|
|
 كديسة... أقصد حليمة ناس المريخ رجعت تاني
|
نعم أنا حليمة اتحاد الكرة السوداني ورجعت لعادتي القديمة في استهداف نادي الهلال رغما عن تمثيله للسودان وتشريفه له في المحافل الحقيقية والبطولات الرئيسية سواء كان ذلك علي نطاق القارة السمراء أو وطننا الاخر من المحيط الي الخليج.. رجعت ليه طبعا لانو التمثيل المتواصل وهذا التألق والأبداع الذي لاينقطع لايعجب أهلي ناس الطرف التاني من الشارع الامدرماني العريق...رجعوا مرة تانية يستعملوني انا الضراع القوي عندهم وأتحرك ترسي مرة تانية عشان يدور في عجلتهم عشان يلجم ذلك الفارس المغوار الذي أحال ليلهم نهار ومازال يكيل لهم الصاع تلو الصاع...أخيب ظنهم..كيف ..وهل أجرؤ علي مخالفة الرأي....وكان نفس المسلسل المكسيكي اللي بقوا يفهموهو من غير دبلجة ...أصدر رئيس المِؤسسة عدة كلمات تقول أنو لاعب الهلال المنتقل حديثا لايمكنه اللعب لأنه موقوفا من قبل الاتحاد...ثم لحق الطيارة وما اشتغل بي علامات الاستفهام المشروعة من جماعة هلال الملايين والذي يمثل البلاد....نعم قال نفس الكلمات المرة وطار بالطائر الميمون لي بلادا طيرا عجم ولحدي مايجي تاني يلقي المهبولين ديل نسوا الموضوع بي رمته...وياريت كمان لو انهزم نادي المشاكل دا يكون المراد والمطلوب.... فالنادي العكليته دا ما كفاهو كمل كل طاقاتنا السنة الفاتت و ماقدرنا عليهو كلو كلو...لاعبنو الاجانب مالحقناهم الكشف الافريقي عناية كدا ..و.كل مانزل في بلد نسبقهم بفاكساتنا انو مايستقبلو النادي ولا مسؤولينو وسط دهشة اهل البلد انفسهم اللي أثبتوا اصالة معدنهم ولم ينفذوا المطلوب...مش كدا وبس مشينا ابعد وحرمناهم عناية من بعض البطولات بدون اي سند قانوني وارسلنا بدلهم نادينا المدلل ..ولكنه للاسف خذلنا....
محليا ختينا كل المتاريس في طريقه عشان ما يفوز بالبطولة المحلية للدوري الممتازولكن حدث العجب العجاب و ناديكم قهر المستحيل وفاز بالبطولة...نعمل ليكم شنو اكتر من كدا...أنتظرنا التسجيلات عشان نضوقكم الويلات وحينما بدأت ملامح الخير وأنهزام المارد...أنقلب الحال...وأنكشف المستور وظهرت عوراتنا البيعرفها الجميع وكنا قايلين انو ورقة التوت الشفافة دي ساترانا....ولكن مامشكلة اصلو النادي دا جناحينو مكسرة وما عندو سند غير الشعب الغلبان..ودواهو عندنا...المهم لملمنا فضايحنا والبيقد ر اليجي يقلعنا ...كان بي بصمة كان بي همسة ...كان بي سجم رماد اليظهر لينا كان راجل.....المهم طلعنا ليك بيان هزيل ونزلناهو في الجرايد.اصلوا احنا الحكم والخصم والجلاد والبسطونة وكل حاجة...وعشان يسكتوا جبنا اللاعب وخليناهو يبصم المرة دي بالجد بالجد...لكن صدقوني الكورة دي مابيشمها مرة تانية....هييييع...
والهلال دا كان ماكسرناهو وخلينا ناديهم دا يقلبوهو مطعم أقاشي...الشنب دا يقوم في كديس تاني.....
