|
|
 Exodus ماسي في صحراء التيه ( الاغتراب ميتة وللديار خراب)
|
بسم الله الرحمن الرحيم
لو اكون زول ليه قيمة
(المبدع الراحل العميري)
قابلت احد زملائي في المهنة وهو رجل يكبرني سنا وتجربة واغتراب - تجاوز العشرون عاما في صحراء التيه - وهو رجل مواطن اتلا من اللازم يدفع التزامات السفار في وقتها زادت والا مخفضة وما شي جنب الحيط وعايز يربي اولاده ويعيش مستور ، اها سمع بانه السودا ( ارض الميعاد ) بقى فردوس الله في الارض -، فقرر بينه وبين نفسه يرجع الوطن ولانه فيه بقية من عقل مشى السفارة يستفسر وقال ليهم يا جماعة انا ماعلي ولا ريال متاخر وعايز ارجع السودان نهائي فما هي التسهيلات التي ممكن تقدموها لي
فما كان من المسئول الا ان اجابه وبكل صراحة( اسمع نحن كل البنعملوا بنستناكم تلموا القروش وتجونا اخر السنة تدونا ليها) وبس
هذا الموقف ذكرني بموقف اخر حيث كنت في السودان الصيف الماضي وانا في الحافلة جلست جنب رجل يبدو انه عزيز قوم ذل وشايل ورق وباين عليه ضاربه الهم قلت اكلكله حبة قلت ليه ( تلتلوك) ويبدو انه الراجل كان جاهز وانفجر قال لي ( تصدق ان كنت مغترب في الامارات وقام جانا الوزير الفلاني وخطب فينا وقال لينا البلد مستنياكم لانكم انتو الحترفوها والمجالات مفتوحة ليكم والابوب كلها مشرعة ليكم ووووو وانو السودان اصبح من احسن الدول في العالم والاستثمار واي مغترب حنديه اعفاء جمركي لعبيته ولعفشه ولاي اليات يجيبها معاه. يا مؤمن يامصدق نهيت اقامتي وعندي عربية كريلللاموديل 96 قيمتها حوالي 18000 درهم تخيل قيموا لي جماركها بي 20000 درهم قلت ليهم يا جماعة انا جيت نهائي قالوا ليه الجابك شنو . المهم بعد جهد جهيد قدرت ادخل للسيد الوزير فقلت ليه يا سعادتك انت جيتنا في الامارات وقلت وقلت وقلت . المفاجاة انو الوزير قال لي انا ابدا ماقلت حاجة زي دي ونكر نكرانا تاما وانا اسه ندمان سافي التراب علي الاقامة الضاعت)
ونحن في انتظار ماسي والبوست فاتح للجميع
|
|
 
|
|
|
|
د.محمد حسن
فيس بوك
تويتر
انستقرام
يوتيوب
بنتيريست