|
Re: أين الفنان خضــر بشيــر؟ (Re: Abureesh)
|
الاستاذ ،، أبو الريش
أوقاتك سعيدة ،، ونحن في انتظار من يسعفنا بأغاني وترانيم العاشق الصوفي المغفور له بإذن الله الفنان خضر بشير.
Quote: هل هى قوانين العرض والطلب فى سـوق الخـواء التراثى، الذى لا يوثق من التراث الجميل سـوى ما هـو مطلوب فى الحفلات، أم مـاذا؟ |
| |
|
|
|
|
|
|
Re: أين الفنان خضــر بشيــر؟ (Re: Abureesh)
|
أبو الريش سلامات ..
صدق وتآمن بالله إنت ما جايب خبر ..
أغاني خدر بشير الأيامات دي مدورة في المنبر دوير ما عادي شي لصق وشي مسح وشي تبادل بالماسنجرات وشي طلبات .. أنا ما عارف دا الموسم بتاع خضر ولا شنو !!
لو راجعت عذابات المصور بتاع عصام كانت في غنية نادرة لي خضر بشير موجودة بي هناك ...
| |
|
|
|
|
|
|
Re: أين الفنان خضــر بشيــر؟ (Re: ناذر محمد الخليفة)
|
ناذر..
إينال شكلك يا شيه.. انا قايلك مع الهيانـة.
ولكن يا ناذر انا أتحدث عن المكتبات فى هـذه المواقع.. يعنى فى صفحـة بكرى مافى ولا أغنيـة واحـدة له (واللا انا ما عرفت أفتش).. كذلك فى موقع أنور كنج.
| |
|
|
|
|
|
|
Re: أين الفنان خضــر بشيــر؟ (Re: حمد فتح الرحمن)
|
الأخ حمـد، أضغـط وين يا حبيب..
إلا أضغط على نفسى وأسكت سـاكت. الوصلـة لا تعمل.. ثم أن الهدف من البوست كان التعبيـر عن الحيـرة عن عدم وجود أى أغنيـة لهـذا الفنان الكبيـر فى موقع أغانى سـوادانيـة فى س.أولاين أو غيرهـا.. المطالبـة بتاسيس مكتبـه له كما تأسست مكتبات لمن هـو دونـه بكثيـر..
| |
|
|
|
|
|
|
Re: أين الفنان خضــر بشيــر؟ (Re: Abureesh)
|
Quote: أضغـط وين يا حبيب.. |
اضغط المثلث الاسود العلي اليسار الملف شغال بس موش تلقائي .
Quote: ثم أن الهدف من البوست كان |
يعني قصدك احذف الاغنية ما ليها داعي ؟؟؟
| |
|
|
|
|
|
|
Re: أين الفنان خضــر بشيــر؟ (Re: اساسي)
|
Quote: يا حمد بصراحة ابو الريش قال ليك لم سفنجاتك واتخارج |
موش بلاي انا زاتي يمين حسيت بيها في حناني لكن بقت لي تقيلة الملم شباطي و اتخارج
عموما استمتع بيها انتا تستاهلا و الله زي بعضو ما مشت بعيد
| |
|
|
|
|
|
|
Re: أين الفنان خضــر بشيــر؟ (Re: حمد فتح الرحمن)
|
Quote: يعني قصدك احذف الاغنية ما ليها داعي ؟؟؟ |
الأخ حمــد،
ياخ حرام عليك تفهـم كـدا.. انت اديتنـا رايك وكمان معاه (تصبيــرة).. فشكـرا يا سيـدى.. ولكنى أحببت أن أعيـد مطالبتى بضـرورة نشـر هـذا التراث فى المواقع.
| |
|
|
|
|
|
|
Re: أين الفنان خضــر بشيــر؟ (Re: Abureesh)
|
يا جميل يا جميل .. يا جميل ما ليك في الدنيا مثيل.. (مرة في دار الثقافة وبيني ما بينك مسافة.. باهتمام شايفك متابع تجني ثمرات المطابع (الزول الجميل في الناس رأيته حداي.. جنن عقلي أنا وخلاني ساهي براي (سمراء.. في عينيك معنى .. ناشد القلب فأنّ وذابا (وجه القمر سافر.. يضوي شعاعه نور وافر.. با بدر ساءلك جاوب ليش أخوك نافر والكثير .. الذي نطمح أن تتاح الإمكانيات لتوثيقه.. مع تقديري لكم.. ودمتم،،،
| |
|
|
|
|
|
|
Re: أين الفنان خضــر بشيــر؟ (Re: Abureesh)
|
Quote: يا جميل يا جميل .. يا جميل ما ليك في الدنيا مثيل.. (مرة في دار الثقافة وبيني ما بينك مسافة.. باهتمام شايفك متابع تجني ثمرات المطابع (الزول الجميل في الناس رأيته حداي.. جنن عقلي أنا وخلاني ساهي براي (سمراء.. في عينيك معنى .. ناشد القلب فأنّ وذابا (وجه القمر سافر.. يضوي شعاعه نور وافر.. با بدر ساءلك جاوب ليش أخوك نافر والكثير .. الذي نطمح أن تتاح الإمكانيات لتوثيقه.. مع تقديري لكم.. ودمتم،،، |
المكاشفى العزيز...قديتنا بى مع تقديرى واحترامى الكثيرة دى.. بالله بطل الكسل وامشى على الدولاب بتاعك ونزل اعمال الاستاذ..والله انا لو ابوى خضر بشير اجيبو بى قبره للبورد ده..ياخى حرام اعمال زى بتاعت الاستاذ تكون ما فى فى البورد وانت موجود. قوم يابطل وربنا يجعلها فى ميزان حسناتك...رحم الله الشامخ خضر بشير،،
| |
|
|
|
|
|
|
|