|
|
 الى الطاهر ساتي وعموم الصحفيين : الحافز كم يا تُرى ؟!!!
|
الموقع الإلكتروني لخليجي (18) قال أن شرطة أبوظبي أعادت حقيبة الإعلامي السعودي سليمان الزبيدي بعد أن نسيها داخل إحدى سيارات التاكسي بعد وصوله لمحل إقامته , وبمجرد لجوء المذكور للشرطة وجد الحقيبة في المركز بعد أن سلمها سائق أمين وحصل من الإعلامي على مكافأة مالية كبيرة ...
الحقيبة كان بداخلها(100) ألف درهم إماراتي و(52) ألف ريال سعودي فقط لاغير
الحقيبة خاصة بالإعلامي او الصحفي
والمنطقي ان ما بداخلها هي نثرياته ومصاريفه
السؤال الذي يشغلني :
كم يا ترى كان نصيب ذلكم السائق الأمين ؟؟؟
ويا ربي يكون هندي ولا بنغالي ؟؟؟
وعقبالكم استاذنا الطاهر ساتي واخوانك اصحاب القلم
وزي ما قالو ناس حلمنتيش :
ناس تتمسح بالكريمات وناس ما لاقية زيت اللقيمات
معزتي
|
|
 
|
|
|
|
|
|
|
 Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
مهند ...
عيدك سعيد .. وعامك الجديد أسعد
ما شاء الله فايق ورايق وتتابع كمان خليجي 18 ... والله كويس .. عقبال ليك خليجي 28 كمان
لمن قريت خبرك في لحظة كدة تمنيت اكون السائق المحفز .. بالتأكيد حافزو بيكون اكتر من مرتبنا بتاع سنة هنا .. !!
| Quote: الحقيبة كان بداخلها(100) ألف درهم إماراتي و(52) ألف ريال سعودي فقط لاغير |
فقط لا غير ...؟؟
طيب انت داير يكون فيها شنو تاني ..؟؟
و دي حالتها نثريات و مصاريف ... طيب المرتبات و فوائد ما بعد الخدمة كيف ...؟؟
غايتو نحن دى لو حالتم .. ما عندنا مانع نشتغل معاهم مجانا .. بس بالنثريات و المصاريف ..
محبتي
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: الطاهر ساتي)
|
Quote: مهند ...
عيدك سعيد .. وعامك الجديد أسعد
ما شاء الله فايق ورايق وتتابع كمان خليجي 18 ... والله كويس .. عقبال ليك خليجي 28 كمان
لمن قريت خبرك في لحظة كدة تمنيت اكون السائق المحفز .. بالتأكيد حافزو بيكون اكتر من مرتبنا بتاع سنة هنا .. !!
Quote: الحقيبة كان بداخلها(100) ألف درهم إماراتي و(52) ألف ريال سعودي فقط لاغير
فقط لا غير ...؟؟
طيب انت داير يكون فيها شنو تاني ..؟؟
و دي حالتها نثريات و مصاريف ... طيب المرتبات و فوائد ما بعد الخدمة كيف ...؟؟
غايتو نحن دى لو حالتم .. ما عندنا مانع نشتغل معاهم مجانا .. بس بالنثريات و المصاريف ..
محبتي |
معنى الكلام ده مرتب الاستاذ الطاهر ساتي بيكون 152 مقسوم 3.75= 40.54دولار مقسوم 12 شهر= ثلاثة الف وثلاثمائة وثمانين دولار تقريبا( برضو بالتقريب )
لكم التحية احبتي
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
| Quote: لمن قريت خبرك في لحظة كدة تمنيت اكون السائق المحفز |
طماعين جنس طمع
سواق كده طوالي ... حتة واحدة ؟؟؟
الناس بتبدأ بالبنضف الضهرية
والبزيت المساعدات
والبلمع المرايات وقصة طويلة لمن تصل لمنصب الغسال
ثم مسلسل سنواتي
حتى الوصول لمرتبة المساعد
ثم وثم
انت طوالي سواق حتة واحدة ؟؟؟
احلموا الحلم ما بقروش
معزتي
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
| Quote: الاساتذة ديل بكون في الغالب عندهم حاجات كده بتغطي ليهم |
الاساتذة عندهم قناعة الرضا بالمقسوم عبدة ... وعندهم اليقين بان ربنا ماشقالو حنكاوضيعو ..
| Quote: والا فهم عايشين كيف ؟؟؟ |
الصحفيين هنا يا حبيبنا عايشين زى كل ملح الارض .. يشبعوا يوم ويشقوا يومين .. عايشين بستر الحال والتعفف وعدم النظر لمن هم فوقهم ثراء وجاها...
دعواتك ليهم ياحبيب .. وثق فيهم
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: عبد الله إبراهيم الطاهر)
|
| Quote: الصحفيين هنا يا حبيبنا عايشين زى كل ملح الارض .. يشبعوا يوم ويشقوا يومين .. عايشين بستر الحال والتعفف وعدم النظر لمن هم فوقهم ثراء وجاها... |
بالله دا على منو ؟؟؟
وين أموال شركات الاتصالات التي اشترت ضمائركم وأقلامكم ؟؟
وين رشاوي الكوكاكولا حتى لا تنشروا ضدها أي مقال ؟؟
أتحداك يا الطاهر أن تكتب أنت أو غيرك نقدا لجشع ونهب وطمع شركات الاتصال ..
أتحداك أن تحدثنا في صحيفتك عن عمايل هذه الشركات في المواطن ..
لن تستطيع لأنكم .......
آل ملح الأرض آل ..
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
Quote: بالله دا على منو ؟؟؟
وين أموال شركات الاتصالات التي اشترت ضمائركم وأقلامكم ؟؟
وين رشاوي الكوكاكولا حتى لا تنشروا ضدها أي مقال ؟؟
أتحداك يا الطاهر أن تكتب أنت أو غيرك نقدا لجشع ونهب وطمع شركات الاتصال ..
أتحداك أن تحدثنا في صحيفتك عن عمايل هذه الشركات في المواطن ..
لن تستطيع لأنكم .......
