|
|
 نــاس الدوحـــــــــه.. والبكا بحرروا أســـــياده..
|
دروس من ناس الدوحه..
ليس فقط في ممارسة الديموقراطيه وانتزاعها بالمبادئ ويد العزيمه القووويه... ولكن ايضا في تقديرهم لبعضهم وتشجيعهم للطموح وروح المجموعه... يشّكروا في بعضهم غير جبر.. ولايتجاهلون الجميل حين يرونه... يحتفلوا بالنجاح... وما بيفوتوا كبيره ولا صغيره...
خلافاتهم ومناكفاتهم خفيفة الروح... جاده كانت ام مفتعله.... انتم مجموعه جد مميزه... ورائعه!
تمنياتي لكم بالتوفيق وراحة البال... وسنوات مديده تحت شلالات الموده الصافيه .. والريال القطري الاصيل
همسه: تعّز علي احيانا بعض التعليقات يا بعض ناس الدوحه .. خصوصا في البوستات الاخيره التي بها صور سيدات (رأي شخصي بدون تشنج)
|
|
 
|
|
|
|
|
|
|
 Re: نــاس الدوحـــــــــه.. والبكا بحرروا أســـــياده.. (Re: أبو ساندرا)
|
| Quote: تعّز علي احيانا بعض التعليقات يا بعض ناس الدوحه .. خصوصا في البوستات الاخيره التي بها صور سيدات (رأي شخصي بدون تشنج) |
معليش يا نجوان
امسحيها لينا في الكيبورد حقنا
والبوست ده عاملنه اثنين من المطلوبين للعدالة البوردابية الدوحية
واحد كهل وعجوز وسنونو اتكسرت اسمو بدر الدين الامير....والتاني ظلامي وجنو عرس
ومشوطن بالمراة الرابعة اسمو معتز قريش..وكلامك ده حنتعبروا شكوي رسمية
وحنعمل ليهم مجلس محاسبة واحتمال سجن غونتاموا الدوحة...
وطبعا في واحد اسموا ود رملية هو المفكر الاستراتيجي بتاعهم..
ولك شكري والشكوي سينظر فيها ويفاد
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبدالكريم الامين احمد)
|
سلام يا كريم..سناتور الدوحه وجوهرها..
شكرا ليك علي المرور...
مازلت افكّر.. لييييه بقية الجاليات ماتحذو حذوكم؟
وعن الديموقراطيه.. احييتم عشم كدت اصدق انه مات واندفن زمان
وياريت اخبار عن انتخابات المرأة عندكم..
عن الهمسه أعلاه.. والله ابدا ما شكوي بتستاهل ده كله.. مجرد عتب خفيف ..والاحترام موصول للجميع.
انا من انصار حرية التعبير..بس حسيت بانو الفي الصور ديل ناس جد وكده..
حكيت لواحده صحبتي.. قالت لي "مالك ومالهم، هم اشتكوا ليك"
قلت ليها مرات المكان ده بيكون زي الBoys Club كده..
قالت لي "مش البورد بتاعكم ده، الدنيا دي كلها عباره عن big Boys club.. إنتي ساذجه ولاشنو؟"
خلاصته.. ناس الدوحه ليهم ركن مميز في هذا المكان..بصور او بغيره..
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: محمد سنى دفع الله)
|
سلامات
وعوافي
يانجوان ..
تمسي وتصبحي في رضاء الله ..
ياسيدتي الفاضلة "عقد نضيد" طوق جيد غربتنا ..
تراقصت الروح في حضرتهم "وهزمنا غربتنا دستة/صفر" ..
هنا كل شيء كعذوبة الماء ..
لاتحتاجين لوسيلة مفتعلة لتقديم نفسك ..
الوهلة الاولي ..ابتسامة عرضها السموات والارض ..
الصداقة الاولي .. تشبه رائحة الخريف في النواحي الجنوبية من البلاد ..
الضحكة الاولي .. كالبراق القبلي .. صادقة وقوية ..
الونسة السمحة.. لاحولاااااااااااااااااا والله خمر الكلام يسكر الحجارة وخشاش الارض ..
الناس الهنا ديل .. ناس من طينة لينة وظريفة ..
الواحد فيهم شايل روح نبي ولافي .. محل ما يتاورك وجع .. يتردمن عليه بلاسم العالمين النضيفة ..
الدوحة ياسيدتي "سرها باتع" ..
ومازلت اعتقد في هذا الامر ..
بخصوص التحرش "كيكي دا انا مكجنو كجينة يانجوان" قال ليك في واحد كبيرهم اسمو ودرملية ..انا ياستي يخربني البيعملو فيهو الكهل والظلامي دا انا مابقدرو ولا شي ..
بعدين عليك الله قولي ناس الدوحة ديل تمام "لوختو كيكي دا" شنو لميتي فيهو شكر دا بيحميني القعدة باقي ليك هو طريدي "لزم" ..
علي العموم سعيدين بي رايك فينا .. وانشاء الله "البلد" تحتوينا" "والجنيه" يقومن شنباتو عشان الوحد يتلما علي الريحة الصافية والنسيم العليل ..
كل سنة وانتي طيبة ..
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: ودرملية)
|
| Quote: وياريت اخبار عن انتخابات المرأة عندكم |
شكرا نجوان علي الاهتمام
وانتخابات المراة بالدوحة شهدت تنافس رهيب وشرس مابين القوي الوطنية والموتمر الوطني علي
ثلاثة مقاعد وفازت القوي الوطنية بمقعدين وفازت الدكتورة منار والاخت فاطمة وايضا لنا اخت اخري
فازت من مقاعد الاطباء
وكانت تظاهرة انتخابية شهدت نشاط نسائي كبير وحماس ووعي نسائي بقضاياها وممارسة دورها
كناخبة بكل وعي واظهرت قيادات شبابية واعدة يمكنها ان تلعب دورا علي مستوي الوطن مستقبلا
ولماهي بركات ورندا حاتم والاستاذة اسيا والدكتور منار وكلهن جمعيا كل تقدير واعجاب
تخريمة..
بجيك يا ودرملية يا طريدي الكبير
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبدالكريم الامين احمد)
|
نجوان يا حبيبة
يجعل صباحاتك مليانة بى دعاش المطر وممسحة بى خير الملايكة
والله كلامك يا بنية زى نسمة الصباح يخلى الزول فرحان ومنتشى
الانتخابات وما ادراك ما الانتخابات .. مافى داعى للكلام ناس كيكي كفو ووفو
انا اؤيد قرار كيكي فى عمل محاكمة سريعة للمسمى بدر الدين الامير والمدعو معتز قريش
(مع العلم انى كده بجازف يا شباب انا اليومين ديل شغاله معاهم فى اوكسينت وتحت ادارتهم لاحظو للاندرلاين .. يعنى الاثنين ممكن يفنشونى .. لكن انا يهمنى)
اما يا كيكي اذا قدرت اثبت انو ودرملية مشارك فى العمايل البيعمل فيها بدر الدين وذلك الساعى سعيا حثيثا نحو الرابعه .. لو اثبت الموضوع ده .. لو حقتو ديك تانى يشوفا رهاب رهاب .. شابكنا لو ولو ولو واحنا نشيل ونكتب معاهو ونتضامن مع لو حقتو اتارى موسى بقى فرعون ..
تسلمو يا بورداب ...
