كتب الكاتب الفاتح جبرا المتوفرة بمعرض الدوحة
|
هروب خروف ناس صباح احمد
|
الاحباب الاعزاء
كل عام وانتم بخير
اتصلت بي قبل شوية الاخت صباح وقالت انه ناس بيتهم كلهم بره لانه الخروف شرد !!
وابوها وامها والجيران كلهم منذ الصباح في رحلة البحث عن الخروف ولهسة مافي
نتيجة ويبدو ان الخروف شرد بدون رجعة .. فماعرفت اقول لصباح شنو اقول ليها الجاتكم
في خروفكم سامحتكم ولا اقول شنو !! لكن قلتها يمكن الخروف مشي يشتري باسطة ما قبلت !!
وهي بالجد مستاءة لانة قالت انهم اشتروا الخروف قبل 3 ايام وكان خروف وديع ومطيع
وفجاءة ما لقوه الصباح !! فيا اهل العلم والمعرفة والفتوي بالمنبر عندي سؤال :
هل ناس صباح بشردة خروفهم ( رد الله ذبحته) يعتبرو مضحيين ؟
للاخت صباح التعازي وللخروف العزيز خالص الامنيات بهروبا مبرورا وسعيا مشكورا ..
ولي كلمة احب اقولها للخروف .. يا خروف اللي مات بسكين ناس صباح بموت بسكين اخري !!
فننتظر اهل الفتوي يا جماعة ..
وعيد سعيد والعفو لله والرسول
منعم
|
|
|
|
|
|
|
|
Re: هروب خروف ناس صباح احمد (Re: عبد المنعم سليمان)
|
عبد المنعم كيفك ...
والله أنا مستغرب من حالة هروب الخرفان السنة دي !! أمبارح برضو خروف ناس جيرانا شرد الحلة كلها عملو فزعة عشان يلقو الخروف ما لقوهو .. ولمن جو راجعين من الفزعة إتنين منهم إكتشفو إنو خرفانم شردت برضو أو إتسرقت الله أعلم !
شنكل :
خلاص يا صباح ولا يهمك .. شايف عمك الفاتح جبرا كاتب في سيناريوهات الليلة إنو في ظاهرة بتاعت خرفان للأيجار .. أجري ليك واحد لحدي بالليل وأدفعي عشرين ألف وتاني يوم رسلي أخوك الصغير يشتري ليكم طماطم ودكوة من السوق لزوم الفطور وكدي !!
| |
|
|
|
|
|
|
Re: هروب خروف ناس صباح احمد (Re: ناذر محمد الخليفة)
|
إنتو متأكدين إنها خرفان ؟؟ يعنى مثلاً ما تكون شفّع متنكرة , أصلو حكاية الهروب دى فكرة "مدرسية " ( شفعاتية).
تعريجة : -
ما قلتو لى , خروف ناس صباح ده بيكتب وين , يعنى فى ياتو صحيفة ؟؟؟ و آخر موضوع كتبوا كان عن شنو , يعنى كتب عن فساد الــ " بالى بالك " مثلا , و لا هو فى الصفحة الرياضية ؟؟؟؟
| |
|
|
|
|
|
|
Re: هروب خروف ناس صباح احمد (Re: Kostawi)
|
to you monim to sabah and to our friend the lost(stolen) kharroof
كل عام وأنت وأسرتك الكريمة بألف خير
ونسأل الله أن تعود للسودان عافيته بعيدا عن قاتليه وناهبيه
ومغتصبي نسائه ومذلي شرفائه ومشردي الغر الميامين من أبنائه
وأن يشمل القصاص العادل كل من قتل ونهب وسرق واغتصب وشرد وعذب
وأن يأخذ السودان مكانه الجدير به بين أمم الأرض معززا مكرما محترما
محبوبا وأن ينعم اهله بالوحدة والحرية والديمقراطية والعزة والكرامة
والتنمية المستدامة والرفاه وأن يعم الحب والأمن والطمأنينة والعدل
والمساواة كل أبنائه في كل ربوعه ونجوعه.
وكل عام والسودان وأنتم جميعكم بألف ألف خير.....
dr mustafa mahmoud
| |
|
|
|
|
|
|
Re: هروب خروف ناس صباح احمد (Re: Mustafa Mahmoud)
|
Quote: هسع إنتو رجال تلاتا كبار و عراض زي بنو كيجاب و الواحد فيكم جضمو قدر كورة الشراب أم دومة ما قادرين تشترو ليكم خروف و تعوضو أختكم القاعدة تبكي دي?
يا حليل أبو مروءة |
.
مش لما نتأكد فى الأول إنه خروف و لآ لأ يا كوستاوى , فتكرار حوادث الهروب تؤكد أن لمعارضة المارقة يدٌ فى ما يدور , أفلا نامت أعين الجبناء , الله أكبر , الله أكبر , الله أكبر
| |
|
|
|
|
|
|
Re: هروب خروف ناس صباح احمد (Re: عبد المنعم سليمان)
|
Quote: فماعرفت اقول لصباح شنو اقول ليها الجاتكم
في خروفكم سامحتكم ولا اقول شنو !! |
ايووووة يا منعم قول شنو دي ذاتا ___________ اصبروا علي بجيكم راجعة لاني ما شفت البوست دة الا هسة وبالصدفة المحضة
| |
|
|
|
|
|
|
Re: هروب خروف ناس صباح احمد (Re: صباح احمد)
|
انا غايتو يا منعم لاقيت خروف في الحدود السودانية الاثيوبية ولسع برضو جاري ما عارفو ماشي وين.. لكن شكلوا كده بشبه بتاع ناس صباح القلت عليهو ده..!! عموما الجاتكم في خروفكم سامحتكم شديد
| |
|
|
|
|
|
|
|