|
Re: يا اهل المروة هوييييييييييي الحقونا نحن اتدفنا تحت الثلج... (Re: Abdelmuhsin Said)
|
عبد المحسن يا اخوي تشوف الله و الرسول قول آمين شوفته كتاحة البطانه ورياح الخماسين في دفن عديل كده بجي على مناطق حلفا الجديده وسهول البطانه يسمونه رياح الخماسين على ما اعتقد او مثل هباباي طوكر اليوم بالضبط تذكرت هبباي طوكر.
قلت لي صور هو نحن فاضين نصور قايلانا يازول بقول لك اخواتك بقن (عضلت تبش) بس تقول لي صوروا؟؟؟
Quote: والله نفسى اشوف الثلج ده بنزل كيف بالله صوره اذا أمكن |
لو الله هون بصور لك ان شاء الله. قال فالنتاين قال. نحن مدفونين و (العيال المفاعيص) يكتبوا فيني في كروت الفالنتاين لزملائم/تهن غدا. تراجي.
| |
|
|
|
|
|
|
Re: يا اهل المروة هوييييييييييي الحقونا نحن اتدفنا تحت الثلج... (Re: Tragie Mustafa)
|
Quote: هذا البوست تعريفي لكل من يرغب في الهجره لكندا عشان ما تقولوا بكره غشيناكم وقلنا لكم انها جنة الله في الارض |
تراجي ... سلام عليكم انا لما جيت السويد في أغسطس الماضي الناس كلها خوفتني من الشتاء و التلج و الوهمات دي ... لكن معاك معلم ... كجيت ليهم التلج لدرجة انو ما نزل ليهم في الكريسماس وهسي شغال معانا رزاز .. رزاز أها ياناس كندا لو دايرني أكج ليكم التلج بتاعكم بس رسلوا الإنفيتيشن و أخليكم تصيفوا باقي شهر إتنين ده تحياتي
| |
|
|
|
|
|
|
Re: يا اهل المروة هوييييييييييي الحقونا نحن اتدفنا تحت الثلج... (Re: غباشي)
|
الاخت تراجي
نرجوا من الإخوة بكندا كتابة تجربتهم مع شتاء هذا العام و مع ذكر المواقف الطريفة و الحرجة في مثل هذا الجو البارد
وهل يشعر الناس بالطفش و الملل من هذا الحال الذي يستمر لأشهر طويلة في كندا بالذات ، و هل تفكرون بالإنتقال إلى بلد آخر في هذة الشهور
وأخيراً :- لا تخافي من البرد زي ماتعودنا نعيش في السعودية ودرجة الحراره 55 "غليان" تتعودي تعيشي في البرد وخصوصا التدفئة في كل مكان
شكرا
| |
|
|
|
|
|
|
Re: يا اهل المروة هوييييييييييي الحقونا نحن اتدفنا تحت الثلج... (Re: Imad Khalifa)
|
والله الاسبوع ده من اصعب الايام التي مرت في الشتاء
طبعا درجة التجمد دايما بتكون -18 ودي طبعا لمن تجي في كندا بتكون
عادية جدا
الاسبوع دا الجليد ما وقف يوم
حتي تدنت درجة الحرارة الي ادني مستوياتها
فقيادة السيارات تحتاج الي مهارة تكون متزحلقة
ارجو ان اكون بترجم كويس
الزيارات تنقطع الا عبر الهاتف
العمل مستمر كا العادة
لم تتوقف الحياة الا بعد درجة حرارة -60
وطبعا دى ما بنقدر عليها
غايتو ربنا يزيح الانقاذ
ويرجعنا لي بلدنا سالمين
والله غربة كندا اخير منها سجون السودان
يارب با لغت
لكين برد وجليد ما معقول
| |
|
|
|
|
|
|
Re: يا اهل المروة هوييييييييييي الحقونا نحن اتدفنا تحت الثلج... (Re: عبدالمنعم الرزوقي)
|
Quote: يا اهل المروة هوييييييييييي الحقونا نحن اتدفنا تحت الثلج... |
استعينى بجرافات الاصدقاء
........ مناحيم موشى صحيفة احرنوت فى اول تجسيد عملى للصداقة بين الشعبين على ارض الواقع قامت مجموعة من الشركات الصديقه بازاحة الثلوج امام منزل الزعيمه وكل الطرق المؤديه اليه بعد سماعهم لكلمة (المروة)المتكررة فى نداءات الاغاثه
مما حدا بالزعيمه بمطالبة الاصدقاء بوضع عدد من الجرافات امام منزلى راشد الحاج والنزير حجازى تحوطا لتقلبات الطقس
| |
|
|
|
|
|
|
Re: يا اهل المروة هوييييييييييي الحقونا نحن اتدفنا تحت الثلج... (Re: osly2)
|
Quote: فى اول تجسيد عملى للصداقة بين الشعبين على ارض الواقع قامت مجموعة من الشركات الصديقه بازاحة الثلوج امام منزل الزعيمه وكل الطرق المؤديه اليه بعد سماعهم لكلمة (المروة)المتكررة فى نداءات الاغاثه
مما حدا بالزعيمه بمطالبة الاصدقاء بوضع عدد من الجرافات امام منزلى راشد الحاج والنزير حجازى تحوطا لتقلبات الطقس |
يجازي محنك يا إبن عمي!!!
