|
Re: الجنيه قالوا رجعو كده تعالوا شوفو.. (Re: A.Razek Althalib)
|
Quote: مقدمة تضمنت إتفاقية السلام السودانية الشاملة بضاحية نيفاشا المادة (14) البند 9 تغيير وحدة العملة.
قام بنك السودان المركزي بتصميم العملة الجديدة (الجنيه), و سيبدأ تداول العملة الجديدة و استبدالها في التاسع من يناير من العام 2007. |
أفجق هنا موقع بنك السودان
ودي قالوا (10) جنيه البتساوي ألف دينار من بتوع عبدالرحيم حمدي.. يا ناس سعر الصرف.. الريال قالوا دق الدلجة ووقع واطــــه..
عجيب..
عقبال ناس اليورو والدولار..
| |
|
|
|
|
|
|
Re: الجنيه قالوا رجعو كده تعالوا شوفو.. (Re: Ahmed Abdallah)
|
Ahmed Abdallah
يعني يا أحمد عبدالله.. الغطاء النقدي (دهب جمهورية السودان) هو كان عبارة عن ملعقة سكر وناس حمدي بمحاوروا كانو دايرين يتشطروا ويتطعموا بيهو برميل موية..
وياها عادت حليمة لقديما..
علماً بأنو العملة خلت من الرموز الثقافية العربية والإسلامية.. وركزت على حمائم السلام.. وزي ما شايف وهمة حلم الجيعان عيش..
وعشان عين كان يكرمو ألف عين.. ضهبانة.. بقيمة تكلفة الطباعة دي.. والتضخم الإقتصادي عندووسائلوا الإقتصادية..
وكده ركز معاي في الحته بتاعت الإنتاج دي.. مع مكافحة الثراء الحرام..
غايتو ناس أركو مناوي حيقولوا دايرين الفرنك الفرنسي (عملة تشاد)..
بالرغم من إنو إقتصاد تشاد وأفريقيا الوسطى كلو قايم على ثروتنا الحيوانية في غرب السودان.. وتجارة تهريب الصمغ العربي لإسرائيل..
تشكر يا الغالي..
مع تحياتي..
| |
|
|
|
|
|
|
Re: الجنيه قالوا رجعو كده تعالوا شوفو.. (Re: Mohamed Adam)
|
Mohamed Adam أحبكـ الله الذي أحببتنا فيه.. وهاكـ دي.. حياكـ مليط صوب العارض الغادي ** وجاد واديكـ ذو الجنات من وادي فكم جلوت لنا من منظرٍ عجب ** يشجب الخلى ويروى غلة الصادي القصيدة لمحمد سعيد العباسي..
حليلا مليط وذكرياتي فيها عند حافة الكدكون وجبل كلو وكلويات.. وزمالتي فيها لنفر عزيز لا زالت تربطني بهم صلات طيبة بمدرسة (ب) الإبتدائية.. ياآآآآه هداكـ حي الزيادية مدخل السيارات القادمة من ليبيا لتصطف قدام الجماركـ.. وياهون ده حي الديم المجاور للإستاد وحي دادنقا الغرب السوق..
دعائي للشيخ القارئي علي مولاي الشنقيطي.. له شآبيب الرحمة.. بتعرف يا محمد آدم وناس خضر الليبي وأخوهو الطالب..
وصاحب المهدي صالح زميل البورد.. بكري مع خالص ودي له البورد حقو.. والعقول والكمبيوترات حقتنا.. وكلنا مخيرين.. المهم ناسنا الإقتصاديين ديل قالوا
Quote: برنامج طرح العملة يبدأ طرح العملة الجديدة في التاسع من يناير عن طريق المصارف و المؤسسات الرسمية سيسير الدينار الحالي و الجنيه جنباً إلى جنب في التداول سيتم سحب الدينار تدريجياً عبر المصارف لا توجد نقاط إستبدال للمواطنين في الوقت الحالي |
موقع بنك السودان
وبعدين يا أخوي.. مافي خلاف ولا حاجة.. المسألة كل المسألة إنو إنتو بتشوفو الإنعتاق من الرجعية هي التحلل من القيم الدينية والإجتماعية.. وبحسب معتقد كثير من الشيوعيين القاعد بناقشهم على الهواء الطلق مباشرة إنوالثقافة على حسب أدبيات حزبكم الشيوعي أبرزت الحضارة هي إتباع قتلة الأنبياء.. وكذلك هي تعني الإنقياد خلف ضلاليات أفكار اليهوديان كارل ماركس ولينين.. وإستخدام شباب أمة الإسلام لمحاربة العقيدة الإسلامية كما هو بادي للعيان.. كده خلي بالك في مسألة توقيت إعدام صدام حسين في يوم عيد المسلمين على أيدي مسلمين.. وبذلك يكون تم دق أسفين الفرقة بين أمة الإسلام لصالح المشروع الصهيوأمريكي إستكمالاً لمشروع الشرق الأوسط الجديد والسودان الجديد.. وإستنفار العالم لحماية إسرائيل.. بس إلى متي.. وتلك أمانيهم.. عموماً.. وهاكـا تاني باقي الكلام لمحمد سعيد العباسي في حكاية مليط القال عنها..
كثبانكـ العفر ما أبهى مناظرها ** تلثم من ذيل السحاب بلا كدٍ ولا إجهاد
والقول فيها.. ممتد..
ميادٍ لمياد..
| |
|
|
|
|
|
|
Re: الجنيه قالوا رجعو كده تعالوا شوفو.. (Re: A.Razek Althalib)
|
Quote: حليلا مليط وذكرياتي فيها عند حافة الكدكون وجبل كلو وكلويات.. وزمالتي فيها لنفر عزيز لا زالت تربطني بهم صلات طيبة بمدرسة (ب) الإبتدائية.. ياآآآآه هداكـ حي الزيادية مدخل السيارات القادمة من ليبيا لتصطف قدام الجماركـ..وياهون ده حي الديم المجاور للإستاد وحي دادنقا الغرب السوق..
دعائي للشيخ القارئي علي مولاي الشنقيطي.. له شآبيب الرحمة.. بتعرف يا محمد آدم وناس خضر الليبي وأخوهو الطالب..
وصاحب المهدي صالح زميل البورد..
|
ود الطالب أنا أحلف بحيّاتك ذاتها لو ما....! دا إنت أكيّد من عنديّاتنا ! مش كدا وبس دا أكيد نحن درسنا بمليط (ب) سويّاَ! أو أنا درستك بهناك(وجهه ضاحك). يا خي بلاش قتادَه معاك عرف نفسك لِي بالماسنجر.
فِي إنتظارك!
أخوك "الآخر"!!!.
| |
|
|
|
|
|
|
|