|
Re: قطبى المهدى : قبل الجاه و السلطة كل هؤلاء كانوا من الطبقة العاملة ومن أبناء المهاجرين !! (Re: اسعد الريفى)
|
ناجى: صباح الخير.. ياخى كلام قطبى المهدى واضح للغاية و تعليقى أوضح منو.. و مسألة الخير و الشر لا خلاف عليها .. و ما أقصده تحديدا لا علاقة له بالخير و الشر ( كفلسفة مطلقة) أو نظريات فلسفية و متاهات فكرية .. الحكاية أبسط بكثير.. ما عليك ( و أنت خبير بهذه المسائل ) إلا بالرجوع بالذاكرة قليلا .. لترى كيف يصبح المدير صاحب شركة و صاحب الشركة صاحب شركتين ثم مجموعة شركات ، أما الوزير فمن المؤكد أنه يمتلك النصيب الاكبر من عدد من الشركات و هكذا تحولت حتى الوزارات الى مالكة للشركات بل و حتى لجامعات التى يمولها القبول الخاص.. بإختصار يا أخ ناجى المسألة عى الشطارة فى إدارة موارد الوزارة.. لذلك اصبح الكثير مما أقصدهم بحديثى و بقدرة قادر يستطيعون شراء الفلل التى يتراوح سعرها بين 300 -450 الف دولار و منازل بمليار .. و المؤكد أنهم قبل تلك المناصب كانوا من سكان أحياءنا المعروفة و القديمة ، و بعضهم فى منازل بالايجار فى تلك الاحياء .. و بعد قضاء سنتين فى المنصب أصبحوا يمتلكون تلك الفلل!! و بعملية حسابية بسيطة يلزمك عام لتمتلك 60 ألف دولار ، إذا كان مرتبك 5 ألف دولار شهريا.. طبعا ده التوفير( يعنى أنك لا تصرف منه مليم). و يلزمك من الاعوام خمسة لتمتلك 300 ألف دولار.. و السؤال ، أى وطيفة تعطيك 5 الف دولار شهريا..داخل السودان و على فرض أنك فيها .. عملت البيت كيف فى سنة و اتنين !!! هذا قليل من كثير !! و لم نتحدث عن القروض المباحة بعد !!
| |
|
|
|
|
|
|
Re: قطبى المهدى : قبل الجاه و السلطة كل هؤلاء كانوا من الطبقة العاملة ومن أبناء المهاجرين !! (Re: اسعد الريفى)
|
ناجى: صباح الخير.. ياخى كلام قطبى المهدى واضح للغاية و تعليقى أوضح منو.. و مسألة الخير و الشر لا خلاف عليها .. و ما أقصده تحديدا لا علاقة له بالخير و الشر ( كفلسفة مطلقة) أو نظريات فلسفية و متاهات فكرية .. الحكاية أبسط بكثير.. ما عليك ( و أنت خبير بهذه المسائل ) إلا بالرجوع بالذاكرة قليلا .. لترى كيف يصبح المدير صاحب شركة و صاحب الشركة صاحب شركتين ثم مجموعة شركات ، أما الوزير فمن المؤكد أنه يمتلك النصيب الاكبر من عدد من الشركات و هكذا تحولت حتى الوزارات الى مالكة للشركات بل و حتى لجامعات التى يمولها القبول الخاص.. بإختصار يا أخ ناجى المسألة عى الشطارة فى إدارة موارد الوزارة.. لذلك اصبح الكثير مما أقصدهم بحديثى و بقدرة قادر يستطيعون شراء الفلل التى يتراوح سعرها بين 300 -450 الف دولار و منازل بمليار .. و المؤكد أنهم قبل تلك المناصب كانوا من سكان أحياءنا المعروفة و القديمة ، و بعضهم فى منازل بالايجار فى تلك الاحياء .. و بعد قضاء سنتين فى المنصب أصبحوا يمتلكون تلك الفلل!! و بعملية حسابية بسيطة يلزمك عام لتمتلك 60 ألف دولار ، إذا كان مرتبك 5 ألف دولار شهريا.. طبعا ده التوفير( يعنى أنك لا تصرف منه مليم). و يلزمك من الاعوام خمسة لتمتلك 300 ألف دولار.. و السؤال ، أى وطيفة تعطيك 5 الف دولار شهريا..داخل السودان و على فرض أنك فيها .. عملت البيت كيف فى سنة و اتنين !!! هذا قليل من كثير !! و لم نتحدث عن القروض المباحة بعد !!