آل ملح الأرض آل .. |
اخونا حسين
الناس ديل شغالين في مهنة التعب والنكد
ما تنكدها عليهم زيادة
بعدين ما كل حاجة بتقول كاك تطلع ديك
وكل مجتمع فيه الكويس والكعب
معزتي
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
| Quote: بعدين ما كل حاجة بتقول كاك تطلع ديك |
لكن انت السبب يا مهند ... في اخر عمرنا طلعونا ديوك ..
ولو مامارسنا ضبط النفس حيطلعونا حاجات تانية برضها بتقول كاك ...
قال هاجموا الاتصالات ...
ليه شنو ..؟؟
مالها الاتصالات يا اخوي ..
شركات بتتنافس وبتقدم خدمات كويسة للناس .. الاسعار ماشة نازلة الخدمات ماشة من احسن لاحسن
انا هسع بتفاهم معاك من قرية وانت قاعد وين ما عارف ..
انت داير زمن اللاسلكى داك ..؟؟
قال انتقد الشركات ...
في شنو انتقدها .. ؟؟
انت قايل الصحفي بيطلع من بيتو بس عشان يشتم بالطرف ؟؟ البيستحق والمابيستحق ؟؟
وعليك الله هسة مشكلتك الوحيدة في البلد بس هي الاتصالات ؟؟
يعنى لو شتمنا ليك الاتصالات باقي الامور بتتصلح ... زى مشكلة دارفور مثلا .. والحريات و الاقتصاد وووووو... كل البلاوى دى بس سببها شركات الاتصالات ..؟؟
انت ليه خاتيها في اولوياتك ..؟؟
...........
............
مهند ... شايف بوستك ماشي في اتجاه تاني ..
سواق لقى شنطة وحفزوه هسى بقى اتصالات وكلامات تانية .....
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: الطاهر ساتي)
|
Quote: قال هاجموا الاتصالات ...
ليه شنو ..؟؟
مالها الاتصالات يا اخوي ..
شركات بتتنافس وبتقدم خدمات كويسة للناس .. الاسعار ماشة نازلة الخدمات ماشة من احسن لاحسن |
سـبحان الله حتى هنـا خايف منهـا ؟؟
ما قلنـا ؟؟؟
ما تقدر تقول غير كدا ..
ولو عايز تعرف كيف بتمص دم الشعب أسأل أي واحد جنبك ..
الظاهر عليك فعلا من المؤلفة قلوبهم ..
| Quote: انت قايل الصحفي بيطلع من بيتو بس عشان يشتم بالطرف ؟؟ البيستحق والمابيستحق ؟؟ |
أوع تفتكر إنكم صحفيين ؟؟؟
ياها وريقاتكم دي وكلها اعلانات ، الواحد يقراها في ديقيتين ..
وبعدين يا بطل ما قلنا ليك أشتم ، أفهم المطلوب أولا ، قلنا نقد ..
نقد لسياساتها المالية الظالمة وليس شتائم ، فاهم ؟؟؟
Quote: وعليك الله هسة مشكلتك الوحيدة في البلد بس هي الاتصالات ؟؟
يعنى لو شتمنا ليك الاتصالات باقي الامور بتتصلح ... زى مشكلة دارفور مثلا .. والحريات و الاقتصاد وووووو... |
لا لا يا بطل دي كبيرة عليكم ، ما بتقدروا عليها ..
بس خليكم في الحاجات الصغيرة دي ..
إنتو شركات الاتصال والكولا اشترت أقلامكم فما بالكم بالنظام ؟؟
سلام يا صاحبي ..
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: حسين يوسف احمد)
|
مهند العزيز ...
Quote: اخونا حسين
الناس ديل شغالين في مهنة التعب والنكد
ما تنكدها عليهم زيادة |
تعب شنو ونكد شنو يا عزيزي ..
دا كان زمان ..
لمن كان قلم الصحفي يعادل شرف الوطن لا يباع ولا يشترى ولا ينكسر
أما الآن فحدث ولا حرج ..
والمثل الضربتو ليك عن شركات الاتصال والكولا لا يغيب عن
بالك ..
هل تعلم أن رئيس التحرير الوحيد الذي رفض أن يقبض من
الكولا هو المرحوم محمد طه محمد أحمد ..
هل يستطيع الفاضل ساتي أو غيره أن ينشر لك مقال ضد
هذه الشركات ..
لا يستطيع لأن أقلامهم مكسورة ..
فقط أنظر لهم في قضايا الفساد ، لا يستطيعون أن يكتبوا لنا
اسم المفسد علانية ناهيك عن بقية التفاصيل ..
وهذا لايعني أن هنالك بعض الشرفاء الذين لا زالوا قابضين على الأمانة
مع الود
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: حيدر حسن ميرغني)
|
Quote: الاسم الحقيقى: حيدر حسن ميرغني
العنوان الدائم : THE EMBASSY OF THE UNITED ARAB EMIRATES IN TOKYO
JAPAN |
ما شاء الله ..
عشان كدا بتهاجم في الشهيد الرمز صدام حسين ..
أتاريك خايف على أكل عيشك ..
خايف من شيوخ الخليج يرموك متسول في الشوارع ..
لا عليك يا بطل ، المعايش جبارة ..
بس ما بتصل مرحلة تبيع ضميرك ونفسك لشيوخ الخليج ..
يا ترى هل تستطيع أن تكلمنا عن دكتاتورية آل نهيان ؟؟؟
حتما لن تستطيع لأنك أجبن من ذلك ..
ولن تستطيع لأنك تعتقد أن رزقك بيدهم ..
ولن تستطيع لأنهم سيرمونك متسولا على باب السفارة ..
آل نضال آل ..
نضال ايه يا ابني وانت بتخدم في آل نهيان ؟؟؟؟
خسئت يا هذا ..
| Quote: اللون السياسى: ........................00000......0000........ |
لا تستطيع أن تذكره !!
لأنك ليس ملك نفسك ..
أنت ملك سفارة لا تعترف بهذه المسميات ..
فقط أنت ومن معك حزب آل نهيان ..
وانتو منهيين من الحديث عن دكتاتورية آل نهيان ..
رضيعهم يكون أميرا عليك وتستجيب له وأنت راكع زليل ..
دعك يا عزيزي من هذه الأشياء ..
