كتب الكاتب الفاتح جبرا المتوفرة بمعرض الدوحة
|
مجاهده في كندا وبي تي شيرت !!!!
|
البنيه بتلعب راس حربه ... وبي فنيله تي شيرت ... وبتسخن في التمارين ... والتي شيرت مبلوبل بالعرق امام بلايين المتفرجين من جميع انحاء العالم ... وبرضو عايزه تثير ليها ضجه عشان الحكم صفر ليها وطلع ليها الكرت الاحمر ....
يخوانا والله حال المسلمين ما بيسر في في امريكا وفي الغرب ... يا جماعة الخير الانسان رساله ... والغرب ده ما رسلوا لينا دعوه ... الناس هي الاجتهدت وتعبت وعينها طلعت عشان تجي وتعيش فيهو ... وبعد ما تستقر عايزين يغيروا عادات اهل البلد وطريقة اهل البلد ودين اهل البلد ....
يا ريت الناس تعكس الوضع .... وتجي امريكية او كنديه تلعب ليها في فريق كوره سوداني او سعودي ولابسه ليها (((( شورت في خط سته )))) يا ربي حا نعمل شنو ؟؟؟ وحا نقول شنو ؟؟؟؟
Quote: الحكم استبعدها بحجة أنها تؤذي اللاعبات وجماعات إسلامية تحتج حجاب لاعبة مسلمة يثير أزمة في مباراة كرة قدم نسائية بكندا
الوكالات .........
أثار حجاب لاعبة مسلمة تبلغ من العمر 11 عاما أزمة حادة في مباراة كرة قدم نسائية في كندا، بعد أن طلب حكم المباراة منها خلع الحجاب قبل بدء المباراة، بحجة أنه قد يؤذي إحدي اللاعبات، في حين أبدت جماعات إسلامية في كندا احتجاجها علي الموقف الذي من شأنه منع الفتيات المسلمات المحجبات من ممارسة الرياضة.
وقرر فريق الفتاة المسلمة، وأربع لاعبات من الفرق المنافسة الانسحاب من الدورة الرياضية في مدينة «لافال» الكندية تعاطفا مع الفتاة المستبعدة، التي أكدت أنها المرة الأولي التي تتعرض فيها لمثل هذا الموقف، خاصة أنها شاركت في مباراتين في الدورة نفسها وهي ترتدي الحجاب، بحسب تقرير نشرته صحيفة "المصري اليوم" الاحد 4-3-2007.
وفي الوقت الذي صرح فيه المتحدث باسم الاتحاد الكندي لكرة القدم، بأن الاتحادات المحلية لها الحرية في تفسير قواعد الاتحاد الدولي لكرة القدم بشأن أغطية الرأس، أكد رئيس المجلس الإسلامي الكندي أن ما حدث ضد الفتاة المسلمة تصرف غير مقبول، ويكشف عن جهل، لأن الحجاب لا يعرض أي لاعبة للإيذاء البدني.
وسارع رئيس وزراء مقاطعة كيبيك "جان شارييه" ورئيس حزب الحركة الديمقراطية بكيبيك "ماريو دومونت" بتأييد قرار حكم المباراة، بينما انتقده "أندريه بواكلير" زعيم حزب كيبيك القرار، مشيرا إلي أن ارتداء الحجاب أمر شخصي، ما لم يتعارض مع طبيعة عمل الفرد أو النظام العام.
وانتقدت صحيفة "لاغازيت" الكندية موقف حكم المباراة واتحاد كيبيك المحلي لكرة القدم، مؤكدة أن قواعد الفيفا لا تمنع ارتداء أي من أغطية الرأس أو الوجه والركبة، مادامت مصنوعة من مواد لينة وغير صلبة.
واعتبرت الصحيفة قرار الحكم باستبعاد اللاعبة واعتبرت تأييده بمثابة مؤشر خطير بعد الأزمة التي أثيرت منذ أسبوعين بمدينة هيروكسفيل حول القواعد الخاصة بالمهاجرين الجدد. |
|
|
|
|
|
|
|
|
Re: مجاهده في كندا وبي تي شيرت !!!! (Re: SAMIR IBRAHIM)
|
يعني يا أستاذ سمير إنت جايب الخبر و فاتح البوست لنقد الطفلة المسلمة ذات ال11 عاما و نقد من دافع عن حقها في ارتداء الحجاب من المسلمين و" غير المسلمين"!..
