|
|
|
 Re: سيناريوهات القبض على البشير...؟ (Re: خالد خليل محمد بحر)
|
...شكل القرار التأريخى للمحكمة الجنائية بإصدار مذكرة جلب للسيد/عمر البشير وبعض من رموز نظامه علامة فارقة فى مجمل المشروع الإسلاموى فى السودان, ووضع النظام لأول مرة أمام تحدى وإختبار حقيقى، حيث أصبحت ولأول مرة رهانات المرواغة والفهلوة والتسويات صفر, ورغم تأكيدات النظام (المترنح) الرافضة لدفع الإستحقاقات الأخلاقية والقانونية للإبادة الجماعية والتصفية العرقية وجرائم الحرب فى إقليم دارفور, بيد أن هنالك حقيقة واضحة فى مجمل هذا الموضوع أكدها غير مرة السيد /مورينو أوكامبو المدعى العام للمحكمة الجنائية مفادها أن السيد/عمر البشير سيمثل أمام قضاة المحكمة الجنائية..وما قاله السيد أوكامبو هو عين الحقيقة التى تدعمها الكثير من الفرضيات, خاصة إذا إستدعينا مسارات جرائم الإبادة الجماعية والتصفيات العرقية والتى إنتهت فى مجملها بمثول المتورطين فيها أمام قضاة المحكمة الجنائية ,وأظننا هنا ليس فى حاجة لإستدعاء قائمة مجرمى حرب البوسنة من الذين جُلبوا للمثول أمام قضاة المحكمة الجنائية فى لاهاى,إذا القناعة الراسخة عند مجاميع معتبرة هو أن الموضوع فى نهاية الأمر ماهو إلا مسأله زمن ليس إلا, وفى الختام وإن طال الزمن سيمثل البشير أمام قضاة المحكمة الجنائية إما من تلقاء نفسه أو من خلال الجلب, وإن كان الخيار الأول من الخيارات (وهو الأكثر عقلانية للبشير وللنظام) قلت أن الخيار الأول هو أكثر الخيارات عقلانية فى مايخص البشير والنظام على السواء, بيد أنه يحتاج لطاقة دفع من داخل تيارات فى النظام, مدفوعة بطاقة دفع أخرى من حلفاء النظام على الصعيد العربى والإسلامى, هذا فى ما يخص الخيار الأول , أما الخيار الثانى(خيار الجلب) فهو بلا شك سيكون خيار المجتمع الدولى إذا ما فشلت جهود حلفاء النظام فى المحيط العربى والإسلامى فى إقناع البشير بتسليم نفسه. وهذا الخيار الأكثر كلفة للنظام والبشير على السواء.
| |
 
|
|
|
|
|
|
|
|
Re: سيناريوهات القبض على البشير...؟ (Re: خالد خليل محمد بحر)
|
هنا فى هذه المساحة سنحاول أن نطرح فرضيات تذهب لناحية البحث عن الكيفية التى يمكن أن تدفع البشير للمثول أمام المحكمة الجنائية , وفى البال أن هنالك عدة سيناريوهات لذلك. هى إما أن يمثل البشير طواعية من تلقاء نفسه أمام المحكمة الجنائية وإما أن يتم ذلك من خلال صفقة بين بعض الدول الناشطة فى موضوع مثول البشير وبعض الرموز فى النظام يتم خلال تسليم البشير للمحكمة (ككبش فداء) يعطى المشروعية للنظام بأن يقدم نفسه بشكل مغاير للمجتمع الدولى , وإما أن يتم إخضاع البشير عن طريق القوى من خلال إلا ختطاف بالتنسيق مع بعض دول الجوار(تشاد ليبيا) أو الإجتياح العسكرى, وكل سيناريو من هذه السيناريوهات لديه ما يدعمه على الأرض .
| |
|
|
|
|
|
|
|
|
|
Re: سيناريوهات القبض على البشير...؟ (Re: خالد خليل محمد بحر)
|
السيناريو الأول/ مثول البشير أمام المحكمة الجنائية طواعية
من الواضح جدا أن هذا النظام وكغيره من الأنظمة الإنقلابية التى سرعان ما تصاب بتصدعات من الداخل بفعل تضارب المصالح, وفى حالة نظام الإنقاذ هذا ,التوصل للحقيقة التى مفادها أن البعض إلتحق بالنظام وهو مدفوع بقناعات أيديلوجية تبحث عن تأسيس أركان تجربة إسلامية فى السودان تكون بمثابة نموذج وحالة على المستوى الإقليمى والدولى, لذا إلتحق البعض بهذا النظام وفى أمانيه تثبيت دعائم المشروع الإسلاموى المستند على تصورات أسلمة المجتمع السودانى والقفز فوق حقائق التنوع الدينى والعرقى,والدفع بإنفاذ تلك التصورات والرهان عليها لأخر رمق (فليعد للدين مجده أو ترق كل الدماء) وهذا التيار ظل ممسكا بزمام الأمور منذ إندلاع إنقلاب 30 يونيو, إلا أن إرتخت قبضته فى عقابيل التوقيع على إتفاقية السلام. أما التيار الثانى فهو (تيار البرغماتية والعقلاء داخل النظام) وهو يتشكل فى الأساس من بعض (أصدقاء الأنظمة الشمولية) وهى مجاميع ليس لديها قناعات أيديلوجية بأى مشروع فكرى, بيد أنهم يرون فى الإنظمة الشمولية خيار سياسى لا يمكن مقاومة إغراءته ,بإعتبار أنه يوفر رافعه مناسبة لتحقيق مكاسب سلطوية ومادية قد لا تتوفر فى الأنظمة الأخرى,والتيار الثانى(تيار العقلاء) وهم فى الأساس شريحة من الإسلاميين من الذين توصلوا لإستحالة إستمرار قطار المشروع الإسلاموى بنفس الخارطة الأولى (خارطة التمكين), مما دفعهم لتقديم خارطة طريق أخرى تقوم على تقديم تنازلات جزئية تتمثل فى فتح المجال السياسى للقوى السياسية الأخرى من خلال التوسيع النسبى لهامش الحريات السياسية والإعلامية, وقد وجد هذا التيار هوامش للمناورة داخل أروقة النظام , خاصة بعيد إتساع الضغط على النظام من قبل المجتمع الدولى فى عقابيل حادثة إغتيال حسنى مبارك وأحداث 11سبتمبر,التى عجلت بظهور هذا التيار على السطح من خلال فتح قنوات للحوار مع الإدارة الأمريكية, ليتوج جهوده بالتوقيع على إتفاقية السلامة فى 2005, رغم إعتراضات التيار الأصولى داخل النظام, والشاهد أنه وبعد التوقيع على إتفاقية السلام حاول التيار الأصولى بلورة رأى مفاده أن التنازلات التى قُدمت للحركة الشعبية كانت غير مبررة وهى بمثابة خيانة لشهداء المشروع الإسلامى, مما زاد من رقعة المواجهة والإستقطابات بين ذينك التيارين.