وقف مكانك لتليمع أحذية أمراء السفارة ..
سـلام أيها الغلام ...
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: حسين يوسف احمد)
|
| Quote: سـبحان الله حتى هنـا خايف منهـا ؟؟ |
الحمد لله لا هنا لا هناك ماخايف لامنها لا منه لا منهم
Quote: ما قلنـا ؟؟؟
ما تقدر تقول غير كدا .. |
غير شنو ؟؟
| Quote: ولو عايز تعرف كيف بتمص دم الشعب أسأل أي واحد جنبك .. |
سألت الجنبي قال لي انت دايرا بالمجان ..؟؟
اها انت داير تتكلم وتتحاوم في المواقع الالكترونية بالمجان ؟؟
مش قلت لي أسال ؟؟
| Quote: الظاهر عليك فعلا من المؤلفة قلوبهم .. |
والغارمين كمان ..
أها .. عندك لي حاجة ..؟؟
| Quote: أوع تفتكر إنكم صحفيين ؟؟؟ |
طيب وكت ماصحفيين شابكننا اكتبو اكتبو ليه ... ماتكتب انت .. وتخلينا في حالنا ..؟؟
| Quote: ياها وريقاتكم دي وكلها اعلانات ، الواحد يقراها في ديقيتين .. |
طيب ماتحمد الله على الدقيقتين وتمشى تقرا بعد ده وريقات مافيها اعلانات ..؟؟
ولو لقيت في الدنيا كلها وريقات مافيها اعلانات بالله مدها لينا عشان نستفيد ..!!
| Quote: إنتو شركات الاتصال والكولا اشترت أقلامكم فما بالكم بالنظام ؟؟ |
الاتصالات عرفناها .. اها الكولا دى مالها كمان ..؟؟
نطالب بتغيير لونا ولا دايرة يعبوها في برطمانيات ..؟؟
............
............
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: الطاهر ساتي)
|
Quote: سألت الجنبي قال لي انت دايرا بالمجان ..؟؟
اها انت داير تتكلم وتتحاوم في المواقع الالكترونية بالمجان ؟؟
مش قلت لي أسال ؟؟ |
ألا تعلم يا حضرة الصحفي المحترم إنو موبيتل
بتلهض من مشتركيها 270 مليار سنويا من غير وجه حق ...
إن كنت لا تعلم مصيبة ..
وإن كنت تعلم وقلمك مكسور المصيبة اعظم ..
Quote: والغارمين كمان ..
أها .. عندك لي حاجة ..؟؟ |
بل العاملين هليهـا !!!!
| Quote: طيب وكت ماصحفيين شابكننا اكتبو اكتبو ليه ... ماتكتب انت .. وتخلينا في حالنا ..؟؟ |
حاااضر بخليك في حالك ..
شكلك قلت الروب ؟؟
| Quote: ولو لقيت في الدنيا كلها وريقات مافيها اعلانات بالله مدها لينا عشان نستفيد ..!! |
يا لك من مسكين ..
نا ليس ضد الاعلان ، لكن ضد الاعلان لمن يكون على حساب المادة ..
الجرائد البتحرم القارئ بترفع عدد صفحاتها ..
أما الاعلان عندكم فهو الذي يكسر قلمكم ..
ما شفت ابو العزائم نكسر لسوداتل كيف لما سحبت الاهلان من آخر لحظة ؟؟
وإنتو ذاتكم جرستكم وركوعكم نسيتوهو ؟؟؟
| Quote: الاتصالات عرفناها .. اها الكولا دى مالها كمان ..؟؟ |
ليك حق ما تعرفها مالها ؟؟
لأنو كسرت قلمك واشترتو ..
أسأل رئيسك عما فعلته معهم الكولا ..
قاعدين ساي إنتو ...
| Quote: نطالب بتغيير لونا ولا دايرة يعبوها في برطمانيات ..؟؟ |
إنت لمن تعرفها مالها تعال طالب ..
فهم يا بطل ؟؟؟
أنت الآن في وضع لا يسمح لك بالمطالبة ..
عفوا عزيزي أستعيد قلمك أولا ...
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
حيدر .... سلامات
| Quote: دي شغلتهم ... من ما الطاغية حقهم راح فيها بقو ما يعرفوا يعملوا شيئ |
لكن الصحفيين مالهم ومال الطاغية حقتهم ..؟؟
هسه عليك الاولى بالنقد شمولية البعث وغيرو ولا اسعار الاتصالات والكولا ..؟؟
غايتو ناس فايقة بشكل ..
الواحد فيهم يدخل الموقع بس عشان يشاتر بالحق والباطل ..
صبرك يارب ..
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
Quote: مهند ... شايف بوستك ماشي في اتجاه تاني ..
سواق لقى شنطة وحفزوه هسى بقى اتصالات وكلامات تانية |
قت لي الكولا دايرين يعبوها في برطمانيات
ضحكتني جد يا استاذ
وصراحة الصحفيين ديل لمن يقوموا على البرود والسخرية والضرب تحت الحزام
احسن الواحد يختاهم
انا غايتو بفكر جاد اطلق بوستي واوهبوا لمن يحتاجه
رأي جاد :
طالما الموضوع اخد مسار تاني فلنجعله مسار جاد للنقد والتقويم
الصحافة مهنة زيها وزي المهن التانية وفيها الصالح والطالح وعندها ايجابياتها وسلبياتها
طبعا في حاجات خاصة بالصحفيين وبناقشوها وبفهموها براهم
بس في حاجات المجتمع والقراء والمهتمين بيتأذوا منها وهي السبب في (كلام جرايد) و(المرتزقة)
ولو حدث حوار جاد وصريح حول الاسباب والدوافع بكون افيد من الدفاع المستميت بدون هجوم والهجوم الكاسح بدون دفاع
الصحفي هو اخوي واخوك وابني وابنك ووالدي ووالدك وينبغي ان نحترمه ونجله وفي ذات الوقت ننتقده ونقومه ونجتثه ان استلزم الامر ... هو ليس ملاك معصوم
بعدين البقرأ الجرايد الليلة بلقى فيها نقد وهجوم وتصدي الواحد ما عارف الحكومة مستحملاهو كيف
الصحفيين ديل او اغلبهم ما مقصرين في الكشف والنقد لكن ذلك لا يعني انه ليس من بينهم تلك العينات السيئة ...............