الموضوع هنا ليس موضوع إسلام و غرب و حجاب و عادات ما يهم هنا إسمه "الحقوق الشخصية للأفراد" و هو ما هو مضمن ضمن حاجة إسمها "حقوق الإنسان" دافع المدافعون عنها من المسلمين و غير المسلمين إبان تجربة القانون الشهير لمنع إرتداء الطالبات للحجاب في فرنسا و هو نفس الشئ الذي نأمل في ترسيخ مبادئه في مجتمعاتنا حينما يتواجد أو يفد إليها الغير من أصحاب المعتقدات المغايرة لثقافتنا !..
أخدها مني رسالة من كندا, الحكم مستهبل عنصري كاره لدين اللاعبة و هو مشابه في ذلك للرجرجة العامرة بيها مجتمعاتنا في استخفافها بحقوق الآخرين و ثقافاتهم !..
تحياتي,
| |
|
|
|
|
|
|
Re: مجاهده في كندا وبي تي شيرت !!!! (Re: Elmuez)
|
Quote: أخدها مني رسالة من كندا, الحكم مستهبل عنصري كاره لدين اللاعبة و هو مشابه في ذلك للرجرجة العامرة بيها مجتمعاتنا في استخفافها بحقوق الآخرين و ثقافاتهم !.. |
ود اخوي المعز ..
سلام مبارك من عند الله تعالي ...
الدوله المعنيه ...وحكمها كارهين لدين اللاعبه دي نزلت في القرآن الكريم يعني حقيقه ليها اكثر الف سنه ...
يا ود اخوي قبل ما نطالب ناس الدوله الكارهين لدين اللاعبه نطالب ولي امر اللاعبه تم يعيد الامر في ترك ابنته تلعب كورة قدم وصورتها وهي بتجري يمين شمال امام جميع الفضائيات العالميه ... بعدين يا ربي الزول ده جا يعمل شنو في الاختلاط في المدارس ؟؟؟؟ والاباحيه في التلفزيون ؟؟؟؟ والسلاح الهدام الانترنت ؟؟؟؟؟؟؟
ونحن ناس الدوله الكارهه لدين اللاعبه دي بنمشي ليهم وبنهاجر ليهم ... وبنكورك للجان حقوقهم عشان يصونوا عرض حريمنا في السودان والوطن والعربي .... ونجي نمسك في الحجاب ..
وزي ما ذكرت ... لو جات لاعبه من كده او امريكااو فرنسا ولبست ليها مايوه ونزلت تعوم في شواطيء المورده ...!!!! نحن حا نعمل شنو ؟؟؟؟؟
| |
|
|
|
|
|
|
Re: مجاهده في كندا وبي تي شيرت !!!! (Re: sultan)
|
Quote: السودان لكل السودانيين المجد لشعب السودان ... المجد لأمة السودان |
العزيز سلطان ...
انا ما في الحكم مسلم ولا يهودي ... انا في ابو البنيه ...
تي شيرت ؟؟؟؟ وعرق كمان !!!! وتمارين ؟؟؟؟ وحجاب ؟؟؟؟
وامام ملايين شاشات التلفاز ..
| |
|
|
|
|
|
|
Re: مجاهده في كندا وبي تي شيرت !!!! (Re: Elmuez)
|
Quote: يا أستاذ سمير أنا لم أقل بأن "الدولة" هي الكارهة لدين اللاعبة
بالعكس الدولة هنا تسعي لمكاملة القوانين التي تحفظ حقوق الجميع
أرجو أن تعيد قراءة مداخلتي. |
الشكر الجزيل يا اخي الفاضل معز .... علي التصويب ..
تخريمه .... الاسبوع الماضي كنت في مطعم ايطالي ... وفي اخت يمانيه بتاكل ولابسه ليها (خمار) .. والمسكينة بتحاول تاكل اسبكتي بالشوكه والمعلقه ....
| |
|
|
|
|
|
|
Re: مجاهده في كندا وبي تي شيرت !!!! (Re: SAMIR IBRAHIM)
|
عجيب والله
قطعة قماش فى الرأس تقوم تهدد سلامة اللعب
وكيف فسر هذا الحكم القانون الدولى ، كم دولة عربية وإسلامية لديها فرق كرة قدم نسائية وبتشارك فى مباريات دولية تحت إشراف الإتحاد الدولى 0 تعيش كثير تشوف كثير
وعجبى؟؟؟؟
عبدالله
| |
|
|
|
|
|
|
Re: مجاهده في كندا وبي تي شيرت !!!! (Re: sultan)
|
Quote: اللوائح في كندا يا أخ عبدالله
مع الشكر |
تعرف يا اخوي سلطان ... الحكم ده انا كنت عايزو ايام اختيار ((ملكة جمال العالم ))) واختنا من مصر الشقيق لابسه ليها (((بيكيني سباحه ))) امام اكثر من بليون متفرج حول العالم ... وبعد كم يوم في لقاء تلفزيوني ابوها بيقول ((انا بحمد الله انو ابنتي تقيه وخايفه ربها ))))...