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: Randa Hatim)
|
Quote: مع العلم انى كده بجازف يا شباب انا اليومين ديل شغاله معاهم فى اوكسينت وتحت ادارتهم لاحظو للاندرلاين .. يعنى الاثنين ممكن يفنشونى .. لكن انا يهمنى)
|
والله حليلك يا ريس
انتي عارفة الناس ديل ليهم شهر ساكني اخد اجازة واشتغل معاهم في الاسياد
لكن قلت ليهم (نننننننهي) ..لكن شغلك معاهم ده يا رندا بخلي الواحد بعد
ده يعمل حسابو ويعيد النظر في اي اتفاقات سابقة بيننا...ولازم ادعو لمجلس حرب..!!
لاثبات امر ودرملية ابحثي عن (نيفين موريس)..!!!
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: Randa Hatim)
|
تعظيم ســــلام للزعيمه رندا..
مشكوره على الترحيب الحار.. حرارة يوليو الخليجي..وكل اشهر الوطن.
مبروك على الانتخابات مشروعا.. ونتيجة..
تعرفي بعد تأييدك لادانة ارباب العمل (الجديد لنج كمان).. واحد من اتنين:
يا اما: انك ماااليه يدك.. وعارفاااهم سيتمسكّوا بك.. (وتعجبني الثقه بالمناسبه)
او: انك من انصار المشي بعيد عن الحائط..وياكاينه كوني (وبرضو بتعجبني روح المغامره)..
واذا كان في خطر يهدد الوضع الوظيفي لرندا (والذي يتطلب ادراج كلمة تهور هنا)..
اتمنى ان يتعاون الجميع ويدفنوا قبلو...
وللخشمهم خفيف: على الاقل الى نهاية دورة الالعاب..
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: Randa Hatim)
|
Quote: انا اؤيد قرار كيكي فى عمل محاكمة سريعة للمسمى بدر الدين الامير والمدعو معتز قريش
(مع العلم انى كده بجازف يا شباب انا اليومين ديل شغاله معاهم فى اوكسينت وتحت ادارتهم لاحظو للاندرلاين .. يعنى الاثنين ممكن يفنشونى .. لكن انا يهمنى)
|
رندا حاتم
انتي........... العمل الى حين اشعار آخر
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: ودرملية)
|
المرهف ود رمليه..
اشكرك على كلماتك المعطونه بالوفاء.. بالانابه عن ناس بلدكم
والله ازماتك مع كيكي دي بتحيرني..
من جهة: كيكي فصيح وصاحب حجج وقرائن.. بالاضافه الى الصوت الاسفيري العالي.. يعني له مصداقيه..
ومن جهة اخرى: ياتي ود رمليه ملتحفا بكلمات تقطر ودا ووفاءا.. فلا تملك الا ان تصدقه.. بل وتتعاطف معه.. وتلعن سنسفيل كيكي!
ثم يعود ويفند كيكي كلمات ود رمليه ويهندسها..واحده، واحده.. فتقول لنفسك "ود رمليه ده بيستهبل ولا شنو؟"..
فيأتي ود رمليه... وهكذا دواليك.. جننتونا يا ناس الدوحه!
وده كله من غير تدخل اللعيبه الاخرين!
والله big mess
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: محمد أبوالعزائم أبوالريش)
|
طبعا يا نجوان انا اتفقت مع ودالامير اذا الشغل مشى تمام الحمد لله عوجة مافى .. اذا فى اى جنجال اى كلام مافى سيدا هو يبى يفنش انا ... يخلى الطابق مستور ..
اما ودرملية وكيكي ديل حكايتهم حكاية والعجب لو قعدتى معاهم ما ح تعرفى انتى ذاتك تكونى فى صف منو فى النهاية ح تقررى انك تبيعيهم الاتنين وتقيفى فى صفهم الاتنين
اما بقصة العين والتحصين منها شوفى لينا النبى رقية شرعية كاااربه تفكنا من تلح ودملاسى ده وحاتك انتى قرينا ليهو ياسين ما نفع البقرة ما نفع اية الكرسى 7 مرات ما نفع ... هسى غايتو دايرين نشوف لينا فكى يحوط لينا بوستاتنا .....
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: Randa Hatim)
|
مرحب والله
ودرملية يا نجوان انا مشكلتي معاهو بسيطة خلاص..بس هو عامل جوطة ساكت....
وكت ما يخت العود الشايلو ده انا بوقف الحرب وبوقع معاهو (دوحدام) (علي وزن كوكادام)..
لكن الشي البغيظ اصراره علي بث اشاعة انو فنان وعندو البومات والحان..ورندا عارفة
انو القصة دي وهمة من عبدالرحيم ودرملية بس خجلانة تقول ليك ساكت....!!!
ولكم جميعا تحياتي ..
تخريمة..
يا رندا مش الدوحة العاوزة فكي براها..البوست ده ذاتو عليك الله شوفوا ليهو فكي..!!
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبدالكريم الامين احمد)
|
سلام كريم وود رمليه...
انا قررت -من باب الحرص على اعصابي السايبيريه- ان اتعامل مع ازمتكم دي بموضوعيه بحته..
لن اسمح بأن تؤثر فيّ الكلمات المموسقه.. والمرصوصه ومجيهه ديك..الكلام ليك يا ود رمليه..
كما.. لن اسمح بأي تاثير فلسفي او هندسي متفلسف.. وده طبعا ليك يا كريمو..
وبناءا عليه: ساعطي نفسي فرصه لدراسة ادعاءات ود رمليه الفنيه.. وما ينذر ببوادر استغلال للمنصب من كيكي وارهاصات تعسفيه...
وبجيكم راجعه بالمختصر المفيد!
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبد المنعم سليمان)
|
عبدالمنعم أخوى... و الله الواحد بقى لمن أيجى ينوم "يتشهد"....و يخاف ايجيهوB]"صاروخ" من العراق...اتخيل أخوك بقى خيالى قدر "شنو"...ما عارف دى لغة عربية و لا "رندوق"... لكن لازم نفتح لينا "بوست" لنجوان عشان هى بتاعت مشاكل........
التقول نحنــا ناقصين........و انا ماشى "الفلبين".....
ليتك كنت معنــا ياصديق
قال تختفى قال.......معاهــا الى يوم الدين....آميـــــــــــــــــــــــــن
صديق-قطر- الدوحة المتالقة...... باهلها الطيبين
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: نجوان)
|
صديق
ازييك ومشتاقين ياااخ انت وين الفترة دي !! ؟
هو انت ما لف لفهم ظاااته القاصدا انا
صاروخ من العراق ليه ما كفاية صواريخ ود الامير صاحب
التنهدات .. هسة يجيك متنهد !!
شنكل اخف من الاولاني :
صحي ود رملية لما يخش المنبر يجي مستحمي ومتعطر !!
يجازي محنك يا كيكي الكلمتني
احترامي يا صديق واظهر
منعم
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: نجوان)
|
يا جماعة دا شنو .. دا شنو يا صديق ويا كيكي
Quote: ياسيدتي الفاضلة "عقد نضيد" طوق جيد غربتنا ..
تراقصت الروح في حضرتهم "وهزمنا غربتنا دستة/صفر" ..
هنا كل شيء كعذوبة الماء .. |
تقولوا لي فيصل عباس والله ود رملية هزموا دستين/صفر
نص شنكل :
كيكي دي ون مان شو عدييل كده
منعم
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: بدر الدين الأمير)
|
هلا ببدر الامير..
مبروك على الشركه والنجاحات... مفخره لنا جميعا..
والروح الرياضيه وما ادراك..
والله كان في الخطه كمان حضور الافتتاح.. مش روح رياضيه بس..
لكن كسّلت لاني لم اجمع معلومات فبل وقت كافي..
ولن اغفر لنفسي ان اكون في هذا الجزء من العالم الان..
وفي ذات الوقت افوّت حدث كهذا.. وكنّا ترجمنا ليكم مجاني..ومن القلب
وعن التنهدات: فلتان بعض التعليقات فقط..
