كتب الكاتب الفاتح جبرا المتوفرة بمعرض الدوحة
|
|
 بدر الدين شنا
|
• هووووووووووووووووووي I am not tea boy
• شغلتني عنكم زوجة القدر والثلاث الأواخر
• كسرة بي تماضر
• كيف تملأ بوستك ركّاب ؟؟؟؟
• تعالوا نقطع في البورداب الغايبين
• هوي .. والله جنيهنا دا يوم يكتل ليهو زول
• بوستات للإيجار
• السيرفر أبو ضنيب
• الداير يباكيني يجيب عامودو هنا
• سنة الف وتسعمائة وبيارة
• المشلَّخ E
• هي الله أداني إجازة ... وإن شاء الله يديني لقاء ببورداب الخرطوم
أعلاه بعض من رحيق بدر الدين المختوم بختم عمدة الحلاويين في صحارى صحار بسلطنة عمان حيث يقيم ليزداد حلاوة على حلاوته ، الراجل ليهو وحشه والمنتدى في حاجة شديدة إلى إبداعاته وفنه.
ويا بدر الدين
يا البدري الشين
إنت وينك وينك
==
وكلمة شين أعلاه في كلام أهل العوض المعدل تعني منتهي الكمال ، سألت السماني ود حاج فضل ذات مرة وأنا أحييه ، كيف الحال ، فكان رده والله بسط شين خلاص ، وشناة بدر الدين هي نفس شناة بسط وحال السماني.
===
سؤالي لي بدر الدين وجميع الفنانين التشكيليين : ما هو الفرق بين الشنا والشناه
|
|
 
|
|
|
|
|
|
|
|
Re: بدر الدين شنا (Re: almulaomar)
|
سميه وطارق ومنى
واحد شفت قال لي إنشق القمر ، قلت لي بقي هلال وأنا بتكلم عن بدر الدين وكويس إنو ما بعرف الساعة لأنو كان قيامتنا قامت أو قربت (إقتربت الساعة وأنشق القمر).
بدر الدين إن شاء الله كان ما دخلت المنتدى خلال الثلاث أسابيع القادمه إن شاء الله من إنترنت كافيه أو شعير وليمون بوفيه يبقى ليك بخروج نهائي من سلطنة عمان والخواجه يكرهك والبقرة الفي المزرعة تنطحك والبدوي يزوغ منك وما يكفلك وما تلقي حافله للحلاوين وتبيت في السوق الشعبي وتقوم من النوم متكرفس الهدمين وست الشاي ما تديك شاي بالدين وسمعك يبقي أشتر ، المداح يقول حرمنا نطوفو وإنت تسمعنها يا نور العين.
| |
|
|
|
|
|
|
|
|
|
Re: بدر الدين شنا (Re: AlRa7mabi)
|
أخوي AlRa7mabi
إني معكم أسمع وأري ، أحياناً ما بكون عندي المقدرة على الرد وأحيانا أخرى بتكون في حاجات تانيه حامياني ، لكن في كل الأحايين بإستمرار أدخل المنتدى وأطلع على الموضوعات بل أذهب بعيداً وأنقب في الصحفات المنسية والتي غالباً ما تقع بعد صفحة طاشر وإنت طالع لأنو مرات بيكون في موضوعات جديرة بالمشاهدة.
سعدت أيما سعادة بخبر بدر الدين وإجازته في ربوع الحلاوين وبيني وبينك حسدته على الإجازة ، بس يستاهل أبو أواب.
وشايفك يا رحمابي لاعب بخطة 3 – 5 – 2 يعني مؤمن منطقة الوسط تماماً وبتهاجم بي أكبر عدد ممكن من منطلق الهجوم خير وسيلة للدفاع وإنت ذاتك وين غايب ليك فترة ليست بالقصيرة المهم لك الشكر على كلماتك وأصبر لي بدر الدين قول ليهو أيام معدودات وترجع تاني لي الضبانه والبدوي الكان معانا يا ناس.
| |
|
|
|
|
|
|
|
|
|
Re: بدر الدين شنا (Re: almulaomar)
|
بدر الدين كان فى السودان ، كنا متفقين نتلاقى هناك ، لكين الله ما هون اتلاقينا فى التلفون وكنت فى المطار قلت ليهو ما قلت بتجى فى العيد قال لى العيد ما ياهو دا ، ياتو عيد ياربى ؟ ما عارفة اذا رجع عمان ولا لسه فى السودان يا بدر يا شين مشتاقييييين
| |
|
|
|
|
|
|
|
|
|
Re: بدر الدين شنا (Re: سلمى الشيخ سلامة)
|
الأستاذ سلمي الشيخ سلامه
شكراً لإطلالتك وبدر الدين يتجازي وتخلص الإجازة وتجرحو قزازة ويرجع تاني بعد ما كان بيقول ده شنو يقول ما هذا ؟
طبعاً رجوعه لسلطنة عمان يعتمد على أن يكون مسدداً للرسوم والضرائب والزكاة أو بالعدم يحكي ليهو نكتتين تلاته لي ناس مجمع المغتربين يشرطهم بالضحك ويعمل التأشيرة بمجهوده الفني الكبير وبالتأكيد حكاية الخدمة الإلزامية دي ما عليهو لأنو فنان وأى فنان أكيد عمل الكتير للوطن
| |
|
|
|
|
|
|
|
|
|
Re: بدر الدين شنا (Re: ملكة سبأ)
|
Quote: ويا بدر الدين
يا البدري الشين
إنت وينك وينك
==
وكلمة شين أعلاه في كلام أهل العوض المعدل تعني منتهي الكمال ، سألت السماني ود حاج فضل ذات مرة وأنا أحييه ، كيف الحال ، فكان رده والله بسط شين خلاص ، وشناة بدر الدين هي نفس شناة بسط وحال السماني. |
سلام يا الوقور
و يا بدر أظهر و بان
| |
|
|
|
|
|
|
|
|
|
Re: بدر الدين شنا (Re: ابو جهينة)
|
بدر الدين يا: قمر
والله فا قدنك عديل كده
دي إجازه ولاّ ( إندساسه ) .
