دعواتكم لزميلنا المفكر د.الباقر العفيف بالشفاء العاجل
|
|
 في السودان ...... رمضان شهر الغناء والطرب بدل التوبة والغفران
|
لاحظت كما لاحظتم كمية البرامج الغنائية التي تعرض في قنواتنا الفضائية بمجرد ان ياذن اذان المغرب وحتي ما بعد اذان الفجر لا يخلو برنامج من فنان ( ياخي حتي لو برنامج سياسي تلقاهم جايبين ليهم فنان)
ياخي انا اقتنعت انه انحنا امة طروبة ولكن ما للدرجة دي والله كرهنا الغنا تقلب من قناة لي قناة وكلها ( يا ريت يا استاذ لو تسمعنا حاجة )
والغريب مرات كدة تلقي اكتر من عشرة فنانين في حلقة واحدة مدتها اقل من ساعة يعني لغاية ما الحلقة تنتهي ممكن نصهم ما يلقي فرصة يفتح خشمو ليه البهدلة دي وعدم الاحترام دا .
|
|
 
|
|
|
|
|
|
|
|
Re: في السودان ...... رمضان شهر الغناء والطرب بدل التوبة والغفران (Re: بكري عباس علي)
|
صدقت والله التلفزيون اصلا كلوا غنا وفى رمضان زاد زيادة ، انا ما عارف المغنين ليها شنو التقول رطبنا وحصلنا دول الخليج ، سبحان الله كل القنوات السودانية تجد برامجها عبارة عن غناء او حتى البرنامج العادى تجد فيه فنان متحكر وقاد غايتو اى زول مشى اتوجه ولبس بدلة عمل لينا فنان واى واحدة مشت عملت كريمات وباروكة بقت فنانة حاجة تحير طالع معى مقال الكاتب الكبير عبد اللطيف البونى بصحيفة التيار وهو يكتب عن نفس الموضوع ، شهر رمضان يا جماعة شهر للتوبة والغفران وليس للغناء اغلقوا هذه التلفزيونات يرحمكم الله
دلوكة خمجانة
عبد اللطيف البوني
يُحكى عن جدنا ود بليلة أنه كان محبًا للطرب وزاهدًا في متاع الدنيا، وكان إذا وجد دلوكة (يخلص فيها) لدرجة البطان، وبعد انتهاء (اللعبة) يدعو ست الدلوكة قائلاً: (نحن أهلك البليلاب حيران الشيخ أم محمد علي وبيوتنا قدام الحلة أكان جيتي هناك ضروري تنزلي فوقنا)، ويُحكى أنه في ذات (طربة) جاء ابنه وأخبره بأن نعجته الوحيدة قد ماتت فرد عليه بالقول (كجنة تزيد الفيها أنا أصلي مكجنها) أي كراهية تزيدها موتًا على موتها فهو أصلاً كارهها. تذكرت حكايات جدنا ود بليلة وأنا أتسكع في أمسية الجمعة الثالث من رمضان الجاري على القنوات السودانية فوجدتها كلها تقريبًا تعطي الطرب ساعات كثيرة جدًا في فترة بعد الإفطار وفي السهرات، ففي قناة النيل الأزرق التي عادةً ما تحرز (قوون المغربية) ببرنامجها ذي المشاهدة العالية (أغاني وأغاني) كانت حلقة الجمعة مخصصة لأغاني ترباس، فغنى ترباس مع الشباب كما لم يغنِّ من قبل، وفي ذات الوقت كان الطيب عبد الماجد يستضيف الفنان الكبير شرحبيل أحمد، وكانت في رفقته الفنانة آمال النور التي كانت تغني دي ويتو معه مع ضيوف آخرين، وفي قناة قوون كان ترباس مع الحلنقي والتيجاني الحاج موسى في برنامج يومي، أما في هارموني حيث بنات حواء والدلوكة الخمجانة الجد جد حيث حواء ست الاسم وحرم النور وإنصاف مدني وبلوبلو. لا أدري ماذا كان يوجد في الشروق وزول والأمل فأكيد توجد هناك (أغاني). عندما جاءت السهرة لمحت في القناة القومية شابة تغني غناء حماسة