عشان إنتى الفرح كلو قلت القاكى يا قدرى أنور بيك دروبى التايهه من بدرى وأ لملم بيك شتات الباقى من عمرى وعشان انتى الفرح كلو وكل الباقى من عمرى تعالى ونورى الدنيا يا حلوه الزمن بيجرى ..
وعشان لو غبتي ما جيتي ونسيتي الشايلو ليك عمري تجيك الخطوة تنده ليك تضحّك ليكي سر قمري وتشيلك في عيوني حنين لانو عنيكي لو تدري بريدك وما عشان الريد عشانك انتي يا بدري وعشان افراح رميتيها ودفقتي حنينا من بدري علي قلبا بعزك جد بحبك يا سنى الفجر
بحسك ياوتر مشدود يدوزن في معاناتي وبفرح بيك وكت القاك في ذاتي وفي الأحلام واترجاك بس ترحم عيونك لعويناتي وأبوح ليك بكلام من جوه عصب الشوق سنين مسجون يعذب لي مساماتي وأقول ليك بريدك... ياحلم بنتظره لو طال السفر بنتظره لو تعب السهر برجاك لآخر العمر ولما أفيق أحمل شوقي للنسمات وأبسم في عتامة الليل وأهمس سري للنجمات وأقول ليها معاي كانن عيون حلوات معاي كان الفرح لحظات وبشوفته بحمد الله وأصبح ليلي بالصلوات
شكرا كتير و من ذوقك. القصيدة ما وليدة البوست...يعني عمرها ذي سنة كده اسمها و كت القاك في ذاتي. حسيت انها بتصب في نفس المصب و أبياتك و أبيات وداعه ياريت تتموهم. أفتي ذي ما عايز وكلي آذان صاغية لكن ...شنو دي الفهم الساعة 12 بيكون تقيل شويه.
بوست أنيق و لذيذ أحجز لي في الصف الأول عشان أسمعكم كويس.
تعالي وعطري النسمات وشيلي العمر بي حالو وما تتضاري بالكلمات وباحو عنيكي لي قالوا وشفتا حنينا في نظرات تقشقش دمعتين سالو وسالت في القلب شمعات بيفضح ريدا افعالو وفضحني الشوق قبل شوقك وقبل ما يجيني مرسالو اريتك انتي توصلي بس وحالي تغيري احوالو
الأعزاء .. من يتذوقون الكلم .. إليكم سلامى ومودتى و .. هذه الكلمات
في ابتسامتك سر غنيواتنا الحزينه .. وروعه بتشع من عيونك !! صحت آهاتنا الدفينه ديل عيونك فيها زادنا .. وفيها زاتنا ياالكليماتك تسافر " جوه فينا " !! تلمس اوتار المواجع وتبقى زى ريشه, وتسطر فينا لوحة عمر ضايع عمر هايم فى رحابك ويا حبابك .. لما تحكى الشوق عيونك... للعيون المعجبابك ويا حبابك مرة شفتك وانتى سارحه شفت كل الدنيا انتى والروايع فى بحار عينيكى سابحه ويا حبابك .. يا غمام ظلل خطانا ويا قمر نور سمانا .. من منابع العزه إنتى ولى سما العزه انتسابك .. ويا حبابك .. يا حبابك ..