لينفتح باب المواجهة على مصراعيه من جديد فى عقابيل صدور مذكر توقيف البشير,وليطرح كل تيار وجهة نظره فى ما يخص الخروج من هذه الأزمة التى يمكن لها أن تقتلع النظام من جذوره, ففى حين يرى التيار الأصولى أن مثول البشير أمام المحكمة الجنائية يشكل إهانة بالغة للمشروع الإسلامى, وبناء على ذلك التحليل يطرح خيار المواجهة مع المجتمع الدولى إنتصارآ لكبرياء المشروع الإسلامى,فى حين أن التيار الأخر(تيار البرغماتيين والعقلاء) ينشط فى نواحى بلورة رأى مفاده أن مواجهة المجتمع الدولى ستعجل بإقتلاع النظام من جذوره مما يعنى وأد التجربة وإصابتها فى مقتل, وبناء على تلك الفرضيات يقترح ضرورة تسليم البشير(والتعامل مع الموضوع فى مجمله كإبتلاء ربانى) فى مقابل ضمانات دولية لأستمرار النظام مع تعديلات طفيفة فى التجربة تتمثل فى فتح المجال السياسى من خلال الترتيب لإنتخابات نزيهة فى أسرع ما تيسر,ورغم عقلانية هذه الأطروحة غير أن هذا التيار مطالب بأن يوسع مظلة هذه الفكرة فى الداخل(داخل النظام) وفى الخارج(بين بعض الدول مثل مصر وقطر والسعودية) وفى ظنى أن نجاح هذه الأطروحة يعتمد بصورة أساسية على الفاعل الخارجى المتمثل فى الدول المشار إليها سالفا. بقى ان نقول أن التيار الأصولى وفى سبيل إجهاض أى محاولة لتسليم البشير , قد فتح قنوات للحوار مع بعض التيارات الإرهابية على مستوى الداخل , وفى هذا وحسب ظنى أنه قد يكون وراء فكرة تهريب قتلة الدبلوماسى الأمريكى غرانفيل من سجن كوبر, لتكون بمثابة دين مستحق عند تلك التيارات الإرهابية يتم تحصيله إذا ما طرح المجتمع الدولة فكرة الإجتياح العسكرى, ولإرسال رسالة للمجتمع الدولى مفاده أن تبنى فكرة الإجتياح العسكرى قد تعيد سيناريو العمليات الإرهابية فى العراق وأفغنستان, خاصة وان هنالك إرهابيين (يسرحون ويمرحون) داخل الأراضى السودانية, وقد يمضى ليفتح حوارت مع بعض المليشيات الصومالية للتهديد بتنفيذ عمليات إرهابية ضد بعض دول الجوار الإفريقى المؤيدة لقرارات المحكمة الجنائية, وخاص أن هذه المليشيات تعانى من نقص فى الأسلحة والدعومات اللوجستية, جراء محاربة القرصنة فى البحر الأحمر الذى يمثل منفذ لدخول العتاد لتلك المليشيات, وخاصة ان بعض من قادة تلك المليشيات قد تلقى تعليمه فى السودان. ولديهم روابط فكرية مع النظام.
| |
|
|
|
|
|
|
|
|
|
Re: سيناريوهات القبض على البشير...؟ (Re: خالد خليل محمد بحر)
|
يا بحر
STOP
مترنح دي غايتو انا سمعتها سنة 1996
اذا ترنح لمدة 15 سنة
معناها ح يسقط بعد 30 سنة
والوقت داك يكون المسيح جاء
كدي على قول داليا نشوف باقي السيناريوهات
ومنها الموضوع يطويه النسيان كما طوى (محاولة اغتيال مبارك)
او الجنائية نفسها تتفركش
أو
أو تحياتي
| |
|
|
|
|
|
|
|
|
|
Re: سيناريوهات القبض على البشير...؟ (Re: الشفيع وراق عبد الرحمن)
|
Quote: مترنح دي غايتو انا سمعتها سنة 1996
اذا ترنح لمدة 15 سنة
معناها ح يسقط بعد 30 سنة
والوقت داك يكون المسيح جاء |
الشفيع سلامات
ها زول كلامك ده بجيب هوا مع الاصوليين الجهاديين , 30 سنه شنو البتجيب المسيح ! , مش القيامه دي في علم الغيب ولا نافع قالكم عرف المواعييد! .
سنه ,2 , 30 , 50 في النهايه المترنح حيسقط والمتهم حيمشي المحكمه ...
-----------
ود بحر ازيك ,
وين الفرضيات التانيه منتظرين يا شاب , ممكن اخونا الشفيع ده يعيد حساباتو , اسي الريس في انجمينا وما معروف حتي الان يرجع ولا يركب التونسيه ...
| |
|
|
|
|
|
|
|
|
|
Re: سيناريوهات القبض على البشير...؟ (Re: الشفيع وراق عبد الرحمن)
|
الوراق اخوى
كيفنك....؟ على الطلاق النظام ده شده ما مترنح بس ذى
الزول الجعان لمن يمشى يسكر...دحين ما بخيط الواطة
بس ده النظام بتاع الانقاذ وداير ليهو حبة دفرة عشان يقع ويتكوم
ابقى اظهر ....وموضوع انو الجنائية تلحق حادث اغتيال حسنى ما اظن
ده يحصل وعلى الطلاق لو حصل شنبى ده يقوم هنا(فى عنقرتى)....
ابقى عافية
| |
|
|
|
|
|
|
|
|
|
Re: سيناريوهات القبض على البشير...؟ (Re: خالد خليل محمد بحر)
|
يا ود بحر
جمعتك مباركة
كدي بالله استرجع الذاكرة شوية، وبينك وبين نفسك أعمل مقارنة بين وضع الانقاذ 1992-1998 والآن
مقاطعة من كل الجيران التسعة
حرب معلنة مع 4 دول
حرب استزاف مدعومة امريكياً في الجنوب والشرق
عداوة لمرحلة الفجور مع معظم دول الخليج
حصار معلن من معظم الدول الاوربية والاسيوية
6 قرارات بفرض عقوبات من مجلس الامن وبعضها تحت الفصل السابع
توحد لكل المعارضة بدعم امريكي
غلاء في المعيشة وفقر مدقع لجميع افراد الشعب
أذكر مقولة المرحوم الزبير (دي آخر زنقة للانقاذ ، لو نفدت تاني ما بتجيها عوجة)
الشعب صبر ودعم الانقاذ لأنه كان على يقين ان في في اخر النفق ضوء
الآن بدأ الشعب يحصد ثمار صبره
تنمية ، بنية تحتية قوية ، مشاريع ، تعليم ، صحة
ومستقبل قريب مبشر برفاهية وتطور ورقي
ما نقول الا الحمد لله
كنا وين وبقينا وين يا ود بحر
الدول والشركات تتنافس الآن لتخطب ود السودان
وقريباً سيناطح السودان الدول العظمى
| |
|
|
|
|
|
|
|
|
|
Re: سيناريوهات القبض على البشير...؟ (Re: الشفيع وراق عبد الرحمن)
|
Quote:
الآن بدأ الشعب يحصد ثمار صبره
تنمية ، بنية تحتية قوية ، مشاريع ، تعليم ، صحة
ومستقبل قريب مبشر برفاهية وتطور ورقي
ما نقول الا الحمد لله
كنا وين وبقينا وين يا ود بحر
الدول والشركات تتنافس الآن لتخطب ود السودان
وقريباً سيناطح السودان الدول العظمى
|
الشفيع كيف حالك
يا ربي السودان البتتكلم عنه ده يا هو السودان القاعدين فيهو أهلنا الغبش ولا سوداناً آخر؟؟
ما ياهو سودان كيلو الطماطم وصل فيهو لـ 18 جنيه بالجديد وعشان أقربها ليك يعني بتعادل بسعر السوق السوداء 24 ريال كدي قارن أنت في الرياض 24 ريال بتجيب ليك كم كيلو طماطم محمي أو شمسي أو خالي من الكيماويات تعزل زي ما داير وفي النهاية ما بتقل عن 7 أو 8 كيلو وما تنسى في المقارنة مستوى الدخل (أقصد دخل المواطن الغير مؤتمرجي وعنده بدل الماهية عشرة غير الشرهات) يعني ببساطة ممكن تقارن بزميل مهندس من دفعتك الله مطول عميره ولسه يكون قاعد يزحف في التلفزيون بيقدر يشتري ربع كيلو طماطم؟؟؟
أنا شخصياً أولادي في السودان والعارفه أنهم لامن يشتهو الطماطم بيمشو السوق يتفرجو عليها وقيس على كدة بقية السلع...
