|
Re: مشجعو المريخ من التشاديين يملؤون الاستاد والنتيجة........ (Re: محمد المختار الزيادى)
|
نتمني ان يرد المريخ الصاع ثلاثة صاعات ,,, لكن خلونا براحة كدي نقارن رئيس النادي اغني رجالات افريقيا : المدرب الماني و قالوا عالمي : الحارس ياهو احتياطي حارس المنتخب: الدفاع فيهو واحد من مالي قالوا كانوا عايزنو في نانت الفرنسي لكن المريخ جابو بقروشه: الثاني توجولي قالوا عالمي و صاحب تيري هنري كمان: الباك يمين قالوا ناس قطر حيموتوا فيه عشان يدوه الجنسية : الباك الشمال مزمل مرشحو لاحسن ظهير ايسر في افريقيا ( حليلك يا بابايارو ) : الوسط فيه تاني افضل لاعب في المنافسات الافريقية ( ايوفوسا الحيموتوا فيه الجزائرين ) معاه مجاهد القال عنه خسن محجوب ( ماخاب من راهن علي مجاهد) وكمان معاه قلق شديد جدا جدا و فوق ليهم كمان الرجل العنكبوتي العجب وفي الهجوم العالمي طمبل و النيجيري الاقوي في افريقيا كما قالوا ايداهو : ,,,,,,,,,,,,,و بعدين ايش النتيجة التشاديين المساكين يغلبوهم كمان 2 صفر : انا لمن قريت عن استقبال المريخ في شاد قلت يالله ده المريخ و لا المان يونايتد : يا جماعة خليكم عاقلين و ما تنفخوا في الجثث الميتة و ابقوا واقعيين : ابالو انتهي ليه 5 سنوات: المدرب الالماني ده خرف ليه 15 سنه و بالمناسبة هو درب السعودية بالصدفة لمن المدرب الاساسي مشي و كان مدرب فك حيلة ساكت : طمبل لو فيه فائدة ناس جنوب افريقياماكان فكوه بسهولة: العجب فات عمر النبوه و كملان : مجاهد انتهي في الهلال قبل 3 سنوات اما بتاع قطر ده ذيوا في خمسين واحد في ليق الخرطوم و البقية كومبارس ,,, و مانسي ماذدا ده رئيس اللجنة المركزية للتدريب ( خلاص يا السير فرجسون ) و كان الله في عون الجمهور المسكين المغشوش بره و جوه
| |
|
|
|
|
|
|
Re: مشجعو المريخ من التشاديين يملؤون الاستاد والنتيجة........ (Re: محمد المختار الزيادى)
|
أخطر ما في لقاء المريخ مع القطن التشادي أن التأهل على حساب هذا الفريق لن يعتبر إنجازاً.. بينما ستعتبر الهزيمة أمامه بمثابة (فضيحة) لنادٍ باسم ومكانة وعراقة وإمكانات زعيم الكرة لقاء يدخله المريخ في مواجهة فريق مغامر لا يملك ما يخسره.. ولن يلومه أحد حتى إذا خسر أمام الزعيم ذهاباً وإياباً.. لأن الفوارق الفنية والمادية والجماهيرية التي تفصله من ضيفه تقاس بالسنوات الضوئية.
ياجماعة الكلام ده ما حقي ,,,ده كلام مزمل اليوم في الصدي
| |
|
|
|
|
|
|
Re: مشجعو المريخ من التشاديين يملؤون الاستاد والنتيجة........ (Re: محمد المختار الزيادى)
|
Quote: ستعتبر الهزيمة أمامه بمثابة (فضيحة) لنادٍ باسم ومكانة وعراقة وإمكانات زعيم الكرة |
Quote: لأن الفوارق الفنية والمادية والجماهيرية التي تفصله من ضيفه تقاس بالسنوات الضوئية |
متى يتذكر الأستاذ مزمل أن الامكانيات المادية التي يتحدث عنها هي في الحقيقة امكانيات رجل واحد هو جمال الوالي؟ _______________________________ هزيمة مخجلة وغير مبررة لكن تعويضها سهل جدا بأمدرمان.
| |
|
|
|
|
|
|
Re: مشجعو المريخ من التشاديين يملؤون الاستاد والنتيجة........ (Re: Ahmed Alrayah)
|
لا توجد أدنى مقارنة في الإمكانيات الفنية بين المريخ والقطن، فالمريخ فريق معروف أفريقياً وعربياً ولكن النوم على الاسم والتاريخ لا يجدي، فكثيراً ما ينتصر أو ينهزم الفريق لاشياء خارج منظومة الجانب الفني. والمريخ انهزم في تشاد هزيمة نفسية للأسباب التالية: 1- أنه يلعب في تشاد العدو اللدود لحكومة السودان 2- أن المريخ هو فريق المؤتمر الوطني 3- تغيب مجذوب الخليفة مسؤول ملف دارفور عن رئاسة البعثة 4- أن حارس مرمى المريخ هو بهاء الدين 5- أن المريخ فريق يغلب على تشكيلته اللاعبون الجدد ولم يصل المدرب لتوليفة أو تشكيلة ثابتة حتى الآن، وهذا ما أدى لخسارة المريخ للدوري الممتاز لأربع مواسم متتالية. المريخ قادر في أم درمان على تخطي عقدة الشاش التشادي، إن لم يكن بكسب المباراة لعباً ونتيجة، فسوف يكسبها باستعمال بطاقة الحكام المدفوعة مقدماً (والتحية لأخينا ناجي أحمد البشير صاحب الاختراع لهذا الاسم) كما استعملها أمام أهلي مدني المسكين، لأن المباراة لا تخص المريخ أو المؤتمر الوطني وحدهما، بل هي معركة حربية وطنية.. نسيت أن أهنيء الأخوة في المريخ بتشكيل رابطة مشجعي الزمالك، وهو شيء غير مستغرب منهم بكل تأكيد..
| |
|
|
|
|
|
|
|