|
Re: رقراق الشمس (Re: أبووجيدة)
|
Quote: أفتح قلبك لي ... يا وطني الصاحي وحي .. أمسح صاح الغلط العندك وأشتل رقراق الشمس الضي لي الأطفال التحت الممشى وزاده الكي ... |
تاريخ التسجيل: 02-07-2002 مجموع المشاركات: 45
أتمنى أن تكون بداية (وداع) لحالة البخل التي تعيشها تسلم أخي / أبو وجيدة
| |
|
|
|
|
|
|
Re: رقراق الشمس (Re: أبووجيدة)
|
Quote: بدل توب التيه الكان غاطيها وأكسيها سماح الزي .. خضر ليها مساحة العرفة بكره بتكبر ... وتنسى أوجاع الصوت والصي وتعرف إنك وأحد عند جنياتك وما بتفرق بين أطفال الممشى وبين الساكنة قصور الدوله .. وشايله عرق الغير في الضي يا وطني الصاحي وحي ... أفتح قلبك لي ... وهاك نصيحة ... رمم كُل بيوت المدن الضايعة وما تنسى مداخل الحي .. أجمع كُل شتات الكلمة الواحدة وأنقص الولد الشاذ الني .. الفوق القسمة بزيده شوي وإضرب بيها الراحة يا خي ... لا تعبان في شمس هجيرة .. لا قام في ليل لي الري أفتح قلبك لي .. يا وطني الغالي علي .. أمسح صاح الغلط العندك وأشتل رقراق الشمس الضي لي الأطفال التحت الممشى وزاده الكي . |
أبووجيدة
تعرف جنس كلامك دهـ يحرك الصخر
كان الجماعة حسو ،،،
جميل عمق تعبيرك
هل من مذيد ؟؟؟
مودتي ،،،
| |
|
|
|
|
|
|
Re: رقراق الشمس (Re: أبووجيدة)
|
الحبيب يوسف حمد النيل
سعيد بطلتك ولعلني اتفق مع الاخ عمران وبقول بطل بخل وشح.
شايفك امس بالليل و معاك معتصم مضهبين في حينا(كنت من الناحية الثانية للشارع و عندما رجعت ليكم اختفيتو في ظروف غامضة)
عميق مودتي
| |
|
|
|
|
|
|
Re: رقراق الشمس (Re: أبووجيدة)
|
ياخي دا كلام جميل يا يوسف .. وأنا بتفق مع عمران والصادق بطل بخل وطل علينا كل شوية .. وما تحرمنا من مثل هذه الأشياء الجميلة ..
أبو محمد تحية خاصة .. فعلاً أمس بالليل كنا في حلتكم هناك بس ما شفناك .. والوقت كان متأخر للزيارة لكن موعود بيها ..
| |
|
|
|
|
|
|
Re: رقراق الشمس (Re: معتصم دفع الله)
|
ود دفع الله الحبوب
شايفكم شايلين العشا انصاص الليالي (حالتكم تحنن يا العذابة)
Quote: فعلاً أمس بالليل كنا في حلتكم هناك بس ما شفناك .. والوقت كان متأخر للزيارة لكن موعود بيها .. |
يلا في انتظاركم و تشرفوا في اي وقت الدار داركم.
| |
|
|
|
|
|
|
Re: رقراق الشمس (Re: أبووجيدة)
|
الأخ العزيز / أبو محمد ( عمران )
تحياتي وفيض مودتي وأنت دوماً تدعوني للمشاركة فثق بأنني رهن الإشارة ولكن الظروف هي العائق فعذراّ إن حسبتها بخلاً وأعدك بأنهاستكون بداية وهناك الكثير .
| |
|
|
|
|
|
|
Re: رقراق الشمس (Re: أبووجيدة)
|
الأستاذة / خالدة البدوي
لك التحية والتجلة والتقدير ... أأمل أن أوفق دوماً في تقديم ما يحرك كُل السواكن ... وحروفي ستكون حاضرة إن كنت حضوراً ..
فيض مودتي
| |
|
|
|
|
|
|
Re: رقراق الشمس (Re: أبووجيدة)
|
عايز (أنقد) القصيدة ودي من نقد حقت المثقفاتية وليست من النقد حقت الجدادة !!! يا يوسف ممكن أنقد؟؟؟ يا متخبي أخيراً ظهرت ؟؟؟؟ اقول ليك حاجة يا الحبيب : اول شي امسح صاح الغلط العندك انت وتعال بي جاي وبعدين نشوف موضوع الوطن
لك محبتي يا انسان من الزمن الجميل..
| |
|
|
|
|
|
|
Re: رقراق الشمس (Re: عمر الفاروق)
|
ألأخ الغالي عمر الفاروق
تحية ود وإحترام أولاً : عارف إنك منظراتي كبير في النقدين ... ثانياً: صاح الغلط العندي والتخبي الله عالم بالحاصل ... الوطن: كلامو كتير.
لك عودة .
| |
|
|
|
|
|
|
Re: رقراق الشمس (Re: أبووجيدة)
|
أبووجيدة تحياتي
هذه بشارة خير .. أن تعود إلى رش الفضاء الإسفيري بهذا النظم الذي ينتح في الدماغ
Quote: بكره بتكبر ... وتنسى أوجاع الصوت والصي وتعرف إنك وأحد عند جنياتك وما بتفرق بين أطفال الممشى وبين الساكنة قصور الدوله .. وشايله عرق الغير في الضي يا وطني الصاحي وحي ... |
ود حمد النيل .. أطربْتنا عديل
| |
|
|
|
|
|
|
Re: رقراق الشمس (Re: أبووجيدة)
|
ابو وجيدة... افتح قلمك و خلي الحبر اتدفق امسك صاح الورق العندك.. و زين جيد الكلمة........... بحبرك **** شئ جميل و معبر و طالع من جوه (الجوه) تسلم يا رب دوما هواري نمر
| |
|
|
|
|
|
|
|