وأرجّح انها نابعه من طريقتنا السودانيه..
والنوايا أكيد اسلم من الجنيه الصاغ..
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبد المنعم سليمان)
|
سلامات
وعوافي
اول شي يامنعم مشتاقين لي الطيش ..
تاني شي انت يازول مابتنوم انا البوردابي الوحيد في "الشرق الاوسط الجديد" البيكون صاحي حتي الساعات الاولي من الفجر وذلك لدواعي "طلب الرزق" انت المسهرك شنو ؟
الحكاية "تبي" نقاش" ..
ثم دعني استحيل شوقي وسؤالي عنك الي "لغم" مانع ارفعه في وجه الوديعة نجوان "كونها" اصبغت علي "طريدي" "المكجنو" المدعو "كيكي" صفة :-
| Quote: سناتور الدوحة وجوهرها.. |
ياسيدتي الفاضلة "قد جرحتي مشاعرنا واعملتي في العروق الزؤام" ..نحن ارفق وارهف من احتمال هذه "السُبة" .. ودرملية لافي في البوادي الاسفيرية لايحتمل البتة "براءة الوصف" ان تحط رحالها "علي الاراضي البور" فكيكي ياسيدتي استعدانا "لكوننا احتضًنا آلة العود" الرقيقة الرفيقة ..واظنك بنظرتك الثاقبة قد لاحظتي "كيف انها طائعة ومختارة" فاناملي "ركزو في اناملي دي" تلعب علي الاوتار كما يداعب الندي خدود الورد ..
علي العموم يا نجوان من المفيد ان نتفق علي ارضية تفاهم حول مسالة المسميات دي "كونها تصيبنا بشظاياها القاتلة" ولنتفق ايضا علي انتاج اسم جديد يتناسب مع المدعو "كيكي" لزوم "الكجين" وكدا .. وقريبا سوف ننزل في معركة اسفيرية جديدة نبيًن فيها وجهة نظرنا في "الخطل" الذي يسبغه علينا المدعو "كيكي" او "كويكي" برواية "نيفين مورس" ..
ياسيدتي الفاضلة نجوان حزين كون بهاءك العالي "ترهقه" روحك "اللطيفة" فتجعلين "طيبتك" مطية "لذوو الالقاب الغير مستحقة" لذا وبعد اذا امامك فسحة من الوقت للتراجع وتغيير استراتيجيتك في هذا الامر و"استعدال" بوصلتك في اتجاه "الود المسكين اليتيم ودرملية" وليكن هو "السيناتور" وبعد ذلك سنجد ترياقا شافيا للجرح الذي خلفتيه في عصب الروح "عقب تقليدك المدعو كيكي " لــ "براق القابنا"..
والي حين عودة ..
اقول لكيكي "اختاني اليومين دي انا سمي فاير وبعضيك في راسك" ماكفايا علي "خلي العيش حرام" لكن والله ادفنا ليكم الاتنين "وبختها ليكم بالضرا" بعدين مسالة "الفراش حام حواليا" ياكيكي ينبغي ان تاخذها في الاعتبار والا سنجعل "عبيرنا" "شطة محروقة" في حضرتكم ..
اذا عدتم لن نعود ..
ودرملية في قمة ثورته الاثيرية "تلاليش منفخة عيون معمشة وطايرة وبعض عصب مشحوط في نواحي الجبهة"
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبد المنعم سليمان)
|
| Quote: نجوان أنا بكلامك نشوان |
ود رملية جاك الموت يا تارك الصلاة ( هاك التهيدة دي) !!
Quote: تنهدات: ايهما اهم عندك فلتان من فى الصور ام التعليق عليها
الله المتنهد قام وسمه فاير يا كيكي وعاوز يرمي بالتهمة علي الابرياء !!
شنكلة قانونية:
هل يستطيع المتنهد الاممي ود الامير التغلب علي كيكي وودرملية
هذا ما سنراه في الحلقة القادمة من برنامج الحصن
منعم
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبد المنعم سليمان)
|
اهليين نجوان .. كيفك حبيبتى
تقبرى قلبى شو طاعمة انتى ... لك كتر خير الله انو الواحد عم يحكى معك .. ياى ع الدوحه ها اليومين يا قلبى لك دخيل الله ما احلاها (اى تاء مربوطه اى الف طالعة بتديها كسره)... طبعا دى احدى ارهاصات العمل لدى اوكسينت
العرجا لى مراحا نرجع لى درابنا.. هوى يا كيكي اختا ود امى الرمليه ده غادى غادى .. يعنى الوليد شان يتيم داير تستفرد بيهو .. والله كان نبقى انا وانت زى (انا صقرا بختفا .. انا اما بحجزا)
بدر الدين يا شباب امس طلع من بدرالدين الاسفيرى الى بدرالدين مدير عام اوكسنت .. كلام عماد عبدالله القالو عنو امنت بيهو ... حسبى الله من لئامتو .... الله يعدى الكم يوم ديل على خير
عمده يا قطرى بالشعله ... كيف مع مضاعفات الجكه ... الله يديك العافية
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: Randa Hatim)
|
حضور الفكي يا سادتي الان اصبح ثلاثي الفعالية لحمايتنا من الاتي......
1-تدخلات ابوالما المرتقبة
2-تنهدات بدرالدين
3-حنبكات ودرملية
معركتنا المعلنة ضد ودرملية واخريين هنا في هذا الاسفير العريض يا سادتي هي معركة مبادئي ودفاع عن قداسة الفن والابداع التي ابتزلها صديقنا ودرملية وقد حدثناه كثير ويبدو انه صارمثل (امون رع) اي ابن الماء الطاهر بلغة مصر القديمة..اي انه صار (مثل ود الموية)..!!!!...
وقد اراد ود رملية تمميع القضية هنا مرة اخري وكسوتها بلباس قابيل وهابيل
ولكن ظني اننا لم نجرف معه الي منواله هذا وسنحصر قضايانا في صميمها
وليس الامر بالنسبة لنا اي علاقة بسناتور الدوحة وجوهرها ذلك اللقب الذي
اهدته الاخت الراقية (نجوان) ...فاتخذه ود رملية كورقة توت يبدو انها تساقطت واظهرت
ود رملية في حالة (تخبط اسفيري) جعلنا نحن عليه كثيرا وسنسعي بكل جدية لعلاجها ونحن
يهمنا امره في اطار جغرافية الدوحة ولن نستعمل السناتورية حتي لا نتهتم باستغلال المناصب والالقاب الرسمية...
صديقي اللدودعبدالرحيم ود رملية ياسادتي يحتاج الي الية نووية لفض الازدواجية التي تتقمصه في (ثنائية الحلم والواقع)..فحلمه ان يكون فنان ورغم محاولاته الفاشلة في الولوج الذي هذا العالم الذي يحتاج الي مقومات اولية اولها (الصوت).. ضاع حلمه واصطدم بجدار الجمهور الذواق الذي رفض التجواب معه في كل محاولاته الخجولة..فاوجد لنفسه جزئيات ضوئية وبحث عن (عود)..لياتي لنا بصورة ويجوب بها المنابر والطرقات الاسفيرية مبشرا بنفسه كفنان...فشله الذريع في بروفات فرقة شتات المسرحية التي تشتت وراحت في (دواعيس الدوحة)..ايضا يدعم تحليلنا لهذه الحالة الاسفيرية ذات نمط الوعي الازدواجي المخيف...ولعله تحالف مع المدعو ضحية في تواطؤ غريب مع الفنان محمد السني دفع الله في (واد) هذه التجربة التي كنا نعول عليها كثيرا في تفعيل الحراك الثقافي هنا في الدوحة...هذا هو القليل من سيرة الصراع التاريخي مع المدعو ودرملية ..ونحذره بان المزيد من التحليل سيجد طريقه الي الفضاء الاسفيري ان تمادي في (قابيل وهابليته) تلك ...ودام الجميع في ظلال الجمال والفرحة...
