|
شعورك شنو وانت شغال تبصم طوالي ؟
|
يا جماعة اول شئ خلونا نقول انو الاختلاف في وجهات النظر نعمة، ونعمة كبيرة كمان
وكمان خلونا نعترف انو كتير من الاعضاء هنا في روابط بينهم غير عضوية هذا المنبر الجميل
يعني في ناس كانو زملاء دراسة
وتانيين زملاء في السياسة
او زملاء عمل
او ابناء منطقة او قبيلة
المهم يا اخوان ويا اخوات
مش شرط ابدا انك تجي تبصم علي اي كلام بيقولو فلان لانو في رابط ما بينكم
في المنبر في ناس اول ما تشوف اسم الواحد كاتب مداخلة في بوست فلان
ممكن تعرف الكتبو الزول دة قبل ما تشوفوا وتقراهو؟
يعني الزول دة بقي يبصم، وما بتحتاج تقرأ بصمتو
يعني انا ما ممكن اتخيل انو في اتين او عشرة اشخاص افكارهم متطابقة في كل شئ
المهم يا جماعة الله يرضي عليكم خلو البصمة
اختلفوا مع البتعرفوهم واصحابكم قبل اي زول تاني
لانو دة من حقهم عليكم
ولأنو كمان الخلاف نعمة
صدقوني حينها المنبر دة بيكون جميل جدا ومفيد جدا
اها شن الرأي يا احباب ؟؟؟؟؟
|
|
|
|
|
|