معزتي
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
Quote: أتحداك يا الطاهر أن تكتب أنت أو غيرك نقدا لجشع ونهب وطمع شركات الاتصال ..
أتحداك أن تحدثنا في صحيفتك عن عمايل هذه الشركات في المواطن .. |
الأخ ود يوسف لك التحيه
أقتبست قليلاً من كلماتك لأستفسر من الأستاذ الصحفي الطاهر ساتي عن شيء كان يؤرقني
Quote: قال هاجموا الاتصالات ...
ليه شنو ..؟؟
مالها الاتصالات يا اخوي ..
شركات بتتنافس وبتقدم خدمات كويسة للناس .. الاسعار ماشة نازلة الخدمات ماشة من احسن لاحسن
انا هسع بتفاهم معاك من قرية وانت قاعد وين ما عارف ..
انت داير زمن اللاسلكى داك ..؟؟ |
إقتبست كلماتك هذه أيضاً ياأستاذ الطاهر وأرجو ان ترد على فقد كنت قارئاً متابعاً ولاأستغني عن جريدة الصحافه لكنني هجرتها بسبب ماسأورده
العام الماضي أستاذ الطاهر حدث شقاق أو خصام بين جريدة الصحافه التي تكتب بها وبين شركات الإتصالات كلها لدرجة أن رئيس التحرير بنفسه كتب عن ان الصحيفه لن تخضع للإبتزاز عن طريق أموال الإعلانات وكلام كتير كده عن شرف المهنه وما إلى ذلك حتى صفحة الونسه كانت كل مواضيعها عن التشهير بهذه الشركات في ذلك الوقت ورسم الكريكاتيرات ونشر قصائد الشعر الحلمنتيشي في تلكم الشركات ولن تمحى من ذاكرتي صورة الشخص الذي يطالعنا وعينيه مغمضه بعصابه عليها العلامات التجاريه لشركات الإتصالات لأنني كنت أطالعها يومياً على صفحات جريدة الصحافه .......
وبعد شويه أفاجأ بأن الصحيفه توقف الهجمه على تلك الشركات وتنشر وعلى الصفحه الأولى إعلانات تلك الشركات موبيتل وأريبا وسوداني وأصبحت تطالعن كل يوم على صفحات الجريده تلكم الإعلانات (سوداني وخليك سوداني ..وأي مكان أي زمان ...شبكتي أريبا نبض عالمك)....
وويييين الكلام القلتوهو عن شرف المهنه وعدم التراجع والنقه الكتيييييره ديك كلها .....
الشركات الان تستطيع أن تملي حتى على رئيس التحرير مايكتبه وأعتقد أن شركه مثل موبيتل لو طلبت من رئيس تحرير أي جريده أن يرسل لها مقاله على الإيميل لتطالعه قبل النشر لفعل حفاظاً على أموال الإعلانات ..........
التاريخ لاينمحي أستاذ الطاهر وكنت أتمنى أن لاتتسرع وتكتب ماكتبت ...
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: محمد فرح)
|
محمد فرح ... مساك نور وبركة
جيتك راجع ...
.. حبيبنااشكرك على استفساراتك و دعنى أوضح لك ما يلي ..
.. أولا صراع الصحافة لم يكن ضد سوداتل بقدر ما كان ضد احتكارها لسوق الاتصالات .. اي الصحافة كانت ولا تزال ضد سياسة الاحتكار بغض النظر عن المحتكر ، وشاءت الاقدار ان تكون سوداتل هى المحتكرة لذا فرضت نفسها واصبحت جزء من الصراع ، بيد ان جوهر الصراع كان ضد المنهج وليس الشركة .. كان هذا قبل عام .. وطبيعى جدا ان سوداتل المستفيدة من الاحتكار تصبح طرفا في الصراع ..
ولكن الان .. كما تعلم الدولة فتحت السوق لاخرين .. وجاءت شركات اخرى ونافست سوداتل بخدماتها واسعارها ..
اذن لماذا يستمر الصراع بعد ان انتفت اسبابه ؟؟
ونواصل ...
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
خليك معاى يامحمد فرح ..
الاعلانات ...؟؟
شوف .. مافي شركة في الدنيا بتقدر تسيطر على السياسة التحرير لاي جريدة الا تكون الجريدة حقتا ..!!
السياسة التحريرية حقت الصحافة معروفة للناس ومساحة الحرية فيها برضو معروفة رغم الظروف السياسية الانت وغيرك عارفنها وعايشنها .. ولو ماكدة ما كان نال ثقة القارئ وتصدرت قوائم التوزيع مع اخريات ..
و الشركات ياحبيبنا زى ما انت عارف مابتدفق مويتا على الرهاب .. يعنى مابتعلن الا في الصحف الاكثر توزيعا ..
اذن الصحافة وغيرها من الصحف الناجحة هى البتجبر الشركات على الاعلان فيها..
وده مابيعنى انهامامحتاجة للاعلانات .. لا ياحبيبنا لو ما الاعلانات الصحف دى كلها كانت اتشمعت بالشمع الاحمر .. لكن في فرق بين صحف تجيهاالاعلانات وصحف بتمشي للاعلانات ..!!
و نواصل ايضا ..
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
| Quote: الشركات الان تستطيع أن تملي حتى على رئيس التحرير مايكتبه |
ياخى حرام عليك ماتدى الشركات حجم اكبر من حجمها ....
كيف يعنى تملي ..؟؟
يعنى الباز ده مثلا لوداير ينتقد رؤساء المحليات على الرسوم ممكن دال ولا كولا ولا سفن اب ولا سودانى تقدر تجى تقول ليهو لا خلى المحليات واكتب لينا عن دارفور ..؟؟
ولا قصدك شنو ..؟؟
لو اصلا الحكاية كدة مايتبعوا الجرائد دى للشركات وكل رئيس شركة يبقى رئيس تحريرا او رئيس مجلس ادارتا ...
