|
|
 امســـــــــــــتردام
|
وكت جينا امستردام دى ... كانت رواكيب كلها .
لم تدخل البقنية ولا الشربوت .. اقصد المدنية اليها .
كانت متخلفة جدا لا فيها قنوات فضائية ولا فضايحية ... وكنا بنسمع التلفزيون بى اضنينا
العاصمة الهولندية دى عبارة عن مركز لبيع الجداد والبيض بتاع السمبر ... كل اوربا بتجى تشترى منها البيض
وحطب العرش وكيفية بناء الرواكيب الحديثة .
كان فيها المواطن ينبح والكلب ينظر بحذر شديد .... حتى الكلب من شدة الجوع كان داير ينبح الا يتكل على
الراكوبة ... على مبعدة مننا كان يجلس نابليون فى قصره وسط الرواكيب ... لدى صاحب ذكر ان الجنود
اقتادوه الى الحامية ... قلت ليهو لا اله الا الله ... حامية شنو خليها تبرد شوية .
طريقة الحكم فيها كانت بالشريعة عندما حضر نابليون بونابرت اليها وجد النساء يبيعن العرقى فى الطرقات
وكانت الملكة بياتريس لديها اكبر انداية لبيع البلح ( الكريستال ) فى امستردام وكانت تبيع بالدس خوفا من
الجنود اكلى الهامبرجر ومدخنى المارلبورو .
المدينة من شدة النشاف لا توجد بها اى رمزية للجمال ... النساء شينات جدا جدا ... والهدوم شوالات ..
ماشات حفيانات طول السنة ومن عدم وجود الامواس تجد الواحدة لديها شنب .
ورغم حنكشتنا ونحن القادمون الجدد الا ان اخى الاصغر سأل الوالدة عن تضع له فى الكسرة حتة مايونيز ..
هاجت الوالدة واغتاظت وقالت ... يا سجم دا ما مايونيز .. دا طايوق .
ووجد احدى الهولنديات ايضا وهى تطعم الغنماية كسرة ناشفة ... وقال لها يا حبوبة ليه تدى الغنماية
كورنفليكس . كنا متمدنين ومتحضرين لاننا اتينا من القرن الحديث ... وما زال الخواجات يتابعون براميل القمامة
ومطاردة الكلاب لتقاسم العضام والمعيشة .
من العجائب ايضا كانت مدينة امستردام مليانة ملاريا لاضنينا ... اقترح عليهم صديقى الممسوخ ان يضعوا
دواء الكلوركين فى الهيئة القومية للمياه وتنزل فى المواسير حتى يشفى الناس ... كان مقترح نال جائزة
فى مهرجان الدلوكة العالمى .
فى احد المرات ذهبنا الى المش تشفى وكانت احدى صديقاتنا طريحة الفراش وكعادة السودانيين لديهم
حاجات كدا فى العلاج ... ( علاج الفيل ) مرات حرق ومرات قطيّع ... وجدت الدكتورة حتة محروقة وسألت
المريضة ما هذا ؟ ... فقالت لها ( زيس إز تش اححح ) ..
من اسماء احياء مدينة امستردام ... حى كوع الناموس ... حى شنب الباعوضة ... حى الجداد القام
صوف .. حييي انا منك ... وحى البورة قامت بى ... وما زالت المدينة تفتقر الى الكهرباء والماء الصالح والقانون ...
دقيقة اربط الحمار واجى اتم ليكم قصة المدينة . 
|
|
 
|
|
|
|
|
|
|
 Re: امســـــــــــــتردام (Re: alfatih)
|
تمـــاضر
الله يسلمك الله يبارك فيك الله يسلمك الله يبارك فيك الله يسلمك
غايتو السوق ما عارفو الليلة مليانة كدا ليه .. حتى الان ما لقيت لى حتة اربط فيها الحمار
الا امشى جنب الطاحونة بتاعة فان نستل روى او زريبة ناس فان جوخ .
المشكلة فى زول بقطع الحبل وخايف الحمار يجرى ...
دقيقة بس افتش محل تانى
| |
|
|
|
|
|
|
|
|
|
Re: امســـــــــــــتردام (Re: alfatih)
|
اذيك يافاتح
ليك وحشه والله
تعرف لى يومين مفكر انذل بوست اسأل عنك
واكتب خرج ولم يعد
كيف بالله الصحة والاحوال واخبار الاهل
وكيف الكرسمس فى امستردام
محمد بسأل عنك دائما
تحايا سعاد والوليدات
عبدالغفار
| |
|
|
|
|
|
|
|
|
|
Re: امســـــــــــــتردام (Re: عبدالغفار محمد سعيد)
|
توحة
ياخي مشتاقين موت
قرقرقررقرقر
الله يجازيك يا ممسوخ
زكرتني الذي مضي
اظهر يا عم دة كلام شنو
وتحياتي لي صاحبك اب صعلة
معتز تروتسكي
وبالمناسبة
عايزك بمناسبة السنة الجديدة
تتبنّي معاي حملة عشان الزول دة يرجع
اها العفو والعافية
| |
|
|
|
|
|
|
| |
alfatih
حبيب نورة
فيس بوك
تويتر
انستقرام
يوتيوب
بنتيريست