| |
|
|
|
|
|
|
Re: قطبى المهدى : قبل الجاه و السلطة كل هؤلاء كانوا من الطبقة العاملة ومن أبناء المهاجرين !! (Re: اسعد الريفى)
|
أخونا أسعد شكرا لك لطرح مثل هذه القضية للحوار. إذا نظرناللموضوع (موضوع السرقات والحرامية ) بمنظور آخر سوف نجد فرقا بين الحرامية بتاعنهم والحرامية اللي من عندنا. فالحرامية بتاعنهم بعدما سرقو عملو بيها مصانع وجامعات ومعامل كبيرة.دي أخدت دورتها وعادت تشغيل وإستيعاب للعمال والطبقات الوسطى أو بمعنى تاني أخدت دورتها في المجتمع اللي سرقو منو الأموال.(ودا ما شكر في النظام الرأسمالي بس مقارنة مع الرأسمليات الطفيلية بتاعتنا).لكن شوف وين القروش اللي سرقوها مننا, العندو مره بقو أربعة نسوان (دا طبعا أول شي ) بعدين الصرف على المستلزمات الأستهلاكية ببذخ وثالث الأسافي ترحيل الأموال الى ماليزيا علشان بكرة نشيد بالعبقرية الفذة لمهاتير محمد. فبالله وعليهم الله ونستعطفهم إنهم يبقو زي حرامية الأمريكان على أقل تقدير.
ودمتم
| |
|
|
|
|
|
|
Re: قطبى المهدى : قبل الجاه و السلطة كل هؤلاء كانوا من الطبقة العاملة ومن أبناء المهاجرين !! (Re: ابو خالد)
|
السرقة ياها واحد والبسرق عشان يعمل مصنع او يتزوج اربعة نسوان سيان ..
ليس كل ابناء الطبقة الوسطى حراميه وليس كل أبناء الطبقات العليا شرفاء
طيب رأيكم شنو فى الناس اللى شيدت ابراج وعمارات متعددة الطوابق .. ولا هم مسئولين ولا هم فى السلطة .. حتى السوق ده دخلوه قبل سنه او سنتين .. تصنيفهم وين ..
يا اخوانا أقراو الخارطة جيدا ..
لغة الارقام جميلة يا ابو السعود ويا وراق .. لكن لابد ان تكون المصادر حقيقه والارقام ايضا حقيقيه ..
عموما المسألة محتاجة لدراسة متانيه لها علاقة بتغير سلوك الانسان السودانى , الذى نعتقد احتفظ بالكثير من العادات الموروثه الجيده , وهى ربما التى تغطى على تصرفاته الشينه التى لا حصر لها .. وهذا اخطر ما فى الامر , لان ازدواج الشخصيه مرض خطير ويحتاج الى معالجات طبيه .. والذى يجب معرفة اسبابه وتفشيه فى مجتمعنا السودانى ..
حضرت قبل عدة ايام فى قناة النيل الازرق للونسه العامة قبل اسابيع حوار جميل عن اختلاف شخصية الرجل السودانى فى داخل البيت وفى خارجه , ولو كان الحوار فى اطار اكثر جديه , واستضافوا له بعض المختصين لخرجنا بنتيجه افضل ..
لماذا لا نستصحب هذه العوامل فى حوارنا هذا , لنكون قد بدانا البدايه الصحيحه ..
