|
كابوس العصر ..قصيدة ..
|
كابوس العصر كابوسا اشتر دافر لاوى زراع اطفالنا ونحنا كاسر فوق الارض نزيف عربد دمنا جدول غطى فجاج الارض البكر .......... شجرنا العاتى جدود جزور تتشابى للتنين الغارق يازمن الغلط الصاح اتادب للصلصال ليه كابوسك دافر كل الكان ويكون .......... يا قانون ظالم ومظلوم متمدد ليه فى كل مكان ادينا قفاك ياشبح الخوف سالبنا دوام سحر التاريخ مرجعنا الاصل ......... يا جلاد الحلم أغمض عينيك شان البزرة فى رحم الارض تقوم شان الناس واطفالنا تعيش يا هم كل الطرقات ياوجه نفاق .. متشتت ليه يا سوس ناخر قلب المركب والمقداف بتصارع ليه يا لاسع لهبك كل حروف الكلمة الراية .... العز
|
|
|
|
|
|
|
|
Re: كابوس العصر ..قصيدة .. (Re: Shaker Hamid)
|
Quote: ياوجه نفاق .. متشتت ليه |
يااااااااارب تلمو وتحبسُوا في جحر وعليه صخرة كبيييييييييرة كما التي وضعها سيدنا علي الكرار على إبليس...
عارف يا صديقي بلاوي الدنيا كلها سببها النفاق...
مودتي... وواصل إبداع...
أبو الحســـــــين...
| |
|
|
|
|
|
|
Re: كابوس العصر ..قصيدة .. (Re: أبو الحسين)
|
كل هذه الجراحات الناذفة (عورت) جرح الايام فى شئ من الاستثناء الخاص جدا بأهل السودان الذين ما زالاوا يعشقون (بت ملوك النيل ) ويدندنون (بالحزن القديم) وبفرحون (لدميرة النيل)ويمزحون فى هداة عصارى الاصيل. هذا الوطن الفقير فى حظه الثرى باهله .
شكرا على مروك
لك تحياتى واشواقى
| |
|
|
|
|
|
|
Re: كابوس العصر ..قصيدة .. (Re: Elmosley)
|
علمنا الزمان كيف نحزن لفقد الاشياء التى تصنعها المقادير من عصارة الجراح وفينا من صنعته صوارم الصبر وفينا من اغتالته جوانح الظروف العصيات القاسيات وباعت بينه والوطن فى موت نبيل للمعنويات كحال المغتربين التى الفناها معايشة واشواقا ولحظناها رهقا والتياعا .
شكرا اخى على مروك
لك تحياتى
| |
|
|
|
|
|
|
Re: كابوس العصر ..قصيدة .. (Re: Shaker Hamid)
|
الاديب الراقي / شاكر يعجز يراعي عن الا ان يكتب " حقاكابووووووووووووس العصر "
ونرجو ان تمدنا بالمزيد من الكوابيس اذ لم يبقى لحياتنانحن السودانيين امل في الحياة الفاضلةالكريمة .
دمت ودامت ايامك ،،،،،
| |
|
|
|
|
|
|
Re: كابوس العصر ..قصيدة .. (Re: عثمان سيد أحمد)
|
يا لهذا العصر وكوابيسه
شكرا استاذى عثمان سيد احمد لقد اسعدنى مرورك
(الغناء الفى يمينك صودرت كل الحفاوة فية وارتفع النشاذ دوزن همومك بالقاحات الندى وامطر غناءا من صمود من رزاز)
لك مودتى وتقديرى
| |
|
|
|
|
|
|
|