ودمتي يا نجوان علي هذا البوست السمح الذي اطالب الاخ بكري في تغيير عنوانه....
الي البكاء الذي يحرره ودرملية...!!!!
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبد المنعم سليمان)
|
اهليين نجوان .. كيفك حبيبتى
تقبرى قلبى شو طاعمة انتى ... لك كتر خير الله انو الواحد عم يحكى معك .. ياى ع الدوحه ها اليومين يا قلبى لك دخيل الله ما احلاها (اى تاء مربوطه اى الف طالعة بتديها كسره)... طبعا دى احدى ارهاصات العمل لدى اوكسينت
العرجا لى مراحا نرجع لى درابنا.. هوى يا كيكي اختا ود امى الرمليه ده غادى غادى .. يعنى الوليد شان يتيم داير تستفرد بيهو .. والله كان نبقى انا وانت زى (انا صقرا بختفا .. انا اما بحجزا)
بدر الدين يا شباب امس طلع من بدرالدين الاسفيرى الى بدرالدين مدير عام اوكسنت .. كلام عماد عبدالله القالو عنو امنت بيهو ... حسبى الله من لئامتو .... الله يعدى الكم يوم ديل على خير
عمده يا قطرى بالشعله ... كيف مع مضاعفات الجكه ... الله يديك العافية
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: نجوان)
|
ود رملية
والله بشتاق ليك .. وبتمناك ومن كيكي بغير عليك !!
Quote: اول شي يامنعم مشتاقين لي الطيش ..
تاني شي انت يازول مابتنوم انا البوردابي الوحيد في "الشرق الاوسط الجديد" البيكون صاحي حتي الساعات الاولي من الفجر وذلك لدواعي "طلب الرزق" انت المسهرك شنو ؟
الحكاية "تبي" نقاش" .. |
والله يا ودرملية لا (تبي) نقاش ولا حاجه .. بس والله بحب لي واحده ابوها كوز
ودا الوقت الوحيد ال بتقلع فيه النقاب وتقدر تكلمني(ما عندها hand free )..
انه الميل القلبي يا ود رملية !!
ودرملية كيكي ماله معاك !!!!!
(1)
Quote: صديقي اللدودعبدالرحيم ود رملية ياسادتي يحتاج الي الية نووية لفض الازدواجيةالتي تتقمصه في (ثنائية الحلم والواقع
|
(2)
| Quote: صديقي اللدودعبدالرحيم ود رملية ياسادتي يحتاج الي الية نووية لفض الازدواجية التي تتقمصه في (ثنائية الحلم والواقع |
(3)
| Quote: ضاع حلمه واصطدم بجدار الجمهور الذواق الذي رفض التجواب معه في كل محاولاته الخجولة |
(اماكككككك)
| Quote: فاوجد لنفسه جزئيات ضوئية وبحث عن (عود)..لياتي لنا بصورة ويجوب بها المنابر والطرقات الاسفيرية مبشرا بنفسه كفنان |
(my God)
| Quote: فشله الذريع في بروفات فرقة شتات المسرحية التي تشتت وراحت في (دواعيس الدوحة).. |
( ohh my Gosh)
| Quote: ايضا يدعم تحليلنا لهذه الحالة الاسفيرية ذات نمط الوعي الازدواجي المخيف...ولعله تحالف مع المدعو ضحية في تواطؤ غريب مع الفنان محمد السني دفع الله في (واد) هذه التجربة التي كنا نعول عليها كثيرا في تفعيل الحراك الثقافي هنا في الدوحة. |
( انتهي منو عديييل كدا)
| Quote: هذا هو القليل من سيرة الصراع التاريخي مع المدعو ودرملية ..ونحذره بان المزيد من التحليل سيجد طريقه الي الفضاء الاسفيري ان تمادي في (قابيل وهابليته) تلك ...ودام الجميع في ظلال الجمال والفرحة... |
والله يا كيكي يا انه انت خصامك فاجر !! ودي ما ممكن
يا اما تكون ما حكيت لي الحكاية كلها بالتلفون !! ودي ما عارف والله .
رندا الفيك اتعرفت غاب الظلامي داك وطلعتي انتي
الاوفر تايم ظااااهر طلع من كلامك دا !!
| Quote: بدر الدين يا شباب امس طلع من بدرالدين الاسفيرى الى بدرالدين مدير عام اوكسنت .. كلام عماد عبدالله القالو عنو امنت بيهو |
سنه يا انا مديركم بدي ولا بعضي
شنكل ع الطاير :
نجوان انت الرحيق لنا وانت النور والزهر
منعم
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: معتز القريش)
|
سلامات
وعوافي
نحن اذا ما ديجور الظلم عسعس نشرق كما الضياء الوريف .. نحيل الظلام الي بهاء الرؤية ونجعل من المساء لحن العاشقين .. اذا ما شدونا تراقصت الاغصان .. ومالت الارواح وطغت نضارتها .. نحن نغني لينجلي الهم الحزين .. فالغناء عندنا هو غسول الروح وترياق الجروح ..
قال لي "احد المعجبين" عندما تغنيت برائعة "عثمان النعيم" "سهر الجداد" بانه "ما تحركت اشجانه واهتزت اوصاله بهذا الشكل مذ كانت الاغنية طفل صغير يهدهده العشاق بالشوق والحنين" .. قلت له"وهو يزرف الدمع الثخين" اما وقد عرفت سر الصوت وسحر المغنين "اني اعطيتك سر اشراقي وبهاء صوتي الرخيم"... "تمايل راقصا ثم تزحزح يرقص طربانا" .."يقال انه نام في ذلك اليوم نيف وعشرون ساعة" وعندما "صحا" سالوه كم لبست "قال دقيقة او بعض دقائق" .. قالوا "لبست نيف وعشرون ساعة" .. هنا عرف الحاضرين سر "المغني الفريد" واضحوا ينامون واجهزة التسجيل "تداعب البوماته" ..
ياكيكي يا كيكي لو وددت ان تمحو هذا التاريخ الجميل "بهرائك الاسفيري" هذا فلن تستطيع .. ثم هل ستقطع "اوصال المعجبين" وهم يتغنون بروائعي ويدندنون بالحاني ؟ .. ثم كيف بك هذا الشطط العنيف .. كل هذا جئت انت لمتحوه وتقذف به "في جب غيرتك المظلم" كوني "ابدعت في الغناء والمسرح في آن" ياسيدي الباب مشرع ادخل متي شئت "ولكن يظل البقاء للموهبة ويذهب الارتجال ادراج الرياح" .. هذه الحملة "الشعواء" فقط كوني فنان "شامل" .. اوليس من الافضل ان تشجعني من باب الانسانية والفن الاصيل .. اما حريا بك ان تقف الي جانبي "كوني امثلك في المحافل الفنية العالمية" اوليس هذا كافيا للتتعاطف مع "واحد من اهرامات البلد الفنية" اورايت كيف ان الحقد يعمي البصيرة "ياسيدي اغسل عن عينيك هذه الغشاوة ونظف اذانك لنشنفها لك بالالحان الطروبة" وبعدها لك الخيار ..
علي العموم انا وددت فقط بهذه المداخلة المساعدة في "جلاء الضباب الكثيف" الذي كاد ان يلبد سماء "ابداعاتنا الفريدة" ..
ولي عودة اخري ريثما يستقر "الديري" علي ساعة اقطتعها من وقتي "لصنفرة الصدا الاثيري الذي اعتلي صفحة هذا البوست" ..
