|
|
 - - HAPPY BIRTH DAY - -DKEEN
|
Quote: يوم حب كامل
زول واحد قال لي هابي فلانتاين ماف..
لابت لا ولد..
فرد رسالة جاتني من السودان مكتوب فيها (هابي فلانتياتن اند اي ويش يو ماعارف شنو شوشنو وشنو..)
رسالة يتيمة في يوم من اربعة وعشرين ساعة لي زول عمرو اتنين وتلاتين سنة اعتبار من يوم غدٍ..
زولة واحدي بس من بين ملايين النسمات على ظهرالكرة الارضية تتذكرني..
ويمكن يكون ذاتو ما بت ويكون راجل ...
انا بصراحة الرقم ما مر علي قبل كده.. |
القديس فالانتاين السوداني المزاج
بالتالي بما أنكـ صديقي و بما أنه مافي جكس ح يشتغل بيكـ و حتقعد تبكي علي أطلالكـ فقد قررت أن أتجدع فيكـ شوية و أخليكـ تتجدع شوية و ناس تانيين يلقو ليهم فيكـ فرقة و علي الاقل تنسي يوم الفلانتاين ..
بعدين انت كان صحي عشا بايتات تتولد بعد الفلانتاين بي يوم ؟؟
الجكس يمشي و يقضي ليل الفلانتاين و انت قاعد منتظر رسالة !!
و داير تلقي لي بتكـ في الهيلمانة !!
..
.
|
|
 
|
|
|
|
|
|
|
 Re: - - HAPPY BIRTH DAY - -DKEEN (Re: فيصل نوبي)
|
نوبي ازيك،
| Quote: بعدين انت كان صحي عشا بايتات تتولد بعد الفلانتاين بي يوم |
عارف دكين ده لو كان اتولد قبل الفلانتاين بيوم كان العيد ده حا يلغوهو نهائياً، فليحمد العشاق ربهم انو اتولد بعدو بيوم.
هديه لدكين بمناسبة الفلانتاين عشان اكون تاني زول يعبرو.
| |
|
|
|
|
|
|
|
|
|
Re: - - HAPPY BIRTH DAY - -DKEEN (Re: انور تاج السر)
|
نوبى كيف الحال
دكين عقبال تطفى الشمعة المية
أهدى ليك كباية شاى باجقلى جابو لينا شنتير فى الكفتيرة
كنت دايرة أجيبا ليك لكن خايفاها تبرد تعال أشربا معانا
بى غادى كان تصمت راسك وتكتل شقيق أب قوتة الراجيك هناك
كل عام وانت بخير
وتنال المنى
| |
|
|
|
|
|
|
|
|
|
Re: - - HAPPY BIRTH DAY - -DKEEN (Re: DKEEN)
|
Quote: فانا في كل عام افقد الوزن والاحترام ..
ولا اجد ضالتي..
|
تفاءلوا بالخير تجدوه
انت فى عنفوان الشباب والطريق أمامك وليس خلفك
الا تعلم ان أهل الجنة يبعثون شباب فى عمر 33 سنة
انشاء الله قبل السنتين الجاية تجد ضالتك وتعزمنا لعرسك
| |
|
|
|
|
|
|
|
|
|
Re: - - HAPPY BIRTH DAY - -DKEEN (Re: فيصل نوبي)
|
يا دكين
ماما بتسلم عليك وتقول ليك هبي بي الزيتو يو
يا دكين يا فقري
حتى صديق الموج ظاااطو ما هبب ليك
قريبي فيصل
مسكاقمي
الدنقلاوي دا أخير ليك تخطاهو
تذكر في واحدة زميلة هنا في المنبر قالت لي دكين دا
يا دكين انت خليك في مؤخرات النساء مالك مال السياسة
| |
|
|
|
|
|
|
|
|
|
Re: - - HAPPY BIRTH DAY - -DKEEN (Re: حمزاوي)
|
الخال المغضوب عليه حمزاوي
سلامات وحمد الله على السلامات
الله يسلمك ويسلم ماما..
وشكرا ياخي على جيتك الظريفة لي بيتنا
بت عمي قات لي : صحبك العينو زايغة ده من وين جبتو؟؟
نرسلك تسلم على ناس البيت تشاغل فيهم ؟؟
| |
|
|
|
|
|
|
|
|
|
Re: - - HAPPY BIRTH DAY - -DKEEN (Re: فيصل نوبي)
|
فيصل نوبي
اخيرا زول عبرني خلال 31 سنة خلت..
انتاوهندوية الوحيدين الاتذكرتو هذا الميلاد المجيد..
الوالدة انا سالتها قتا ليها موش كان تستعجلي يوم عشان اجي مع عيد الفالانتاين
قات لي :
ماكفاية استعجلنا انا وابوك وفكرنا نجيبك من اصلو..
| |
|
|
|
|
|
|
|
|
|
Re: - - HAPPY BIRTH DAY - -DKEEN (Re: Soumeta)
|
Quote: دكين،،
إنت كان عيد ميلادك بساهر بيك لي وش الفجر،،
يوم عرسك شن تسو؟
ده ما سؤال للاجابة سمح؟ |
سوميتا
مين البحدد انو سؤالك ليس للاجابة
السائل ام المسؤل؟؟
سريع ردي عشان انا يديني ماكلاني للجواب
| |
|
|
|
|
|
|
|
|
|
Re: - - HAPPY BIRTH DAY - -DKEEN (Re: فيصل نوبي)
|
غايتو جنس حنكشة ..!!
اختلطو مع ناس سفيان وسودانيةوبقيتو تحاكوهم كمان في تقاليدهم .. شي فلنتاين وشي عيد ميلاد ..
ايامكم ساكوبيس ..
ومع ذلك .. كل سنة وانت طيب ياآبدول و نتمنى ليك الشمعة المية ومافوق ...
نوبي ..
والله لو عرفت حجم معزتنا للحبيب الانت خاتيهو في بروفايل ده كنت اتنازلت لينا عن بروفايلك
محبتى ليكم .. وربنا يعمر البينا بالخير
| |
|
|
|
|
|
|
|
|
 Re: - - HAPPY BIRTH DAY - -DKEEN (Re: فيصل نوبي)
|
الاخ الـحبيــب الـحـبوب،
دكــيــن،
لـو قمـنا بـطـرح 32 من 2007، تكـون الـحـسـبة انك مـولود في
17 فبــرائـر 1975، يعــني زمان حكم الـجـنرال نمـيـري!!!،
والان عـمـرك 32 سـنـة وعايـش زمـان المشـيـر البشـيـر!!!،
يـعـنـي فـي عمـرك دة، مـاعشــت وشــفت نـظام ديمـقراطـي
الا ثلاثــة ســنوات!!!!!،
كـل سـنـةوانت طـــــيــــب _
| |
|
|
|
|
|
|
| |
فيصل نوبي
معروف حمدين
حبيب نورة
Soumeta
Yassir Tayfour
سفيان بشير نابرى
الطاهر ساتي
فيس بوك
تويتر
انستقرام
يوتيوب
بنتيريست