| |
|
|
|
|
|
|
Re: مجاهده في كندا وبي تي شيرت !!!! (Re: Abdalla mohamed)
|
Quote: عجيب والله
قطعة قماش فى الرأس تقوم تهدد سلامة اللعب
وكيف فسر هذا الحكم القانون الدولى ، كم دولة عربية وإسلامية لديها فرق كرة قدم نسائية وبتشارك فى مباريات دولية تحت إشراف الإتحاد الدولى 0 تعيش كثير تشوف كثير
وعجبى؟؟؟؟
عبدالله |
اخوي عجيب ...
احيانا قطعة القماش دي بتعتر لللاعب وبتكسر رقبتو ...
تخريمه ... اخر مره في مسابقه دوليه .. كانت مشاركه فيها السعوديه ... وكانت اعلام الدول المشاركه مفروشه علي الارض كالبساط الاحمر لاستقبال اللاعبين ... .... ودخل اللاعبيين السعوديين وغير السعوديين ... يمشون علي علم السعوديه وغير علم السعوديه ... بكداراتهم .... وكلنا نعلم ان علم السعوديه يحمل اسم الجلاله والشهادتين .. والمصيبه شعب كامل بيهلل للفريق السعودي ومافي واحد كلف نفسو قال ليهم يخوانا الحقو العلم ده مكتوب عليهو اسم الجلاله ...
قول معاي يا حبيبو ... الله يكفيك شر قطع القماش ....
| |
|
|
|
|
|
|
Re: مجاهده في كندا وبي تي شيرت !!!! (Re: جمال هباني)
|
يا المعز سلامات
Quote: أخدها مني رسالة من كندا, الحكم مستهبل عنصري كاره لدين اللاعبة و هو مشابه في ذلك للرجرجة العامرة بيها مجتمعاتنا في استخفافها بحقوق الآخرين و ثقافاتهم !..
تحياتي, |
الحكم يقال انه مسلم يا المعز وقد استمعت في التلفزيون للقاء بمدربين مسلمين كندين كلهم قالوا بأنهم مع رفض الحجاب لانه ليس قرار كندي وانما من (الفيفا) وله علاقة بمفهوم السلامه,انت تعلم بالعنف في الكرة ماذا لو جذبها شخص متعمد واتخنقت وماتت في الحال؟؟؟لقد استمعت لدفاع جيد جدا من مسلمين اكدوا على مفهوم السلامه . تراجي.
| |
|
|
|
|
|
|
Re: مجاهده في كندا وبي تي شيرت !!!! (Re: Tragie Mustafa)
|
سلامات تراجي,
شايف ناس أونتاريو عندهم راي تاني أفضل تفسيرا, في اعتقادي, لقانون الفيفا من ناس كوبيك ,
يازولة الكورة و الباسكت و غيره زي ما شايفه ناس لابسين إشاربات و ناس نضارات و ناس سلاسل و ناس غويشات وو..المهم أن يستوفى التفاصيل الشارحة للمادة المعنية من القانون:
Quote: Last Updated: Monday, February 26, 2007 | 7:03 PM ET CBC News Ontario's soccer association disagrees with Quebec's soccer association — and Quebec's preOntario, Quebec differ over soccer head scarf banmier — about banning head scarves from the game.
Unlike Quebec soccer referees who ejected an 11-year-old Ottawa girl from a Laval, Que., tournament on Sunday because she was wearing a hijab, or Muslim head scarf, Ontario soccer officials allow religious headgear, said Guy Bradbury, CEO of the Ontario Soccer Association.
"It has to be secured — safely tucked in and secured," he said. "We've evaluated this particular case … and we're comfortable with our position."
Quebec Liberal Leader Jean Charest spoke out in favour of the Quebec soccer headscarf ban Monday, a day after Asmahan Mansour, a player for the Nepean U12 Hotspurs, was kicked out of the Quebec tournament for wearing her head scarf.
"One of the practices of soccer is not only the sport itself on the field, but also the behaviour of the players, and how they are expected to behave towards each other, and the rules around how they are dressed," the premier said Monday while campaigning for the Quebec provincial election.
