|
المنتخب السوداني بلا خطة ولا مدرب يفوز علي موريشيص( يا مازدا استقيل ياخ)
|
يا مازدا حرام عليك ياخ المسؤلية أكبر منك و أكبر من اسماعيل عطاالمنان( مدرب الامتداد السابق والذي لم يدرب اي فريق درجة أولي) مازدا الذي لم يفلح في المريخ يتولي مسؤلية المنتخب المنتخب فاز لأنو 8 لاغبين من الهلال و3 من المريخ في قمة الجاهزية بسبب المنافسات الأفريقية ولولا ذلك لأنتهت المبارة علي نا لا نحب ولكن لن تسلم الجرة كل مرة أستقيلوا يرحمكم الله
|
|
|
|
|
|
|
|
Re: المنتخب السوداني بلا خطة ولا مدرب يفوز علي موريشيص( يا مازدا استقيل ياخ) (Re: mo)
|
جاري العزيز ود نور ..كيفنك اخوي ووليداتك علهم طيبين...
خلاها ابوالرووس مسكتها انت ؟؟ والله انا ما عارف الكورة دي وين ؟؟؟
عارف يا ودنور انا لمن اشاهد مياراة في السودان بخجل عديييييييل كده ..
هي وينه الكوره دي!!!!وين اللاعيبه ديل؟؟؟ ما عندهم لياقه وهيبة لعيبه .....
يااخوي خليها عل الله ....وما تحرق اعصابك ... شوف ابوالرووس نبح كده لامن فتر
لسه بشجع الهلال !!! بالله عليك الله اديني تلفون ابوعبيده احسن لي من الكوره بتاعت
السودان ..وعلي كل حال غضبك جميل ذي بسمتك تحياتي للكل ...
| |
|
|
|
|
|
|
Re: المنتخب السوداني بلا خطة ولا مدرب يفوز علي موريشيص( يا مازدا استقيل ياخ) (Re: ALGARADABI)
|
الفرضابي ياخوي الاتحاد العام عجز عن توفير مستحقات المدير الفني الأجنبي للمنتخب الوطني، وكتر خير مازدا أن قبل القيام بهذه المهمة بعد البولندي العجوز "هزايميك"، والرجل حقق إنجازات ونتائج جيدة مع الفريق القومي لا ننكرها آخرها فوز الفريق القومي ببطولة سيكافا والأداء الجيد أمام المنتخب التونسي في افتتاح هذه التصفيات. مدربون ولاعبون يأدون مباريات باسم الوطن دون نثريات أو حوافز مثل بقية منتخبات العالم، وسط عدم اهتمام من الجميع، كتر خيرهم على ما يقدموه، ودعنا ندعم أنا وأنت بدلاً من المطالبة بالاستقالة.
| |
|
|
|
|
|
|
Re: المنتخب السوداني بلا خطة ولا مدرب يفوز علي موريشيص( يا مازدا استقيل ياخ) (Re: Rakoba)
|
مبروك لشعب السودان مبروك صقور الجديان
..الفريق القومي يحتاج الي اعادة نظر من قبل وزير الرياضة بالدعم السخي والحوافز ولو كنت مكان هذا الوزير لتبرعت لي هؤلاء بكورولا اخر موديل يبدو ان هؤلاء اللعيبة ماعندهم حماس وبعدين عمنا شداد طول عمره قاعد في منصبه دا بدون ان يتقدم تصنيفنا كثيرا انا ما عارف العاجبنا في شداد دا شنو يعني بلد ذي السودان ما قادر يجيب مدرب اجنبي لفريقه القومي اخخخخخخخ وبعدين مازدا ما تشوفوا لينا غيره بس هو وش الخير لفريقنا القومي يجب ان تكون مخالب ومناقر صقور الجديان قوية في المرحلة القادمة والا صارت فريسة سهلة للعصافير والغربان
| |
|
|
|
|
|
|
|