أما قناة النيل الأزرق فكانت سهرتها مدائح الشيخ البرعي بمناسبة الجمعة، وفي السبت كانت سهرتها مع ندى القلعة، في قناة قوون كان ترباس مع فاطمة الصادق، وفي قناة الأمل كان زيدان إبراهيم مع إبراهيم عوض وفي قناة الشروق كان هناك زكي عبد الكريم مع حسين خوجلي، وبعد السهرات أعادت كل القنوات برنامج ما بعد الإفطار، هذا يعني أنني شاهدت ترباس في (الليلة ديك) خمس مرات بالإضافة إلى أن (أغاني وأغاني) كان معه يوم السبت أيضًا فهو ملك الطرب هذه الأيام. العبد لله من أحفاد ود بليلة يعني أنه طروبي وجد محب للغناء السوداني ولكنني أصدقكم القول شعرت بأن هناك إسرافًا في الغناء أكثر من اللازم، إنه إسراف لا يتناسب مع حرمة هذا الشهر ولا مع ظروف بلادنا، إسراف يشعرك بأن شعبنا هذا غارق في الدلوكة وكأن قضاياه قد حُلت ولم يبقَ له إلا الدلوكة. باستثناء البرامج الدينية في العصريات، أي قُبيل مغيب الشمس، تبدو هذه القنوات وهي خاوية من البرامج التثقيفية والتنويرية لا بل حتى الدراما السودانية لا وجود لها إلا نزرًا يسيرًا بالمناسبة يبدو لي أن الإقبال على الدراما العربية قد قلَّ ولم يعد بذاك الاندفاع الذي كان قبل عدة سنوات لا أحد ضد الطرب والترفيه والترويح ولا أحد ينادي بعودة أيام الإنقاذ الأولى التي أدخلت الغناء في زاوية الممنوعات و(خنقت وفطست) الكثير من الأغاني التي تدعو للحب وتتكلم عن خمر العشاق، ولكن بالمقابل ما يحدث الآن من انفلات طروبي يحتاج إلى إعادة نظر، فبلادنا في حالة انعدام وزن والكائدون لها ليس لديهم دلوكة خمجانة تشغلهم وأخشى ما أخشاه أن يحدث لنا ما حدث لجدنا ود بليلة، نحن مع الطرب وتموت نعجتنا الوحيدة عندما نبلَّغ بها نقول (نحن أصلنا مكجننها
| |
|
|
|
|
|
|
|
|
|
Re: في السودان ...... رمضان شهر الغناء والطرب بدل التوبة والغفران (Re: بكرى خليفة صديق)
|
يا بكري رمضان كريم
والله بوستك دا وقع لي في جرح
انا مثلك كرهت القنوات السودانية التي لا تقدم شيء غير الغناء ومزيد من الغناء
في تقديري دا راجع للفراغ البرامجي الشديد الذي تعاني منه هذه القنوات
فلا يوجد انتاج لمسلسلا ت ولا دراما ولا برامج جديدة
كل القنوات تعاني من الجفاف والفقر البرامجي ومافي حاجة تملا الهوا الا الغنا
وأهلنا قالو البلقا هواهو بضري
أها الفنانين لقو الهوا وقعدو يضروا
وظهرت برامج تولد مزيدالفنانين والساحة اتملت وفاضت والحكاية كترت ومسخت
اناواحد من الناس اعتبر نفسي سميعة لكن والله مع الرش دا كرهت الاغاني عديييييييييييييل
| |
|
|
|
|
|
|
|
|
|
Re: في السودان ...... رمضان شهر الغناء والطرب بدل التوبة والغفران (Re: معاذ حسن)
|
شكرا بكري ورمضان كريم يا اخي
المشكله يا معاذ انكارهم للواقع
رداما نشو يا اخي
لو طلعوا للشارع ده باقي لك في دراما اكثر منه؟؟؟
مشكلتهم ما عايزين يحكوا عن نبض الشارع وهموم المواطن
مشاكلهم الايدز البيفتك بالناس ولا موائد المواطنين البقت فاضيه في رمضان من الفقر
طله ده ما عايزين يحكوا عنه عايزين يخردوا المواطنين!!