ولنا "الغناء" ولكم ياكيكي شقاء"العواء" ...
.
.
الفنان الكبير "عبدالرحيم ودرملية"
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبد المنعم سليمان)
|
ونتسربل مابين احزاننا هنا علي ارض هذا الوطن الراقي واولا نعزي روح الفنان الجميل
مجدي النور..
ونظل نشكر دوما اختنا نجوان علي اتاحتها لنا هذه الاجواء الراقية في حضرة الاصدقاء والاحبة..
وناتي اليك يا ود رملية..
وحسبي ان ترديد مقولة (بلغ السيل الذبي) اصبح لحنا لابد منه في الحضور المكثف لسيرة
(المستمع السلبي) الذي بشر به ودرملية بكل فرح ودهشة يحاول ايهام رواد الاسافير بجودة
البومه (سهر الجداد)..
في مسح موسيقي لتاريخ الاذن الموسيقية لذلك (المستمع السلبي) الذي البسه ود رملية ثوب
المبشر الحالم بفنه نجد اننا نصطدم اصطدام عنيف بحقيقة التكوين الموسيقي الفج لذلك المستمع
السلبي وقد تلاحظ وبقوة ترديده لاغاني اقل ما توصف به (انها هابطة ) هبوط موسيقي وكلماتي
وتلاحظ ارتباط هذا المستمع بالشاعر (عثمان النعيم) في تجارب (التبني) السابقة لاخريين
ذهبت به سطوة العقل الموسيقي المميز في المدينة الي مزبلة التاريخ..
مستمع ود رملية اثبت المسح وفي احدي جداوله المرفقة محتويات مكتبته الموسيقية وعكست
الدراسة تقاطع كبير ما بين اغنية (راجل المرة حلو حلا)..وجل مقتنايته الموسيقية ذات
المؤثرات الصاخبة التي تزيد نفور الاذن الشفافة...
شي اخير لابد من التنبيه اليه في اطار المصداقية الموسيقية تكمن في جولة سريعة لذلك
الشريط الذي وصفه اكثر النقاد تعاطفا مع ود رملية بانه (كارثة موسيقية) ..في احدي
اغانيه التي فلتت باعجوبة من حفل الشواء الغريب للفن هي اغنية (سهر الليالي)..
ولكي لانوصف بمعاداة ودرملية باجندة خفية نري انها اغنية لو وجدت المزيد من التجويد
الموسيقي وانضباط الهارموني مابين الموسيقي والصوت النشاز عند ودرملية نري انها
ممكن ان تمثل نقطة انطلاق تحتاج الي الكثير من الاجتهاد والمثابرة من ودرملية
حتي يصبح فنان يمكن للمستمع ان يعطيه اذنه دون ان يتململ في كرسيه..!!!
ولنا عودة تفصيلية لشريط الكارثة الود رملية..
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبدالكريم الامين احمد)
|
سلامات
وعوافي
نجوان ..
ازيك وشنو انتي فتحتي البوست وزقتي ..
يعني كيكي دا يفلق فيني كدا برغم تبريراتنا واستماتتنا في الدفاع عن القيم الجمالية في بعدها الانساني الراقي الا انه مازال سادرا في غيه .. يستبيح "صوتنا الرنيم" ويحاول ان يشوه صورتنا في اذهان معجبينا الكثر .. الحجارة التي رماه كيكي علي مجري نهر ابداعنا ستمضي بلاشك مع "ثورة الموج العالية" الموجة الفنية الفخيمة التي جعلناها ديدننا ومبتغانا ..
انا ياكيكي تقول لي "بلغ السيل الزبى" انا الفنان الكبير ترد علي بمثل هذا التجني المشين "انا بلغ السيل الزبى" انت فاجر في الخصومة "السيل الزبى" دي موش حقتي قلت ليك ماتكتبا لي هنا "اتركها لي" هسي بي سببا طيرتا لي المداخلة بتاعتي في راسي ..
لذلك سوف "ابحث في جرابي" عن مصطلحات جديدة تتناسب وحملتك الخاسرة .. نحن سنظل "ننحت في اركولوجيا المعرفة الانسانية" لاتعيقنا العوائق ولايلهينا عن مشروعنا "الصوت النشاذ" فاذهب ياكيكي "الي دركك الفني الاسفل" واترك لنا "عالي الربى" "وشيق الحدائق" نسقيها لحونا "وتمنحنا سكونا" هذا هو طريقنا نحو الجمال والفن الكمال ..
اذا يا نجوان اني خيرتك فاختاري ..
اما حزبنا "حزب الجمال" او حزب المدعو كيكي "حزب الارزقية والمستهبلين والوصوليين" ..
ولاتوجد منطقة وسطى بين جنة "ودرملية" ونار "كيكي" ..
نقطة "اقفل الصفحة"
وش مكرمش وشعر منفوش وتلاليش لو قدر لها لكانت شعار "لمصارعة الافيال" ..
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: ودرملية)
|
ما زغت والله يا ود رمليه..
بس مشغوليات الدوام وعذاباته..
انا اقترح بعض المنهجيه في مباصرة الdilemma دي..
لأجل ان تتاح لك الفرصه لاثبات ابداعاتك الفنيه..
وكي لا تتهم بالضوضاء والجعجعه الاسفيريه..
وحتى لا يطوّل عليك كيكي لسانه..
نزّل قطعه بصوتك.. بمصاحبة العود مثلا..
وحينئذ.. تنجلي الحقائق..
أها؟
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: نجوان)
|
سلامات
وعوافي
يعني يانجوان عاوزة تقولي لي الـ"CD بتاع سهر الجداد" ما وجد طريقو لي مكتبتك ..
كيكي الحاسد دا عندو اربعة اسطوانات واحدة في العربية والبيت والمكتب والقهوة ..
انتي عاوزة تسمعي صوتي وماعندك اسطواناتي ؟؟!!!
دي مؤامرة .. سوري مؤامرة واضحة جدا جدا ..
علي كل اعملي كلك علي ..
دبليو.دبليو.دبليو.ودرمليةميوزيك.كوم
واتمني قبل ماتسمعي تلقي كل مواعيدك العملية والخاصة .. لانو بعد الاستماع لي صوتنا الشجي الله اعلم تستطيع تمارسي اي نشاط اجتماعي ..
لك المودة وبعض الزعل ..
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: ودرملية)
|
وهاهو صديقنا ودرملية يعود وهذه المرة يكاد المرء ان يسمع صيحته التي يحاول اخفائها
(الحقووووني..يا ناس)..
ولكن ترانا قائلين لك (هونا عليك يارجل)..فنحن جل همنا هو الفن النضيف وسعينا الجاد
لتصيحيح مسارك الفني الذي بعيننا الثاقبة راينا فيه خطلا وركاكة لا نرضاها لصديق حميم مثلك
وتاكد يارجل سنجد لك قالب ينسجم من امكانياتك الصوتية ذات التون الضعيف ففي الفن هناك مساحة
وبراح ابداعي يمكنه ان يسع كل درجات الصوت الانسانية .. وهذا هو الباب الذي سيظلل فلسفتنا
الموسيقية من اجل ود رملية فنان يمكن القبول به...
والي ذلك الحين نرسل لك النصح بركل كل تلك الاشعار والالحان القديمة والاستايل المشاتر الذي ظهر
جليا في البومك الكارثي..
وتاتي الينا بذهن صافي خالي من اي خلفيات موسيقية او شاعرية فجة يمكن ان تعيق محاولاتنا
الاصلاحية التي تبدو اننا نحتاج الي قوة نووية وتسامح مسيحي كبير حتي نصل بك الي بر الامان..
