|
Re: لو عايز أكون نجم المنبر2007 اعمل شنو (Re: ناذر محمد الخليفة)
|
العزيز ناذر، تحياتي
شايفك استجبت للضغوط الدولية و بديت تحسن في صورة البروفايل بتاعك.
صنفرة: انا عايز اكون قمر المنبر 2007 و ناذر عايز يكون مجرة المنبر 2007 نعمل شنو.. بعد الحصل بيناتنا ما نطق القدر يرجع يعاودني الحنين خاطري الكسير بوم ينجبر غدر الزمن هرطقات ناذرية...
| |
|
|
|
|
|
|
Re: لو عايز أكون نجم المنبر2007 اعمل شنو (Re: ناذر محمد الخليفة)
|
ناذر تحياتي رأى مكتبي الإعلامي المخصص لقيادة الحملة الإنتخابية القادمة وبعد مشاورات ومداولات شهدت نقاشات جادة قررت اللجنة العامة واللجنة المنبثقة منها الأتي ..
تفويت الفرصة على الجهة المنافسة في محاولتها تشتيت الراي العام الداعم للبوست بالنصائح والمشورة .
وقد رصدت المحاولة المتمثلة في العزق برابط بوست كسير التلج .
فرغم الفوائد التي يعج بها البوست الا انه رات اللجنة فيه نوع من محاولة صرف الأنظار عن البوست الأصلي والمتعلق بالرابط المعني وتوهانهم في مداخلاته وهو المكون من ثلاث صفحات حامية الوطيس . ويعلم عازق الرابط شغف والأعضاء بمثل هذه المناكفات والمضايقات والحنبكات....
ولذا رات اللجنة التوصية التالية:
تنبيه الزوار بعدم الانجراف وراء هذا الرابط فهو لنك حق اريد به باطل والتمسك بالبوست الاصلي
صدر تحت توقيعي مديرة دائرة الاعلام والعلاقات العامة 18/1/2007
| |
|
|
|
|
|
|
القواعد الذهبية للملمة أطراف المجد والنجوميه (Re: omer almahi)
|
1- أكتب بوستات عناوينها مدويه على طريقة التابلويد. 2- لزيادة فعالية العناوين خليها تكون فاحشه شويه. 3- لو واحد سرق..قول هو ماغلطان غلطانه الحكومه 4- لو واحده إنحرفت قول معذوره.. السبب الحكومه. 5- لو واحد إتعرض للدين بالإساءه ونط واحد قال ليهو إتأدب شويه تنط أنت وتدافع عنه وتقول دي حرية التعبيرولو زودتها شويه وصنفته بأنه كوز وظلامي بتكسب نقاط أكتر. جرب الوصفة دي ولما تخلصها راجعنا عشان نكتب ليك روشته تانيه
| |
|
|
|
|
|
|
Re: لو عايز أكون نجم المنبر2007 اعمل شنو (Re: omer almahi)
|
دا كلام شنو يا نايل !!!!
Quote: 1- أكتب بوستات عناوينها مدويه على طريقة التابلويد. 2- لزيادة فعالية العناوين خليها تكون فاحشه شويه. 3- لو واحد سرق..قول هو ماغلطان غلطانه الحكومه 4- لو واحده إنحرفت قول معذوره.. السبب الحكومه. 5- لو واحد إتعرض للدين بالإساءه ونط واحد قال ليهو إتأدب شويه تنط أنت وتدافع عنه وتقول دي حرية التعبيرولو زودتها شويه وصنفته بأنه كوز وظلامي بتكسب نقاط أكتر.
|
ما تدقس الراجل ساكت تلحقو أمات طه !! كلامك دا ما سليم والدليل أنا ما عملت ولا حاجة من ديل !!
| |
|
|
|
|
|
|
Re: لو عايز أكون نجم المنبر2007 اعمل شنو (Re: ناذر محمد الخليفة)
|
ناذر
مساء الخير صاح أنا ما عمملت ولا حاجه من ديل لأني ماعاوز أكون نجم..لكن صدقني نحن في المنبر دا من بدايته..وصدقني جو ناس دا كان نهجهم وأصبحوا من أساطين البورد..ومن كبار المثقفاتية.. خلاص نبدل ليهو الروشته: 1- لو معارض أفجر في الخصومه وماتخلي كلمه في قاموس الشتيمه. 2- لو ما معارض خليك متعارض..طبعا في معارضين ومتعارضين. 3- لو جات بنيه وكتبت أي كلام..خاطبها بالرائعه والمبدعه والمفكره. 4- لو كتبت حاجه وناذر إتعرض لفكرتك بالنقدإتهمه بأنه مستهدفك وإنها محاوله حاقده لإغتيال شخصيتك. 5- وأهم حاجه خلي واحد يوصفك بأنك ثائر وناشط في حقوق الإنسان. كدي جرب الروشته دي..وماتسمع كلام ناذر..حيقول ليك نايل عاوز يورطك..
| |
|
|
|
|
|
|
Re: لو عايز أكون نجم المنبر2007 اعمل شنو (Re: omer almahi)
|
تعرف يا نايل ..
Quote: 1- لو معارض أفجر في الخصومه وماتخلي كلمه في قاموس الشتيمه. 2- لو ما معارض خليك متعارض..طبعا في معارضين ومتعارضين. 3- لو جات بنيه وكتبت أي كلام..خاطبها بالرائعه والمبدعه والمفكره. 4- لو كتبت حاجه وناذر إتعرض لفكرتك بالنقدإتهمه بأنه مستهدفك وإنها محاوله حاقده لإغتيال شخصيتك. 5- وأهم حاجه خلي واحد يوصفك بأنك ثائر وناشط في حقوق الإنسان.
|
في ناس كتار جربو الروشتة دي والمشكلة إنهم ما جابو ولا صوت واحد في ترشيحات نجومية المنبر ..
شنكل:
والمشكلة إنهم مرشحين في الإنتخابات الجديدة لمنصب (كيش المنبر) !!
| |
|
|
|
|
|
|
|