ونحن زارنهم نطالبهم بمواجهة كراثة المخدرات
وهم اكبر جهاز يحرص على تعميم التخدير لكل الشعب.
قال غنى قال!!
المغنين لها شنو بالله الناس ديل؟؟!!
| |
|
|
|
|
|
|
|
|
|
Re: في السودان ...... رمضان شهر الغناء والطرب بدل التوبة والغفران (Re: Tragie Mustafa)
|
بكري عباس سلام
ياهو ذاتو رمضان التلفزيون من زمان طرب ومسلسلات مصريه بس القنوات زادت العرض من نفس العينه ودواعي الهروب من الواقع التعيس بقت اكتر من الاعلانات (الجاذبه) حجوه ثابته التكرار ونحن لافين في حلقه الرقيص المنصوبه
| Quote: نحن مع الطرب وتموت نعجتنا الوحيدة عندما نبلَّغ بها نقول (نحن أصلنا مكجننه |
البوني راجل لذيذ جدا شكرا بكري خليفه
| |
|
|
|
|
|
|
|
|
|
Re: في السودان ...... رمضان شهر الغناء والطرب بدل التوبة والغفران (Re: معاذ حسن)
|
معاذ حسن
الله اكرم ياخي
Quote: والله بوستك دا وقع لي في جرح
انا مثلك كرهت القنوات السودانية التي لا تقدم شيء غير الغناء ومزيد من الغناء
في تقديري دا راجع للفراغ البرامجي الشديد الذي تعاني منه هذه القنوات
فلا يوجد انتاج لمسلسلا ت ولا دراما ولا برامج جديدة
كل القنوات تعاني من الجفاف والفقر البرامجي ومافي حاجة تملا الهوا الا الغنا
وأهلنا قالو البلقا هواهو بضري
أها الفنانين لقو الهوا وقعدو يضروا
وظهرت برامج تولد مزيدالفنانين والساحة اتملت وفاضت والحكاية كترت ومسخت
اناواحد من الناس اعتبر نفسي سميعة لكن والله مع الرش دا كرهت الاغاني عديييييييييييييل |
ياخي الجماعة ديل طالما عندهم فقر برامجي ما مفروض يجو يعملوا لينا الاسهال والاستسهال الغنائي دا يعني كل من هب ودب دخل ليهو في كرفته ولا واحدة جلطت ليها كريمات وجو عملوا لينا فيها فنانين
| |
|
|
|
|
|
|
|
|
|
Re: في السودان ...... رمضان شهر الغناء والطرب بدل التوبة والغفران (Re: هاشم نوريت)
|
الإكثار من الغناء شئ مقصود لصرف الناس عن التفكير في كيفية التخلص
من جلاديهم وبلاويهم Quote: لو طلعوا للشارع ده باقي لك في دراما اكثر منه؟؟؟
مشكلتهم ما عايزين يحكوا عن نبض الشارع وهموم المواطن
|
ثم إن الممسكين بخناق الأجهزة الإعلامية إنما تسللوا إليها بفضل سياسة تمكين الموالين
وحظهم من الملكات الابداعية بائس وضئيل, أين البرامج الثقافية , بل أين ضروب الفن الأخرى من مسرح
وتشكيل
فالفن عندهم إنماهو تكرار ممل لأغاني أم درمان , أنظر فقر الخيال والتكرار حتى في التسمية ..أغاني وأغاني ,تماما كما حصرنا الرياضة في كرة القدم وفي فرقين بائسين هلال مريخ .
