|
|
 شربوتنا..كده..وعيدكم ..كيف؟http://www.sudaneseonline.com/picfiles/index.shtml
|
بدايةأحبتي كل عام وأنتم فقد..إلتقت..عدّة..مناسبات..في..بؤرةٍ واحده..فهاهم إخوتنا.. المسيحيين ..
يحتفلون بالكريسماس..وها نحن نحتفي بعيد الأضحى ..وها هي أعظم المناسبات ذكرى ..إستقلالنا المجيد..
* الشكر..كله..لأخونا..بكري..ولأخي د. عوض محمد أحمد و للأخت/ لنا مهدي و للأخ / إسماعيل وراق و لأخي/
محمد أحمد سعيد..وأقول لهم : تعود الأيام وكتر الله خيركم.
* الأخوة بورداب جده..أستأذنكم الدخول منضماًلشُلتكم الرائعه..وباقات من التهاني ..وكل سنه.. وأنتم طيبين.
* خروف ..العيد..وصل سعره..بالبلاد حسب الأخبار 400 ألف ..فكيف..لأهلينا..( الغُبش)..أن. ...يضحوا؟؟
وهل تجوز ..الضحيه..( للضحايا)..؟؟
* أتمنى ..أن..يجود..من إستطاع..بكيمان..لحمٍ..مميزه..لمن..لم يستطع..ولمن إستطاع ..أن يصنع شربوتاً
أن يجود ولو ب ( كوز)..منه..لمن..لم يستطع.
* نحن غايتو..شربوتنا..كده..وعيدكم..كيف؟..تحايا وتبريكات للكل..وأتمنى أن أكون عضواً..عند...
حسن الظن.
|
|
 
|
|
|
|
|
|
|
|
Re: شربوتنا..كده..وعيدكم ..كيف؟http://www.sudaneseonline.com/picfiles/index.shtml (Re: الفاتح أحمد يوسف الحلاوي)
|
الاخ الـحبيـب الـحبوب،
الفـاتح،
كل عام والجـميع في اوج العافيـة وتـمام الصـحـة،
بتسـأل كيـف العـيـد عـندنا?????، العـيد الفات كتبت مـوضوع اشتـكي فية من غـدر الزمان الـخـلانـي 42 عـيد اضـحـي وفطـر ورمـضان ومـولـد ومااشـوف اهـلي بصـورة متواصـلة طوال هـذة الاعـوام، لـدرجة بقيـت ماعارف شـكل عـيد الضـحـية مـن الفـطر وافتكرت فـي العـيـدالفات انـة عـيد الاضـحـي ورحـت احـنـس الناس ويرسـلوا لي صـورة للخـروف ابـكي عـلي اطـلالــة!!!!!، ووقعـت فـي فضـيـحة دينيـة لـما اهـلي رسـلوا صــورة
"صـينيـة الـكعك"!!!!
وقـررت ابطـل الـجـرسـة واضرب الـجقليـب عـلي حـالي الـماضـقت لـحـم خـروف عيـد ضـحـية من 22 سـنة ، واقنع بخـروف الالـمان وارد اسـتراليا
" لـحـمة لسـتك!!!" وعـزاي ان كـل عـند العـرب صـابـون!!!
تسـألني عـن العـيد كيـف عـندنا???? هـنا فـي الـمانيا الاعياد الاسـلاميـة مملة ومضجــرة ، لـذلك الواحـد ومن قلة اهتمام الـمسلمين بهـا
وخلو البلـد من اي مظاهـر اسـلامية، بل ومن محـن الـمسلمين هنا،انة ممنوع عليهم ذبـح الخرفان في الشوارع او المنازل ، الافي الـجـزارة او بـرة الـمـدن!!!!!!وهـم ماعارفيـن انو العـيـد لـذيـذ في ضـبح الـخرطوم فـي نـص الـحـوش!!!!!، اما عـن الشـربوت !!!!!! " دة نـوع من الشـية مـش كـدة ولاانا غـلطان???!!"
كـل سـنة وانتـو طيبيـن، ونحـنا بنسـتعـد لعـيـد راس السـنة،
وحاتـذكرك بـ "شـربوت الـمانيـــا!!!!!"
| |
|
|
|
|
|
|
|
|
|
Re: شربوتنا..كده..وعيدكم ..كيف؟http://www.sudaneseonline.com/picfiles/index.shtml (Re: بكري الصايغ)
|
الأخ / بكري كل سنه وأنت بالف خير وعافيه. نعمل شنو ؟ أهو قدرنا كده . عموماً أخي تعود الأيام..
وطبعاً العيد بالبلد طعمو غير مافي شك إنت عارف العيد الفات طلعت على حلقة الخرفان وجيت شايل أكياسي وعندي بِت كانت صاحيه ومنتظره طبعاً تشوف الخروف وقامت سألتني بابا وينو الخروف؟ قلت ليها :
الخروف جوه الأكياس ديل !
* ومن حكاوي بعدنا عن البلد والأهل قال ليك يا بكري : أسره نزلت إجازه بعد طول غياب الصباح بدري..
قامو الأولاد من النوم وكان في تيس ( بيلبلِب ) بعدين سكت واحد من الأولاد الصغار الجايين من بره ديل
عجبو ليك المنظر.زبعدين..قام التيس وقف من ( اللبلبه ) ..صاح الولد: بابا : شغلو لينا تاني !!
* شعبٌ..طيب ..الأعراق..كتب ..له..أن..( يتمرمط ).
* دمت أخي بكري ..ووالله ..محتاج ل  جُغمه )..من شربوتكم..
| |
|
|
|
|
|
|
| |
Adel Sameer Tawfiq
Abdelmuhsin Said
فيس بوك
تويتر
انستقرام
يوتيوب
بنتيريست