما.
|
دا كوووووووووووووووووووووووووووولو نكتو ليك ناس العدل والمساواة ؟
كان كدي ناس كويسين
| |
|
|
|
|
|
|
|
|
|
Re: العدل والمساواة تدعو لتكوين (جبهة عريضة) !!!! .... بعد إيه؟؟ (Re: محمد حسن العمدة)
|
| Quote: دا كوووووووووووووووووووووووووووولو نكتو ليك ناس العدل والمساواة ؟ |
بالمناسبة يا ود العمدة عااااااااااااارفك عارف
تاني حاجة هو المصطلح بتاع الجبهة العريضة دا يحبوا الشيوعيين جدا... وكلوا شوية جبهة عريضة جبهة عريضة
مرة اتذكرت صاحبك ياسر فتحي قال ليهم ياجماعة جبهة عريضة ولا جبهة ضيقة كدي خلونا نتفق علي الحاجات
الاول بعد داك نشوفها بتبقي جبهة عريضة ولا ضيقة...هههههههههه
وعليك الله سلم لي علي ياسر فتحي
بجيك لي لناس العدل والمساواة
ولك الود
| |
|
|
|
|
|
|
|
|
|
Re: العدل والمساواة تدعو لتكوين (جبهة عريضة) !!!! .... بعد إيه؟؟ (Re: محمد ادم الحسن)
|
لينا سنة كاملة بنكورك ياجماعة الدعوة لوحدة اندماجية البتتكلموا عنها دي ما بتبقي
ماممكن ناس يخلوا فصايلهم ويندمجوا في العدل والمساواة ...
عشان شنو يعني؟
لكن ماكان في الوكت داك في زول عاقل من العدل والمساواة بسمع الكلام
ولم يستبينوا النصح...
وها هي العنتريات ، إنتهت بالدكتور خليل حبيس في ليبيا ، والدكتور جبريل تخلي عن لندن (عمارات فوق)
ومن الاحياء الشعبية في القاهرة يدعو الناس الي جبهة عريييييييييييييييييييييييييضة.
| |
|
|
|
|
|
|
|
|
|
Re: العدل والمساواة تدعو لتكوين (جبهة عريضة) !!!! .... بعد إيه؟؟ (Re: محمد ادم الحسن)
|
الفاضل محمد الحسن سليمان
سلامات
يا حبيب عمر الثوارت ولا الشعوب يفترض يا غالي ليس فيه اطلاقا عبارة بعد ايه؟؟؟
عمر ثورتنا بدرافور قصير نسبيا
وكل حركاتنا تعتبر بعمر الاطفال
النضج ليس مسبه...ولا شنو يا غالي؟؟؟
عبد الواحد النفش ريق الناس كلها حارن سنين
برضو لو جاءنا مفرضو نقول حبابوه ولا شنو قولك؟؟؟؟
محمد دارفور تنتظركم جميعا يا اخي
انت شخصيا لك مرارتك ولكن بحق الاخوة والقيم المسحه الواقف ليها طول عنرك يا غالي
بقول لك قول خير....وتقدم نحو اخوتك.
اشكرهم ناس العدل و المساواة
على هذه الخطوة....وهي دعوتي بان يتركوا الابواب مشرعه دوما بين الاخوة
فاشكرهم مريتن لانهم تبنوها.....
وادعوك من موقعك ايا كان ان تسعى للوحده....رجاء.....
الحزن كبير في الداخل و الموت معدلته عاليا.....و الوطن كله بمحنه وليس درافور فقط
ارجوكم ان ترتقوا لمستوى التحدي المناط بجيلنا.