الصحافة لسوداتل .. السودانى لحجار .. الراى العام لبوهيات ايوب .. الاضواء لشركة عبدربه للطرق والدقيق .. الوطن للمحاميد للاثاث والديكور وتربية طيور الزينة .. وهكذا ...!!
خليك موضوعى يافرح .. ماترمى الكلام ساكت زى صحبك الفوق ده ..!!
و نواصل
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: الطاهر ساتي)
|
Quote: ما شاء الله ..
عشان كدا بتهاجم في الشهيد الرمز صدام حسين ..
أتاريك خايف على أكل عيشك ..
خايف من شيوخ الخليج يرموك متسول في الشوارع ..
لا عليك يا بطل ، المعايش جبارة ..
بس ما بتصل مرحلة تبيع ضميرك ونفسك لشيوخ الخليج ..
يا ترى هل تستطيع أن تكلمنا عن دكتاتورية آل نهيان ؟؟؟
حتما لن تستطيع لأنك أجبن من ذلك ..
ولن تستطيع لأنك تعتقد أن رزقك بيدهم ..
ولن تستطيع لأنهم سيرمونك متسولا على باب السفارة ..
آل نضال آل ..
نضال ايه يا ابني وانت بتخدم في آل نهيان ؟؟؟؟
خسئت يا هذا ..
|
البعاتي البعثي
ليس ذلك ما يمنعني من تاييد الطاغية الهالك
بعدين هل كل من ايد صدام يعمل في سفارات الخليج
انا لست بخائف من احد من ملوك او شيوخ الخليج لانني ببساطة لا استجدي النعمة منهم
ولم استرجي احدا منهم لتوظيفي ... احمد الله اني مؤهل لاعمل في اي مكان
فقط اريدك ان تدرك حقيقة واحدة .. وهي ان حزبكم ذهب لمزبلة التاريخ
وان كان عندك ما يفيد من القول احسن ان تذهب وترمم به ذلك الحزب الخرب اذا كان ينفع معه الترميم
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: حيدر حسن ميرغني)
|
غـلام أل زايـد كتـب :
| Quote: احمد الله اني مؤهل لاعمل في اي مكان |
سبحان الله !!!
وزير خارجيته ذات نفسو كل مؤهلاتو العظيمة إنو ولد زايد..
وزير خارجيته لم يكمل تعليمه الثانوي في بلده ..
فألحقه ابوه بمدارس القصر الملكي في المغرب لعله يخرج منها
بشهادة التوجيهية ولكنه لم يفلح وعاد من المغرب بعزيزة جلال قبل
ان يطيره ابوه الى لندن ايضا واشترى له شهادة " ساندهيرست "
التي اهلته لان يصبح وزيرا للدفاع تارة وتارة للاعلام وللخارجية...الخ
يا غلام شئت أم أبيت ، أنت تخدم في أسرة مالكة
توارث الحكم ابا عن جد ، فلا يحق لك أن تتباكى على
الديمقراطية والحرية وأنت توطد في دعائم اسرة
تنهب وتسرق وطنها باسم آل زايد ..
وتمنع الآخرين حتى من مجرد حمل الجنسية ..
موقفك شنو يا غلام لمن يجيك واحد أماراتي من البدون ؟؟؟
سـلام يا غلام ..
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
| Quote: أولا صراع الصحافة لم يكن ضد سوداتل بقدر ما كان ضد احتكارها لسوق الاتصالات .. اي الصحافة كانت ولا تزال ضد سياسة الاحتكار بغض النظر عن المحتكر ، وشاءت الاقدار ان تكون سوداتل هى المحتكرة لذا فرضت نفسها واصبحت جزء من الصراع ، بيد ان جوهر الصراع كان ضد المنهج وليس الشركة |
أستاذ الطاهر
ذكرت لك أنني كنت قاريء متابع ولاأستغني عن الصحافه أبداً وكنت كما يقول شعارها لاأبدأ يومي إللابها ....
صراع الصحافه لم يكن ضد سوداتل فقط الصراع كان ضد جميع شركات الإتصال الجواله التي كانت موجوده وهذه الشركات تعلم تماماً أنها أنعشت الصحافه السودانيه إنعاشاً قوياً جداً فإعلانات هذه الشزكات توضع في الصفحه الأولي أو تحتل صفحه كامله وبالألوان وهي إعلانات شبه يوميه والتعاقد مع هذه الشركات يعتبر حلم لأي رئيس تحرير وحقيقه لاأذكر كيف بدأ الصراع ومن الذي فتح هذه الجبهه على الشركات .....
لكن الموضوع لم يكن إحتكار ولاأي حاجه لأن الحمله كانت ضد الثلاث شركات (سوداتل ... موبيتل ... أريبا) والتي قاطع ثلاثتهم جريدة الصحافه في وقت واحد ........
الصحافه كانت نسبة توزيعها في ذلك الوقت كبيره جداً حتى أنها كانت تختفي من المكتبات منذ الساعه العاشره وأتمنى لو كانت قومت إغراء الإعلانات وحافظت على مصداقيتها تجاه قارئها ......
لكن يبدو أن أموال الإعلانات لاتقاوم لذا تراجعت الحمله وتلاشت تدريجياً ويبدو أنه قد حدث إتفاق على تمويت الموضوع .......
إنظر الان إلى نسبة توزيع جريدة الصحافه أستاذ الطاهر سترى أنها تراجعت لدرجه رهيبه جداً وصعدت صحف جديده تماماً في الساحه مثل اخر لحظه لتحتل المرتبه الأولى ...
القاريء السوداني قاريء ذكي جداً ومتابع ومسأله كهذه تضعف كثيراً من مصداقية الصحيفه والتي تعتبر الأساس والركيزه التي تقوم عليها أي صحيفه فعندما أقرأ مقال لرئيس تحرير جريده ما ويحدثني عن مباديء وأخلاقيات مهنه وأصدق أنا كلامه هذا ثم يطل على يوم وأجد أن كل ذلك الكلام كان عباره عن فقاقيع هواء وبطولات دونكيشوتيه فلن أقرأ للجريده مرة أخرى.........
