|
|
 عـلاقـة الانـقاذ بـتـيـس بت الـمـنـي
|
يحكي ان الزبير محمد صالح كان في زيارة للولاية الشمالية وبالتحديد
منطقة الجزير ة مقراد فاستحلفه صلاح كرار (دولار ) انه عندما يزور منطقة
الجزيرة مقراد ان يزور عمه ويقرؤه السلام ان يساله عن رايه في الانقاذ
فلما وصل المنطقة وبعد الفراغ من مهمته ارسل في طلب عم صلاح كرار
وحضر عم صلاح كرار ودار بينهم الحوار التالي
بعد الانتهاء من مراسم السلام ساله الزبير
ما رايك في حكومتنا
رد الرجل بسرع بديهة
والله نحن رقبتكم دى ما شايفنها
فضحك الجميع ما عداالزبير لا نه لم يفهم شئس ثم ساله مرة اخرى
ما قلت لي رايك شنو في حكومتنا دى
رد الرجل ايضا بسرعة
والله حكومتكم دى زى تيس بت المـني
فضحك الجميع ضحكا شديدا ماعدا الزبير لانه لم يفهم شئي ايضا
وعندما رجع الزبير الي الخرطوم اجتمع مع صلاح كرار ليتفهم امر عمه
فساله كرار عن اجابات عمه فسرد عليه كل الحوار فضحك ضحكا شديدا
حتي كح
فقال له اما بخصوص رقبتكم دى ما شايفنها فدى معناها انت سمنت لامن
رقبتك ماشايفنها
واما تيس بت المني فدى قصة براها
حبوبتي بت المني كان عندها تيس والحلة الجمبنا ما عندهم تيس
فاخزو تيس حبوبتي عشان يعشر ليهم غنمهم فقام بعد كم يوم رجعوه تاني
سالناهم ليه في شنو
قالوا ده جبتهوه يعشر غنمنا ولا يرضع لبنا
الما فهم يسال
|
|
 
|
|
|
|
عبدالمنعم الرزوقي
فيس بوك
تويتر
انستقرام
يوتيوب
بنتيريست