تعلم انني لست عدل ولا مساواةولكن يفرحني تماما ان اراى كل الدارفورين متحدين بجبهة عريضه
ويفرحني تماما ان ارى كل قوى الهامش قادره تنسق معا.....ويفرحني....اكثر لو رايت خطوات فاعله لكل المعارضه السودانيه....من اجل التنسيق......ضموا الصفوف ودعونا نزغرد فقد طال حزننا.....ولم تجف دموعنا مؤخرا....احملوا لنا الباشره رجاء ولو منبريا....فكل الخير يبدأ من هنا باذن الله....
| |
|
|
|
|
|
|
|
|
|
Re: العدل والمساواة تدعو لتكوين (جبهة عريضة) !!!! .... بعد إيه؟؟ (Re: Tragie Mustafa)
|
Quote: اشكرهم ناس العدل و المساواة
على هذه الخطوة....وهي دعوتي بان يتركوا الابواب مشرعه دوما بين الاخوة
فاشكرهم مريتن لانهم تبنوها..... |
عزيزتي تراجي شايفك اليومين دي مركبة مكنة تسامح وحكم عجيبة (مره واحد) كما يقولوا الشاديين.
وبالجد بعيدا عن بعض الملح في البوست انا 100% متفق معاك وأنا فقط بقول الحق
وإذا صبأ د.خليل وجبريل تريني أول من يقول هذا صحيح وهذا خطأ ومافي أي مرارات
أعتقد أن فشل قضية دارفور في هذه المرحلة يتجسد بشكل واضح في فشل هذه النخب التي تقود القضية ، مضافا إليها
سرطان تفويت الفرص الملازمنا.
امس القريبة دي وقف خليل وحلف بالله العظيم إنو ديل ما حركات وسواقين تكاسي في اوربا ، وشرابين مريسة في الفنادق
والليلة بعد ما اتزنق يجي يقول داير يكون جبهة عريضة مع ديل؟ ما ياهم ذاتهم الامبارح كانوا سكاري... وين ال 27 حركة الانضموا
وكونوا العدل والمساواة الجديدة؟
سؤال تاني انا مصر عليه؟
مالو لو اطرحت الفكرة دي قبل مفاوضات الدوحة؟ ما كان اسع الوضع احسن مما حاصل أنا كلمتهم ياتراجي حتي علي المستوي الشخصي
ياجماعة الخير دا كلام ماببقي في ناس لما بدوا الثورة دي في دارفور انتو كنتوا في الانقاذ ديل ما بخلوا حركاتهم ويجو ينضموا ليكم
ولكن مافي زول كا ن بسمع كانوا ولا بيسمعوا ولا بشوفوا مفتركين الانقاذ دي هتديهم الهم عاوزنوا.
أنا ضد العقلية التي تتعامل بمفهوم سوق الزنقة حتي في السياسة. لذلك هذا في البوست في اطار النقد اللازع للعدل والمساواة
ونقدنا هو الخلاهم يتراجعوا.
مع ذلك انا شايف
الدعوة الي تكوين جبهة عريضة تتطور للعدل والمساواة وخطوة لقدام وكويس انو العدل والمساواة اتعلمت من اخطاءها بس (بعد إيه ).
وياتراجي بعد إيه دي عشان نحلي بيها البوست بس
لك مودتي واحترامي الابدي
| |
|
|
|
|
|
|
|
|
|
Re: العدل والمساواة تدعو لتكوين (جبهة عريضة) !!!! .... بعد إيه؟؟ (Re: محمد ادم الحسن)
|
| Quote: وكل حركاتنا تعتبر بعمر الاطفال |
نخبنا قصدك..
شوفي ياتراجي دا كلام خليل أمس القريبة دي في إجابته لكمال الصادق
تصريح الدكتور خليل إبراهيم لبرنامج حديث اليوم لراديو دبنقا بتاريخ 25-2-2010
د.خليل نشكر الأخ الصادق وراديو دبنقا وقد خرجنا الآن من مؤتمر صحفي بفندق شيراتون الدوحة..
وتناولنا التزام الحركة بوقف إطلاق النار ورغبة الحركة الصادقة للدخول في سلام ومراعاة المصلحة العامة وأطراف الحوار ، وأكدنا بوضوح أننا لانقبل بوجود أكثر من ملف وأكثر من منبر حول قضية واحدة وتحت وساطة واحدة وفي مكان واحد.