تعرف أنه في سلع ضرورية لو ترسلها من هنا بالطيارة صحبة راكب وتدفع عليها وزن زايد بتكون أرخص...
وتقول لي النفق فيهو نور؟؟؟
ممكن كلامك الفوق ده تكون قاصد بيهو فئة محددة من أهل الحظوة وليس ناس محمدأحمد كدة ممكن نصدق..
أتمنى يوماً أن أقرأ لك كلمة تدخل العقل حتى لو كان عقل مجنون ولا مخبول!!!!!
حاول تحترم عقولنا بالله يا شفيع
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: سيناريوهات القبض على البشير...؟ (Re: الشفيع وراق عبد الرحمن)
|
Quote: تنمية ، بنية تحتية قوية ، مشاريع ، تعليم ، صحة
ومستقبل قريب مبشر برفاهية وتطور ورقي
ما نقول الا الحمد لله |
الوراق
شكلك مختزل مفهوم التنمية فى الجغرافية الاسمها الخرطوم
دى....المهم ماداير اخش معاك فى مماحكات فى الانو الحاصل ده
ممكن يخش فى إطار مفهوم التنمية...إنت قايل التنمية دى كم شارع ظلط
وكم جامعة قاعدة تخرج طلاب لا يستطيعون المنافسة فى سوق العمل...! ولا مستشفيات
مافيها أطباء مهرة...يازول قول كلام غير ده....لانو الساكت عن الحق شيطان أخرس
| |
|
|
|
|
|
|
|
|
|
Re: سيناريوهات القبض على البشير...؟ (Re: Elbagir Osman)
|
الإبادة الجماعية
مهما أخفيت الحقيقة
فستتكلم الجماجم ذات يوم
جماجم مد البصر
..
يا كاتل الروح وين بتروح
لينج ساري
كان وزير خارجية
ليهو شنة ورنة
يرتعد أمامه صحفيو السلطة
وتدافع عنه كلاب أمنها..
يمهل ولا يهمل
...
من تطارده العدالة الدولية
ستطاله مهما طال الزمن
الأكرم لمن كان عنده شرف
أن يواجه المحكمة
قبل أن تدول دولته ويساق إليها مهانا
| |
|
|
|
|
|
|
|
|
|
Re: سيناريوهات القبض على البشير...؟ (Re: Elbagir Osman)
|
Quote: الآن بدأ الشعب يحصد ثمار صبره
تنمية ، بنية تحتية قوية ، مشاريع ، تعليم ، صحة
ومستقبل قريب مبشر برفاهية وتطور ورقي
ما نقول الا الحمد لله
كنا وين وبقينا وين يا ود بحر
الدول والشركات تتنافس الآن لتخطب ود السودان
وقريباً سيناطح السودان الدول العظمى |
معليش يابحر نخرج عن الموضوع العنوان شويتين:
تعرف يالشفيع اصلاً الطفيلين بعملوا كدة، بحرفو معاني التنمية ومعاني التعليم ومعاني الصحة ومعاني الدين ، فمجرد
وجود عمارة شاهقة يعتبر تنمية ، وجود الرغيف ولا يهم مقدرة العامة علي شرائه يعتبر تنمية، طيارة مقاتلة تعتبر
كذلك تنمية ، وجود جامعات كثيرة حتي ولو جامعات يافطات سياسية تعتبر تنمية تعليمية، ولا يهم الاهتمام بمن يدخل
بكم يدفع وهل هي مجانية وماهو البرنامج التعليمي ومامصير حرية البحث فيها مانوع التعليم، حرية الصحافة تعني
كثرة الصحف حتي ولو كانت تتحدث عن خصوصيات ندي القلعة والفاضل سانتو(معليش انا معلوماتي ضحلة جداً في هذا المجال)
التلفونات تعتبر نهضة وليست شركات ولدت بغرض تحصل الفواتير ، سد مروي نهضة ولا يهم من مالكه. هكذا تهتم الطفيلية
بضرب العقول وتلويثها بمغلوط الكلام . ماكيفلي في نظريته يالشفيع يقول يمكنك بنصف الحقيقة ان تدمر مشروع استناري
كبير وعملاق ، ولكنك لا تاخذ ثمن الحقيقة وعليه سوف يستعصى عليك التوفيق بضرب المشروع المعارض .
لذلك يالشفيع بتواجد حول المجتمعات التي تعيش في ظل انظمة الطفيلين مثل هذا الكذب ، فمثلاً تجد الفقير لكي يظهر
بمظهر الاسياد كذباً تجده يجهد نفسه ويستدين امام الضيف لا ليكرمه فحسب ولكن ليظهر بصورة كاذبة، لذلك انتشرت في بلادنا
موجه واسعة من الكذب وتزلف ومداهنة السلطان، فذاك يفاخر بعمه الوزير والمعتمد واخيه المقرب الامر والناهي . وربما
تصل لمرحلة التهديد علي شاكلة(انت عارف نفسك بتكلم مين؟)، وظهرت العنصرية والكذب وادعاء النقاء العرقي والطهر
والحج الكاذب والصلاة الكاذبة حتي بت اتخيل ان جيمع الصلوات ستضحي جهرية بفضل العبقرية التحريفية الطفيلية ،حتي
تكتمل صورة التفوق ولاستعلاء الكاذب وصولاً لمرحلة التباهي بحفظ القرآن لا بغرض التقرب لله كما يشاع ولكن بغض التفرد والهيمنة
الثقافية،اما موجة التعالي العرقي فان المستبد الطفيلي، لكي يحافظ علي استعلائه الاقتصادي، فهو يدعي بان التفوق
الماثل هو تفوق جيني ، فجده كان عمدة كذا او من قريش ..... وخلف المستبد تنتصب جوغة من المصفقين المصدقين
الذين داهنو المستبد حد التماهي ، فينتصبون بصحفهم وبكيبورادتهم يؤيدون ويصفقون والطريف انهم في كثير
من المرات هم ضحايا الاستبداد وليس شركاء حقيقين.... انما هم ضحايا عماة لا يبصرون وقد تخنوا جلودهم وغطوا
علي ابصارهم وغلفوها ومن ثم توجهو للذهن ليضربو عليه حتي يرد ميتاً خصيا.