وحتى لا يجهلن أحد علينا , فالعبد لله من رجل طروب ومن أمدرمان كمان. ولكن أن تقوم بجوله على
هذه القنوات ولا تجد الا الدربكات مدورة ينتابك احساس بأننا شعب مصاب باسهال غنائي حاد.
اين القنوات التعليمية التي يمكن أن تعوض نقص المعلمين والكتاب في المناطق المهمشة ؟؟
أين القنوات الموجهة للمزارعين والرعاة للإرتقاء بمهاراتهم الإنتاجية ؟
| |
|
|
|
|
|
|
|
|
|
Re: في السودان ...... رمضان شهر الغناء والطرب بدل التوبة والغفران (Re: معاوية الأرباب)
|
الاخ بكري
رمضان كريم وكل سنة وانت طيب
ياخي لو مافي حاجة اسمها ريموت كنترول كانت الناس دي طقت عديل كده
رمضان شهر فضيل يجب احترامه كشهر ايامه معدودات لكن العكس هو الصحيح باقي السنة صارت ايام معدودات ورمضان يبرطعوا فيهو
ياخي خليها برامج الاغاني الدعايات ذاته كلها اغاني واحد كده يبتكر ليهو دعاية من غير غناء مافي واذا تم الابتكار من خبرات اجنبية
يقوموا يرمو خديجة من البلكونة طوالي لووووووووووولز
شخصيا خليك الجمل بماحمل ( التلفزيون ) للاولاد مابين المسلسلات العربية وبرامج الاطفال وفي الحالتين انا ضائع
تقبل الله منا ومنكم صالح الاعمال
زاتووووو
| |
|
|
|
|
|
|
|
|
|
Re: في السودان ...... رمضان شهر الغناء والطرب بدل التوبة والغفران (Re: ALZOLZATOO)
|
زاتو
الله اكرم ياخي
Quote:
رمضان كريم وكل سنة وانت طيب
ياخي لو مافي حاجة اسمها ريموت كنترول كانت الناس دي طقت عديل كده
رمضان شهر فضيل يجب احترامه كشهر ايامه معدودات لكن العكس هو الصحيح باقي السنة صارت ايام معدودات ورمضان يبرطعوا فيهو
ياخي خليها برامج الاغاني الدعايات ذاته كلها اغاني واحد كده يبتكر ليهو دعاية من غير غناء مافي واذا تم الابتكار من خبرات اجنبية
يقوموا يرمو خديجة من البلكونة طوالي لووووووووووولز
شخصيا خليك الجمل بماحمل ( التلفزيون ) للاولاد مابين المسلسلات العربية وبرامج الاطفال وفي الحالتين انا ضائع
تقبل الله منا ومنكم صالح الاعمال
|
والمشكلة انه الاغاني دي ما يكتروها الا في رمضا ن
وفعلا حقارتهم بس بخديجة
يديك العافية
| |
|
|
|
|
|
|
|
|
|
Re: في السودان ...... رمضان شهر الغناء والطرب بدل التوبة والغفران (Re: بكري عباس علي)
|
الاخ العزيز بكري عباس علي
كيفك يا حبيب
وكل سنة وإنت طيب
ورمضان كريم
لينا فترة ما إتلاقينا في بوست حار كده زي بوستيك ده
والله ليك وحشة يا بكري
----
خلينا في الموضوع بتاعك
----
لمن بدأت القنوات اللبنانية تصابح عيونا قبل حوالي عشر سنوات تقريباً
وبقينا نشوق حاجات جديدة ( صبايا وكده )
اقصد تقنيات جديدة في التقديم والاعلان وخلافو
طل علينا اللبنانيون بتقليعة تشبههم ولا تشبهنا ولاتشبه مجتمعاتنا
وهي
خيمة رمضان
نسوان قاعدة والارجيلة والشيشة وغنا بيقولو محترم عشان الشهر الفضيل