ولك التحيه والإحترام
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
| Quote: الصحافة لسوداتل .. السودانى لحجار .. الراى العام لبوهيات ايوب .. الاضواء لشركة عبدربه للطرق والدقيق .. الوطن للمحاميد للاثاث والديكور وتربية طيور الزينة |
المسطول ده إلا يكتبو عليهو مسطول ؟؟؟؟
العزيز ناذر
هات دليلا واحدا ان البوست ده حقي انا ؟؟؟
دي هنا ساحة حرة للتصفيات الحرة المباشرة
والبقاء للألسن
معزتي واحترامي للجميع
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
الطاهر ...
| Quote: يبدو لي عاودك الحنين والشوق القديم .... |
يا زول ما قلت ليك الشغلة دي أنا فارقتها نهائي ووالله صدقني قدر ما يجيني عرض من جهة طوالي إتذكر نصيحتك القلتها لي لمن كنا في لقاء البورداب داك
بس شايف حسين دا متشنج معاك شوية قلت النعصر عليك .. أنا عارف حسين حارقاهو موضوع القروش البيدفعوها مشتركين سوداتل كل تلاتة شهور عشان تجديد الكرت والحارقو اكتر إنو الصحفيين والكتاب ما إتكلمو عن الموضوع دا في الجرائد والظاهر لقاك قدامو وقال يفش فيك غبينتو
شنكل :
الله اكبر ولله الحمد ... سايرين سايرين في درب سيف مساعد
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
Quote: يا زول ما قلت ليك الشغلة دي أنا فارقتها نهائي ووالله صدقني قدر ما يجيني عرض من جهة طوالي إتذكر نصيحتك القلتها لي لمن كنا في لقاء البورداب داك
بس شايف حسين دا متشنج معاك شوية قلت النعصر عليك .. أنا عارف حسين حارقاهو موضوع القروش البيدفعوها مشتركين سوداتل كل تلاتة شهور عشان تجديد الكرت والحارقو اكتر إنو الصحفيين والكتاب ما إتكلمو عن الموضوع دا في الجرائد والظاهر لقاك قدامو وقال يفش فيك غبينتو
شنكل :
الله اكبر ولله الحمد ... سايرين سايرين في درب سيف مساعد |
العزيز ناذر
فهمونا حاجة او اشتغلو بالبرايفت والماسنجرات
معزتي
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
Quote: هل تعلم أن رئيس التحرير الوحيد الذي رفض أن يقبض من
الكولا هو المرحوم محمد طه محمد أحمد ..
هل يستطيع الفاضل ساتي أو غيره أن ينشر لك مقال ضد
هذه الشركات ..
لا يستطيع لأن أقلامهم مكسورة ..
فقط أنظر لهم في قضايا الفساد ، لا يستطيعون أن يكتبوا لنا
اسم المفسد علانية ناهيك عن بقية التفاصيل .. |
الزميل الكريم حسين
اشعر انك مزود العيار شوية على الزميل الطاهر ... فانت تقول انه ما بقدر يكتب عن الفساد في حين
ان عموده بالصحافة فجر الكثير من القضايا الفاسدة وان لم تخني الذاكرة فقد كتب طويلا عن التعليم العالي ووزارة التعليم وجامعة الخرطوم (مزرعة او حاجة زي كده) وكانت مواد قوية شجاعة
بعدين اعتقد ان ايراد اسم المفسد يمكن ان يوديهم النيابة اذا لم يكن هناك دليل قانوني .. ممكن الصحفي تكون عندو معلومة مؤكدة لكن ما عندو دليل ..
بعدين شايفك قلت كل رؤساء الجرايد قبضوا من الكوكوكولا الا المرحوم محمد طه ... يعني ناس عروة والباز والوجيه حسين خوجلي وفضل الله بتاع الخرطوم وتيتاوي ورمضان السيد كلهم قبضو كاش ... والظرف كان متمسح ولا حاجة خفيفة .. ياخي اعتقد انك تجنيت عليهم والله اعلم
معزتي
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
عزيزي مهند ..
تحياتي وتقديري ..
نجاوب ليك وبعد داك لو الله طول في العمر نرجع لباقي المداخلات ..
| Quote: يعني ناس عروة والباز والوجيه حسين خوجلي وفضل الله بتاع الخرطوم وتيتاوي |
في نشرة بتصدرها السفارة الليبية بتوزع فقط في الصحف
أسال منها عليك الله !!!
تحت السواهي دواهي يا عزيزي !!!!
والفوق ديل ضيف ليهم السراج كمان ..
| Quote: والظرف كان متمسح ولا حاجة خفيفة |
لو قدرت تصل للنشرة أعلاه بتصل للاجابة من غير مجهود !!!!
| Quote: ياخي اعتقد انك تجنيت عليهم والله اعلم |
الحمد لله إنك قلت الله أعلم ..
وعشان أؤكد ليك لعبهم بعقولنا وعدم اخرتامنا ‘ليك هذا الدليل
من جريدة الوفاق عدد اليوم ، حيث كتبت في صفحة الرياضة :
Quote: أمس
نجاح كبير لنفرة المريخ
حققت نفرة المريخ الكبرى نجاحا منقطع النظير أمس وسط تجاوب كبير
من الأقطاب والمريخاب والقواعد حيث خاطب النفرة السيد جمال الوالي
رئيس نادي المريخ مفجرا الكثير من المفاجآت السارة لجماهير المريخ
ومشاريع العام 2007 كما تم عرض طابق المريخ الثاني عبر المجسم .
هذا وقد خاطب النفرة أيضا رئيسا مجلس الشورى والشرف . |
والكل يعلم أن هذه النفرة لم تقام اساسا ..
في كذب وغش وافتراء علينا أكتر من كدا ..
دا كوم ، والكوم التاني خكاية الصحف الماعندها راجع دي كمان
هل تصدق إنو هنالك بعض الصحف لا تقبل من الاقاليم اي راجع
اتباع ما اتباع الموزع المسكين يتحمل مسؤليته ..
وح أجردها لك صباح الغد باذنه تعالى ..
مع الحب والتقدير ..
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
Quote: في نشرة بتصدرها السفارة الليبية بتوزع فقط في الصحف
أسال منها عليك الله !!!
تحت السواهي دواهي يا عزيزي !!!!
