|
كتب الكاتب الفاتح جبرا المتوفرة بمعرض الدوحة
|
|
 Re: الشعــــــــــــــر الشــايقــــــــــــــــــي (Re: Mubarak kunna)
|
Quote: ليست عنصريه ولا انا بشايقى لكن عجبنى الشعر الشايقى لحد الثماله
ولم ارتوى منه ؟؟؟
وارتبط الشعر الشايقى بالحنين و الحب و الارض و المزارع وحمل الشعر الشايقى فى طياته جميع المواضيع التى تهم الانسان السودانى البسيط ..
|
الحِبيِّب كُنة... صباحك زين يا اخوي...
شكراً على المقدمة الجميلة التي أوردتها عن شعر الشايقية...
وأدعوك لتُبحر معنا في الغوص جووووووة أعماق الشعر والتراث الشايقي الأصيل في زيارة لقدابة الشايقية... أو دانْقَة الشايقية... أو حوش الشايقية... في الرابط أدناه... ويكون لنا عظيم الشرف بزيارتك...
الشـــــــــــــايقية... ماضيهم المُشرق... حاضِرهم الأخ... ومستقبلهم الواعد...
وأهديك أخي الكريمة هدية خاااااااااصة... علي حلاوة إسمك دا... ذكرني أيام السجانة وبصات كُنة والمحجوب... أهديك هذا النيسان الشااااااااحن دا...
ولك قواسيب مودتي...
أبو الحســـــــــــــين...
| |
 
|
|
|
|
|
|
|
 Re: الشعــــــــــــــر الشــايقــــــــــــــــــي (Re: Mubarak kunna)
|
اخى مبارك كنه
تحياتى
انا شايقيه وسعيدة جدا بانى شايقيه لكنى والحمد لله ماعنصريه بحب اهلى وشعراهلى
الحنان وصافيين ومتصالحين مع نفسهم حبهم للجمال وارتباطم بالارض والجروف والعلاقه الوثيقه بالخضرة والنيل
قبيله يملك معظم افرادها احساس مرهف ورقيق وحنيه منقطعه النظير كل هذا شكل الشعر الشايقى الجميل
| |
|
|
|
|
|
|
|
|
|
Re: الشعــــــــــــــر الشــايقــــــــــــــــــي (Re: Mubarak kunna)
|
| Quote: ليست عنصريه ولا انا بشايقى لكن عجبنى الشعر الشايقى لحد الثماله |
ليست عنصرية ياعزيزي ان تكون متذوقا لخيرات بلادك
الم يعجبنا شعر خارج بلادنا فتغنينا به يا عزيزي ؟ الا ناخذ علما من اجناس العالم ؟ تعدد ثقافات وارث واشعار والسنة وادب بلادنا يجعل موائدنا متنوعة غنية مغذية .....حتي امثالي من هم ولودو بلسان غير عربي وغيري كثير في الجنوب والشمال والغرب والشرق تهطم عقولنا وتشبع وجداننا من اشعار بلهجات سودانية عربية مختلفة وباغنيات وثقافات بالسنة سودانية كثيرة عربية وغير عربية ... اي حرف جميل ونغم جميل لامس وجداننا من حروف بلادنا هو لنا .. تفاخر كل كيان وجماعة وقبيلة وعرق بنفسها وارثها وثقافاتها ليست عنصرية ولكن العنصرية هي في رفض الاخر وتلك مصيبة .. اوروبا من سكسون واريون وغول واغريق ورومان والفايكنغ والدينز ووووو اليوم هي قوة العالم باتحادها وشعوبها ذات الاعراق المتنوعة في رفاهية اليوم تتذوق خيرات كل اوروبا ..
في تباين ثقافاتنا وتنوع اعراقنا وجماعاتنا وثقافاتها تميزنا ....
الشعر الشايقي به فيض من حنيين ووجد ورقة ووصف وعفوية يدخل بها العقول والوجدان دون استئذان ولا يحتاج الي تاشيرة عرقية او قبلية للدخول
ز
| |
|
|
|
|
|
|
|
|
|
Re: الشعــــــــــــــر الشــايقــــــــــــــــــي (Re: Mubarak kunna)
|
الحِبيِّب ود كُنة...
مساك الله بالخير والرضا...
بالله شوف حلاوة السؤال الجات وراهو الدُرر دي...