***
دخل المصريين في المعمعة بعدهم بكم سنة
وكانت خيمة المصريين أكثر ميوعة وخلاعة من خيمة اللبنانيين
جا فيها شوية رقص
ممكن يكون محتشم زي ما بيقولو
لكن لو حسبت نسبة غير المسلمين إلى المسلمين في لبنان وفي مصر
المفروض مصر ما يكون فيها نهائيا حاجة إسمها خيمة رمضان
ومع ذلك نحفظ للمصريين إنهم على مستوى كل القنوات الرسمية
أن طابع كل القنوان في شهر رمضان المبارك إنما هو الطابع الديني
والدعوة والارشاد
والقرآن
***
تمر السنين يا حبيب
ويكتشف السودانيين أن هناك شيء إسمه خيمة رمضان
غنا وهجيج في رمضان
السودانيين حتوهو عدييييييييييييييييل
يا راجل القرأن والله الذكر والله الدعوة مافي نهائيا
زمان كانت في برامج مسابقات قرأنية وحاجات تشبه الشهر الفضيل
--
كنت من يومين اناقش الموضوع مع واحد صديق لي في الرياض
قلت له بالله عليك
مش حرام حوالي عشر قنوات مافيها ولا واحدة
شكلها يشبه شهر رمضان المبارك
انا لله وانا اليه راجعون
| |
|
|
|
|
|
|
|
|
|
Re: في السودان ...... رمضان شهر الغناء والطرب بدل التوبة والغفران (Re: كمال الشادي)
|
استاذي كمال الشادي
الله اكرم ياخي وكل سنة وانت طيب وينك يا راجل ياخي فاقدينك عديل كدة ولي مداخلاتك الثرة
Quote: تمر السنين يا حبيب
ويكتشف السودانيين أن هناك شيء إسمه خيمة رمضان
غنا وهجيج في رمضان
السودانيين حتوهو عدييييييييييييييييل
يا راجل القرأن والله الذكر والله الدعوة مافي نهائيا
زمان كانت في برامج مسابقات قرأنية وحاجات تشبه الشهر الفضيل
--
|
قصدك طبعا نحنا طوالي ماسكين العصاية من النص والله فعلا دا الحاصل وانحنا طوالي مشاترين
يديك العافية وما تطول ياخي
| |
|
|
|
|
|
|
|
|
|
Re: في السودان ...... رمضان شهر الغناء والطرب بدل التوبة والغفران (Re: عبدالفتاح أبوشيمة)
|
عبد الفتاح
كل سنة وانت طيب
Quote:
فضائيات السودان خصم على روحانية الإنسان
وفي رمضان
شهر التوبة والغفران؛ وتلك الممارسات إحدى معوقات التوبة.
فماذا يراد بك يا أجمل إنسان؟
ومن يخطط لهكذا عدوان.
ولك التحية يا بكري عباس علي يا فنان
أما عن سؤالك الفتّان فليت الأمر توقف عند ضياع وقته هو
بل إنهم يسهمون في ضياع وقت سمين من هذا الغلبان |
ياهو دا السودان الكل بقي فنان حليل المشاهد الغلبان
تسلم يا حبيب علي تلخيصك المشكلة بهذا السجع الجميل
| |
|
|
|
|
|
|
|
|
|
Re: في السودان ...... رمضان شهر الغناء والطرب بدل التوبة والغفران (Re: بكري عباس علي)
|
مقال في نفس الاتجاة للكاتبة
مني سلمان بصحيفة الراي العام عدد 29/8/2010
كادت البرمجة الرمضانية للقنوات السودانية ان تلصق ليالينا الرمضانية وصمة الخميس الذي كان يعتبره البعض يوما للصفقة والرقيص، فالثلاث قنوات الاكثر مشاهدة تحلل افطار الصائمين بالغناوي وشي من الحكاوي ..