منتدى الحلاوين وناس الحلا ( وين )..
وبورداب ( الحوش ) .
* وناس ديله وناس ديلك والهنا والهناك : بيسألو عنك وين إختفيت .
* أنا عارِف إنك لسه بتبوس في ( البلد ) .
* في واحِد أمبارح قال لي : ( إنت عارف بدري ده الظاهر لقى ليهو فرقه ).
* قلت ليهم شنو أنقُر ؟
* ده البدر .. بيظهر ..وبيختفي !
* يلا ..( أظهر يا قمر ) .. وأدينا طلّه .
| |
|
|
|
|
|
|
|
|
|
Re: بدر الدين شنا (Re: علي محمد علي)
|
Quote: ويا بدر الدين
يا البدري الشين
إنت وينك وينك |
.وينك ياابو ربى
نحن لسع شوقنا
ياداب حبا..
وانت ناير فى عسل الصبا...
سابح بين حدائق الظبا..
جنائن فيها فواكه وحب حبا..
فاتح لينا لا سلام لا مرحبا..
تلفونك قالو من اريبا..
فى الجزبرة شبكتو ملهلبا..
ليه ما بترد على الحبائبا...
ياناس شفتو ابو ربى..
فى قصيصتو شعرا اشيبا..
جميل والشنا عليه مشقلبا..
غنمايتو ضرعها مليان لبا..
كان ممثل فى عهد الصبا..
معاه ( السنى) الاهيبا..
اضحكو الناس فى زمنا دبا..
وما شعرنا بيه كيف تسربا..
سافرو ...ساكين الظبا..
عمان وصلاصة الاحدبا..
وقابلناه فى النت يا مرحبا..
يا مرحبا يامرحبا
شكرا الملا عمر
لا يسال عن الجميلين الا ذو جمال..
زولك دا قالو قرض قروشو فى نمرة قمح فى ترعة مناقزا
وتراه حارس السقاية زى حراسنو للبوست
وتسلم ياحبيب
| |
|
|
|
|
|
|
|
|
|
Re: بدر الدين شنا (Re: Abdulbagi Mohammed)
|
يا عبد الباقي محمد
بيت شنو يا أخي ، إنت نسيت بوست طيب الذكر الخاص بسرقة الكاميرا الخفيه والمروق - جمع مرق - يعني شلحوا ليهو البيت قبل ما يدق ليهو مسمار في الحيطة ويمكن يتم بيت شعر لكين البيت الإنت قاصدو أنسي وعيش خلاص
| |
|
|
|
|
|
|
|
|
|
Re: بدر الدين شنا (Re: almulaomar)
|
أخي وصديقي الملا عمر
القوية الأمينة سمية الحسن طلحة
حبيب قلبي طارق جبريل
أختي بالمداد منى خوجلي
ود أختي وفخري الرحمابي
عمارة روحي سلمى الشيخ سلامة
الزولة الرائعة ملكة سبأ
شقيقي أبوجهينة
ود القبيلة الفاتح أحمد يوسف الحلاوي
الغالي على محمد علي
الحبيب القريب أحمد صديق ابوقوتة
العزيز عبدالباقي محمد
الجميل من الزمن الجميل ود العجمي
أعمل ليكم شنو بس وروني؟؟؟
أشكركم ساي؟؟؟
طبعاً رجعت من إجازة طويلة قضيتها بين الأهل وهسع حاسي بي (هوم سِك فظيع) أتدرق منو بي حروفك السمينة الثمينة
لكم خالص تحياتي
| |
|
|
|
|
|
|
|
|
|
Re: بدر الدين شنا (Re: بدرالدين شنا)
|
الحمد لله الذي جمع فأوعي
يا بدر الدين يا أخي معقول ، دي إجازة شنو الطويلة دي والبجيبك يا شقي قبل المولد شنو ، المهم إجازة سعيدة وعوداً حميداً ، وأنا قلت إحتمال تكون في جماعه مسلحة قامت بإختطافك بعد تكفيرك لأنك دائماً ما تجبر الناس على الإبتسامة مع سبق الإصرار طبعاً وعلى إعتبار أيضاً القولة الشهيرة الضحك بلا عجب مش عارف إيه كده ، المهم كنا حا ندفع الفديه بوست بوست وباندوث باندوث.
وكدي مد لي سك ونور لينا المنبر بي كلماتك يا أبا Ruba
| |
|
|
|
|
|
|
|
|
|
Re: بدر الدين شنا (Re: almulaomar)
|
حمدالله على سلامة العوده يابدري
إنت عارف الأيام دي يتبركو بيك عديل كده .
كيف العقاب يا بدري إنشاالله طيبين , وشنو إنشا الله باعوضتنا ديك ما قرصّتك شديد .
نحن راجين طلّتك بهنا وبهناك .
والجماعه قالو بدري سافر من البلد وما كلّم أي زول صحي الكلام ده ؟
| |
|
|
|
|
|
|
| |
almulaomar
طارق جبريل
Muna Khugali
AlRa7mabi
سلمى الشيخ سلامة
ملكة سبأ
ابو جهينة
abuguta
Abdulbagi Mohammed
ود العجمى
بدرالدين شنا
فيس بوك
تويتر
انستقرام
يوتيوب
بنتيريست