| |
|
|
|
|
|
|
Re: قطبى المهدى : قبل الجاه و السلطة كل هؤلاء كانوا من الطبقة العاملة ومن أبناء المهاجرين !! (Re: ناجى أحمد البشير)
|
الأخ ناجي تحياتي لغة الأرقام مهمة، لا شك عندي في ذلك.. تحري الدقة مطلوب.. لكن السؤال الذي يحتاج لإجابة.. إذا كان أحد معارفي رجل على قدر حاله وبقدرة قادر صار من أصحاب المليارات والعمارات وهو ليس بتاجر بل موظف عادي (موظف دولة).. قل من أين أتى بهذه الأموال وأي دقة إحتاجها للمعلومة أو أي ورقة إثبات مطلوب مني إبرازاها.. عزيزي ناجي.. يوجد بالسودان فساد مالي وأخلاقي مزعج للغاية وهذا بشهادة المسئولين أنفسهم ولا يمكن أن نكون ملكيين أكثر من الملك نفسه (الملك دي مرات بتجيب الهواء). على كل.. الدولة محتاجة لإعادة هيكلة وصياغة كاملة ومحاسبة لكل طفيلي ونصاب.. فتك بعافية.،
| |
|
|
|
|
|
|
Re: قطبى المهدى : قبل الجاه و السلطة كل هؤلاء كانوا من الطبقة العاملة ومن أبناء المهاجرين !! (Re: ناجى أحمد البشير)
|
"عموما المسألة محتاجة لدراسة متانيه لها علاقة بتغير سلوك الانسان السودانى , الذى نعتقد احتفظ بالكثير من العادات الموروثه الجيده , وهى ربما التى تغطى على تصرفاته الشينه التى لا حصر لها .. وهذا اخطر ما فى الامر , لان ازدواج الشخصيه مرض خطير ويحتاج الى معالجات طبيه .. والذى يجب معرفة اسبابه وتفشيه فى مجتمعنا السودانى .."
يعني نفهم من الكلام دا ما في داعي نبحث في موضوع الحرامية وسرقاتهم بس نشوف طريقة لمعالجة الشعب السوداني المسكين اللي بقي مسكون بالشيزوفرينيا...؟؟؟ نعم صحيح من سرق وعمل مصنع أخلاقيا في نفس مرتبة اللي صرفها في اللهو بس إقتصاديا الأول أعاد تدوير المال المسروق أو جزء منو لأصحابو والثاني لهفو بالكامل لصالحو... هل يستويان...؟؟
"طيب رأيكم شنو فى الناس اللى شيدت ابراج وعمارات متعددة الطوابق .. ولا هم مسئولين ولا هم فى السلطة .. حتى السوق ده دخلوه قبل سنه او سنتين .. تصنيفهم وين .." طيب ديل دخلهم إيه بالحرامية المقصودين.....؟؟ولا إنت في غمرة دفاعك عنهم عاوز تخلط الحابل بالنابل علشان تثبت لينا فعلا يا إما الكل متهم أو الكل برئ... دمتم
| |
|
|
|
|
|
|
Re: قطبى المهدى : قبل الجاه و السلطة كل هؤلاء كانوا من الطبقة العاملة ومن أبناء المهاجرين !! (Re: اسعد الريفى)
|
الاستاذ ناجى.. الحكاية ليست كلام ساكت و الدليل على ذلك أنى و انت ندفع كل ما نملك ليتعلم ابناؤنا.. و نعمل الكثير ليتعالج ابناء السودان داخل و خارج السودان.. لا يكاد يمر شهر إلا و نرسل الادوية الى من عجز عن شرائها من الاهل و الجيران و الاصدقاء.. بعدين يا عزيزى هل سمعت بأن مسؤولا أقيل بتهمة الفساد هل قارنت بين مساكن مسؤولينا الان و مساكن من كانوا قبلهم و منذ الاستقلال!! المسألة لا تحتاج لتفتيح العين أو إرهاف السمع.. المسألة ليست مغالطة المسألة واضحة زى الشمس !!!
| |
|
|
|
|
|
|
Re: قطبى المهدى : قبل الجاه و السلطة كل هؤلاء كانوا من الطبقة العاملة ومن أبناء المهاجرين !! (Re: حليمة محمد عبد الرحمن)
|
ماالنسوان قالو عايزين المساواة
اين المشكلة فى ان تستلف امراة او رجل من البنك
حقو تخلونا فى موضوعنا
عايزين تفاصيل اوفى للقصه .. ولا نستطيع ان نحكم على قصه مبتورة
من هى هذه المراة وما طبيعة عملها هى من سيدات الاعمال ام موظفة عاديه جابوها
من الشارع ادوها القروش دى .. عشان تاكلها وتجرى
يا أخواناخلونا منطقيين شويه ..