وهسي نخليهو معلق كدا لحدي ما ريس الاتحاد يكمل حوامتو كلها...ويجي يقول ياجماعة انتو لسه لجنة المنتخبات دي ما اجتمعت...نقوم تاني نجمع ليك ناسنا ديك...ونديهو ليك مؤبد..دي بس عقوبة تربوية وعشان سنو صغير وحفاظا علي ثرواتنا القومية... ما اديناهو اعدام.......
وياشيكوزي عليك النبي تجي
|
|
 
|
|
|
|
|
|
|
|
Re: كديسة... أقصد حليمة ناس المريخ رجعت تاني (Re: yasir Abdelgadir)
|
| Quote: وهسي نخليهو معلق كدا لحدي ما ريس الاتحاد يكمل حوامتو كلها |
اخوى ياسر
اسع عليك الله كابى الجرسه الفوق دى كلها عشان علاء الدين شلاليت
اها الاتحاد اطلق صراحه واصبحت اتهاماتك دى فى غير محلها
بعدين يااخوى
انتا الهلال دا الان داير يتفرتق حته حته والرئيس حردان ومعاهو كم
واحد من المجلس وامين الخزينه حالف انهم ما يرجعوا تان وقال انو ح يصرف
على الفريق براهو والهلالاب كلهم قالوا كضاب وما بيقدر على الصرف
تقوم تسيب دا كلو وتفتح ليك فى بوست طويل عريض عن الاتحاد وعلاء شلاليت ؟
| |
|
|
|
|
|
|
|
|
|
Re: كديسة... أقصد حليمة ناس المريخ رجعت تاني (Re: yasir Abdelgadir)
|
اسي دي في ليها داعي
الظاهر عليك مريخابي زعلان يا ابو اليسر
غايتو الله يخلي ليكم مالك جعفر الرزين .. والظاهر عليهو بقى (مالك الحزين)
وكان لي ناس الجعير والشوفونية ديك .. والله براهم يلحقوكم امات طه ..
انت يا ياسر مباراة البوليس الزنزباري دي في دور الـ 32 وللا التمهيد ليهو ؟!
بقيتو زي المظاهرات مبارياتكم كلها مع البوليس (واحد أوغندي وواحد زنزباري).
غايتو في كل الأحوال شرفتونا الأربعة ما شوية .. عقبال الكاس عشان تبقوا زينا وما تلعبوا تمهيدي
تحياتي يا ياسر وأجمل ما في هلال مريخ انها أصدق المناكفات الأخوية .. لأنها حتى في البيت الواحدبتكون.
مودتي وامنياتي للأحمر الوهاج المريخي والموج الأزرق الهلالي بالنهوض وتحقيق البطولات
| |
|
|
|
|
|
|
|
|
|
Re: كديسة... أقصد حليمة ناس المريخ رجعت تاني (Re: امير عوض الجمري)
|
امير شكرا للكلمات الجميلة واكيد انك هلالابي زعلان بس
| Quote: عقبال الكاس عشان تبقوا زينا وما تلعبوا تمهيدي |
ياخوي تمهيدي شنو ....انتو لسة بتتعلمو المشي مش الكلام....التمهيدي دا محتاجين ليكم لي عشرة نفرات كدا يمكن تلحقوهو
الاخ علي......تحياتي....الان بس بقي علاء شلاليت....عجبي....الكلام دا مكتوب قبل اجتماع الجماعة ...يمكن حسوا بالبصمة تاني قالوا احسن نفك الزول دا قبل بلاتر مايجي والفضيحة تبقي بي جلاجل
| |
|
|
|
|
|
|
|
|
|
Re: كديسة... أقصد حليمة ناس المريخ رجعت تاني (Re: yasir Abdelgadir)
|
الأخ ياسر عبدالقادر..
تحياتي وتقديري ..
| Quote: نعم أنا حليمة اتحاد الكرة السوداني ورجعت لعادتي القديمة في استهداف نادي الهلال |
خلينا يا ياسر وبهدؤ كدا نناقش الأمر ..
لأن قرائن الأحوال تقول أن اتحاد شداد وهو اتحاد هلالي بحت
لا يعادي الهلال إلا في الذي تكتبونه فقط ، وذلك للآتي :
أولا : المريخ الرسمي والشعبي خاض معركة شرسة ضد
شداد في الانتخابات الأخيرة وكان الهلال يدعم قائمة شداد
ثانيا: شداد ومجدي من أكبر مشجعي الهلال في السودان وهذه حقيقة.
