|
|
 ربيـــــع رياضــــنا ولّى....
|
ولتعذرني روح العقّاد المرهفة...
عفوا سيدي  ..
قلت شتّان ما بين ربيع.. و...ربيع..
هلّت بوادر الربيع في أماكن.. وأماكن..
تفتّحت الورود على إستحياء.. وكلها فرح وإنبساط..
لموسم جديد تعطرّه بأنفاسها.. وتبلّله بنداها..
هبت نسائم حلوة..
ودندنت العصافير بشوق وتحنان..
ثمّ تسلطنت.. وصدحت بأحلى الأغنيات والأنغام..
لفيروز.. عبدالحليم.. محمد منير..
الكاشف... زيدان..
وحتى Frank Sinatra و Aretha Franklin
فالموسم موسم ود.. ألق..وجمال..
جلست على شرفتي بقرب تلك الورود... وتنشّقت ..ملء رئتي
اوكسجين مطعّم بمسك صباح جميل.. ترقّب ظهيرة حنونة..
وأمسية كعبير الرياحين..
ودلفت لحوش سودانيزأونلاين ..
حيّتني الكتّاحات.. السموم.. والهبايب..
وصحراء ناااشفة... لا ورد فيها.. لا اعشاب..
ولا حتى حشائش برّية أو صبّار 
ولا رمال بلون الذهب ونعومة الحرير....
وإنما تراب أغبر...
درّاب يتقاذف ذات اليمين وذات اليسار..
شمس ..لا تشّع الدفء والضياء كبقية الشموس.. وإنما تحمّر وتقمّر في الدواخل..
وأسلاك شائكة.. صدئة .. تمنع الجمال والمحبة من الدخول.. والشنا من الخروج..
سألت نفسي بهلع "أنا في منبر.. ولا خرابة؟"..
ضحكت مني وقالت "لست أدري... يا بت إنتي stupid ولا شنو؟.."..
شفت ... West Side Story
وسمعت عن... West Bank Story
لكن ما يدور في هذه الحي الأسفيري..
لا هو دراما.. لاaction لا كوميديا (سودا ولا بيضا).. ولا خيال علمي ..
هل يقع يا ترى تحت genre أفلام الرعب؟
هل هي عاصفة وتزول ... أم هو طقسنا المكتوب علينا.. بإيدنا وشديدنا؟..
مين المخرج؟ بكري؟ سكّان الحوش؟
أم ناس نشرة الإرصاد الجوي؟
أرجّح الأخيرة ...
فيا حلوين.. روّقوا المنقة..
وخلونا نستمتع بالربيع ده معاكم!
|
|
 
|
|
|
|
|
|
|
 Re: ربيـــــع رياضــــنا ولّى.... (Re: نجوان)
|
نجوان يا عزيزة..
آآآآه..
يعني الفي نفسي لو كنت عايزة أعبًر عنه ما كان حيطلع بالحلاوة دي..
أصابتني كآبة.. وهي نادرة الحدوث لشخص مثلي متفائل الإثني عشر شهرا..
واصابني العجز عن التعبير مما أشاهده في المنبر.
لا أملك إلا الدعاء للخالق أن يرفع عننا هذا البلاء.. فهم بلاء
..
وآآدي قعدة معاك ونهال
والدنيا ربيع، وكل عام وأنتم بخير
| |
|
|
|
|
|
|
|
|
|
Re: ربيـــــع رياضــــنا ولّى.... (Re: نجوان)
|
قال المغني
يا ربيع في روض الزهور عش منعم طول الدهور
وقال عثمان حسين
يا ربيع الدنيا في عيني يا نور قلبي ويا معنى الجمال
وقالت نجوانQuote: هلّت بوادر الربيع في أماكن.. وأماكن..
تفتّحت الورود على إستحياء.. وكلها فرح وإنبساط..
لموسم جديد تعطرّه بأنفاسها.. وتبلّله بنداها..
هبت نسائم حلوة..
ودندنت العصافير بشوق وتحنان..
ثمّ تسلطنت.. وصدحت بأحلى الأغنيات والأنغام..
لفيروز.. عبدالحليم.. محمد منير..
الكاشف... زيدان..
وحتى Frank Sinatra و Aretha Franklin
فالموسم موسم ود.. ألق..وجمال.. |
ونقول معكم أن الحياة أجمل من أن نعيشها في حروب
وأن الحياة أقصر من أن نبذلها في مشاحنات
وأن الوقت أنفس من أن نهدره في الشتيمة ورد الشتيمة
نجوان
هل تسمحين لنا بزيارتكم Every now and then نستجم قليلاً من الكتاحة ؟؟
| |
|
|
|
|
|
|
|
|
|
Re: ربيـــــع رياضــــنا ولّى.... (Re: نجوان)
|
Quote: ودلفت لحوش سودانيزأونلاين ..
حيّتني الكتّاحات.. السموم.. والهبايب..
وصحراء ناااشفة... لا ورد فيها.. لا اعشاب..
