|
كتب الكاتب الفاتح جبرا المتوفرة بمعرض الدوحة
|
|
 Re: لكم قائمتكم ولنا قائمتنا .. قائمة بكل من ساهم في بيع هويته السودانية رخيصا (Re: ghariba)
|
بقول لهذا الكلب اذا اتتك مذمة من ناقص
المعلقة السودانية /فيصل الدابي
المعلقة السودانية
الفار فرفر في الفروة
شابكنا يوماتي فتاوي
كم أرنب جوه الطاقية
مستني منديل الحاوي!
الحاجة اليوم تتحرم
وينكتلو علشانا شباب
تتحلل في اليوم التاني
ويقولو لي ناسا حباب!
الجن من جنو اتجنن
واتعوذ من الجايات!
***
والهون رفع التلفون
في لحظة ضرب البليون!
والهم واقف طابور
من تصبح ما نلقى فطور!
الفات فات في جيبو الكنجالات
من مافي ركب العربات!
جالوصو أصبح صرايات!
والفلة وقعت في البير
محروسة بي كم خنزير!
لا محاسب لا كشف حساب
لا ذمة لا إقرارات!
***
الحالة بس زي الطين
في جيبنا مافيش ملين
وأي سعر أصبح سعران
ما بنقدر ندخل دكان!
والسوق أصبح مطلوق
وأي قرش أصبح ممحوق!
يا حليلو زمن الضيفان
ما بنقدر نعزم إنسان
على فطرة بموية فول
لا جبنة فيها لا زيت
لا سلطة لا طعميات!
***
بترولنا بى نسمع بيهو
بس منو ما ضقنا ثمار
العائد أكبر مجهول
وتوزيعو سر الأسرار!
أفتونا يا مدنيين
ورونا يا ناس الجيش
لى جدادنا ما نلقى العيش
لى غنمنا مافيش برسيم
لو جعنا بس ناكل نيم
ونحلى بحبة قرضات!
***
عمّي على ضاق بيهو الحال
ساب مرتو خلالا البيت
عمّي على باظت أعصابو
وأخلاقو قطعت كم خيت!
عمّي على أصبح نقناق
ومين يسمع في بلاد الواق!
عمّي على ضاق خيرا زمان
والليلة ما شايف حاجة
بتمنى الماضي يعود
ويحكمنا من تاني خواجة!
لا وطني نافع لا أمة
لا حركة لا مؤتمرات!
***
الشافع بس الله معاهو
الشافع ما لاقي اللقمة
الشافع ما لاقي دواهو!
الشافع أصبح ضبلان
الشافع أصبح بكاي!
كرشوه من جوه الاوضة
طردوه من الديوان
حرموه من أي حلاوة
حرموه من باقي الشاي!
في العيد ما يشوف عيدية
بي عينو ما يشوف لعبات!
***
الطالب طالب من الله
كيف يصبح من الشطار؟!
كل همو بقى بس في بطنو
كيف يقطع كمين مشوار!
الجامعة يا حليل الجامعة
لا صفرة لا داخليات!
الجامعة يا حليل الجامعة
لا معامل لا مختبرات!
***
تلفازنا بوظ أعصابنا
النشرة زي حفلة ظار!
بيجاي واحدين بيكوركو
بيهناك بيدقو الطار!
النشرة مجروس متحرك
والعسكر يلعب بالنار!
فنانا أصبح هناق
بيغني غنا ما مفهوم
بيعكر جو أمدرمان
بيفور دم الخرطوم!
وعكليتة يقدم برنامج
طفشنا من السهرات!
***
في النظري طالعين الاول
في العملي طالعين الطيش
في الشارع أجيال بتضيع
وكل كيلو نقطة تفتيش!
الشعب ممنوع ما يرقص
ما ينطط وسط الحفلات
والكاكي يرقص على كيفو
بي عصاية وبي رشاشات!
يا بله كيف بس نتحلا
شربكنا زولن اتشربك
واتورط جوه الشبكات!