دلوكة هارموني الخمجانة تولت مهمة مصاقرة دلوكة النيل الازرق الطربانة، وبينهما يعرض الطيب عبد الماجد وبينه وبين الاثنتين مسافة وناس قيافة .. حالة الطرب الجماعي التي اصابت فضاءاتنا، ازهلت الناس عن بلاوي الفتن التي تحيق بسماواتنا، وجعلتهم سكارى بالطرب وما هم بسكارى رغم ما ينتظر البلاد في مقبل الايام وهو لو يعلمون (شديد) ..
من اطرف ما قرأت عن مفارقة البرمجة الرمضانية لهموم الوطن مسيرة يوم وضحوة، ما خطه استاذنا (البوني) عندما شبه انغماس الناس في شئون الطرب، ولهاثهم وراء سباق القنوات في الاستحواذ على المشاهدين، بصورة انست الجميع دقة المرحلة التي تمر بها البلاد، بحكاية احد جدوده وكان يحب الغناء وتأسره نقرة الدلوكة الخمجانة، حتى اذا ما جاءه ابنه ينعي له وفاة غنماية اللبن اثناء وجوده في مجلس طرب، اكتفى بزجر الابن الذي افسد عليه متعة الاستماع واستخف بموتها فقال:
(كجنة تزيدها في العليها .. اصلي مكجّنا من يوما) !!
الغريبة، ان كل القنوات العربية في رمضان تتجنب الخوض في بحار الغناء والطرب، وتفر منه فرار الصحيح من الاجرب، حتى ان المطربين يتجنبوا انزال أي البومات أو اغاني جديدة في رمضان خوفا عليها من البوار، وذلك لان ذائقة العرب تكجن الطرب في رمضان وتميل نحو الدراما، لذلك تلجأ القنوات الفضائية لاغراق الاذواق والاسماع بفيض من المسلسلات ينتهي رمضان ولا ينحسر فيضانها، أما القنوات السودانية ربما خضوعا لمزاج متابعيها، وربما لقلة وبؤس انتاجها الدرامي، مالت للترفيه عن مشاهديها في الشهر الفضيل بالبرامج الحوارية (المخللة) بالغناء أو الغنائية المخللة بالحوار .. ايهما تغلب على الاخر ..
لهذا السبب أو داك الأولاني، تعرضت تلك البرامج لموجة عاتية من النقد (بناء وهدام) ومن بينها برنامج (اغاني واغاني) بنسخته الاصلية والنسخ المقلدة له في بقية القنوات، والنقد دليل عافية ومؤشر من مؤشرات النجاح .. بس لكن شنو ؟ اااي لكنتها !!
احتفظ البرنامج بحق الريادة والجودة والاستحواذ على المشاهد لولا بعض (الإنات) مثل قلة البروفات التي ادت لبعض التنشيز، مع الكم الكبير من المشاركين الذي حول الاستديو لـ (قهوة الزيبق) أو (مولد وصاحبو حاضر) .. كذلك فان كمية المشاركات من الجنس اللطيف كان اكتر من اللزوم، وكان ينبغي لاستاذنا (السر قدور) أن يعمل بحكمة (يكفينا من الدستة معلقة) حتى لو لجأ للقرعة لاختيار تلك الملعقة .. واحدة منهن كانت تكفي لسد خانة (ضرب المثل)، فقد عاقت كثرتهن امكانية التعرف على مواهبهن فتحولن لتمومة جرتق، أو مجرد شيالات وزغرادات عندما يحمى وطيس الطرب ..
اما بنات امنا حوا فقد كانت المناظر اكثر تشويقا من الفلم، فالترويج للبرنامج جعلنا نعشم ان يقومن بنات الصرة الما يضوقن مرة، بتحويل بحر الغناء لطحينة، ولكن البرنامج في (بت ام روحو) جاء مختلفا واهدأ ايقاعا، بل وعانت مقدمته (تريزا شاكر) من تكلّف و(تعسّم) التلاتة ضيفات، ومن الدلوكة المتختخة .. ما جابن معاهن مبخر يسخّنوها بيهو ؟
على كل حال ان كان من ميزة للبرنامج فقد اتاح لنا فرصة الاستمتاع بحكاوي الزمن الجميل من (حوا الطقطاقية) او حبوبة (حوا) كما تناديها (تريزا)، كما أكد على أن (حرم النور) قيافة وفايتا بنات جيلها مسافة !!