يالشفيع ياخوي ان سؤالك للاخ عوض :
Quote: عبد الله يا ود العوض
عليك الله مشيت السودان متين آخر مرة؟
يا ناس شيكاغو شوفوا السودان على الطبيعة ما من الشاشات وبعدين احكمو |
هو ليس بالسؤال الجديد علي مؤيدي المؤتمر الوطني ، والغرض من هذا السؤال هو تجهيل المتحدث والحكم النهائي علي
قول باعتبار انه قول الجاهل الذي يتغذي عقله بالاسماع والاشاعة
. والطريف ان الشفيع نفسه متواجد بالسعودية. ولكن رمي الخصوم
بالجهل وعدم المعرفة بالسودان هو استراتيجية كيزانية تبطن فكرة الالمام بكل شي وهي فكرة نابعة من الانتفاخ الامني
والمخابراتي الذي يميز الانظمة الاستبدادية دائماً ، فكثيراً مايجلس معك الكوز ليخبرك بمعلومة مخابراتية وليبدأ عباراته
(نحن عندنا معلومات تشير لكذا........) وذلك في خطاب يستحلاه الانسان المقموع وهو الاستماع بجدية لاي حديث جديد
وسري خصوصاً عندما يوحي لك بانها معلومات أمنية او مخابراتية ......وباعتبار ان المتحدث دائماً قريب للسلطة،
فان شكك في قداراته الشخصية نسب الكلام الي شخصية امنية نافذة علي شاكلة( سماع اضاني دي من علي عثمان أو........)
ومثل هذا السلوك يطلق بغرض الابهة والانتفاخ والتفرد الكاذب.
وفي كثير من الاحيان يميلون لتميع الصراع السياسي او الفكري والي مديح لاشخاص وحتي المديح نفسه سمج وغير قابل
للاخذ والعطاء مثل فلان رجل خلوق وطيب واخو اخوان في عبارات اصلح للمصاهرة العائلية للتنصيب السياسي ان صح التعبير.
ففلان رجل طيب وخلوق ....ماعلاقة خلوق باداءها وعقيدته السياسية؟انها عبارات واستراتيجية المستبد دائماً الظهور بمظهر
المتفوق . والذكي حتي في السلام لاحظ الكوز لا يتركك تساله عن احواله فهو دائماً يسالك كيف احوالك كيف ناس امك ؟ كيف
اولادك ليترك لك دور الانسان الذي يجب علي تساؤلاته ، وربما لايصتنط الخلوق هذا لكلامك وانت تجيب يالهم من مستبدين
جدد.
| |
|
|
|
|
|
|
|
|
|
Re: سيناريوهات القبض على البشير...؟ (Re: ibrahim alnimma)
|
ابراهيم
ردي لك (مؤقتاً)
Quote: بما كنا
وما صرنا
وما سنكون(بإذن الواحد الأحد) |
ثم اضيف لكلامك حتى لا تفتني مع أخونا عبد الله عوض
سؤالي كان:
| Quote: عليك الله مشيت السودان متين آخر مرة؟ |
ولم يكن:
هل أنت مقيم بالسودان؟
وهناك فرق!!!
| |
|
|
|
|
|
|
|
|
|
Re: سيناريوهات القبض على البشير...؟ (Re: الشفيع وراق عبد الرحمن)
|
Quote: Quote: بما كنا
وما صرنا
وما سنكون(بإذن الواحد الأحد)
|
انا عارف ياعزيزي انت بتقصد ماصرنا وانا زاتي رديت وفي معيتي ماقلت ، نحن كنا بنتعلم بمجاناً نتعالج مجاناً
بنتوصل بشكل مدعوم وجيد وبنأكل الرغيف المدعوم ، ووووووو ولم نكن دولة بترولية ، كان السودان كل دخله من مشروع
الجزيرة تقريباً ,,,,,,(الان احتضر بفضل الانقاذ ) كانت اغلب قادة النظام يدرسون في هذه المدارس مجاناً ولو كانت
هذه المدارس بهذه التكلفة لكانو هم اول ضحايا الغاء المجانية علي الاقل غالبيتهم فقد درسو معنا ونعرفهم جيداً
ولكن هذه هي سمة الطفيلية فهي تتغذي علي الجاهز اموال البترول صرفت بكاملها علي نعيمهم وترفهم واظنك تعلم واهل
الانقاذ نفسهم يعترفون بالفساد والرؤس التي اينعت دون يحين قطافها وانما تم التربيت علي ظهروهم.لو كانت اموال
النفط تصرف علي التنمية الحقيقة لكنا اليوم في عداد المدافعين عن النظام .....لو كانت اموال النفط تصرف علي
بسطاء الشعب لكنا نصفق له....لو كانت تصرف علي مشاريع التنمية الحقيقة لكنا انا وانت يالشفيع بالداخل دون
اي عطالة ولكنها حال الطفيلية الاسلامية يالشفيع .......انا تحدثت عن تلويث العقول وتقديم تعريفات مغلوطة عن
التنمية وارتباط هذا المفهوم بعقلية وفلسفة الطفيلية الاسلامية....بتعرف يالشفيع ده السبب وراء الاستبداد
السياسي وقمع الحريات الحاصل في السودان هذه الايام.....مش لان الاسلامين متعطشين للدماء ، لا ياصديقي لان
الراي الاخر دائما مايفسد الاستراتيجية القائمة علي تغيب العقول .... وافراغ المناهج
التعليمية من اعمال العقل.هي سياسة
ترمي لخلق دمي وليس اناس مفكرين لهم قدرات مقدرة من التحليل...فالصحافة كلها خطوط حمراء علاوة علي
فرض القيود والموانع وكثرة الممنوعات.