اخوى ( الصغير ) مدير ( كبير ) فى احد البنوك الكبيرة وبحاول يطلع لى او ليه سلفة فى
السودان وما قادر ........... رايكم شنو ( تجربة شخصيه مش كدة )
افضل نقاش الفكرة وليس القصه والحالة .
| |
|
|
|
|
|
|
Re: قطبى المهدى : قبل الجاه و السلطة كل هؤلاء كانوا من الطبقة العاملة ومن أبناء المهاجرين !! (Re: اسعد الريفى)
|
للذين يبحثون عن الكلام الموثق
Quote: وقد استطلعت (الرأى العام) جهات الخبرة بالاضافة الى سجن النساء أم درمان وكانت لنا جولة التقينا فيها بعدد من النزيلات. امرأة في العقد الثالث من عمرها متزوجة دخلت بعد دخولها في مرابحة مع البنوك لم تستطع ايفاء الالتزام، المبلغ كان ملياراً وستمائة مليون الحكم تبقى لحين السداد. |
و الحديث عن الشر و الخير فى كام شرير(مسؤول) سهل لهذه المرأة الحصول على ملياراً وستمائة مليون !!! و لا دخلت البنك براها و طلبت ملياراً وستمائة مليون و طوالى (الصراف اداها) !!!
| |
|
|
|
|
|
|
Re: قطبى المهدى : قبل الجاه و السلطة كل هؤلاء كانوا من الطبقة العاملة ومن أبناء المهاجرين !! (Re: اسعد الريفى)
|
بصراحة يا اسعد انتو ناسحاسدين ساي
انت قايل المليار ده قروش
ده بس الف مليون جنيه يعني شنو
ده ممكن براحة يصرفوا ليك في البنك بي تلفون توصية
زمان لما بدر الدين طه كان الحاكم العام للبنك الزراعي ، جاب واحد من معارفه عان يدوهو تمويل ، الشباب ماقصروا وعملوا اللازم ، وادوهو تلات فترات سماح بعد فترة السماح الاصلية ، وفي الاخر قال ليهم بصراحة يا جماعة انا ما عندي قروش الجماعة مشوا للحاكم العام وبلغوهو انه محسوبه فض يدع القروش فاجابهم بكل بساطة ( بالله الراجل طلع حرامي؟!)
هذه القصة للناس العايزين ادلة ودلايل ودلاديل موثقة في مجلس ادارة البنك في الفترة بتاعة 1993-1995 ومن روى هذه القصة من المتنفذين في مجلس الادارة
وبس
فهل تدخل من باب الفساد للحاكم العام والامن باب انو الشعب السوداني مروض ندس حالة الشيزوفرينيا التي يعيشها
اسعد تحياتي معليش الموضوع اصابني بشيزوفرينيا
| |
|
|
|
|
|
|
Re: قطبى المهدى : قبل الجاه و السلطة كل هؤلاء كانوا من الطبقة العاملة ومن أبناء المهاجرين !! (Re: اسعد الريفى)
|
Quote: محافظ البنك المركزي : القادمين من السودان يحمل بعضهم في يده مبالغ تصل الى المليون والمليونين من الدولارات الخرطوم: سمية سيد(الرأى العام) حذر د.صابر محمد الحسن محافظ البنك المركزي السودانين المسافرين للخارج من حمل بنكنوت باحجام كبيرة عبر المطارات، وكشف ان السلطات المختصة تلقت تنبيهات وملاحظات من سلطات بعض المطارات خاصة الاوربية بان القادمين من السودان يحمل بعضهم في يده مبالغ تصل الى المليون والمليونين من الدولارات. ونبه صابر في حوار مع «الرأي العام» ان حركة «البنكنوت» عبر المطارات اصبحت مرتبطة بتمويل الارهاب منبهاً الى ان حامليها قد يتعرضون الى مضايقات أو تساؤلات من قبل سلطات الدول الذاهبين اليها.واوضح ان البنك المركزي ووزارة المالية ولجنة غسيل الاموال وبعض الجهات الاخرى ذات الصلة ترتب لعقد اجتماع مع اتحاد اصحاب العمل لاصدار قرارات واجراءات تحد من الظاهرة وفي نفس الوقت لا تتعارض مع السياسات المعلنة في السودان بحرية حركة العملات الحرة والتعامل بها.من جهة ثانية نفى صابر قطعيا ان يكون قد اصدر توجيهات بالتعامل مع العملات الآسيوية فقط في التعاملات الخارجية بدلا عن الدولار. وقال انه حث قطاع الاعمال لدى اجتماعه باتحاد اصحاب العمل بالتعامل مع عملات البلاد التي يستوردون منها حتى لا يتعرضون الى مضايقات جراء استخدامهم الدولار، نافيا اي ربط بين هذا الحديث والخطة الامريكية «ب» مشيراً الى انه لا يوجد تعامل تجاري بين السودان وامريكا لكون انه لا جديد في الاعلان الامريكي الاخير حيث انه يسري من التسعينات «فقط تم تجديده الآن» -على حد قوله. |