بالله إنت شايقي!!؟
سؤال يا بت غريبب
أنا أيِّ شايقي
و بالتحديد بقولك بلدي أرقي
و كان دار تعرفي اصلي
في النيل و الجروف الخدرا في نوح السواقي
في نِغيم طمبور يبكي الليل و في لبس العراريق و الطواقي
و كان فتشتي في قلب الحسان من جُوة تلقي
أنا أيِّ شايقي
و جنسي شايقي و دمي شايقي
و جدي شايق
و كان دار تعرف اصلي أصبري لي دقايق
و خليني اللّدوِّر عجلة التاريخ و أسرد للحقايق
دنقل عيال منصور جعل و رباط و شايق
لا نهاية الدنيا أولاد عم شقايق
أنا أيِّ شايقي و كمان قاري العلم و عارف الكتابي
كلامي سمح و أكلي قمح و من النيل شرابي
و بملا العين و أزيد شبرين و أهز عضلات شبابي
و أشق أعداي عديل وكتين أشم ريحة ترابي
أنا أي شايقي و الشايقيي مازجي دماي في ذاتي و عروقي
كان مكضبي أقيفي أفصد ليكي إيدي و هاكي ضوقي
أنا أمي مهيرة بت عبود و شيخي الميرغني الختمي الطريقي
و جدي شايق شيّد الشايقيي جدد ليها شوقي
أنا أيِّ شايقي و شايقي أيِّ
بسوم الروح و أقدِّمة لي حياة العز ضحيي
و ما بهاب الموت مادام عيني حيي
في وقت السِلِم بدرع و ألِم فوق كتفي طوريي
و ساعة الحارة في وسط الصفوف تلقيني شايل البندقيي
أنا أيِّ شايقي و شايقي أيِّ
و ده ياهو كلامي مهما قريت واتعلمت و أصبح شاني سامي
و ده ياهو كلامي حتى ان كان بقيت سفير
و لّا كمان بقيت لجلاج أناطق الطير محامي
ده ياهو كلامي حتى ان كان بقيت عميد وقايد جيش نظامي
و ده ياهو كلامي حتى ان كان بقيت ريِّس وأصارع الموج ورا مِي
و ده ياهو كلامي حتى ان كان بقيت غوّاي و زي قيس في غرامي
ده ياهو كلامي أنا اصلي شايقي و ما بغير من كلامي
لما أقول أنا شايقي ما بقصد تِكِبِّر و إني أعلى من الثُريّي
لما أقول أنا شايقي ما بقصد أقسِّم و طني و أدعو العنصريي
لما أقول أنا شايقي بقصد إني سوداني و بسوق ستين سريي
و لما أقول إني شايقي بقصد إني بحمي حماي و احتضن الحريي
أنا أيِّ شايقي و شايقي أيِّ
و السودان عموم يا بت وطنّا ان كان نضمنا عديل
ولّا ان كان كسرنا الكِلمي حتى ان كان رطنّا
جُوارنا أمان و قلوبنا حُنان و أبيض من قطنا
و نحن المن زمان معروف نكِرم الضيف ولو نربط بطُنّا
أنا أيِّ شايقي و شققت العُقاب جيت من كريمي
زادي كسرة متمرة و حبّات جِريمي
لبسي جبي مبرقعة و غبشي و قديمي
و للبنادر جيت و كان أكبر جريمي أنا قلبي ما بدلتو بس بدّل هدومي
و ماني صايع ساكت آبت لا تلومي أنا أصلي أفندي في طرف الحكومة
عاد وحات اسم الله في شايقيتي فد يوم ما بزيِّف
و حبي للشايقيي من ما قُمتة درفوناً خِفيِّف
و لما أبقى شايقي و بين ضلوعي دوام يفر قلبي الرِهِّيف
و لهجة الشايقيي حلوي و في لساني يمين تكيِّف
ـــــــــــــــــــــــــــــــــــــــــ
مودتي...
أبو الحســــــــــين...
| |
|
|
|
|
|
|
| |
Mubarak kunna
أبو الحسين
عبدالمنعم الرزوقي
Ahmed Daoud
فدوى الشريف
ماجدة عوض خوجلى
abubakr
فيس بوك
تويتر
انستقرام
يوتيوب
بنتيريست