|
Re: علي محمود: الفترة الماضية شهدت تدهوراً مر� (Re: صحيفة اليوم التالي)
|
Quote: وقال إنه قام بجولة ميدانية ووقف على حقيقة الأوضاع |
وين كانت (جولتك الميدانية) دي؟ وكانت بالبرادو المظلل المكندش أم بالمرسيدس؟ ياخي معليش للتعب .. ما ليهم حق يخلوك تمرق في الشمس السخنة دي يا صاحب القصرين ومعالج ولدك في أمريكا ومخصص لأخيك طائرة خاصة وفتح غرفة كبار الزوار له بصفة أخ وزير المالية!! .. المالية التي خربتها كغيرك فتم عزلك ومكافئتك (بدل عقابك) بمنصب وزاري آخر كرئيس اللجنة الإقتصادية بالبرلمان فكيف تحقق هنا ما عجزت عنه هناك؟؟
Quote: وأن أي مواطن يتحصل على المبالغ التي يريد سحبها |
رصيده بالبنك دي تخص المواطنين القلة الذين تعرفهم وليس المواطن المواطن بالجد الذي لا يسحب إلا من دفتر الجرورة بالدين أما رصيده فهو أجر الصبر والعمل الصالح فقط!!
Quote: وقال إن الفترة الماضية شهدت تدهورا مريعا للجنيه السوداني مقابل العملات الأجنبية |
ياخي معقول؟؟ تدهور؟ ومريع كمان؟ ليه مافي زول كلمنا؟؟!! ومتين (الفترة الماضية) دي؟؟
Quote: منوها إلى أن الأمر كان مزعجاً للغاية |
ياخي آسفين لإنزعاجك وإنزعاج المعاك ماليهم حق يزعجوكم في ترطيبتكم دي وحقو تاخد الأولاد المدام الأولى أو التانية أو التالتة أو كلهن وتمشوا إجازة في فلتك في دبي أو أحسن بتاعة ماليزيا ترتاح فيها شوية من اللخمة والإزعاج بتاع شوية المواطنين ديل الجنهم نقة عن الأسعار والدولار!!!
| |
|
|
|
|