|
|
 ياااخ انت زول كويس .. بث ابعد من (بوستات) هشام شيخ الدين
|
يا لعذوبة صوتها ...
يا لغنجها ودلعها وتمنعها ....
اااخ .....
اتصلت هذا الصباح وبصوت (محل ما يسري يهري) وهي قائلة :
يا منعم يااخ والله انا معجبة بيك جدا بث ابعد من بوستات الزول الاسمو هشام ده ..
عملا بالنصيحة ولمصلحتي الشخصية لعلي اراها او اري من يراها وعليه اقرر الاتي :
لن ادخل في بوست للمدعو هشام شيخ الدين منذ اليوم الاثنين 18 مارس الموافق .. من ...
( هشام اتمم النقط ما قلت مشيت الحج )
وهذا مني بذلك
منعم
( الموضوع جادى ما زي دعاية المدعو كيكي .. قال ماشي من المنبر قال)
|
|
 
|
|
|
|
|
|
|
 Re: ياااخ انت زول كويس .. بث ابعد من (بوستات) هشام شيخ الدين (Re: عبد المنعم سليمان)
|
لا يا عبدالمنعم ، البت دى حاسدة ساى 
عارف ليه؟؟؟
لأنك لما تدخل بوستاتى بتزيدها (جمال) و (نضار) وبيكتر فيها (الشمار) و (لعب العيال) ، أى نعم هى (بتبوظ) لكن زى ما بيقولوا (ضرب الحبيب أحلى من أكل الزبيب) ، ياخ إنت زول فنان و حبوب و عفوى ودواخلك جميلة ومقاصدك نبيلة ، أى نعم قد تخونك الكلمة وقد تستهويك (عورة مجنون) وقد يفرحك وتر ونغم وقد تعجبك صورة وقد (تشدك) صورة وقد تجذبك جملة مفيدة وقد يحركك بيت شعر وقد (تكلب شعرة جلدك) أى إحساس دافىء أو نظرة حنان ، أو صوت أندونيسية أو صورة جمل يرتع فى الصحراء أو تجذبك مدحة أو رقصة ظار
نعم يا عبدالمنعم ، ما شفت زى عباطتك ولواقتك ، ولكنى أدمنتها ، وصرت بالنسبة لى كالعرقى للمدمن والجوكر للقمرتى والكرت للسطلجى والملابس الداخلية للزانى والفلتر للسيجارة والكيس للصعود والكباية للنص والأمجاد للمشوار والعراقى لأهل العوض والدلوكة للغناية والسبلوقة للمطرة والسكين للحمة والمفراكة لملاح الشرموط والمركوب للعمدة والعمة لى ترباس والكبرى للبحر والشرطة للحرامى والتأشيرة للجواز والشاعر للمغنى وام فتفت فى الصباح والكوارع فى الليل والقمر لليل والشمس للنهار والمكحل للمرواد والنكتة البايخة من فم العذارى والمعجون للبوسة والقرصة للمومس والقراصة للدناقة وأم كيكى للدارفوريين وشليل وينو للعورة الزيك والقروش للمفلس والإستحلام للصبى والشمبر للميكانيكى والمصلاية للعابد والبوست للبوردابى والكسرة للملاح والسم للدابى والإبرة للخيط والشوكة للعقرب والفراشة للزهرة والجراد للزرع والمطر للخدار والكلب للحراسة والنفسانى للمجنون
كفاك ولا أزيدك؟؟؟؟
لوووووووووووووووووووووووووووووووووووووووووووول
| |
|
|
|
|
|
|
| |
عبد المنعم سليمان
يازولyazoalيازول
محجوب البيلي
معتصم الطاهر
فيصل نوبي
Deng
عاصم ابوبكر حامد
فيس بوك
تويتر
انستقرام
يوتيوب
بنتيريست