والفوق ديل ضيف ليهم السراج كمان .. |
الزميل المكرم حسين
صدقني ما فهمت حاجة ولم افهم علاقة النشرة بما نتحدث عنه
بعدين الحاجات الواحد يسأل منها منو ؟؟؟
الجرائد ديل اي زول بمشي ليهم ويسألهم بدوه آخرهم طوالي ؟؟؟
يبدو أنك تعلم اكثر مما تكتب
ودا سر الالغاز المتكررة
ولسه راجع لباقي مداخلتك المتشعبة
معزتي
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
نـاذر العزيز ..
| Quote: بس شايف حسين دا متشنج معاك شوية قلت النعصر عليك .. أنا عارف حسين حارقاهو موضوع القروش البيدفعوها مشتركين سوداتل كل تلاتة شهور عشان تجديد الكرت والحارقو اكتر إنو الصحفيين والكتاب ما إتكلمو عن الموضوع دا في الجرائد |
البخلينا شنو ما نتشنج يا صديقي ..
لو كان حضرة الصحفي الكوز المحترم لغاية هسع ما عارف الشركات
دي مالها ؟؟
حضرتو لسع ما عارف إنو موبيتل بتلهض من المواطن المسكين
270 مليار سنويا وأكثر من غير وجه حق ..
وحضرتو لا يعلم حتى الآن أن سوداني تعلن عندهم عن الأجهزة باسعار
محددة وتمشي تلقاهم وعن عمد دخلوها السودق الأسود.. ويتضاعف
سعرها .. وكل هذا بلعب كبير على مستوى الادارات !!!
حضرة الصحفي الكوز المحترم يعلن لنا أن سعر الدقيقة لموبيتل
140 جنيه (طبعا في الاعلان) ولمنتراجع رصيدك تلقاها أكثر ..
كل هذه الجرائم وغيرها والصحفي الكوز لا يعلم عنها شئ ..
وهو معزور لأنه خريج مدرسة الأفاك حسن الترابي ، ومن يتاجر
في دينه لا يعجزه أن يتاجر في قلمه !!
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
نـاذر العزيز ..
| Quote: بس شايف حسين دا متشنج معاك شوية قلت النعصر عليك .. أنا عارف حسين حارقاهو موضوع القروش البيدفعوها مشتركين سوداتل كل تلاتة شهور عشان تجديد الكرت والحارقو اكتر إنو الصحفيين والكتاب ما إتكلمو عن الموضوع دا في الجرائد |
البخلينا شنو ما نتشنج يا صديقي ..
لو كان حضرة الصحفي الكوز المحترم لغاية هسع ما عارف الشركات
دي مالها ؟؟
حضرتو لسع ما عارف إنو موبيتل بتلهض من المواطن المسكين
270 مليار سنويا وأكثر من غير وجه حق ..
وحضرتو لا يعلم حتى الآن أن سوداني تعلن عندهم عن الأجهزة باسعار
محددة وتمشي تلقاهم وعن عمد دخلوها السودق الأسود.. ويتضاعف
سعرها .. وكل هذا بلعب كبير على مستوى الادارات !!!
حضرة الصحفي الكوز المحترم يعلن لنا أن سعر الدقيقة لموبيتل
140 جنيه (طبعا في الاعلان) ولمنتراجع رصيدك تلقاها أكثر ..
كل هذه الجرائم وغيرها والصحفي الكوز لا يعلم عنها شئ ..
وهو معزور لأنه خريج مدرسة الأفاك حسن الترابي ، ومن يتاجر
في دينه لا يعجزه أن يتاجر في قلمه !!
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: حسين يوسف احمد)
|
RED]مهنـد العـزيـز ..
تحياتي وتقديري ..
| Quote: الجرائد ديل اي زول بمشي ليهم ويسألهم بدوه آخرهم طوالي ؟؟؟ |
أسـألهم وقول ليهم :
سـعر النسخة في الاقاليم ليه زايدة ؟؟
واسألهم ليه بتحملوا بائع الصحف المسكين وزر بوار الجريدة ؟؟
وبالذات أخبار اليوم وقوون والراي العام ..
هل تصدق إنو هذه الصحف لا تستلم الراجع بتاعها وتعتبر إنو الجريدة اتباعت
بمجرد أن تخرج من دار التوزيع ..
عشان كدا بجيك رمضان السيد وأحمد البلال ويتباهو بنسبة التوزيع
وهي كلها بايرة وستات التسالي فقن ما بلفن فيها التسالي ..
أسـأل صحفي السوداني ، عن أسهمهم فيها !!!
ما تشوف التباكي على ايقاف السوداني ، ديل بتباكوا على أموالهم الضاعت
لأن عراب الكيزان عروة منحهم أسهم فيها مقابل الكتابة بدلا عن مرتبات معروفة..
وعروة الذي يتباكى على قانون الصحف علينا ألا ننسى أنه هو والفاضل ساتي
من أكبر عرابي الجبهة الاسلامية اللي أتسببت في البلاوي دي كلها ..
هم سبب هذه الكوارث بحكم إنهم كيزان ، هم من ساهموا في انقلاب الكيزان
وهم من دعم نظام الكيزان ، فلماذا يتباكون عما ارتكبت أقلامهم من جرائم ؟؟
أما قصة اصدارة السفارة الليبية دي خليها ساكت ..
وأوعدك يا عزيزي أن أمدك بنسخة منها وحينها سترى
انبطاح اقلام كنا نظنها كبيرة !!!!
مـع الحب ..
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: حسين يوسف احمد)
|
سلام يا شباب
والله ونسة كويسة بس دايره نفس طويل.. وبالحوار وحده تتضح الحقيقة..
داير أعلق على بعض المعلومات الواردة في البوست دا.. وحأتناول أولاً الأعلان..
وهنا حقيقة يجب علمها.. أي صحيفة لا يوجد فيها إعلان فهي فاشلة... لماذا..
أقول ليكم.. وخلوني من مسألة رسالة الصحيفة وخلافه.. أنا كمعلن أو تاجر (والله ياجماعة أنا دي مش قاصد بيها نفسي، أنا زول مفلس وتعبان).. لا يمكن أعلن في جريدة إلا بعد أن أستفسر عن أشياء معينة منها:
1- عدد النسخ
2- نوع الورق (عادي، كوشيه.. وهلمجرا).