والله يالشفيع ان قادة النظام لا يستطيعون الدفاع عن منهجهم امام اقل طالب جامعي مثقف، ولكنهم غالباً مايعتمدون
علي الابهة والتعالي وتصعير خدودهم....كما اسلفت هم دائماً يعتمدون علي اسكات الاخر اما بالقمع البدني والتهديد
بالاعتقال واستخدام سلطة القضاء(دي طبعا جديدة) . او بعبارات مثل قليل ادب او انت ما بتثق فينا؟والمبالغة في
استخدام لغة التجهيل والتظاهر العدمي بسلطة المعرفة المخابراتية كما اسلفت. وهي دائماً مظاهر كاذبة في مجملها
اما حكاية افتنك مع الاخ عبدو دي غريبة .....يعني يالشفيع انا لم اقم بعمل فتنة وكل ماقلته انها محاولة لامتلاك
المعرفة وتجهيل الاخر...يعني انت لحنتها متي سافرت السودان ؟وهل انت مقيم بالسودان ؟هذا علي الرغم من اني لم
اقولك شي ولكن السؤالين يهدفان لاظهار المتحدث بعدم المعرفة والعب كبير وعارف كل شي عن السودان، يعني اسمع
كلامي انا النقول ليك وهاك النجيضة. انت لم تسافر الي السودان منذ زمن بعيد وتستمد معلوماتك اما سماعياً او
من مصادر مغرضة ووووووووالي اخر نظريات التامر .
يالشفيع ياخوي هذا الكلام لم اسمعه منك فقط وانما هي لغة مشتركة بين كل مؤيدين الانقاذ .....وهي موجهات
حزبية تقوم سلطة الاستبداد بتدريسها لكل العضوية بحنكة ودراية..
| |
|
|
|
|
|
|
|
|
|
Re: سيناريوهات القبض على البشير...؟ (Re: ibrahim alnimma)
|
العزيز خليل والاخوة
اضافة الابادة الجماعية لاحقا وتاخيرها ..كان لاتاحة الفرصة لواحد من اهم استحقاقات نيفاشا(الانتخابات) وافسده الكيزان..ولم تاتي بالتغيير المنشود
الابادة الجماعية مرتبطة بالفصل السابع
واذا عايز تشوف احدى السيناروهيات المحتملة للفصل السابع
اتمنى انك تشاهد الفلم الكندي
hunt for justice
قبل ان يستقيظ اهل المركز على هدير الطائرات البي 52 فوق رؤوسهم
اذا وضع السودان تحت الفصل السابع...
| |
|
|
|
|
|
|
|
|
|
Re: سيناريوهات القبض على البشير...؟ (Re: ibrahim alnimma)
|
تعقيبي يا ابراهيم كان على النقطة دي:
| Quote: والطريف ان الشفيع نفسه متواجد بالسعودية. |
ولسه سؤالي قائم وموجه ليك ايضاً يا ابراهيم
عليك الله مشيت السودان متين آخر مرة؟
يا ابراهيم
المقارنة بين ما كنا في السبعينات والتمنينات وهسه ما دايرة ليها بصير
لانها واااضحة كما الشمس
في كم جهاز موبايل في بيتكم في السودان؟
انا ما داير ادخل في جدل كبير ومقارنات اقتصادية ومعايير دولية ودخل الفرد والـper capita لفترة السبعينات والتمانينات وهسه، ده غير الاحصاءات لعدد المدارس والجامعات ومستوى المعيشة
يا اخوي لحدي نهاية التمانينات 95% من الناس كانت بتاكل وجبة واحدة في اليوم،ده غير صفوف البنزين والعيش
والشيء المؤكد انو المستقبل أحسن وبكتير
كل المؤشرات بتقول كده
الانقاذ فتحت الباب
انت بتتكلم الان عن ايرادات البترول
هنا في المنبر ده الجميع كان بقول انو البترول ده اشاعة
وهو زي حقن التخدير حقت النميري
ده ما كان بكون ممكن الا بالانقاذ
ولسه ياما ح تشوف كتيير
البلد مبشرة بالخير الوفييير
بس الله يبعد عننا اولاد الحرام
| |
|
|
|
|
|
|
|
|
|
Re: سيناريوهات القبض على البشير...؟ (Re: عبد الحي علي موسى)
|
سلام يا خالد بحر
والشفيع لخبطت لينا القراية
وشكرا عبد الحي علي موسى فقد أتيت بالمفيد
Quote: أما سودان الأمس:
باختصار:
كل الفوق دا، ما كان موجود.
وزي الحال دا يوم لا كان .... لا حصل.
ويا بلدي إيه الجاكي؟؟؟
غير كيزان بتلبس كاكي.
وكل من يرى غير ذلك، إما منتفع أو لا يدري بما حوله. |
| |
|
|
|
|
|
|
|
|
|
Re: سيناريوهات القبض على البشير...؟ (Re: جعفر محي الدين)
|
هذا مقال لى نشر منذ إصدار مذكرة التوقيف ,,,,,,هذه المحمكة لا تريد عمر البشير
أبشر بطول سلامة يا عمر
[email protected]
أمم صدام النفط ...وتبعه آخرون ...وسبب خسارة للغرب ...وكتمتها أميركا ...وطاردوه ..حرب إيران اللهم أجعل كيدهم فى نحرهم ودعموا الطرفين ...غزو الكويت ...أخرج ثمّ خرج ...أسلحة الدمار الشامل ...وألبوا العالم ...النفط مقابل الغذاء ...وحاصروهم ..وأجاعوهم ...ثم تمّ الغزو ...ولم يجدوا شىء ازاحوهو من الحكم ..ثمّ أعدموه بسبب قضية الدجيل ...واستعمروا العراق ...وسرقوا كل شىء ...ثروات البلاد ...حرية العباد ...حكم العباد ...
أميركا تكتشف البترول فى السودان ...الصين تستخرجه ...والسودان يستفيد ...ويصيح (.........) فى أميركا ويتجه شرقا ...وتكتمها أميركا ...وتصيح ترعون الأرهاب ....ونسلمهم كارلوس ونطرد بن لادن ...حلوا قضية الجنوب ونحلها رغم إن الحل أعرج ...تجارة رقيق ..ولم يثبتوا ...ويسرقون أطفالنا 7000 من كينيا دون أب ولا أم ...حقوق الإنسان ...الديمقراطية ...دعم المعارضات ...يأخذون ثمن القمح ولا يعطوننا قمحا ...وقد دفعنا كاش ...ويحرضوننا ضد أولمبياد الصين....ويتحدثون عن الإبادة والجنجويد .....ويدعمون الطرفين ....ويطلبون أحمد هرون وكوشيب ..ويرفض الرئيس ...لن نسلمهم جلد كديس ...ويصيحون نريد الرئيس نفسه ...إلى متى هذا المسلسل ؟؟؟؟؟
ونختلف البعض يصيح ...سلموهو ...والبعض يقول على جثثتنا حتى لو إختلفنا ؟؟؟؟؟ثم ماذا ؟؟؟؟
ويبدر سؤال ...هل تسليم الرئيس ...نهاية المسلسل ؟؟؟
هل وضعه فى سجون لاهاى كفارة لموت مئتى ألف ؟؟؟
هل القبض عليه يحل مأساة دارفور ويوقف شلال الدم؟؟؟
إن كان كذلك فلا بأس ؟؟؟وسيفعلها بنفسه راضيا ؟؟؟
لكن هل الرئيس نفسه قتل مئتى ألف وأحرق أربعة ألف قرية ....هذا رجل خارق ولابد من الحفاظ عليه ؟؟؟صحيح إن الوالى مسؤول عن رعيته ...لكن الدين الذى قال هذا قال كذلك قال لا تسلموا رعايكم للكفار ...غزا المعتصم الروم ...بجيش أوله فى عموريّة وآخره فى بغداد ...لأن إمرأة فى الأسر... صاحت وا معتصماه ...