ورأينا أن كل الناس يتوحدوا في جهة والحكومة من جهة ، وهي وحدة لكل الناس لا غالب فيها ولا مغلوب وفي حالة رفض المجموعات الاخري مع حركة العدل والمساواة ، فنحن لا نقبل أن يكونوا طرف أو يوقعوا اتفاق اطاري اخر غير اتفاقنا.
لا، في حقيقة الأمر هي حركات غير مقاتلة ، وغير موجودة علي الأرض ، وغير مسلحة ، ممكن يعتبروا مجتمع مدني ، وزيهم وزى الأحزاب إلفي السودان.
لا عندهم بعد شعبي ، ولا بعد عسكري ، وهي مجموعات موجودة في الفنادق وتظهر من وقت لآخر ، وتدعي لأنها حركات .
الحكومة علي كيفها يمكن أن توقع معهم اتفاق في في منبر آخر أو في بلد آخر...
يا نحن ياهم ... ويوقعوا وقف إطلاق نار مع شخص ماعندوا نار .. وما عندوا أي شئ
وبعضهم له عشرين سنة ما شاف دارفور ، المواطنين الصابرين في معسكرات اللجوء أكرم منهم وأفضل منهم.
بعضهم هارب من المعركة هربوا بجلدهم ولجأوا برا قاعدين في الفنادق ويدعوا أنهم حركات ... الأولوية للناس الفي المعسكرات مش النوع دا من الناس.
سؤال: إلا يجو يخشوا معاك لو ماخشوا معا كانت ماداير هل دا بجيب سلام؟
د.خليل نعم بجيب سلام .
الاتفاق مع العدل والمساواة هو البجيب سلام ، لانهم ما خالقين مشكلة لو ماوقعوا ، هم مسمسرين ومجموعات عايشة علي القضية ويشربون الخمور في الفنادق.
بضرب ليك مثال أسع التيجاني سيسي دا حركة مسلحة؟؟ نحن مانغش أنفسنا.
وحتي دخولهم مع حركة العدل والمساواة هو تفضل من العدل والمساواة.
حتى الحركة دي عندها رأي ما يدخل أي زول.
سؤال: غازي قال أنو هنالك اتفاق إطاري تاني للمجموعات الأخري ؟ مارأيك؟
لو عملوا اتفاق إطاري آخر الحركة تنسحب من الحكومة.
وسوف ننسحب .. نخلي إتفاقهم يوصلوا حدوا وبعدين.
| |
|
|
|
|
|
|
|
|
|
Re: العدل والمساواة تدعو لتكوين (جبهة عريضة) !!!! .... بعد إيه؟؟ (Re: محمد ادم الحسن)
|
مسئؤول العلاقات الخارجية بالعدل والمساواة لـ ‘ أفريقيا اليوم’: لن نذهب للدوحة مكرهين ونسعي لتشكيل جبهة اجتماعية وليست عسكرية
وأوضح أن الجبهة العريضة التي تنوي العدل والمساواة تشكيلها مع بعض حركات دارفور ليست فكرة جديدة, وقال : لقد طرحنا مشروعا للوحدة الاندماجية عندما كنا بالدوحة, وذلك لتكوين صف واحد يفاوض الحكومة, مضيفا :عندما وجدنا تخوفات من بعض الأطراف في دارفور, عرضنا عليهم تكوين جبهة عريضة, مع الإحتفاظ بكياناتهم, وكان الغرض الوصول إلي مرجعية وموقف موحد في التفاوض, نافيا أن تكون تشكيل هذه الجبهة العريضة بهدف إضعاف منبر الدوحة كما يردد البعض, مؤكدا أن الجبهة تمثل كيانا اجتماعيا وليس عسكريا, وأن الإتصالات مستمرة لإنضمام عدد أكبر من حركات دارفور, ومع مجموعة خارطة الطريق في الدوحة وطرابلس والقاهرة.
http://www.sudanjem.com/2009/archives/30408/ar/#more-30408
| |
|
|
|
|
|
|
| |
محمد ادم الحسن
Tragie Mustafa
فيس بوك
تويتر
انستقرام
يوتيوب
بنتيريست