|
|
|
 Re: لم أعرف أن المريخ كان لاعب مباراة .. وانتصر ب 5 اهداف سوى اليوم !!!! (Re: نيازي عبدالله مرحوم احمد)
|
اخونا نيازى
ما تتعب روحك كتير .. الهلال مصنف افريقيا افضل فريق سودانى للقرن العشرين .. تانى الغلاط فى شنو ؟؟ ومصنف انه فى المركز 27 افريقيا منذ بداية انطلاق المنافسات الأفريقيه فى عام 1964 وحتى 2006 والمريخ يأتى فى المركز 36 .. ودون شك انتصاره على الزمالك سوف يذهب بعيدا محلقا لوحده فى السماوات العليا، بينما انتصار المريخ على القطن اذا لم بنزل به لتحت فلن يصعد به لأعلى لأنه انهزم من فريق ضعيف 2/صفر !!
واحد مريخابى صحفى (بكره) الهلال أكتر من حبو للمريخ .. شفاه الله .. حاول يبرر هزيمة المريخ من (القطن) قصير التيله وعديم الحيله .. انه الهلال انهزم قبل كده فى تشاد 2/1!
شوف عدم الفهم ومتى انتصر فريق سودانى خارج ارضهه بكل سهولة غير الهلال وحده ؟؟
الا يعلم أن نتيجة 2/1 هى افضل نتيجة يحققها فريق خارج ارضه ؟؟
هل يعلم عدد المرات التى انهزم فيها نادى الأهلى المصرى خارج ارضه من اندية لا تقترب من قامته كزعيم لأندة افريقيا ؟؟ بل هزم من اندية ارتريه واثيوبيه ؟؟
المهم فى الأمر لماذا اهتم اهل المريخ كلهم بلقاء (الزعيم) ضد الزمالك ولم يهتموا لمقابلتهم مع (القطن) قصير التيله حتى انى لم اسمع بتلك النتيجة الا اليوم ؟؟
| |
 
|
|
|
|
|
|
|
|
Re: لم أعرف أن المريخ كان لاعب مباراة .. وانتصر ب 5 اهداف سوى اليوم !!!! (Re: Mahadi)
|
الأخ/ مهدى
تحية طيبة
انا مواطن سودانى عادى خااالص مهتم بالمجال الرياضى خصوصا كرة القدم وأعرفه جيدا وما بتغالاط فيه؟
لكن تصدق ما عرفت المريخ كان لاعب الا امبارح ؟؟
لأنه ناس المريخ كلهم كانوا مهتمين بمباراة الهلال مع الزمالك!!
زى الزول العندو عرس فى بيتهم والحفله بى فنان درجة خامسه و(جيرانهم) عندهم حفله مولعه نار (منقد) بى (وردى)!!
اها يقوم الزول (يزوغ) .. عشان يسمع (لو بهمسه)!!
| |
|
|
|
|
|
|
|
|
 Re: لم أعرف أن المريخ كان لاعب مباراة .. وانتصر ب 5 اهداف سوى اليوم !!!! (Re: تاج السر حسن)
|
الاخ الكريم تاج السر ، رغم اننى مريخابى ، الا اننى اوليت اهتماما خاصة بمباراة الهلال لعدة اسباب اولا انا مستبشر خيرا لان الهلال فى قمته وانه قادر باذن الله بأن يفعل شيئا للكرة السودانية ، ثانيا كم مرة شاهدنا حركات اخونا المصريين وهم يستمتعون بهزائم فرقنا بالحركات البايخة، شهد الله اننى انظر فقط للسودان عندما يمثله اى فريق . اتمنى من كل الاخوة الترفع عن الصغائر عندما نلعب بسم السودان ، عندما يهزم أى فريق سودانى يقال لنا السودان كورتو تعبانة وليس الهلال او المريخ . هنا فى دولة قطر تدعم الاندية بعضها حتى بالتنازل عن بعض نجومها للفرق الاخرى من مدة كافية وتسجل فى كشوفها للمشاركة خارجيا ليتنا نتعلم منهم . الحق يقال أن فريق القطن عادى جدا ، وكان بأمكان المريخ ان يحسم المباراة من هنالك لكن للاسف تعودنا فى الكرة السودانية ان نلعب فى ملاعبنا فقط ومرات كثيرة نخسر وسط جمهورنا ، المهم القادم هو الاهم .