ولا حتى حشائش برّية أو صبّار
ولا رمال بلون الذهب ونعومة الحرير....
وإنما تراب أغبر...
درّاب يتقاذف ذات اليمين وذات اليسار..
شمس ..لا تشّع الدفء والضياء كبقية الشموس.. وإنما تحمّر وتقمّر في الدواخل..
وأسلاك شائكة.. صدئة .. تمنع الجمال والمحبة من الدخول.. والشنا من الخروج..
سألت نفسي بهلع "أنا في منبر.. ولا خرابة؟"..
ضحكت مني وقالت "لست أدري... يا بت إنتي stupid ولا شنو؟..".. |
سلامتك من al stupid
لكن بالرغم من الكتاتيح الشديده دى لسه فى رقراق
لسه فى شعاع شمس بيخترق الاجواء دى
ودى بالمناسب حاله عامه ........
هوس اصاب السودانين فى كل مكان .....
لكن صدقينى طالما فى الزيك
وزى فلان....... وزى فلانه
لابد الجميل يرجع تانى لانو مربوط فى نصهم
وشده وبتزول.......
وكل ربيع وانتى بخير
و
تحياتى
| |
|
|
|
|
|
|
|
|
|
Re: ربيـــــع رياضــــنا ولّى.... (Re: يوسف الولى)
|
نجوان هل انت فى حضرة اسمك ام اسمك هو الحاضر
أم ان سودانيز اونلاين هى اندلسك
ووينك من قول المعتمد بن عباد الاندلسى:
فالنفس جازعة والعين دامعة
وا لصوت منخفض والقلب منكسر
تنهدات: الكلام للمعتمد بن عباد:
قوم نصيحتهم غش وحبهم
بغض ونفعهم ان صرفوا ضرر
| |
|
|
|
|
|
|
|
|
|
Re: ربيـــــع رياضــــنا ولّى.... (Re: khaleel)
|
نجوان الحبيبة
لو جمعنا البمبان والدخان والكتاحة الفي البورد دي وهدفنا بنفس القوة
بتاعت الفجورة في الخصام والاختلاف وشخصنة القضايا وركزنا فيما يجمعنا وليس فيما يفرقنا
دي ما كانت حالة السودان...
لكن مادام في أفاعي وثعابين تنفح روح الفتنة والتفريق
لا حياة لمن تنادي...
نجوان
لك مني أهازيج الفرح...
زهور الربيع...
وَضياء الأمل.
شكرا لك على انتشالنا من حضيض الكأبة.
جمال الروح لا يموت أبدا.
| |
|
|
|
|
|
|
|
|
|
Re: ربيـــــع رياضــــنا ولّى.... (Re: نجوان)
|
مرحبا عاطف عمر..
يا حليل الجمال..
بإمكاننا صنعه...
إن تركنا صناعة القبح .. ولو قليلا..
ومرحب بيك... إقامة دائمة، مش زيارة بس
____
سلام يوسف الولي..
ألف شكر على كلماتك أخي ..وإضاءة شموع الأمل..
ومعاك بنشيل الصبر.. كل العمر..
| |
|
|
|
|
|
|
|
|
|
Re: ربيـــــع رياضــــنا ولّى.... (Re: نجوان)
|
إنشالله يا خليل.. تصدق ويصدق الشابي..
أكاد أكون مقتنعة
بأننا نقتل الربيع... ونمشي في جنازته..
___
هلا أميمة وبركة الشفناك بعد غيبة..
Quote: لو جمعنا البمبان والدخان والكتاحة الفي البورد دي وهدفنا بنفس القوة
بتاعت الفجورة في الخصام والاختلاف وشخصنة القضايا وركزنا فيما يجمعنا وليس فيما يفرقنا
دي ما كانت حالة السودان...
|
ما قلت إلا الصدق..
فعلا .. لو وجّهنا كل الطاقة دي الى ما يفيد
لوصلنا somewhere في الدنيا دي..
| |
|
|
|
|
|
|
|
|
|
Re: ربيـــــع رياضــــنا ولّى.... (Re: نهال الطيب)
|
| Quote: الربيع موجود بس كان مستني الشتاء يغادر |
ايوه يا نجوان وزي ماقالت الاخت نهال
الربيع موجود بس كان الشتاء مرسل طقسه الموغل في البرود وعجاج الهبباي
وسيعود عندما يعود الي ذلك الغرنوق الجميل صوته ويعتلي اعلي اشجار
المدينة ويغني للجمال والدهشة..
سيعود لان هذا الحوش ملي بالناس الطاعمة الشايلة من وهج النيل محنة
ومن غيم البلد دعاش...
..وعودا حميدا يا ربيع
| |
|
|
|
|
|
|
| |
نجوان
Raja
عاطف عمر
يوسف الولى
بدر الدين الأمير
waleed500
khaleel
Omayma Alfargony
نهال الطيب
عبدالكريم الامين احمد
فيس بوك
تويتر
انستقرام
يوتيوب
بنتيريست