|
|
 من ذاكرة الحلمنتيش
|
سهام
التأريخ يعيد نفسه
ويسجل مهزلة
ويعيد إلى الأذهان
زمان (يا سيده لا)
رفدت سهام ما حاجة
ساهلة الإتحاد يتجاهلها
لا المؤتمر جايب خبر
لا الجبهة بتطلع
بيان مُسْتنكره
وركن النقاش الكان
بيحلل كل شيء
ليه رفدتك ما فسرها
وين التجمع والروابط
يلا قومو مظاهرة
إضراب عديل أو
اعتصام ومحاضرات
ما بنحضرها
وإدارة الأعمال وراك
الجامعة حقو تقفلها
ما إنتي نوره وجوهره
ليمونها ما طاعم براك
ما كنتي نكهتها، سكره
يا الضي عليك طلت سهام
بي مسكها وكل عنبره
ما شفت لون الشامة ديك
زي الفريع في المنضره
الأقتصاد من غير سهام
كليه جدعت جوكره
يمكن تكون القصة عين
سحروها ناس البيطرة
كان ليها ناس شمبات
تحج والتربية وناس صيدله
دكتور منو البديني صاح
ويديك غلط
ما يمكن الورق أختلط
أو يمكن المرجع غلط
دكتور بليد دكتوراة
في إيه حضرها
دكتوراة كيف في الاقتصاد
وقيمة الجمال ما يقدرها
قيمة الجمال ما فيش
في عملة تعادلها
ما قالو ما شرط امتحان
والقصة ما ها مذاكرة
كم ناس كتير الجامعة
بي الحظ تدخلها
أو بخرة لو ضربت معاك
دكتوراة ذاتها تحضرها
ما ليها حق كان البلد !
في الاقتصاد متدهورة
وكل الموارد مهدرة
وين زيها نلقاها تاني نقابلها
كانت رقيقة وساحره كيف
زي نسمة حلوة معطرة
السمحة ست المقدره
عند الجميع هي مقدره
كانت انيقة كما الفراش
كل البنات ما بتقدرها
كانت لطيفة مع الجميع
بي بسمة روحنا بتسحرها
ومن أي مدخل تدخلها
تلقاهو زايد سُكْرها
(مع تحياتي للأخت صاحبة القصيدة وأسرتها والتحية لذكرى الأخ/أزهري الذي كانت أيامنا مزدهرة بوجوده وكان دائماً ما يقول لي متى ستفرج دار الوثائق البريطانية عن هذه القصيدة، التحية للأخوة/ ودالصعيل، رحمة الله، عبدالخالق،الزبير، عبود،عثمان ،عبدالعزيز والنور بخيت)
الطيب الشيخ
[email protected]
|
|
 
|
|
|
|
الطيب الشيخ
munswor almophtah
فيس بوك
تويتر
انستقرام
يوتيوب
بنتيريست