ثالثا: كيف أين ومتى استهدفكم الاتحاد ؟؟
هل يا ترى استهدفكم حين جاملكم وأنتم تخجون لاعبيكم من معسكر
المنتخب الوطني رغم القرار الواضح ، ومع ذلك منحكم الاتحاد كأس السودان
بقرار مكتبي ؟؟
هل استهدفكم والاتحاد يتجاوز لكم عن عملية التذوير الشهيرة 2 و12 أو
الثعلب وكندورة ، ويرفض الادلاء بشهادته ؟؟
هل استهدفكم في عمليات تذوير أعمار الصلوي وقابيتو ؟؟
هل استهدفكم في أم الفضائح (جيمس بيتر اسرائيل) ؟؟
هل استهدفكم وهو يشطب جمزة كادقلي ويترك علاء الدين ،
وفي حادثة محمد موسى وهلال بورتسودان المطابقة تماما لهذه
الحالة تم شطب آخر لاعب تم تسجيله وهو محمد موسى ..
يا صديقي شئتم أم ابتيم هذا الاتحاد لا يستهدف الهلال
ولا يستهدف المريخ ..
هذا الاتحاد فقط يستهدف خدمة أعضائه وتدمير الكرة السودانية
فلا تكونوا مثل الملحن صلاح ادريس ..
أركبوا الصف خلف الزعيم القائد سودان المريخ حتى نأتي باتحاد
جدير بقيادة الكرة السودانية ..
أما اسلوبكم هذا فلن يفيد إلا رجلكم في الاتحاد كمال شداد ..
أفيقوا من هذا الوهم الذي زرعه فيكم صلاح ادريس ..
| |
|
|
|
|
|
|
|
|
|
Re: كديسة... أقصد حليمة ناس المريخ رجعت تاني (Re: yasir Abdelgadir)
|
الاخ حسين يوسف
| Quote: كيف أين ومتى استهدفكم الاتحاد ؟؟ |
يارااجل...دا كلو وما في استهداف...
ث| Quote: انيا: شداد ومجدي من أكبر مشجعي الهلال في السودان وهذه حقيقة |
.
سكرتير الاتحاد يعمل محاميا.....وهذه اعتقد تكفي
Quote: ثالثا: كيف أين ومتى استهدفكم الاتحاد ؟؟
هل يا ترى استهدفكم حين جاملكم وأنتم تخجون لاعبيكم من معسكر
المنتخب الوطني رغم القرار الواضح ، ومع ذلك منحكم الاتحاد كأس السودان
بقرار مكتبي ؟؟ |
تقصد قرار ولا اقرار.....يارجل زمان كنا نعتقد ان ناس الاتحاد حقانيين ويعطوا كل ذي حق حقه ...لكن بعد كل ماحدث مؤخرا اتضح انه كنا بنحلم وصار الاتحاد ورجاله اداة طيعة في يد ناس المريخ...النادي المدلل ....والادلة لاتحتاج الي مبصر..
اما عن عملية الثعلب وكندورة فيكفي رئيس نادي الهلال انذاك بعملية التزوير ...هل يجرؤ رئيس نادي المريخ الان بالاعتراف بعملية التزوير الاخيرة
الاخ علي والاخ امير:
هذا البوست ليس مخصصا فقط لموضوع علاء الدين فقط بل لما ظل يتعرض له الهلال من قبل الاتحاد العام علما بأن موضوع علاء الدين هو سبب النكسةالاخيرة للهلال بأختلاف الرئيس مع بقية اعضاء المجلس بسبب مذكرة الاسترحام التي رفضها الرئيس وتم رفعها...
لكم التحية
| |
|
|
|
|
|
|
| |
على محمد على بشير
امير عوض الجمري
حسين يوسف احمد
mekki
فيس بوك
تويتر
انستقرام
يوتيوب
بنتيريست