حتي ذلك الحين دوم وريفا وتلميذ في طرق الفن الوعرة التي تحتاج الي الكثير..ولا تتردد
في الحضور فنحن نذرنا نفسنا للاصلاح...
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبدالكريم الامين احمد)
|
لعل كثافة الوعظ الموسيقي والغياب الجغرافي (لعثمان النعيم) شاعر الحان ودرملية
والمطالبات الجادة فيمن نثق في شفافة وجدانهم الموسيقي مثل (نجوان وعبدالمنعم)
بالاستماع الي الحان فنان الغفلة الاسفيرية صديقنا اللدود ودرملية......
يجعلنا نقود (بوكلين) التضحية ونعمق به طرق موغلة في التطوع لنقدم لود رملية
(اوفر) للاصلاح المجاني سائلين الله ان يضع لنا ذلك في ميزان حسناتنا الاسفيرية
كما ذكرنا سابقا ان فلسفة اصلاح الود رملية منطلقة من البراح الابداعي الذي يسع
كل درجات الصوت الانساني.....ولتقديم رويتنا في هذه الجزئية لابد لودرملية بالاقرار اولا بتواضع امكانياته الصوتية والبون الشاسع بينه وبين الصوت (الاستاندر) المعتمد لدينا وهو صوت (السبرانو)..!!!!وقد لا نتهكم ان قلنا ان المسافة مابين صوت ودرملية و (السبرانو) تكاد ان تقارب المسافة مابين (السوق العربي) و(الكلاكلة اللفة) ببص كثير الكعكعة والتوقف في كل المحطات في بدايات مساء خرطومي كسول..اذن انه الصوت القشة التي نريد السباحة عليها في وسط امواج الحبال الصوتية ( المرخرخة) ونخص الحبل الرابع والخامس عند ودرملية بالتحديد....!!!
ونعول علي (استيف وندر) كنموذج جيد ودرس اول لنضخ الي قاعة درس ود رملية
الكثير من الحانه وقد ناتي اليه ايضا بصوت فردي من احد اعضاء( فرقة الخنافس) الشهيرة..باستعمال تقنيات معقدة تتيح فصل الصوت الفردي من الغناء الكورالي..!!
الفن السوداني ايضا سيجد طريقه الي كراسة ود رملية وسناتي (بزنقار) كحالة صوتية شهيرة
وتقنيا سيجد ود رملية من الموثرات الصوتية التي تطور له(صوت) زنقار وتبين له خصائص
الحبل الثالث بالتحديد...
وللمزيدمن ال matching ومن الاحتفاء بجغرافية المكان..سنذهب ايضا الي الفنان الكويتي (نبيل شعيل) ونبرزه كحالة صوتية ستجد ايضا طريقها الي مسودة ودرملية التي عليه ان يمسكعليها (باسنانه العديدة).....!!! وستجد يا ودرملية الكثير من المثير الخطر في انتظارك (كابلي..ابوداؤد.شرحبيل.بادي .وردي..اسماعيل حسب الدائم والامين البنا ومحمود عبدالعزيزو الشاب خالد.)......
وحتي يطيب لك الدرس سنجعل لك البريكات بوتقة اغاني رائدها والفنان الذي غني (راجل المرة ) حمادة بت ..حتي لاتشرد من الفصل وحتي تفهم اننا في سبيل الفن قادرين علي تحمل الاذي الفني.....
اها يا نجوان ومنعم زولكم ده انا قصرت معاهو..؟؟؟؟
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبدالكريم الامين احمد)
|
"سهر الجداد"
؟؟
ده اسم البوم؟
لا... يا ناس الدوحه..
بالطريقه دي ح تكشفوا حالنا الاسفيري..
دي بتحوّل الموضوع الى قضيــــه قوميـــه..
لا تخص ود رمليه وكيكي فقط.. وانما تهدّد ارث فني وثقافي لأمّه بمجملها..
جمعه جابر أكيد هانئ في قبره الان لانه ماحضر اليوم ده..وما اضطّر يكتب عنه في كتابه..
ومعاويه يسن -دون شك- سيصرف النظر عن اصدار طبعات جديده لكتابه..
سهر الجداد؟؟؟
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: نجوان)
|
..
وبعدين..
كلمة جداده دي ماممكن تكون في غنيه ابدا!
غنيه محترمه يعني ..تستحق يشغّلوا ليها جهاز ويصرفوا عليها كهربا..
حسبي الله عليج ياود رمليه!
وتقولوا لي زنقتيهوا.. وما بستاهل.. وما ادري شو..
(ده لسّه ما شاف شئ)..
- دي ما بقدر عليها براي .. عايزه لي مجلس استشاري ذو كفاءه عاليه-
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: نجوان)
|
Quote: علحسبي الله عليج ياود رمليه!
وتقولوا لي زنقتيهوا.. وما بستاهل.. وما ادري شو |
والله يا نجوان طلعتي انت ذاتك اغنية !!
تحت الكلام داك مفروض توقعي ب سعاد الصباح ..
U]شنكل :
هل يقوم المطرب الصاعد ود رملية باداء اغنية خليجية في البومة القادم
تحياتي
منعم
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبد المنعم سليمان)
|
شباب سلام ومنورين والله وانت ونجوان يامنعم لاعبين صاحبنا ده ون تو لذيذ
وشايف القصة جابت ليها الموسيقار جمعة جابر الله يرحمه ومعاوية يس
وعييييييك ..ود رملية شكلو كده وقع وقعة السواد..وانا شكلي كده
ح اخليهو لنجوان عشان تجيب خبرو..!!!
عموما انا بطالب بمواصلة الحصار الاسفيري لصوت البوم سهر الجداد
ولانومو..وتفويت فرصة انتشاره بكل الطرق...
نجوان رايك من الجداد دي اتا عندي فيها كلام كثير لكن في اطار التحالف المرحلي
الذي ظهر علي السطح ساجد نفسي موجلا لهذه المعركة الي ما بعد ما بعد ودرملية..!!
فرصة نحي فيها روح الموسيقار الراحل جمعة جابر واستاذنا الكبير معاوية يس
علي كتابه الضخم الموثق للفن السوداني باجتهاد علمي مدهش
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبدالكريم الامين احمد)
|
تطوير لدورنا الريادي في النهوض بحركة الفن وتجسيد لشعارنا المعلن
لمحاربة هطرقات صديقنا الاسفيري (ودرملية) الفنية كان لابد من استلهام الهمم
واستنفار الاصدقاء الخيرين المحبين للفن والابداع والسلام في كل انحاء العالم
وبعض جولات ماكوكوية واجتماعات عديدة اخذت منا الساعات الطوال
يسرنا ان نعلن عن قيام موسسة كيكي الموسيقيةkiki music org
اختصارا يمكن ان تقراء (كمو)...وهي موسسة غير حكومية تطوعية NGO
تعني في المقام الاول بمحاربة التشويه الفني في الابداع بكل انواعه
ونشكر اولا واخير البوم (سهر الجداد) للشاب السوداني عبدالرحيم ودرملية
ذلك الالبوم الذي الهمنا ونبهنا الي خطورة التشويه الوجداني وجعلنا وبرفقة
الاصدقاء والصديقات في تكوين هذه الموسسة (شفت القصة كبرت كيف ياودرملية)
وجابت ليها خواجات كمان شيل شيلتك يا فردة...!!!!