قال الترابى ...فليسلم الرئيس نفسه ....لكن لم يقل لنا ثم ماذا ؟؟؟ وهو آخر من يطلب تسليم الرئيس لكنها كيديات وتصفية حسابات قديمة ...موقف الحركة ضبابيا وهى لا تغضب الأمريكان ماذا لو وصل سلفاكير لرئاسة البلد ومات عمر (قضاء وقدر )؟؟؟؟؟ هل سيذهب سلفاكير إلى لاهاى ؟؟ أسيادنا الميرغنى والمهدى ....هؤلاء آخر من يتكلم ...يكفيهم مصيبة هروبهم ..وتسليمهم الحكم للإنقاذ ..وقد إنتخبهم الشعب ...وكان عليهم أن (يحرنا )فى القصر ويستشهدا كما فعل عثمان بن عفان ...حين حاصره الثوار ...قدمّ له الصحابة الكثير من الحلول منها ...أن يتنحى ....فقال لن أخلع ثوبا ألبسنيه الله ...ثم قالوا نمتطى العتاق النجيبات المراسيل ونلحق بمعاوية إلى أن ينجلى الموقف فقال لن أهرب ...وأستشهد رجلا ...
دخلنا فى النفق المظلم ....وبدأت المعركة ....ضد السودان كله شئنا أم أبينا ....الرئيس لن يسلم نفسه ...
له قبيلة تحميه فى مجتمع قبلى ...
له حزب يحميه ...يسيطر على الوضع ..فيه من كل بيت فرد ..أخى وأخوك ...عمى وعمك ..
له ترسانة عسكريّة تحميه ...تخرجوا على يديه ...أقسموا الولاء ...إستفادوا ...
ثم ماذا ؟؟؟
أميركا لن تحارب ..الأزمة الماليه تعصف بأميركا ...أوعد أوباما خيرا ...لابد من التغيير وحتما سيشمل التغيير حروبهم ...جزمة منتظر الزيدى أورثت أوباما وجها أسودا لأميركا ..ولابد من تبييضه ...إن كان ولابد من أن تخوض أميركا حربا ...فلتكن ...ضد إيران ...وكوريا ....وسوريا ...ثم السودان ...إذن هناك متسع من الوقت ...
سيصدرون مذكرة التوقيف ...وينتظرون رد الحكومة ...عام ...عامين ..ثلاثة ....ليسوا فى عجالة ...وقد يفرضون بعد ذاك ضغوط وعقاب ...تجميد أرصدة ...تقليص بعثات دبلوماسية ....حظر طيران ....حصار بترول إلا إذا رفضت الصين ...وقد يأخذ هذا سنوات عدّة ....فلماذا لا نتفق ؟؟؟؟ولماذا لا نستعد ؟؟؟
لكن قبل أن نستعد ...ما هو الهدف من محاكمة الرئيس ؟؟؟؟هل من أجل دار فور أم هو قميص عثمان وهناك أجندة خفية ؟؟؟؟وهل هناك وجه شبه بين قضية السودان وقضية العراق ؟؟؟وهل محاكمة الرئيس ستسدل الستار على بلاوى السودان ...أم هى بداية المسلسل ....إعتقادى وفى كل الحالات سيتم تجويع الشعب السودانى ....بغض النظر عن الأسباب ؟؟؟؟
فلنتفق ونستعد ...لا لتسليم جلد كديس ...حل قضية دار فور والغرب لن يتركهم يحلوها (حكومة وحركات ) إكمال حل قضية الجنوب وتنفيذ بنود نيفاشا ...أمامنا بضع سنوات حتى تقع الفاس فى الراس ...فلنزرع القمح ...والذرة ...ونصنع الدواء ومشتقات الغذاء ..وإكمال السدود ...وصيانة المصانع التى توقفت ...لأن الحصار قادم ..قادم ...ولمن يقول سلموا الرئيس عليه أن يجيب ثم ماذا ؟؟؟
عوض مختار
ملبورن أستراليا
| |
|
|
|
|
|
|
|
|
|
Re: سيناريوهات القبض على البشير...؟ (Re: عبد الحي علي موسى)
|
أخونا عبد الحي
كيفك يا خي
مداخلتك ثرة واثارت نقاط قوية
معظمها ما عندنا فيهو خلاف
بس لسه بقول
يا ناس امشو السودان واقعدوا ليكم اجازة شهر ، في الخرطوم ، في الولايات وقارنوا بين زمان وهسه
معظم الـinput حقك من هارموني- جريدة الراي العام -قريبك -زميلك بتاع الهيئة -جريدة الوطن
ولسه بقول المستقبل مبشر بكل خير
تفاءلوا يا ناس
| |
|
|
|
|
|
|
|
|
|
Re: سيناريوهات القبض على البشير...؟ (Re: عبد الحي علي موسى)
|
وزير بريطاني : نسعى لترقية العلاقات التجارية والاقتصادية مع السودان
الخرطوم :اسامة ابوشنب: اعلن وزير الدولة بالخارجية البريطانية للشؤون الافريقية هنري بيلنغهام،عزم بلاده ترقية العلاقات التجارية والاقتصادية مع الخرطوم وكشف عن ترتيبات للتعاون المصرفي عبر افتتاح بنوك بريطانية بالسودان.
وقال بلنغهام في مؤتمر صحافي عقده بمقر السفارة ،بحضور السفير البريطاني نيكولاس كاي امس ان بريطانيا راغبة في تعزيز علاقاتها التجارية مع السودان رغم العقوبات الاميركية المفروضة عليه وصدور مذكرتي توقيف بحق الرئيس عمر البشير عن المحكمة الجنائية الدولية.
واكد ان احدى اولويات الحكومة البريطانية الجديدة هي «تعزيز العلاقات التجارية مع مختلف الشركاء وخصوصا في القارة الافريقية»، واضاف ان «علاقاتنا التجارية مع السودان جيدة جدا في الوقت الحالي وهي تتجاوز مائة مليون جنيه استرليني سنويا، مقابل18استرليني لصالح الخرطوم،لكننا نعتقد ان بالامكان زيادتها»، ورأى ان تعزيز المبادلات التجارية مع القوى الناشئة اساسي لتقوية اقتصاد بريطانيا التي تعاني من عجز كبير في الميزانية.
وشدد بلنغهام الذي يقوم باول جولة افريقية منذ تعيينه في مايو على ان «العقوبات اميركية وليست بريطانية»،واضاف «نحن نؤيد المحكمة الجنائية الدولية على السودان في رأينا ان يتعاون مع المحكمة بشان مذكرتي التوقيف ولكن من جهة ثانية ليست لدينا اي مشكلة مع الشعب السوداني وسيكون من الخطأ عدم تشجيع التجارة لانها الاساس لتكوين الثروة وخلق الوظائف والازدهار».