طبعا فى العالم عشان تشيل مبلغ زى ده الا يكون ابوك كنتكى او ماكدونالد او مكسيم او شاه ايران (رضا بهلوى) أو تكون جاك بالانس أو شارلزبرونسون أو ( من الجماعة اياهم)
| |
|
|
|
|
|
|
Re: قطبى المهدى : قبل الجاه و السلطة كل هؤلاء كانوا من الطبقة العاملة ومن أبناء المهاجرين !! (Re: اسعد الريفى)
|
Quote: ماالنسوان قالو عايزين المساواة
اين المشكلة فى ان تستلف امراة او رجل من البنك
حقو تخلونا فى موضوعنا
عايزين تفاصيل اوفى للقصه .. ولا نستطيع ان نحكم على قصه مبتورة
من هى هذه المراة وما طبيعة عملها هى من سيدات الاعمال ام موظفة عاديه جابوها
من الشارع ادوها القروش دى .. عشان تاكلها وتجرى
يا أخواناخلونا منطقيين شويه .. |
ياربي الداخل شمال على الموضوع منو هسع؟ انا ولا ناجي احمد البشير صاحب الكلام المقتبس اعلاه؟ طبعا نحن تساؤلنا كان حول ماهي الضمانات التي تخول للبنك اعطاء سلفيات ضخمة مثل هذه.. والسلفية مكفولة للجميع يا عزيزي.. اما ان تعطي امراة سلفية بدون ضمانات كافية، وتكون نتيجتها السجن فهذه هي الطامة الكبرى.. سجن امراة يعني تشرد اسرة .. وسجن امراة او رجل لا يعني مسارعة اهله بسداد مبالغ مثل هذه واطلاق سراحه، انما يعنى اموال مودعين، دخلت ذمة شخص واحد اكلها او استثمرها خطأ وقعد في السجن.. وتوتة ..توتة خلصت الحدودة، والجاتك في مالك سامحتك، للطرف التاني.. هناك شئ اخر اذا كان اخوك.. وانا والله ما مصدقة القصة دي ، مع احترامي الشديد ليك، مدير البنك الكبير ما قادر يباصر سلفية ليك، بالطرق العديلة غير الملتوية،، يبقي عندك حق في تساؤلك : كيف تمكنت هذه السيدة من اقتراض هذا المبلغ؟ في هذه الحالة دونك الرابط التالي للقصة كلها وعدد الصحيفة واسم الصحفية صاحبة المادة المعنية، او سجن النساء واعتقد ان سيدة مدثر ، ان كانت لا تزال على راسه، امراة متفهمة، يمكنها ان توضح انواع السجينات، والقضايا، انا دخلت سجن النساء بامدرمان سنة 1990، لعمل تحقيق واعرف منذ ذلك الحين معظم ما يدور في المجتمع.. اما موضوع الصحيفة المعنيةن فانا ما عندي شك فيه .. http://rayaam.net/awrag/awrag.htm نحن في مجتمع، يزداد كل يوم فقرا وغلاء طاحنا، واموال تصرف بالهبل لاولاد المصارين البيض، و"الفكي وامه للسحار" والفكي دا ديل نحن.. نس قريعتي راحت.. هناك تجربة مثيرة لعلك قد تكون سمعت عنها..هي تجربة البنغالي محمد يونس صاحب بنك جرامين والذي استطاع في زمن قياس ان يخرج 54 في المائة من الفقراء في بلد مثل بنغلاديش من دائرة الفقر، بينما نحن بلد توازي مساحتها اوروبا مجتمعة وبها ملايين الافدنة الصالحة للزراعة.. اكثر بلد (مهجورة) - من الهجرة- بجميع انواعها.. والحديث ذو شجون يا اخي الكريم.. وبلاش نقلب المواجع اكثر من كدا...اما قصة فشل شقيقك الاصغر مدير البنك الذي لم ينجح في تسليفك او اقراضك من البنك.. فتعطيني الرغبة في التساؤل: يا اخوانا انا اضاني الشمال، باليمين ولا باليسار.. اذا اردت الاطلاع على تجربة البنغالي يونس في محاربة الفقر عن طريق الاقراض متناهـ الصغر ، دونك الرابط التالي: http://aleqt.com/news.php?do=show&id=47676
| |
|
|
|
|
|
|
|