ونبشر ودرملية ان معالجة امره سيؤول الان بكل جزئياته الي (كمو) المزودة
بدعم لوجستي عالي من فنانين كبار وفنانات طالت اذنهم هذا الغثاء الود رمليي
مثل (جي ال) و مادونا ونشكر تماما صديقتنا (شاكيرا) علي تبرعها السخي
لهذه الموسسة الوليدة.وكمو تفخر تماما برفضها للدعم المقدم من سي الصيت مايكل
جاكسون الذي نري انه ايضا يحتاج الي خدمات (كمو) نسبة لمياعته وشلاليفه التي
اجري عليها عمليته التجميلية تلك..
فيروز سيكون لها وجود معين وبالتحديد في شهر (نيسان) وهو شهر تساقط اوراق الصفصاف
لتقدم ورشة عميقة عن (الاصوات التي تبدو كما اتية من السماء ) وسيكون معها في نفس الفترة
الرائع مرسيل خليفة ليقدم كلاسيكاته في قالب ادائي فريد...
كمو اذا تعلن عرضها المتفرد تخاطب الاخ ودرملية اولا ولاتجد حرجا في مخاطبة الاخت نجوان
والاخ منعم وذلك للتساهل الواضح الذي بدر منهما في تلاحظ ابداء رغبتهما في الاستماع الي
اغاني ودرملية ونحن في (كمو) نري ان هذا يقلل من مصداقية نقدنا الموسيقي ووتحليلنا الفني
لذا (كمو) ستجدوها فاتحة فصولها لنجوان وعبد المنعم سليمان ورندا حاتم وحتي الفنان الظلامي
معتز قريش عازف (لاورغ)الفاشل..سيجد الجميع من (كمو) كل عناية ونبشر صديقنا منعم بامكانية
اجراء عشرةونسة مع (جي ..ل) علي ردهات الموسسة ويمكن له اخذ صور تذكارية ايضا مع شاكيرا....
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبد المنعم سليمان)
|
سلامات
وعوافي
بيدق يتحرك في فضاء المكان .. المكان الذي لا يحتوي علي شيء سوي "البيدق" .. البيدق يمهر الارض بحوافره الشقية .."الارض التي لم يمشي عليها كائن عدا البيدق" .. ينهش في المسافات مرتجل فكرة الصعود "البيدق يتخيل الارض تميد والسحاب يناديه برفق ان تعال ".."ظل البيدق ساهرا قرابة نصف عمره يحلم بنجوم السماء وعلوها ويتخيل انه سيرافق يوما الشهب في اسفارها الليلية وهي تزيل عن الفضاء و "بواقي الارض" اثار الحلكة الباهظة"... لم يكن للبيدق مرآة في بيته غير ان "قرينه السييء" رسم له علي الارض اناء مسطح به ماء نظيف اذا نظر من خلاله اي كائن "يعلو الي مخيلته انه نرسيس" "نرجس" ..
الكائنات المتخيلة في فراغ المكان توحي لـ"البيدق" بانه فارس كل زمان .. وان هذا المكان بكل تفاصيله يعشقه وانه خلق ليصنع المجد "للفراغ" ..
البيدق ظل علي هذا الحال .. حتي برق شهاب وضيء شق عتمة المساء ليفجر "ظلام المكان" "نفس المكان الذي لم تطأه قدم ولاانسربت في جسد امسياته اهات بشر" .. ساح ضوء الشهاب .. كسر غباء الديجور التعيس .. "توضأ المكان بالضوء" تحرك الشهاب كاشفا ملامح "المكان" ...في ركن "قاصي" منه وجد "البيدق" يرتجف" كالقرير .. وكانه طائرا استوائي رمته العواصف في جليد الاسكيمو .. سال الشهاب البيدق "ماذا بك يا مرتجف" قال البيدق "لاشيء سيدي المضيء .. لاشيء" غير ان "المكان" اضحي بهجيا بقدومك وبعض اسراب الرؤى التي كانت ترافقني اصبحت "ترقص حولك" مكونة حلقة اشبه "بدائرة رقص الحلفاويين" ..بيد انني ما رايتها فرحة كما هو الحال الان ..
تري ما سرك يا هذا "هنا ردد الشهاب في سره تميمة تحميه من عين الحاسدين" ..
"بعد شيوع الضوء في رجاء المكان تنزلت كائنات "من كل صنف زوجين" "كل زوج يتكاثر في الثانية عشرة مرات في اقل من دقيقة كان المكان اشبه بيوم البعث " ..
.
.
كان كل شيء في المكان "مقهيا" في وضاءة الشهاب و"مكشرا" في وجه "البيدق" ...
كان المكان "مساحات افتراضية لعالم لايعدم ساكنيه خمر الحديث " وكان البيدق "كيكي" ..
غير ان الشهاب هو ذا اللامع الشاهق ..
ذاك هو .."الولد الشمحتف روح البنات بالغنا"..
يتأبط "عودا" وتنثال من شفتيه "اعذب اللحون" ..
ضج المكان راقصا عندما اسدلت استار الرمز ..
وخرج "فارسا" يركب فرسا ابيض .. "وبقي كيكي يجر ناقة عجوز من انفها يعقبهما غبار كثيف يعلو رويدا رويدا حتي يغطي كيكي والناقة وامام هذا الغبار الكثيف حوافر فرس فتي تمخر عباب المسافة يتقدم الفارس وخلفه تنمحي ملامح كيكي وناقته بفعل ثورة الغبار .. يبدو الفارس وكانه قد اوقد في خلفه سعير الجحيم .. يقترب الفارس شيئا فشيئا ليظهر في جليا لكل رواد المكان .. كان الفارس ابوجنات نجم ذا بريق يدعي "ودرملية" ..." ..
....
هاهاهاهاهاهاهاها
.........
يانجوان بختها ليك طبعا "اذ انك طعنتي في اروع ما انتجته مكتبات الغناء السوداني" "البومي سهر الجداد" .. وانكشفت الان المؤامرة .. وسوف اعود للرد عليك طالما انك قد اخترت "خندق الخراب" وسنجعله مقبرة علي كل متعدي علي قبيلتنا "نحن الفنانيين"..
وانت يامنعم برضو بختها ليك .. يعني دايس مع صاحبك "علي بنزين العداء" انا فردتك ياوهم احسن فردة اسفيري تلاقيهو .. اقعد باري لي كيكي دا لامن يوم يفكك في كمبو الري "في ذات مساءا مخمور" وحاتك انت ما بتكمل مشوارك الماشيهو طوالي بيختمو ليك ورقتك وبتقعد بي عين واحدة ورجل واحدة ويد واحدة و "بلا صديق اسفيري" ...
جاييكم اصبروا لي شوية "الله عالم في ملكو انا بكتب زي الساكيني كلب لانو الشغل بتاع الاسياد دا قرب يجنتر بي بس ربكم يهون وبجي "اربها ليكم".."
Quote: نحن في انتظار فنان الغفلة ود رملية الذي لم يظهر بعد !!
..
دا انا يامنعم صاح .. اصبر لي بس.. |
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبدالكريم الامين احمد)
|
ود رملية يثار بالكلمات..(ويهدّد كمان)..
ولكنه ُثأر يفتقد الرؤية والتروّي.. بديهيات استراتيجة الدفاع والهجوم المضاد..
"يا ود روّق المنقه وما تنفعل"..
كيكي يجّر واطي... بل ويتبع ذلك بإطراء...
وهذا لعمري أمر مثير للفضول والقلق في ان واحد..
جاياكم راجعه..
(عندك مخيلة خطيره يا ود رملية..
بس الغنا لسه .. الحكم بعد الاستئناف..)
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: بهاء بكري)
|
شوف يا بهاء ... الله فى ملكو زى ما قال ودرملية
ان ما وقفو فى صفو الا ارب ليهم جدول الاسياد وجداول المترجمين جنس ربه ... اودى الصينى يترجم كورى واليابانى روسى .. واطلع ليك كل السواقين مناوبة فى الاسباير لى تانى يوم العصر ما يلمو ليهم فى عربية تحل مشاكلهم .. واتصل على ناس الداقوك اعلن انسحاب اكسنت من الترجمة...
