كتب الكاتب الفاتح جبرا المتوفرة بمعرض الدوحة
|
Re: لا أحـــــــب الصـــيـــــــــن!!!. (Re: معاذ حسن)
|
عارف يا معاذ انا مافي حاجة حارقاني وواجعة لي قلبي قدر ملية الخرطوم بالصينين ديل بالله الزول لو رفع تحت حجر يلاقى صيني وطبعا ده بسبب سياسة دولتنا الرشيدة الحكيمة السمحت لشركات الصينية بانو تجيب عمالتها معها من الصين بدل ما تفرض عليهم تعيين الشباب السوداني العاطل لكن طبعا ده ما بحصل ليه أحسن خليهم يطلعوا يغتربوا يفضوا لينا البلد والواحد اذا انتحر يكون أحسن ووفر ذاتو بلا صين بالله بلا زحمة
| |
|
|
|
|
|
|
Re: لا أحـــــــب الصـــيـــــــــن!!!. (Re: نهال الطيب)
|
نهال الطيب التي لا تحب الصين مساك بالخير
Quote: وطبعا ده بسبب سياسة دولتنا الرشيدة الحكيمة السمحت لشركات الصينية بانو تجيب عمالتها معها من الصين بدل ما تفرض عليهم تعيين الشباب السوداني العاطل
|
على ذمة احد اصدقائي من ابناء الجزيرة. قال انه قبل سنوات كان الصينين يزاولون عملا ما بمشروع الجزيزة بالطبع استجلبوا المئات من عمالتهم لهذا الغرض واقاموا معسكرا في اطراف القرية.وطلبوا من اهالي القرية استجلاب اشهر (نساج) لديهم للتعاقد معه على نسج مئات السراير. جاء العربي وفرحان بهذه الصفقة الثمينة وبدأ بفخر وزهو شديد بنسج السرير الاول بينما تحلق الصينين حوله.وحسب صاحبنا ان تحلقهم انما اعجاب بمهارته في الصنعة. وبعد ان اكمل السرير الاول طلبوا منه التوقف وحاسبوه ونط كل واحد منهم في سرير وقاموا بتقليد ما تعلموه منه. عالم قرود.
| |
|
|
|
|
|
|
Re: لا أحـــــــب الصـــيـــــــــن!!!. (Re: معاذ حسن)
|
Quote: [أخيرا أعلنها لك يا صديقي معاوية عرضك مرفوض فانا لا أحب الصين ولا شيء يزعجني مؤخرا أكثر من تنامي نفوذها في العالم وبالأخص في بلادنا فهي بالنسبة لي دولة بلا قي] |
تمام
د شهاب الفاتح --- كوالالمبور
| |
|
|
|
|
|
|
Re: لا أحـــــــب الصـــيـــــــــن!!!. (Re: Ahmed Abdallah)
|
Quote: اذا اردت يا عزيزي عشق الصين فعليك ان تجرب عشق صينية |
يا احمد قا ليك الصينيين بقوا كل تلاتة اولاد يحبوا بت واحدة(ما اشتراكية) ويحجزوا الصينيات من الابتدائي. والسبب في كدا انو الحكومة بتاعتهم تصدق لاي اسرة مولود واحد والمولود دا من بداية الحمل اذا اكتشفوا انو بت يجهضوهو لحدي مااوشك جنس البنات عندهم على الانقراض. بالله دي بلد الواحد يمشي ليهاكلها ضكور جنس ناعم ساكت ما فيها!!! سلامي
| |
|
|
|
|
|
|
Re: لا أحـــــــب الصـــيـــــــــن!!!. (Re: معاذ حسن)
|
!!!!!!!
Quote: ولا شيء يزعجني مؤخرا أكثر من تنامي نفوذها في العالم وبالأخص في بلادنا فهي دولة لا تهتم بالإنسان.
|
دا كلام شنو دا وجبتو من وين ؟!!
السنة الفاتت قبلت على الهنود والعندوس جبت خبرم .. خلاص قلبت على الصينيين !!