ربنا يعينكم أختي تراجي على شدة البرد... ويجعله سلاماً عليكم يااااااااارب...
مودتي...
أبو الحســــــــــين...
| |
|
|
|
|
|
|
Re: يا اهل المروة هوييييييييييي الحقونا نحن اتدفنا تحت الثلج... (Re: غباشي)
|
تراجي الله يعينكم و يهون عليكم شري الغربة و الصقيع. و لعلها فرصة لنا جميعا كي نتفكر في أؤلئك الذين لا شيئ يأويهم من هذا البرد و إن اختلفت درجاته و حر الجوع الذي يأكل الروح. لنتفكر في كل متشرد سواء أكان في جنوب أو شمال الكرة الأرضية.. لنتفكر أكثر في بني جلدتنا المشردين بين مخيمات النزوح و اللجوء و طرقات المدن الغريبة القاسية. ليس لهم من بطاطين أو ثياب تقي البرد.. ليس لهم من تدفئة يلجأون إليها سوى إيمانهم بالله و الأمل.
سلام
| |
|
|
|
|
|
|
Re: يا اهل المروة هوييييييييييي الحقونا نحن اتدفنا تحت الثلج... (Re: Tragie Mustafa)
|
Quote: يا اهل المروة هوييييييييييي الحقونا نحن اتدفنا تحت الثلج... |
يادوبكم يا تراجي اندفنتو هسه نحن لينا 6 أسابيع مدفونين والله كلو ما نقول الشمس بتسيحو يطبق لينا تاني بس تقولي حنة عريس و مرات ينزل يوم بعد يوم زي درس العصر الزمااان داك في الابتدائي و مرات في الويك اند كل السبت طوالي يزكرني النميري و يوم السبت لحمه مافي.
يا محسن سيد تشوف لي شنو تشوف النبي الخضر قول آمين هاك الصوره دي أخدتها ليك من قدام خشم الباب عشان الدنيا باااارده ما بقدر أمشي أبعد من كدا لكن المره الجايه بجيبو ليك حي في فيديو بعدين يا محسن انت قايلو بفلق ولا بطقع لا يا أخوي بنزل براااحه زي حلاوه قطن في الأول يعمل فيها ميت و بعد داك يفتح يعني يتمسكن لمن يتمكن
تجي داخل بيتك و عينك للقمره و النجوم في نص السماء وتفتح التلفزيون يقولوا ليك في الأخبار انو بكره يوم مشمس وعلي كدا تتوكل و ترقد و تصحي الصباح تاني يوم والله عربيتك كان ما متزكر وقفتها وين ما تفرزها من باقي العربات الا باللوحات بتاعتها و احتمال كبير ما تدور معاك أو تلقي ليك لستك مقدود وكان مرقت من ديل كلهن داير ليك تلاته عتاله شبعانين يلزوا معاك عشان تمرق من التلج وتجي للسواقه في الشارع دي خليها ساكت دايره ليها بوست براها.
| |
|
|
|
|
|
|
Re: يا اهل المروة هوييييييييييي الحقونا نحن اتدفنا تحت الثلج... (Re: ناذر محمد الخليفة)
|
الاحباء شكرا لمرركم الحمد لله لازلنا بخير. نمتلك ما يكفي لاكلنا يومين كمان. موقف الحليب واحيتاجات الصغار جيده. التدفئه جيده وان كان هنالك ذبذبه في التيار الكهربائي. الحاله النفسيه جيده و البركه في بوستاتكم اللذيذه.
وزي ما قال عادل عثمان من قبل لله دره الانترنت,لولاه ما كان عارفه عملنا ايه.
حزينه لاجل السودانيه التي توفيت متجمده في (كالجري) ودي بلاد ناس النصري امين وملاحظه اختفائه حتى عن هذا البوست اتمنى ان يكونوا بخير. وبرجع لكم واحد واحد. محبتي وتقديري. تراجي.
| |
|
|
|
|
|
|
Re: يا اهل المروة هوييييييييييي الحقونا نحن اتدفنا تحت الثلج... (Re: فيصل نوبي)
|
لا ... الليلة ده ... مبااااااالغة ,
ما عشنا ... وشفنا ... فأول مارس ... ثورة
جليدية عاصفة , أول مره أخاف { من جوه }
وأشعر أن الجليد يقود سيارتي وأنا أقود لا شئ ,
فكل السطوة كانت للتزحلق { وللمتزحلقين } فى
خضم العاصفة الثلجية التي إجتاحتنا اليوم .
إن شاء نصبح ... على خير
شكرا تراجي على إحتمال الإستدفاء ... بالنشر .
| |
|
|
|
|
|
|
|