وسط هذا الزخم الطربي توارت المتألقة دوما (رانية هارون) صاحبة الحس المرهف والتلقائية والبساطة والثقافة وبراعة الامساك بخيوط مواضيعها .. اقول فيها شنو وللا شنو ؟ حقيقة (رانية) شارقاني ولو منّ الله علينا بعشرة من امثال تلقائيتها لتغير حال القنوات الفضائية من حال إلى حال .. اعتقد ان قناة (الشروق) قد ظلمت البرنامج الانساني الجميل حين حشرته بين بصلة الغناء وقشرتها، وحصرت امكانية متابعته على فترة الاعلانات الطويلة ومسيخة في (اغاني واغاني) والتي يهرب منها المشاهد للمتاوقة لـ (بيت العرس) في هارموني أو بيت البكا على هملة انسان السودان في (مع كل الود والتقدير) .. تحية للشروق ولرانية التي افلحت في تحسس مواضع ومواجع الالم في جسد مجتمعنا المنهك، واسمعتنا اصوات المسحوقين في اصقاعنا المختلفة، فلولاها ما احسسنا بـ (حسسم) ونحن نرفل في حلل العافية والمعافاة من كثير مما ابتلى الله به خلقه
| |
|
|
|
|
|
|
|
|
|
Re: في السودان ...... رمضان شهر الغناء والطرب بدل التوبة والغفران (Re: بكري عباس علي)
|
Quote: الغريبة، ان كل القنوات العربية في رمضان تتجنب الخوض في بحار الغناء والطرب، وتفر منه فرار الصحيح من الاجرب، حتى ان المطربين يتجنبوا انزال أي البومات أو اغاني جديدة في رمضان خوفا عليها من البوار، وذلك لان ذائقة العرب تكجن الطرب في رمضان وتميل نحو الدراما، لذلك تلجأ القنوات الفضائية لاغراق الاذواق والاسماع بفيض من المسلسلات ينتهي رمضان ولا ينحسر فيضانها، أما القنوات السودانية ربما خضوعا لمزاج متابعيها، وربما لقلة وبؤس انتاجها الدرامي، مالت للترفيه عن مشاهديها في الشهر الفضيل بالبرامج الحوارية (المخللة) بالغناء أو الغنائية المخللة بالحوار .. ايهما تغلب على الاخر ..
|
كلام سليم
| |
|
|
|
|
|
|
|
|
|
Re: في السودان ...... رمضان شهر الغناء والطرب بدل التوبة والغفران (Re: بكري عباس علي)
|
..
.
يجيبوا ليكم دين وفتاوى وساحات الفداء تقولوا ديل متطرفين وتجار دين
ومعاملين فيها بعرفوا الله والرسل ( ص) اكتر من الى المهاجرين والانصار
يجيبوا ليكم غناء وحفلات وطرب وسهرات وهجيج
تقول ناس ما بتخاف الله وما بتتقى الرحمن وعاملين رمضان طرب وغناء
ياخى انتو مش علمانيين ..
خلاص اتركوا ما لقيصر لقيصر وما لله لله ..
-------------
بالمناسبة دا رأيك ولا تقرير منبر قناة الجزيرة ..
| |
|
|
|
|
|
|
| |
بكري عباس علي
بكرى خليفة صديق
معاذ حسن
Tragie Mustafa
محمد علي شقدي
هاشم نوريت
معاوية الأرباب
ALZOLZATOO
كمال الشادي
عبدالفتاح أبوشيمة
انس العاقب
محمد زكريا
فيس بوك
تويتر
انستقرام
يوتيوب
بنتيريست