المرة الجاية الدور علي منو ؟!! أوعى يكون الروس !!
| |
|
|
|
|
|
|
Re: لا أحـــــــب الصـــيـــــــــن!!!. (Re: تماضر الخنساء حمزه)
|
الاخ معاذ ،
الاخ ناذر
الصينى ذاتو بيشبهو الفكس ده ، مخلوق سحرى
مايحيرنى بجد هو الفرق الشاسع فى سعر منتجاتهم ، ترى من اين يجلبون هذه المواد الاولية والمواد المشغلة التى تجعل المنتج النهائى رخيصا" يغزو العالم .؟؟
كثير من المصنعين فى دول الخليج بطلو شغلة التصنيع المحلى وقلبو الشغلة تجارة لانو العائد اكبر او استعانو باستيرداد المواد المشغلة والمواد الاولية من الصين مباشرة .
.................
اخوى صديق رحمة البتسأل عن تلفون الاخ معاوية
ادينى رقم تلفونك انت فى عضمك لانو مشتاقين ليك
بابكر زيكو
| |
|
|
|
|
|
|
Re: لا أحـــــــب الصـــيـــــــــن!!!. (Re: بابكر عثمان مكي)
|
Quote:
مايحيرنى بجد هو الفرق الشاسع فى سعر منتجاتهم ، ترى من اين يجلبون هذه المواد الاولية والمواد المشغلة التى تجعل المنتج النهائى رخيصا" يغزو العالم .؟؟
|
يا صغير يا محيرني ومتحير وقيل القصير يا حكمة يا فتنة. بس الغريبة بي قصرهم دا بقي كلامهم يتسمع. سلام يا زيكو والبركة في بوستي دا اللماك في صديق النور.
| |
|
|
|
|
|
|
Re: لا أحـــــــب الصـــيـــــــــن!!!. (Re: معاذ حسن)
|
مداخلة غاضبة في بدايتها طريفة في نهايتها من زائرة المنبر الاخت نجلاء ياسين.
الاخ معاذ ليه نحن .... كشعب سوداني نكره الاجانب ولكن لا يمنعنا كرهنا دا من أن نهيم على وجوهنا في بلادهم ؟ ليه ندين ونشجب ونستنكر وجودالغرباء في بلادنا ونحن كالسرطانات ( معذرة للتشبيه )منتشرين في كل بلاد العالم ؟ ليه نحن لا نرحم ولا نخلي رحمة ربنا تنزل ؟ اذا نحن طلعنا من بلدنا ومشينا نعمر بلاد خلق الله ليه ما نخلي ناس غيرنا يجوا يعمروا بلدنا يمكن نرجع في يوم من الايام وما نتعب في عمارها ...... لا تعتبر كلامي دا انه أنا بحب الصين ..... أنا لا احب الصين ..... ولكن احترم الصينيين أذكر بالمناسبة دي قصة الفكي الصيني والذي اختم بها رسالتي هذه .. تحكي لي واحدة من صديقاتي اللي عاشت في واد مدني انه كان العمال الصينيين شغالين في مشروع وبيحفروا في الشارع المهم في الأمر وقع واحد من العمال الصينيين في الحفرة البيحفروا فيها وصادف انه الاسمنت أتكب مع وقعته في الحفرة وماقدروا يعملو اي شئ كيف يطلعوه ؟خلاص امره انتهى... المهم خلوهو في حفرته ديك واعتبروها قبره ومشو سابوهو ... الطريف في الأمر انه بعد وقوع الصيني وردم الحفرة بفترة كانت معظم العربيات التجي ماشية في الموقع دا يحصل ليها حادث ...طبعا الناس اتحيرت وبدوا يناقشوا ويختو افتراضات كتيرة ...وتطور الموضوع وسرت شائعات بأنه الصيني المدفون في الحفرة هو سبب الحوادث دي كلها وطبعا نحن شعب يعجبك نؤمن بالاشياء دي المهم الحريم تداولو الموضوع دا ووصلو لقناعة بأن الشخص الصيني المدفون على عمق عشرة امتار ما هو الا فكي ويحاول ينتقم من الناس الخلوهو في الحفرة دي وردموهو باطنان من الاسمنت وطبعا بقو يتبركو بيهو...وفي النهاية بقت الحفرة مزار الفكي الصيني ...
شكرا نجلاء على المشاركة. واتمنى ان نراك هنا.
| |
|
|
|
|
|
|
|