Quote: حنيني الكنت داساهو فضح عيني ليك سر سرق كتماني خلي البوح زغاريد فرحه تتشر تخدر بوري تملاهو زهور طربانه تتمايل تقول يمكن تجي و تلقاك تقيف وسط الدرب ترجاك وفي نص التعب تطراك جيوش من غيمه بكايه تغسل هم سنين سالباك دميعات حزن لي خديك شوايه تعال نبنيه عشنا ريد قناديل فرحه ضوايه
تعالي وجيبي سرك لي وضحكي بالمحبة سماك وما تدسي الحنين الفيك عشان عارفاني بستناك ولو تعب الليالي كتر وتاهت في خطايا خطاك تاكدي اني في ذاتك ومن ذاتي بتجيني براك تختي الفرحة في قلبي ويسعد بي لقايا لقاك واسعد بيك انا الردتك انا الحبيت وراجي رضاك
تعالي ودسي في روحي حنينك وابقي ضواية وماتسرقك نجوم الليل وعارفة سماكي بكاية ولو تعب السفر جواك بتلقي السكة جوايا كتير قبلك كمان الناس بقت خطواتا نساية وابدا ما نسيتك يوم بعد ما بقيتي دنياي ومهما تغيبي عن عيني براكي بتفضلي معايا
زمان وصوني ما أطرق دروب الحيرة و الأحزان وقالو الريد طريق غدار و ما يترجى منه أمان قلت اشوفها دنيا الريد لقيتك بلسم الأشجان نسخت دفاتري بكلمات حفظتها من سفر* ريدك نسجت خيالي بأحلام تلوح لي فجر عيدك ووقفت في خط تماس بين العشق و البوح عشان القاك و أسلم عمري لأيدك
تعال لون عتامة اللوحة بالضحكات و أهدي تأرجح الأفلاك نظام و ثبات تعال غير فصول الحزن و الدمعات و أملا مدارها بالغنوات بلاقيك و ما بتوه من سكة القمرات و كان يا خطواتي تنسيه أريتو تتوهي يا خطوات
_______________ سفر بكسر السين و الفاء و تسكين الراء
Quote: زمان وصوني ما أطرق دروب الحيرة و الأحزان وقالو الريد طريق غدار و ما يترجى منه أمان قلت اشوفها دنيا الريد لقيتك بلسم الأشجان نسخت دفاتري بكلمات حفظتها من سفر* ريدك نسجت خيالي بأحلام تلوح لي فجر عيدك ووقفت في خط تماس بين العشق و البوح عشان القاك و أسلم عمري لأيدك
تعال لون عتامة اللوحة بالضحكات و أهدي تأرجح الأفلاك نظام و ثبات تعال غير فصول الحزن و الدمعات و أملا مدارها بالغنوات بلاقيك و ما بتوه من سكة القمرات و كان يا خطواتي تنسيه أريتو تتوهي يا خطوات
تعالي وخلي حزنك بس يسافر يبقى حزنا كان اسرقى الضحكة والافراح وعطري بي شذاكي زمان بيطلع من حنين عينيك وغنوة بتبقى في الامكان وسكة شوق مرق منك بفتش ليهو في انسان موسّم ديمة بي حبك وعامر قلبو ليكي حنان وقصة ايد بتفرح بيك وقت جيتك وغارقة عيونة في الاشجان وسكة ريد نست جيتك وبلت ريقا بالاحزان تعالي ولوني الدنيا ولو تعبت خطاكي كمان بجيك وان اصلي راجع ليك واعرفي اني ما ندمان
تعالي وخلي حزنك بس يسافر يبقى حزنا كان اسرقى الضحكة والافراح وعطري بي شذاكي زمان بيطلع من حنين عينيك وغنوة بتبقى في الامكان وسكة شوق مرق منك بفتش ليهو في انسان موسّم ديمة بي حبك وعامر قلبو ليكي حنان وقصة ايد بتفرح بيك وقت جيتك وغارقة عيونة في الاشجان وسكة ريد نست جيتك وبلت ريقا بالاحزان تعالي ولوني الدنيا ولو تعبت خطاكي كمان بجيك وان اصلي راجع ليك واعرفي اني ما ندمان
بشيل الشوق دليل سفرى.... وبهاجر ليكا يا عمرى..... بهاجر لى اراضيكا وبفرح يوم الاقيكا .... وبحلم بى صباح بكره تجيب نسامو طاريكا.... احس القمرى فوق غصنو يقوقى دوام يحن ليكا.... ونسايم الليل وقت تفرح تغازل فى لياليكا.... ودموع ريدى تصبح نيل يخدر كل بواديكا.... وارحل بى مراكب الشوق على احضان مراسيكا.... واقول اقدارى صافتنى وزمانى الليله جاد بيكا.... وكان غدر الزمان طالنى وبقت بعيده على اراضيكا..... بشيلك فى القليب جواى وفى الاحلام بلاقيكا...
بشيل الشوق دليل سفرى.... وبهاجر ليكا يا عمرى..... بهاجر لى اراضيكا وبفرح يوم الاقيكا .... وبحلم بى صباح بكره تجيب نسامو طاريكا.... احس القمرى فوق غصنو يقوقى دوام يحن ليكا.... ونسايم الليل وقت تفرح تغازل فى لياليكا.... ودموع ريدى تصبح نيل يخدر كل بواديكا.... وارحل بى مراكب الشوق على احضان مراسيكا.... واقول اقدارى صافتنى وزمانى الليله جاد بيكا.... وكان غدر الزمان طالنى وبقت بعيده على اراضيكا..... بشيلك فى القليب جواى وفى الاحلام بلاقيكا...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
شهاب الفاتح عثمان
فيس بوك
تويتر
انستقرام
يوتيوب
بنتيريست