***
مشروعنا القالو حضاري
غرقنا في حروب وحروب
فرقنا شرقاً وشمال
فرقنا غرباً وجنوب!
لا سلطة تنفع لا ثروة
ما دام ضاع الانسان
يا حليلو الكان سوداني
يا حليلو الكان سودان
الفاتحة على ناس عايشين
لاكين زي الأموات!
****
| |
 
|
|
|
|
|
|
|
|
Re: لكم قائمتكم ولنا قائمتنا .. قائمة بكل من ساهم في بيع هويته السودانية رخيصا (Re: Luay Elhashimi)
|
اخ لؤي عندما يكرهكك اعداء الوطن والانسانيه فهي الشهادة انك تسير في طريقك الصحيح والمثل بيقول الكلاب تنبح والقوافل تسير لاتحفل بهذا الارزقي فالكل في هذا البورد يعرفون من هو هذا البائس اليائس غريبة!!! فامثال هذا غير مؤهلين للعيش في سودان ديمقراطي معافي يصح فيه الصحيح ويظهر فيه الصالح من الطالح دعه يموت سادرا في غيه حاقدا علي الشعب ومطبلا لدولة الانقاذ والتي تلفظ انفاسها الاخيرة ساقطة لامحالة مع غريبة وامثاله وحينها لكل حدث حديث!!!
| |
|
|
|
|
|
|
|
|
|
Re: لكم قائمتكم ولنا قائمتنا .. قائمة بكل من ساهم في بيع هويته السودانية رخيصا (Re: ghariba)
|
Quote: الاخ وليد
عرف البعض بأنهم ( نعاج ) تنقاد
فأين انت من هؤلاء .......
اما عن العمر فمن البديهي تجده في ملفي الشخصي
صلاح غريبة - الرياض |
بكل اسف عرف عن البعض انهم انطباعيين
لمن سالتك عن عمرك
كنت مستغرب انو الاخ / وسام
ينبذ ليه زول في قدر عمرك وينعته بالكلب
لكن الظاهر عليك بالهجوم الكثير ضدك
فقد ميزة تقييم المداخلات
عموما متاسفين
وشكرا على وصفي بالنعجة
امي ربتني اني ما انبذ زول كبيرالا وكت يتخطى حدوده لحد بعيد جدا
وعموما الاساءة تعبر عن صاحبها
ولا فرق بينك وبين وسام
جميعكم مفلسين يتمون افلاسهم اساءات
فهو وصفك بالكلب وقد استهجنت ذلك
وانت وصفتني بالنعجة
فان كنا استغربنا ان يصفك وسام شخص في مثل عمرك بالكلب
استغرابنا اكثر من ان يصف من هو في عمر احدهم بالنعجة
قد تشفع لوسام حداثت عمره وحمية الشباب
فماذا يشفع لك انت وانت تسئ الى من يستغرب الاساءة اليك ؟!
وسبحان الله
| |
|
|
|
|
|
|
|
|
|
Re: لكم قائمتكم ولنا قائمتنا .. قائمة بكل من ساهم في بيع هويته السودانية رخيصا (Re: ghariba)
|
Quote: انهم كثر
تعج بهم بوستات هذا المنتدى
وغيرها من المساحات الاعلامية التي وجدوا فيها
مرتعا خصبا
لبيع هويتهم السودانية
رخيصا ..