واشار الى انه بحث مع وزير الصناعة الدكتور عوض الجاز ووزير الدولة بالخارجية كمال علي حسن،ومستشار الرئيس الدكتور مصطفى عثمان اسماعيل،سبل ترقية العلاقات الثنائية بين البلدين،الى جانب فرص الاستثمار المتاحة،واكد ان لندن ستسعى في الفترة المقبلة الى تطوير العلاقات المصرفية بين البلدين،والمح الى امكانية فتح فروع لبنوك بريطانية،بالتعاون مع القطاع الخاص، وكشف ان وفدا بريطانيا سيزور السودان في نوفمبر المقبل لبحث آفاق التعاون المشترك
واوضح بيلنغهام، انه بحث ايضاً مع المسؤولين قضية دارفور،ومسار المفاوضات بالدوحة،وقال ان بلاده ترى ضرورة مشاركة الجميع بلا استثناء في المحادثات،مشيراً الى انه حث الخرطوم،على التدخل لوقف عمليات اختطاف موظفي الاغاثة،وحماية المدنيين.
واشار الوزير البريطاني الى انه بحث ايضاً مع المسؤولين سير انفاذ اتفاق السلام الشامل والترتيبات الجارية للاستفتاء،ودعا شريكي الاتفاق المؤتمر الوطني والحركة الشعبية،الى حل القضايا الخلافية قبل الدخول في الاستفتاء،ورأى انه بغض النظر عن النتيجة التي ستسفر عنها عملية الاستفتاء»فان شمال وجنوب السودان سيستمران في الاعتماد على بعضهما لتحقيق الاستقرار».
ومن المنتظر ان يتوجه الوزير اليوم الى جوبا في زيارة مماثلة،يشار الى ان بيلنغهام جاء الخرطوم قادماً من كمبالا ،بعد حضور مؤتمر القمة الافريقية
من جهته رحب وزير الصناعة بالخطوة البريطانية ،مؤكداً ان فرص الإستثمار مفتوح في جميع المجالات
وطالب الجاز الوزير البريطاني بفتح صفحة جديدة للتعاون والعمل الاقتصادي المشترك، واكد أن ابواب البلاد مفتوحة للإستثمارات البريطانية في جميع المجالات مشيرا إلي أن الاعلام الغربي يشوه صورة السودان
من جهته اكد الدكتور مصطفي عثمان اسماعيل عقب لقائع بيلنغهام ان الوزير البريطاني طرح رؤى جديدة «وسمعنا منه كلاماً مشجعاً»حول العلاقات الثنائية بين البلدين
وقال ان الوزير اكد اهتمامه بتطوير العلاقات الثنائية وامن علي التطور الايجابي للوضاع في دارفوور والتحسن الكبير الذي طرأ فيها وقال انه سيسعي خلال الفترة القادمة علي تطوير العلاقات في المجالات الاقتصادية والتجارية ،واضاف قائلاً» اذا حدث ما وعدنا به، قطعا فان العلاقات الثنائية بين البلدين ستأخذ ابعاداً جديدة «
هل من يصدق ان هذا يحدث اليوم!!!!!
كنا وييين وبقينا ويين يا ناس!!!!!!
حكومة الانقاذ اول حكومة في العالم تطرد سفير بريطانيا العظمى
| |
|
|
|
|
|
|
|
|
|
Re: سيناريوهات القبض على البشير...؟ (Re: عبد الحي علي موسى)
|
Quote: ولسه سؤالي قائم وموجه ليك ايضاً يا ابراهيم
عليك الله مشيت السودان متين آخر مرة؟
|
السيد الشفيع سلامات:
الم اقل لك ان سؤالك مبني علي لغة التجهيل وإمتلاك الحقيقة المطقة؟ اذ ان العدل يقتضي ان توجها ايضاً
لمناصري السطان؟ فان كانت المعارضة تقتضي الوثوق من الحقيقة التي لا تاتي الا يالذهاب المتكرر للسودان،فمن باب
العدل ان يقتضي التايد البقاء بالسودان ايضاً، بالله يالشفيع ورينا كم مرة نذهب للسودان حتي يتثني لناالتاكد
من معلوماتنا؟ كم يوم نقيم هناك؟ننام الساعة كم ؟ علينا متابعة التلفزيون السوداني وعدم الاستمعاع والقراءة
وزيارة الوسائط الاعلامية من انترنت واذاعة وتلفزيون ،يعني تب نقيف علي المعلومات المتددفقة من نافع علي نافع
وغندور. وبذلك تكون معلوماتنا جيدة وعندها نجد الاطراء من سيادكم؟
لا ياخي إن الحصول علي المعلومة يتوقف علي الاهتمام بالشان العام . والارتباط السياسي والاقتصادي بالبلد فللحصول
علي معلومات ومعارف بالندونسيا لا يقتضي ان تكون اندونيسي ولا يعني ان تذهب اليها. فاكامبو زار السودان، هل
له الحق في تصوره عن السودان؟؟؟؟؟ الموضوع ياعزيزي يتعلق بخلاف سياسي لن ترضي عنك ملة المؤتمر الوطني والارزقية
الانقاذية الا اذا ايدهم فيما يقولون.ولك ان تتصور فانا ادفع الفاتورة للكهرباء وادفع رسوم الجامعة والمدارس
وحق المواصلات وحق العمرة واستخراج الجواز وادفع حق الجزار واعرف تعريفة الدقيقة في الاتصال واشتري لستك السيارة
الهايس واعرف ان ابن خالي تخرج منذ اربع سنوات ولم يجد علم واخي الذي تخرج قبل ثلاث سنوات من علوم حاسوب ولم يجد
عمل بل وطلب منه ان يؤيد النظام صراحة حتي يتم له توفير فرصة عمل. فهل بهذا اكون بعيد عن السودان؟ انا اقراء
ماتكتبون في الانترنت والصحافة وماتكتب المعارضة ومايكتبه غيرهم ، برضو اكون محتاج للذهاب للسودان حتي ترضى
عني ملتكم؟
Quote:
في كم جهاز موبايل في بيتكم في السودان؟
|
ماعلاقة عدد الموبايلات بانجازات الانقاذ؟ والله كمان شي غريب يكون برضو اختراع الدش برضو من انجازات الانقاذ ؟
وهكذا ، لعلمك في بيتنا ايضاً جهاز كمبويتر ارسلته لهم انا هل هو ايضاً من انجازات الايادي المتوضئة؟ شي غريب
والله.
