|
|
|
 Re: جلســـــــــــــتنا رايـــــــــــــقه (Re: Moawia Mohammed)
|
كتب الأُستاذ/ معاوية::
Quote: تسلم حبيبنا أبوالحسين وكلك زوق
تعال ياخينا سامع الجماعه بقول انت من الصحافه , كدي ورينا وين في الصحافه وبتعرف منو هناك وما تنسي كمان تجينا هناك في البوست والف مرحب بيك
قواسيب مودتي. |
الأخ الكريم معاوية...
أنا من الصحافة مربع ( 18 ) ووين ملتقى أولاد الصحافة دا وريني ليهو...
لكن بيني وبينك قواسيب لطشتها من وين؟؟؟
يكون قاعد تتاوق لينا في بوست الشايقية بي هناك... تشرف يا اخوي ومرحبتين حبابك اليوم السعيد الليلي جابك...
كميات مودتي... = قواسيب مودتي... بس القواسيب شوية كدي كتيرة...
يا هلا بيك وبي أهلنا في الصحافة مننننننننننن جبرة لييييييييييي أركويت....
أبو الحســــــــــــين...
| |
 
|
|
|
|
|
|
|
 Re: جلســـــــــــــتنا رايـــــــــــــقه (Re: عماد شمت)
|
الزول السمح عماد عويس
والله ما عندي أي أغنية لأحمد عوض ود حلتي ( شفت العيب دا كيف )
لكن في شريط جايني بالبريد عن طريق أخونا علاء الين حيموره ولمن يصل ان شاء الله كلو ينزل هنا
أما موضوع العضويه دا أعتقد لسه والله وحا أمشي أرفع البوست بتاعو حالا
أرقد عافية يا حبيب
| |
|
|
|
|
|
|
|
|
|
Re: جلســـــــــــــتنا رايـــــــــــــقه (Re: Moawia Mohammed)
|
شكرا يا أبو النيز يا لذيذ والأغنية جميله ورابه
والله لو ما مشاركاتكم انت والصحافه 30 كنت ناوي أجدع البوست دا في الخور وأمرق للربا والتلاف يعني أقلب سياسه ونبز ودق صفايح وكدا.
اتخيل لي يا ناذر انتهي الأن زمن الغناء الجميل والناس كل همها الشمار والفضائح وشيل الحال والمشاكل يعني لو فتحت لي بوست بعنوان ( أمـــــــــــــــك فضيحه كبري ................. )
وخليتو فاضي كل الناس حاتجي داخله توش أو بوست وهمي بعنوان ( شكرا بكري أبوبكر فلترحبوا معي بالجميله فلانه الفلانيه ) عينك ما تشوف الا النور يا صديق.
بعدين السبب أنو البوست ما بفتح سريع لأنو الصفحه فيها أكثر من 15 أغنيه ومافي مداخلات حتي لو من نوع ياخي غنيتك دي بايخه أو بالله ياخ ما تقدنا كان مشينا الصفحه التانيه وببقي فتح الصفحه ساهل شويه وانا تعبت من حكاية فوق فوق دي كل يوم.
ثم ياخي تعال هنا البوست كيف ما يكون تقيل ويعلق بالجهاز اذا كان انتو لسع بتستعملوا ال dial up
وخط التلفون الواحد يربطوا فيهو 10 أجهزة معظمها من بنتيوم 3 وانت نازل وكمان مركبين ليها windows xp وعشان تفتح صفحه الا تمشي تأكل ليك سندوتش طعميه وتجي راجع ( دا جشع والله ).
ناذر يا أخوي عليك الله مدني باللنك بتاع البوست الفيهو كيف تجيب زوار لبوستك لو موجود.
شكرا شديد يا صديقي العزيز والله يدينا الصبر
| |
|
|
|
|
|
|
|
|
|
Re: جلســـــــــــــتنا رايـــــــــــــقه (Re: متوكل بحر)
|
Quote: معاوية الرائع دوما
والله حقيقة محتاجين لجلسة رايقة معاك
بمناسبة العيد - الرجاء الاتصال |
عزيزنا الغالي متوكل بحر
جدا يا فرده ومستعدين 100% وانتظر مني سلك
بس ان شاء الله العاصفة الجايه دي ما تحبسنا زي المره الفاتت
كل سنه وانت طيب
| |
|
|
|
|
|
|
|
|
|
Re: جلســـــــــــــتنا رايـــــــــــــقه (Re: خضر عطا المنان)
|
عزيزنا الغالي خضر عطا المنان
والله انت الذوقك عالي ورفيع وبتعرف تسمع الدرر
وطالما الجلسة دي روقت بيك أبشرك بانو التقيل جاي وراء
جعل الله أيامكم كلها رايقه ويديم البسط عليكم يا رب
خالص مودتي وتحياتي لك والأسرة الكريمة
وربنا يديكم الصحة و العافية
وكل سنة وانتم بالف خير
| |
|
|
|
|
|
|
|
|
|
Re: جلســـــــــــــتنا رايـــــــــــــقه (Re: ahmed babikir)
|
ود حجازي كل سنه وانت طيب والسنة الجايه زي ما عاوز
اللبده دي يا أخوي ما من الجليد , من الكراون فيكتوريا البترقص براها دي
وبعدين أمبارح كنت في وداع بكور وكركب هسه محلقين في الجو ( بختهم )
لكن الليله مارقين تب للشغل وخم الرماد مع بعض
القعده ما زالت مستمره ومرحب بيكم أتفضلوا علي البيت
تحياتي للأخ معاويه والجميع
ويديك العافية
| |
|
|
|
|
|
|
|
|
|
Re: جلســـــــــــــتنا رايـــــــــــــقه (Re: Moawia Mohammed)
|
معاوية معاوية الزول الجميل
نحن في بداية طريقنا ليه تقولي مستحيل ...
كل عام وانت بخير وربنا يديك الصحه والعافيه ويحقق ليك الفي مرادك
حبيبنا معاويه بعض الاغاني ما قدرت احفظها ما عارف السبب ..
وايه اخبار احمد عوض وفيصل في الباسورد ؟؟
لك التحيات وكثير الاشواق وكل الحلوين المعاك
تسلم حبيبنا..
| |
|
|
|
|
|
|
|
|
|
Re: جلســـــــــــــتنا رايـــــــــــــقه (Re: عماد شمت)
|
عزيزي عماد
كل سنه وانت والأسرة طيبين وربنا يحقق ليكم أمنياتكم
سوف أراجع الأغاني وأنزل كل روابط الحفظ والمزيد قادم ان شاء الله بس عايز الصفحه دي تكمل وأبدأ صفحه جديده لانو الأغاني كترت فيها وتقلتها
فيصل الصحافه بكري أداهو العضوية لكن ما ظهر هنا أما أحمد عوض ما أظن لانو الموضوع ماسكو علاء الدين حيموره والناس دي لسه ما ظهرت بعد العيد عشان نعرف الحاصل شنو
بالمناسبه الأخ أبوبكر سافر السودان وهسه تلقاهو حايم ساكت في الامتداد
عمده بالله بلغ تحياتي للجميع عندكم
ويديك الصحة والعافية يا رب
| |
|
|
|
|
|
|
| |
Moawia Mohammed
أبو الحسين
خالد
ناذر محمد الخليفة
عماد شمت
Alsa7afa_30
متوكل بحر
Abd-Elrhman sorkati
خضر عطا المنان
Haytham Abdulaziz
امير عوض الجمري
فيس بوك
تويتر
انستقرام
يوتيوب
بنتيريست