وتنازلوا حتى عن ابسط مقومات الوطنية
يطبلون
يزمجرون
يدقون طبول الحرب
يتذللون
ينافقون
ولهذا سنقوم بكشفهم في قائمة شاملة
صلاح غريبة - الرياض |
طبعآ هو كل الحاصل في السودان غريب وان يتصدي للوطنية من هم امثالك فذا هو الوضع الطبيعي انت سيد غريبة من الذين يتصدون للكتابة من خلال الصحف السيارة والتي بالضرورة ينبغي لها ان تكون ذات مضمون معرفي واخلاقي بمعني انه عندما يتصدي عبيد او زيد للكتابة ان يتحلوا بقيمة اساسية وهي التزام جانب الاخلاق في الطرح والمعلومة المفيدة للقارئ ولكنك اليوم اتيت بالعيوب كلها مشتملة اولآ تصديت لتصنيف البورد بلغة عدوانية بلكم قائمتكم ولنا قائمتنا فذاك تصنيف مخل اذ استصحبنا يالعرض اننا نتصارع هنا فكريآ وعلى خلاف وتباعد في الرؤى التى نتصورها لحكم السودان فدونما تصنيف للناس يمكنك طرح فكرك للنقاش والحاكم هو المطلع والغلبة للأصلح منطقىة وحجة وبرنامج لكنك كنت اعرج العبارة تمامآ ويؤسف أشد الأسف أنك كاتب بصحف يومية أن تترك هذه النوعية من الكتابة التصنيفية فمن انت اصلآ حتي تقييم من نفسك المعيار للأخريين وتصنفهم بمزاجيتك هذا وطني وذاك غير سيد غريبة انت ومن خلال سطورك تعاني عقد عديدة قم بعلاجها من خلال مكاشفة نفسك بالحقيقة حقيقة ما تريد وماتبغي من خلال الكتابة فمرة تكتب عن انك تنتمي للمؤتمر الوطني ومرة تكتب عن سلامة العودة للمخلوع النميري فماذا تنشد من خلال القلق الكتابي هذا ان جاز التعبير انت سيدي تفتقد لبوصلة لترمي بك على ناحية وجهتك التي تقصد أتمنى لك الشفاء وترك اللعبة ان استعصت عليك فأنت أقل من أن تتصدى لتصنيف الناس ... ولي عودة إن عدت.
| |
|
|
|
|
|
|
|
|
|
Re: لكم قائمتكم ولنا قائمتنا .. قائمة بكل من ساهم في بيع هويته السودانية رخيصا (Re: ghariba)
|
الاخ ابو حسين
جماعتك مالهم مسكتهم ام هله هله
من سمعوا قصة القائمة
تخريمة :
لنا الحق في ان تكون لنا قائمتنا حسب رؤيتنا .. وبنت القائمة من ثقافة الحوار فانت لك قائمة تنعت بها النظام السياسي القائم الحالي ...
أذن القائمة المضادة ( طبيعياً ) هي تلك الاصوات التي تحاول إلغاء هذا النظام ..... وإسقاطه .
وذلك إلى أن نلتقى في نقاط محدد تعرف بثقافة الاختلاف والنقاش و عدم إقصاء الآخر .. بل الاعتراف به ثم مناقشة نقاط الخلاف معه ....
ناقشني بحرية وبمنطقية وشفافية ...ولا تلغى وجودي ..............
| |
|
|
|
|
|
|
|
|
|
Re: لكم قائمتكم ولنا قائمتنا .. قائمة بكل من ساهم في بيع هويته السودانية رخيصا (Re: ghariba)
|
Quote: للفقيد الرحمة والغفران ولأسرته ولأسرة الهلال الصبر والسلوان .
صلاح غريبة نيابة عن أبناء الابيض بالرياض
ونيابة عن أسرة تحرير صفحة ظلال التبلدي - جريدة الخرطوم ومنتدى عروس الرمال للثقافة والآداب والتراث |
هذا تعريف بسيط بأخر مشاركات غريبة , وأقول للأخ عمر توقف هنا قليلا وستجد ألا داعي لأن تخوض مع غريبة صراع قانوني ففاقد الشئ لا يعطيه , معرفة الرجل من خلال سطوره تكفي للرد عليه ولحظات ونواصل المسلسل بطولة الفنان الشامل صلاح غريبة.
| |
|
|
|
|
|
|
| |
ghariba
wesamm
وليد محمد المبارك
أبو الحسين
Tragie Mustafa
عزالدين محمد عثمان
Wasil Ali
محمد عمر الفكي
مهند مامون
الرفاعي عبدالعاطي حجر
صديق الموج
ابوالقاسم ابراهيم الحاج
فيس بوك
تويتر
انستقرام
يوتيوب
بنتيريست