فتش عن انجازات الانقاذ في بيع مؤسسات الدولة ومن ضمنها شركات الاتصال التي تدر مالاً كثيراً لو انه ذهب الي الدولة
بدلاً عن رأس المال الطفيلي الذي تحميه. ولعلمك فان الشركات الاتصال التي تمتلكها ايادي متوضئة اكثر الشركات
رحمة ورأفة من الضرائب فضلاً عن انها اكثرهن هروباً منها(تقرير المراجع العام2007) ولو كان لك ان تسأل عن انجازات
الانقاذ ان تصوب سهامك نحو مجانية التعليم والعلاج. وبلا فخر او مفاخرة انا اعرف تماماً العقلية الطفيلية التي تبيع
الوهم لتصوير ان التنمية الحقيقية تتجلأ في البحلقة حول مساكنهم ومتاجرهم وشركاتهم . ولكنهم لا يكلفون نفسهم بالنظر
الي البسطاء الذين يموتون يومياً قبل يومهم ، ويوظفوا كل طاقتهم الوعظية في تثبيط الهمم وتعلق البسطاء بوهم الغزو
الخارجي ويدولوجيا التامر الخارجي.
وكتبت يالشفيع :
| Quote: انا ما داير ادخل في جدل كبير ومقارنات اقتصادية ومعايير دولية ودخل الفرد والـper capita لفترة السبعينات والتمانينات وهسه، |
وليتك توقفت عند هذا الوعد ثم كتبت :
Quote: ، ده غير الاحصاءات لعدد المدارس والجامعات ومستوى المعيشة
يا اخوي لحدي نهاية التمانينات 95% من الناس كانت بتاكل وجبة واحدة في اليوم،ده |
اولاً من اين لك بهذه الاحصاءات علماً باني لا ادافع عما كان ولكن حتي تلك المثالب كانت بسبب النشاط الطفيلي الذي صاحب
الفترة الدميقراطية . وهذه اخطاء النظام الديمقراطي الذي لم يتمكن من ازالة النشاط الطفيلي. ولكن علي الاقل في
ذلك الوقت كانت تتحكم في النشاط الاقتصادي الرأسمالية الطفيلية ولكن كنا قادرين علي هزيمتها بفضل التوعية السياسية
التي كانت سائدة في الفترة الديمقراطية..وهذا يقودني الي سر استيلاء الجبهة الاسلامية علي وجريان لعابها للاستئثار بالسطلة
السياسية والاقتصادية لتقيم نظام طفلي محمي باجهزة الامن والاعلام، وهذا هو سر استلام السلطة ليس الحنية علي حال الشعب
ولكن ماكينة التوعية السياسية والاجتماعية كانت ستكتشف منه عدو الشعب ولذلك سارعت الجبهة الاسلامية والمستفيدين الحقيقين
من الدولة الطفيلية لتنفيذ الانقلاب. لذلك الجبهة الاسلامية الي هذه اللحظة يمكن ان تتنازل عن اي شي ابتدأ من فصل الجنوب
الي فصل الدين ، ولكن لن تقبل بالحريات السياسية التي مازلت تسميها فوضي. تعرف ليه؟ لان مايؤرق التيار الطفيلي هو
الوعي. الوعي السياسي والمعرفي والثقافي. وفي هذا الظلام الثقافي تجدني لا اندهش عندما اسمع ان النشاط الطفيلي تمدد
الي الاتجار في التعليم في العلاج (البخرات ، الاعشاب ) ولن اندهش عندما اسمع عن حنان سكليب او اطفال المايقوما او
حمادة بت او ممارسة اللواط في المساجد؟فكلها نواتج الانحلال الاقتصادي الطفيلي .....
Quote:
والشيء المؤكد انو المستقبل أحسن وبكتير
كل المؤشرات بتقول كده
|
هذه واحدة من البنقو الانقاذي الذي يستخدم بمهارة فائقة في تسكيت وتثبيط الهمم...عشرين سنة والحكومة تعدنا
بتمزيق الفواتير والغزائية الان اصبح شيلة العروس تاتي من مصر والعلاج في الاردن ومصر والموكيت من ايران
والسلاح من الصين ودموعنا تجري في غزة وسيوفنا ترفع لدارفور ، والنار ولعت .
Quote:
انت بتتكلم الان عن ايرادات البترول
هنا في المنبر ده الجميع كان بقول انو البترول ده اشاعة
وهو زي حقن التخدير حقت النميري
ده ما كان بكون ممكن الا بالانقاذ
ولسه ياما ح تشوف كتيير
البلد مبشرة بالخير الوفييير
|
رغماً عن لم اتحدث عن ايرادات البترول ولكن حسناً ان تاتينا بها ، تلك الايرادات التي ظلت الي العام السابق سراً
ممنوع التحدث عنه، نعم الانقاذ قد اكتشفت ونقبت وانتجت النقط، ولكن هل انعكس هذا علي حياة المواطن؟ هل رجع مجانية
العلاج ،التعليم وهل انخفض اسعار الوقود في السودان؟ هل احيلت ايرادات البترول لاصلاح المشاريع الزراعية التي كانت
موجودة اصلاً؟ ونحن عفيناكم من المشاريع الجيديدة؟ حتي سد مروي للاسف لم يدفع فيه السودان حصته كما حدث ذلك
بالسد العالي ومشاريع التنمية الاخري ، فقط السودان اكتفي ببيع المشروع لشركات عربية والصين ولم يعد قادراً حتي
التدخل في فاتورة الكهرباء .
اين ذهبت اذن ايرادات النفط اتمني الا يكون مصيري كما مصير مبارك الفاضل الذي وجه هذا السؤال للجاز في المقابلة
الشهيرة .
| |
|
|
|
|
|
|
|
|
|
Re: سيناريوهات القبض على البشير...؟ (Re: ibrahim alnimma)
|
| Quote: وشدد بلنغهام الذي يقوم باول جولة افريقية منذ تعيينه في مايو على ان «العقوبات اميركية وليست بريطانية»،واضاف «نحن نؤيد المحكمة الجنائية الدولية على السودان في رأينا ان يتعاون مع المحكمة بشان مذكرتي التوقيف ولكن من جهة ثانية ليست لدينا اي مشكلة مع الشعب السوداني وسيكون من الخطأ عدم تشجيع التجارة لانها الاساس لتكوين الثروة وخلق الوظائف والازدهار». |
بالله يالشفيع انت رأيك شنو في الكلام ده؟
| |
|
|
|
|
|
|
|
|
|
Re: سيناريوهات القبض على البشير...؟ (Re: اميرة السيد)
|
اميرة بت السيد
سلامات يا أخت
ونعتذر عن "الرشاش" الذي اصابك من بعض الزملاء والذي اعزوه لانفعالات زائدة لا تستهدف أميرة في شخصها
تابعت بوستاتك وما اصابك
ده هو حال سودانيز
لازم تلبسي درقاتك كلها وترفعي درجة تحملك للاقصى - قبل الولوج
نرحب بيك في بوست "الاساليب المقبولة جداً" ، ده طبعاً نيابة عن أخونا ود بحر
| |
|
|
|
|
|
|
| |
خالد خليل محمد بحر
ذواليد سليمان مصطفى
دينا خالد
الشفيع وراق عبد الرحمن
مجدى محمد مصطفى
عبده عوض
Al-Shaygi
Elbagir Osman
ibrahim alnimma
adil amin
عبد الحي علي موسى
جعفر محي الدين
فيس بوك
تويتر
انستقرام
يوتيوب
بنتيريست