"My understanding is that the referee applied the rules of the soccer federation." |
http://www.cbc.ca/canada/toronto/story/2007/02/26/hijab.html?ref=rss
| |
|
|
|
|
|
|
Re: مجاهده في كندا وبي تي شيرت !!!! (Re: جمال هباني)
|
Quote: Author: جمال هباني الاخ سمير
الحجاب النص ده ما اسمو حجاب |
الحبيب جمال هباني ...
مساكم الله بالخير ...
الله ما وراكم حجاب عرب امريكا ... الواحده لابسه ليها بنطلون استرتش وبلوزه استرتش ... ... والاسترتش ده بيخلي كلاكيع البنيه العربيه زي تظهر ويبقي رسمها زي ...(((الدومه)))) ... وبرضوتقول ليك محجبه ...
تخريمه ...والله يكفي عيونك شر رؤية .. محجبه بتجك في الميدان العام عشان تنزل وزنها ... والبنطلون برضو استرتش والبلوزه برضو استرتش ...
وتخريمه من اليمن الشقيق .... في مستشفي صنعاء العام ... وانا في ضيافة اخونا الدكتور السوداني الجيلي قرشي ... وجابوا ليهم يمانيه مستحضره وحالتها متأخره جدا ... والدكتور الجيلي عايز يديها حقنه .... وزوج البنيه حلف ايمانات لو زوجتو تودع الحياة في اللحظه والتو انها ما ممكن تنكشف علي دكتور غريب .... انا الضيف حليت ليهم المشكله ... واقترحت علي زوج البنيه يطلع (((الجمبيه )))ودي خنجر اخوانا اليمانيه بيلبسوه في وسطهم ... ويفتح بيها ربع بوصه عشان الدكتور الجيلي يستطيع ينقذ حياة البنيه بحقنه ......
يا حبيبو ... مصيبتنا نحن معشر المسلمين بعدنا عن ابجديات الدين والعقيده بعد السماء للارض ....
| |
|
|
|
|
|
|
Re: مجاهده في كندا وبي تي شيرت !!!! (Re: Abdalla mohamed)
|
Quote: قطعة قماش فى الرأس تقوم تهدد سلامة اللعب
وكيف فسر هذا الحكم القانون الدولى ، كم دولة عربية وإسلامية لديها فرق كرة قدم نسائية وبتشارك فى مباريات دولية تحت إشراف الإتحاد الدولى 0 تعيش كثير تشوف كثير
وعجبى؟؟؟؟ |
اخوي عبد الله ....
انا في اولياء الامور ... الواحد يقيف ليك قدام المحاكم ومنفوخ ... وينتقد عادات دوله هو اصلا هاجر اليها برادته وبدون ان يجبره احد ...
وفي نفس الوقت يختار لابنتو نوع من انواع الرياضه لا بتشبه دينا ولا بتشبه عاداتنا ومصر يلوم الحكم ... والاسلام اصبح شماعه لقواعد شاذه كثيره ...
تخريمه ...: في رمضان الماضي ... في بقالة اخونا من اليمن الشقيق ... والمعروف ان البقاله في امريكا بتبيع الخمور وساندوتشات الخنزير ... والمجلات والاقراص المضغوطه الاباحيه ...
وبرضو بيقول ليك (((اللهم اني صائم ))))
| |
|
|
|
|
|
|
Re: مجاهده في كندا وبي تي شيرت !!!! (Re: SAMIR IBRAHIM)
|
ما افي اوضع من لاعبات الدافوري في السودان ..... لبسن الارديه والكادارات ... وبيشوتن ضفاري .....
Quote: انتقلت حمى كرة القدم من أوساط الشبان في السودان الى الفتيات اللواتي بدأن في مزاحمة الرجال على مطاردة المستديرة في ملاعب مخصصة لمحترفي الكرة من عتاولة اللاعبين أصحاب القدرات البدنية العالية والمهارات الفنية الراقية.. وفي السودان حكاية يصعب تصديقها ناهيك عن رؤية الفتيات وهن يطلقن سيقانهن مع عاصفة (المستديرة) كما يحلو للسودانيين تسمية كرة القدم، |
| |
|
|
|
|
|
|
Re: مجاهده في كندا وبي تي شيرت !!!! (Re: SAMIR IBRAHIM)
|
Quote: قطعة قماش فى الرأس تقوم تهدد سلامة اللعب |
سمير ازيييك يا خال
عريان من صلـــبو ولابسلو صديـــري
قلت لي البت دي بتلعب موووش كده ؟
طيب
الله يديها الجنه ويدينا واااحده لعاااابة زيها كده
ويديك الصبر يا خال
____
والله المسلمين بقوا يحيرو .. شككونا في دينا اتقول انحنا بوذيين
مودتي
منعم
| |
|
|
|
|
|
|
Re: مجاهده في كندا وبي تي شيرت !!!! (Re: celecon)
|
Quote: البربرة وبس ....!!!! (بضم الباء) |
يا سليكون ... بضم الباء دي علي وزن ... الشورت في خط سته ....