اها النشوف معتز وود الامير ح يقيفو فى صف منو؟؟؟؟؟؟؟؟؟
وبعدين يا نجوان يا اختى انتى ما سمعتى مطلع الاغنية بتاعت البوم سهر الجداد ... طبعا كيكي ح يطق من الزعل لانو المبدع ودامى الرملية عمل فيها تورية عجيبة والاخطر من ده كلو الكورس البشيلو وراهو .. اسمعى يا ستى مطلع الاغنية بيقول
كوك كوك كووووك
المابعرفوك بجهلوك
الكورس يقول
كوك كو كوك كووووووووووك
والله كان سمعتيها يا زوله ها ...
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: نجوان)
|
مرحب نجوان..
وكده الواحد ممكن يجر نفس ويطمئن ..!!
انا كنت مفتكرك شردتي من البوم(سهر الجداد) وساعتها بكون معاك حق
لاني ما بقدر اقنعك واقنع الجمهور بالجوطة الموسيقية وكلمات الشاعر المغمور (عثمان النعيم)
(طبعا ياجماعة عثمان النعيم شرف الدوحة عقب اجازة في السودان ومتابع لهذا البوست منذ وصوله للمطار وهو صديق بقامة شامخة ولكن والحق يقال (شعره ضلفتين))..
فيا نجوان عليك الله اركزي وبطلي الجرسةوقنابل ناس ودرملية دي اساليني منها انا..
صاح الود عريف وحسه الجمالي عالي وله روح القدس وخيال واسع
وبياخد في عوالم ممكن يطلعك (بيدق) ويفرج عليك الاسفير (يوم) لحدي ما تعمل هجمة معاكسة
شرسةوقرائتنا بتقول ان التغطية والهجمة المعاكسة سهلة وبتقضي الغرض...
فعشان كده يانجوان يا صديقتي ابقي حتي نروض هذا الفنان الذي يبوح صهيلا مدهش ولكن
عندما يتغني ليس هناك مفر الا التصدي له بقوة حتي نحمي الاذن الموسيقية...
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: نجوان)
|
نحن هنا كمان بنراقب في صمت .. بس عايز أقول إننا موجودين عشان الأصدقاء الألداء ما يفتكروا الحكاية هايصة .. وفي أي لحظة ممكن يسمعوا صفارة حكم.
متوقع تسخين البورد بعد يومين (اليوم الختامي للآسياد بكرة) .. يعني من الأسبوع الجاي حيفضوا لينا ود الأمير، الضلامي ورندا. وبصراحة كدة لو ما سخّن نحن حنعمل (المديدة حرقتني)
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: محمد أبوالعزائم أبوالريش)
|
ياناس الدوحة البوست بارشفوا اسياده..
مبروك يا نجوان علي نجاة هذا البوست السمح من الارشفة والارشيف
وشايف صحبي الفنان المتسبلط في الشغلانة كبة الزوقة واحسبه ان كان يراهن علي الارشفة
حتي ينجو من القبضة الحديدية..
واذكر اخر مرة كنت معه كان يردد (يارب يتارشف) ..ولم افهم ما يرمي اليه الا الان في
حضور الهجمة الارشيفية الشرسة التي قضت علي جميع بوستات اوكسنيت بما فيها من صور
و(هيك)....
عودة الجميع الي هذا البوست مطلب جماهيري وود رملية لايزال قابعا في قفص الاتهام
بتهمة التخريب الفني....
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: ودرملية)
|
مرحب بود رملية
وكويس انك قاعد انا كنت مفتكر خلاص نسيت الشغلة بتاعة الغناء دي عشان نعطيك
العفو من العقوبات بمناسبة الارشفة والعام الجديد.. ولكن الظاهر انك لسع معصلج..
وبنقول
ودرملية الركب راسو وطلع الكفر
ومسوي جوطة وعامل بعزف للعود وتر
مخرب الاسفير وبعمايلو الغناء انشتر
شيل الصورة و العود عشان نقول الزول انستر
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: ودرملية)
|
Quote: كيكي هوي لا تكابس المكان الختر
ودرملية خابراهو اللحون وانغام الوتر
حاشاهو الشتارة صوتو زي رزاز المطر
فنان اصيل صورتو شايلاها البوادي والحضر |
ودرملية انقرع واقيف انت بعيد
الفن والطرب ماهو شي للدنيا جديد
ليهو نظم والخواجة جضموا شديد
اسمع كلامنا واحنا للفن ديمة عبيد
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: نجوان)
|
نجوان يامن تعطر حروفها قبل النطق بها
الكلام جد جد
اشهد انى قد قسوت كثيرا على الاخوان
رندا حاتم ومعتز القريش وودرملية
خلال تلك المهة على غيرهم من الجنسيات الاخرى
وقد اسهموا اكثر مني فى انجاح المهمة
والآن وانا معهم لدينا استراحة محاربين
وطلبت لهم ان يقررو هم شكل وتفاصيل هذه الاستراحة ومدتها اسبوع
وقلت لهم انا مستعد لتنفيذ طلباتكم واجمعوا على ان طلبهم هو
استضافت نجوان فى الدوحة وياسيدتى انا موافق وسعيد بهذا الطلب
ويسعدنا اكثر استجابتك والباقى على أوكسينت يعنى يانجوان الكرة فى ملعبك
والخيار لك والامر بيدك
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: بدر الدين الأمير)
|
Quote: دروس من ناس الدوحه..
تقديرهم لبعضهم وتشجيعهم للطموح وروح المجموعه... يشّكروا في بعضهم غير جبر.. ولايتجاهلون الجميل حين يرونه... يحتفلوا بالنجاح... وما بيفوتوا كبيره ولا صغيره...
خلافاتهم ومناكفاتهم خفيفة الروح... جاده كانت ام مفتعله.... انتم مجموعه جد مميزه... ورائعه!
تمنياتي لكم بالتوفيق وراحة البال... وسنوات مديده تحت شلالات الموده الصافيه .. |
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: بدر الدين الأمير)
|
يا سلام..
هسّه الكلامو معّطر منو يا ود الأمير..
مشكورين انكم اتذكرتوني حتى!
ودعوتكم قلادة محبه وشرف اعتز به..
والقسوة المدروسه في العمل أحترمها وأقدرها جدا..
ولو بنعرفها كويس كانت ودّت السودان مكان غير الفيه دلوقت..
مكان أحسن بكتير..
ونجاح مجهودهم .. يعني الكثير..
واعطاني أمل ويقين..
وده جد جد برضو:
بما انه الكوره في ملعبي..
اقترح..(وبنفس الميزانيه ياboss).. تحويل اسبوع الأستراحه للمحاربين ..
الى ويك إند بالإمارات..
وال dream team هذا.. لا يعقل ان يمانع تغيير جو
بعد الاسياد..
وباب التصويت مفتوح..
يللا أظهروا يا جماعه..
وأدلوا بأصواتكم (ماالغنائية يا ود رملية )..
| |
|
|
|
|
|
|
|
| |
نجوان
عبدالكريم الامين احمد
أبو ساندرا
khaleel
محمد أبوالعزائم أبوالريش
محمد سنى دفع الله
ودرملية
معتز القريش
معتصم الطاهر
عبد المنعم سليمان
Emad Abdulla
Siddig A. Omer
بدر الدين الأمير
بهاء بكري
عبدالغني كرم الله بشير
فيس بوك
تويتر
انستقرام
يوتيوب
بنتيريست