|
|
 رحل الهمام.. (اجمل ما قرأت في الرثاء)...
|
في صبيحة يوم 14/2/2007 رحل عن دنيانا هذه هاني خالد هباني, عن عمر لم يتجاوز 31 عاما من غير ان يشكو مرضا او علة. ارتحل بكل هدوء اثناء نومه, هذه هي الدنيا, وإنا لله وإنا إليه راجعون.
كتب هذه الابيات اخاه الاصغر هباني,, فكانت اجمل ما قرأت في الرثاء,, اسال الله لاسرته الصبر واسال الله لهاني المغفرة والرحمة وان يجعل الله مثواه الجنة مع الصديقين والشهداء وحسن اولئك رفيقا.
الدنيا في لحظات عشم
تسرق أعز الناس علي
تحرق حشا ...
تكويهو كي ...
تخطف وليدا ما كبر
شايل عيونا وبهجتا...
كان ليلو زي بدر التمام
ضاوي الأرض طيبه وجمال...
واصل الأهل
وقر صغيرو مع الكبير
حاضن الأمل جوه في عينيهو
وأهدى ليهو الأبتسام
رحل الهمام...
في ليل حزين ..
غابن نجومو مع القمر
رحل الهمام..
شال الأمل والإبتسام
وكل الضيا
وأصبح صباحو مع الكريم
والناس تضج .. ما مصدقة
وأمو تمسك في إيديهو
يا هاني قوم ..
عجل تعال أمرق معاي
ما مصدقة
أخيتو تصرخ يا أخوي
أحي عليك ...
تغمر وتصحا تنادي ليه
وما مصدقة..
وأبوهو يسمع بالخبر
يديهو لي طير الشجر
الطير حزين يملا الأرض
والناس دي تمرق في الحريق
ما الحال حريق ...
ما مصدقين ..
رحلت أزاهير الخريف
ما رحيلو زي طيف الحلم
ما مصدقين...
أصبح صباح الدنيا غير
من غير شمس ..
حارق شديييييد
من غير شمس...
رحل الهمام ...
والاهة تفصد في العروق
يا هاني يا دمي الجواي
انت المعاي ...
إحساس غنا ولمة شعر
قعدة سمر والدنيا ليل
وأشواق كتير لو قلت ليك
داير اجيك ..
أتهنى بي نظرات عينيك
وآآآآآه أنا يا أخوي
باقي الكلام ما تم
حشرج في جواي...
يا أخو البنات وينك مشيت؟
بكيت عليك كل الصحاب
والناس وراك إتهملو
ما اتحملو...
بكن العيون دمعاتا دم
وإتحجرت موية السحاب
جن قبلهن
سقن الأرض شان تحتويك
بي طيب قلب
وأنا يا هنا وأبو الهنا
ندمان شديييد
شان كنت داير احضنك
وأنضم معاك ..
ونمرق نشاغل في الخلق
لكن بقول ...
يا ربي يارب البشر
عوض شبابو الجنة من غير الحساب
وأجمعنا في حضرة جلالك
ونستقر...
ما يزورنا مووت.
|
|
 
|
|
|
|
فيس بوك
تويتر
انستقرام
يوتيوب
بنتيريست