تخريمه ... الله ما وراك البنات العربيات في شوارع نيويورك وهن جاكات بالبنطلون والتي شيرت والحجاب ...
بيذكرني بكورة الجلي ....
| |
|
|
|
|
|
|
Re: مجاهده في كندا وبي تي شيرت !!!! (Re: عبد المنعم سليمان)
|
Quote: انا في اولياء الامور ... الواحد يقيف ليك قدام المحاكم ومنفوخ ... وينتقد عادات دوله هو اصلا هاجر اليها برادته وبدون ان يجبره احد ...
وفي نفس الوقت يختار لابنتو نوع من انواع الرياضه لا بتشبه دينا ولا بتشبه عاداتنا ومصر يلوم الحكم ... والاسلام اصبح شماعه لقواعد شاذه كثيره ... |
مادام الأب قد سمح لإبنته بلبس التي شيرت والشورت أو البنطلون والجري أمام المتفرجين ففيم حرصه على الحجاب؟؟؟؟وفيم الحجاب أصلا..ليس هنالك منطقة وسطي بين الحشمة واللاحشمة..فاما أن تحتجب وتحتشم وتحتشم هنا يعني أن لا تمارس ماتري ويري ولي امرها أنه قديتعارض مع ثوابت ديننا الحنيف..أو تمارس ماشاءت من أنواع الرياضة دون محاولة فرض قيمنا على مجتمع لا يقر بها..وما من شك أن الحجاب والسلاسل التي تلبس في العنق والخواتم تتعارض مع إجراءات السلامة في بعض الألعاب..أذكر وأنا ألعب في رابطة الديوم الشرقيةأن المرحوم الحكم الطاهر طردني من الملعب بعد أن فشلت في خلع خاتم طلب مني أن أخلعه قبل بداية المباراة وأصر عليه رحمة الله أن لا أدخل الملعب إلا بعد خلع الخاتم..علما بأن غيره من الحكام لم يسبق أن طلبوا مني ذلك..هذه أشياء متروك تقديرها للحكم ولكن بسند من الأنظمة..تحياتي
| |
|
|
|
|
|
|
Re: مجاهده في كندا وبي تي شيرت !!!! (Re: nile1)
|
تسلم يا نايل ... كفيت واوفيت .... وكل كلمه كتبتوها ببوست كامل ... خاصة ..
Quote: دون محاولة فرض قيمنا على مجتمع لا يقر بها.. |
الكثير من اخوتنا في الغرب وامريكا يصروا علي بناتهن ان يلبسن الحجاب ... والبعض يصر علي الخمار ... ... ولعمري هذا جميل وستره ... وحشمه ... ولكن ... الاختلاط في القطار .... الاختلاط في المدرسه .... التلفزيون والمناظر المريبه .... الحجاب وبنطلون الاسترتش ... ؟؟؟
نقول لاولياء الامور .. الدراسات التاريخيه .. اثبتت ان الحجاب ليس خاصا بالاسلام ... بل كان شائعا لدي نساء اليونان .. وكانن يضعنه علي رؤوسهن عند الخروج الي الشارع العام ... وايضا الخمار ... ظلن النساء الغربيات يستعملنه حتي حتي بداية القرن التاسع عشر ...
| |
|
|
|
|
|
|
Re: مجاهده في كندا وبي تي شيرت !!!! (Re: SAMIR IBRAHIM)
|
Quote: وانتقدت صحيفة "لاغازيت" الكندية موقف حكم المباراة واتحاد كيبيك المحلي لكرة القدم، مؤكدة أن قواعد الفيفا لا تمنع ارتداء أي من أغطية الرأس أو الوجه والركبة، مادامت مصنوعة من مواد لينة وغير صلبة. |
Quote: بينما انتقده "أندريه بواكلير" زعيم حزب كيبيك القرار، مشيرا إلي أن ارتداء الحجاب أمر شخصي، ما لم يتعارض مع طبيعة عمل الفرد أو النظام العام |
***** يا سلااام على الديمقراطيه...وحق التعبير....
| |
|
|
|
|
|
|
|