3- خارطة توزيع الصحيفة.. يعني في أي الأقاليم إنتشاراً وعلى سبيل المثال في السعودية نلاحظ أن جريدة الرياض تسيطر على المنطقة الوسطى وعكاظ على المنطقة الغربية والوطن على المنطقة الجنوبية أما اليوم فتسيطر على المنطقة الشرقية..
4- الجمهور المستهدف للصحيفة.. يعني الصحيفة دي بتهتم بيها أي شريحة.. ودي مرتبطة بنوعية السلعة أو الخدمة الملعن عنها يعني لا يمكن أعلن في مطبوعة تهتم بفئة عمرية محددة وأعلن عبرها عن سلعة أو خدمة ليس لها صلة بهذه الفئة العمرية..
طيب.. نجي لسياسة التحرير..
أي صحيفة محترمة يجب أن تكون مساحات التحرير أكبر من الاعلان.. وعشان كدن السديري رئيس تحرير الرياض عنده سياسة واضحة وهي أن نسبة الإعلانات يجب ألا تتجاوز 40% من مساحة الجريدة علماً بأن عدد صفحاتها ستين صفحة وتطبع على وراق فاخر جداً وسعرها فقط ريالين أي ألف جنيه سوداني (بالدينار الجديد ما عارف بتعادل كم).
هل هناك صحفيين يتقاضون فلوس من تحت الطاولة.. هذا وارد رغم أن الشئ الذي أعرفه أن مندوب الإعلان أو مدير التسويق أو المبيعات هو الذي يتقاضي إذا لم يكن له ضمير.. ولكن الصحفي يمكن أن يدخل ضمن هذه الدائرة إذا لوحظ أنه يركز في كتاباته من وقت لآخر موضوع معين.. وفي هذه الحالة تأتي الشبه..
الشئ الذي أود أن أختتم به..
أن الصحفي هو رسول للكلمة وهو ضمير الأمة فالشريف لن يبيع نفسه وإن تم وزنه ذهبا..
لكم الود جميعاً.
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
الطاهر ساتي :
Quote: الاعلانات ...؟؟
شوف .. مافي شركة في الدنيا بتقدر تسيطر على السياسة التحرير لاي جريدة الا تكون الجريدة حقتا ..!!
السياسة التحريرية حقت الصحافة معروفة للناس ومساحة الحرية فيها برضو معروفة رغم الظروف السياسية الانت وغيرك عارفنها وعايشنها .. ولو ماكدة ما كان نال ثقة القارئ وتصدرت قوائم التوزيع مع اخريات ..
و الشركات ياحبيبنا زى ما انت عارف مابتدفق مويتا على الرهاب .. يعنى مابتعلن الا في الصحف الاكثر توزيعا ..
اذن الصحافة وغيرها من الصحف الناجحة هى البتجبر الشركات على الاعلان فيها..
وده مابيعنى انهامامحتاجة للاعلانات .. لا ياحبيبنا لو ما الاعلانات الصحف دى كلها كانت اتشمعت بالشمع الاحمر .. لكن في فرق بين صحف تجيهاالاعلانات وصحف بتمشي للاعلانات ..!!
و نواصل ايضا .. |
الطاهر :
وينك يا استاذ ؟؟؟
معزتي
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
| Quote: الزميل الطاهر اين انت يا استاذ |
خليتو لحسين يوسف ....... ان شاء الله يضوى ليهو و يرجع ليهو نظام صدام ..!!
تقول ليهو سوداتل محتاجة للاعلانات يقوليك طيب ماتشتمو الكولا ..!!
تقول ليهو الكولا مالا يقوليك موباتل بتاكل قروش الناس ..!!
هسة لو جينا قلنا ليهو دليلك شنو حيقوليناانتو ماقاعد تشتمو بصات أفراس البتجرى في طريق مدنى ..!!
أها زول زى يتفاهمو معاهو كيف ..؟؟
ودعناك الله ... اكتوى بيهو ..!!
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
Quote: خليتو لحسين يوسف ....... ان شاء الله يضوى ليهو و يرجع ليهو نظام صدام ..!!
تقول ليهو سوداتل محتاجة للاعلانات يقوليك طيب ماتشتمو الكولا ..!!
تقول ليهو الكولا مالا يقوليك موباتل بتاكل قروش الناس ..!!
هسة لو جينا قلنا ليهو دليلك شنو حيقوليناانتو ماقاعد تشتمو بصات أفراس البتجرى في طريق مدنى ..!!
أها زول زى يتفاهمو معاهو كيف ..؟؟
ودعناك الله ... اكتوى بيهو ..!! |
الزميل الطاهر
بيني وبينك كده
انت لمن تجي خاشي البورد ده بتشرب حاجة او بتشم حاجة ؟؟؟
والله ما حا اكلم زول
معزتي
| |
|
|
|
|
|
|
|
|
|
Re: الى الطاهر ساتي وعموم الصحفيين : الحافز كم يا تُرى ؟!!! (Re: مهند مامون)
|
امبارح مشيت جريدة الرأي العام لعمل نعي صفحة داخلية كاملة
لواحد قريبنا الله يرحمو ويغفر له ... شايل معاي مبلغ مليون ومية وتمانيين الف جنيه
حق الصفحة حيث سبق ان نشرنا عندهم اعلان برضو
بتاع الاعلان قال لي الاسعار اتعدلت في كل الصحف
الصفحة بقت 2,950,000 حتة واحدة يعني زيادة (150%)
معقولة كده ؟؟؟
بعدين يا ربي تكون المواهي والحوافز زادت برضو ؟؟؟ هسه يا الطاهر شهرك ما بقللوا من عشرة خمستاشر حبة ... ومانا حاسدنكم ولا شامنكم
فيلم غريب
| |
|
|
|
|
|
|
| |
مهند مامون
الطاهر ساتي
عبد الله إبراهيم الطاهر
حسين يوسف احمد
حيدر حسن ميرغني
محمد فرح
ناذر محمد الخليفة
إسماعيل وراق
نادر محمد الراضي
فيس بوك
تويتر
انستقرام
يوتيوب
بنتيريست