|
Re: فندق ( سودانيزاونلاين ) (Re: خالد)
|
تاج الشر الزعيم خالد
والله حاجه تحير جهزت رد على احد الاخوان وقبل الارسال رن التلفون اخدت التلفون وهرولت على السرير هاااك يا دردشه وهاااااك يا نومه
اصبح صبحى مشيت افتح الجهاز لقيتو فاتح قلت اشوف سودانيز لقيتا فاتحه عرجت على المتواجدين اونلاين لقيت روحى متحكر فى نصهم
جيت راجع المنبر العام فتشت محل شاى ما لقيتو مكان سجائر برضو مافى قلت احتمال الود ناذر عمل نظام جديد مع بشائر فوزه وفر بموجبه المبيت المجانى للعضويه (على الاقل العضويه الراضى هو عنها)
الشئ الحيرنى تانى كيف تسنى لى النوم مع الكع والكع بتاعة ناس تاج الشر ؟ ومع شغب المجموعة اياها ؟ ومع صوت حوافر بشاشا وهو يهرول امام كودى ؟
اواصل
| |
|
|
|
|
|
|
Re: فندق ( سودانيزاونلاين ) (Re: osly2)
|
Quote: قالوا الخيل الحره بتجى فى اللفه الاخيره |
تعرف انا خائف من حاجة ؟ الله اعلم هي شنو لكن بالطريقة دي الكلام ده خطر ؟
نصبر ونشوف
اكتر من خالد كودي بفي جلابي عروبي متاسلم حتشوفوا شنو يعني ؟
عالم تحير !
| |
|
|
|
|
|
|
Re: فندق ( سودانيزاونلاين ) (Re: خالد)
|
Quote: اكتر من خالد كودي بفي جلابي عروبي متاسلم حتشوفوا شنو يعني ؟
عالم تحير ! |
وهذا ما دفع كودى باعلان عدم الاحترام من جانب واحد بعد استعمال بشاشا( للاسلحه القذره) حسب تعبير كودى
جدير بالذكر ان جيوش بشاشا لا تتسلح الا بالاسلحه الفتاكه وذكرت مصادر موثوق بها انه اجرى تجارب تفجيريه على سلاح عابر للبوستات اطلق عليه اسم( باشبزق )
| |
|
|
|
|
|
|
Re: فندق ( سودانيزاونلاين ) (Re: osly2)
|
Quote: الشئ الحيرنى تانى كيف تسنى لى النوم مع الكع والكع بتاعة ناس تاج الشر ؟ ومع شغب المجموعة اياها ؟ ومع صوت حوافر بشاشا وهو يهرول امام كودى ؟ |
وجدت نفسى واقفا جوار مسجد الاقصى وحولى جمهرة من الناس مسلمين .. يهود .. مسيحيين يترقبون وصول منطاد من كوكب االمريخ وعند وصوله بدا من بداخله الخروج كوهين .. حاييم .. عثمان .. ساندرا .. خالد بحر وفجاة لمحت تراجى قفزت فرحا وهامسا فى اذن جارى بكل فخر هذه السيده زميلتى باونلاين ولكم ان تتخيلوا فرحتى وانا الذى كدت اطير فرحا بعد ان استمعت لطرح الزملاء القوى بالبى بى سى اباغت بوصول تراجى من المريخ تسائلت عن سبب هذه السفره التى لم يعلن عنها فى بوست فقيل لى انها كانت فى مهمة خاصه تخص ( جمعية الصداقه الارضيه المريخيه ) كما انها استغلت وجودها هناك لمعالجة بعض المشاكل العالقه بين جيراننا فى الكوكب الشقيق وسجلت زيارات ميدانيه لمعسكرات النازحين من الارض بمنطقتى الوادى صاد والجبل سين (اوع يجى واحد يقراها الجمكسين) الدخلت فى القلب النابض لا يوم الليله ما مرقت
اواصل
| |
|
|
|
|
|
|
Re: فندق ( سودانيزاونلاين ) (Re: خالدة البدوي)
|
Quote: اليومين ديل الاحلام ليها تفسير واحد
بس مصير السودان على يد من ؟؟؟؟؟؟؟ |
خالده ازيك يا ريت لو تسعفينا بالواحد دا
وياتو سودان البتسالى عن مصيرو ؟
خوفى بعد 10 سنوات تحتاجى لجواز سفر وتاشيره لو عاوزه تزورى خالتك فى نيالا
دمتى
| |
|
|
|
|
|
|
Re: فندق ( سودانيزاونلاين ) (Re: osly2)
|
تتقاصر المسافات وينطوى الزمن واجد نفسى واقفا على بوابة الخور
يقابلنى خازن الخيران ناذر بترحاب ويسال ما الذى قذف بك من نعيم الاقصى الى جحيمنا ؟ *جئت اتفقد رفاق درب ساقتهم ذنوب غيرهم اليكم اتندهش لبوستات بشاشا بيننا ؟ *بل اندهش لوجود بوستات له خارج خوركم
اواصل
| |
|
|
|
|
|
|
Re: فندق ( سودانيزاونلاين ) (Re: osly2)
|
Quote: وهذا ما دفع كودى باعلان عدم الاحترام من جانب واحد بعد استعمال بشاشا( للاسلحه القذره) حسب تعبير كودى
جدير بالذكر ان جيوش بشاشا لا تتسلح الا بالاسلحه الفتاكه وذكرت مصادر موثوق بها انه اجرى تجارب تفجيريه على سلاح عابر للبوستات اطلق عليه اسم( باشبزق ) |
وما دفع تراجي باتهامها لكودي بانه (لايرغب بها كزعيمة)!
| |
|
|
|
|
|
|
|