| |
|
|
|
|
|
|
|
|
|
Re: لم أعرف أن المريخ كان لاعب مباراة .. وانتصر ب 5 اهداف سوى اليوم !!!! (Re: هجو الأقرع)
|
الأخ تاج السر تحياتي
تعرف كان لازم ماتسمع أي خبر عن مباراة المريخ
لأنو المريخاب كانوا ضامنين إنو القطن دقو مضمنون
عشان كده مافي داعي للجعجعة والهيصة
لكن النفير والتعبئة العامة دي لأخوانا الماضامنين وعاوزين المروة
سؤال:
حصل سمعت ليك زول داير ينجد مرتبة قال يااخوانا تعالو ساعدوني ولا كلم الجيران؟؟
بعدين الناس بقت تستعمل اسفنج عشان كدة مافي جوطة بستحقها القطن
وكمان مباراة القطن كانت في عداد التسخين والتقسيمة الداخلية عشان
كدة إعلام المريخ كان في حملة التعبئة العامة مع الناس الطالبين المروة بهناك
عرفت ليه ماسمعت بمباراة المريخ ولا أزيدك؟
قال قطن قال
قرصة:
تهانينا الحارة بمناسبة الدرون اللهو بمثابة فوز
وخاصة إنو ضد الناس العجبني ليهم
| |
|
|
|
|
|
|
|
|
|
Re: لم أعرف أن المريخ كان لاعب مباراة .. وانتصر ب 5 اهداف سوى اليوم !!!! (Re: ديامي)
|
الأخ/ ديامى
تحية طيبة
نعم كانت ضد مصر كلها وقد رفعوا شعارات تقول انا وأخوى على أبن عمى !!
لكن كيف اعلم أن المريخ قد لعب مباراة وأنتصر فيها ب 5 أهداف والصحفيين السودانيين الذين شاهدوا مباراة الهلال والزمالك وحدهم يعادلون الجمهور كله الذى شاهد مباراة المريخ !!
بتخيل لى أخبار مباراة (القطن) مع (القطن) نقلها الزول البرش (النجيله) !!
| |
|
|
|
|
|
|
|
|
|
Re: لم أعرف أن المريخ كان لاعب مباراة .. وانتصر ب 5 اهداف سوى اليوم !!!! (Re: مهدى الصادق السيد)
|
مباراة الهلال مع الزمالك فى نفس اليوم الذى لعب فيه (القطن) التشادى مع (القطن) السودانى أثبتت ان الجمهور الذى يدخل مباراة المريخ غالبيته (هلالاب) يدخلون من أجل الأستماع (بالعك) ، مثلما يستمتعون بالفن والهندسه !!
لذلك كان دخل مباراة (القطن) مع (القطن) ضعيفا!!
صحفى مريخابى جاء الى مصر لمشاهدة مباراة (الزعيم) مع الزمالك قال لى لا تنخدعوا وتظنوا أن كرة القدم السودانيه قد تطورت، حيث لا يوجد فريق فى الساحة غير الهلال،
و(القطن) السودانى عمل المستحيل حتى يصل الى مستوى الهلال لكنه فشل فى ذلك!!
| |
|
|
|
|
|
|
| |
نيازي عبدالله مرحوم احمد
Mahadi
هجو الأقرع
جعفر سومي
على محمد على بشير
محمد المختار الزيادى
صديق الموج
محمد الامين احمد
فيس بوك
تويتر
انستقرام
يوتيوب
بنتيريست