|
|
 أهم قرار لـ د. شــداد في عام 2007 عن الدوري الممتاز .. ياريتو لو يحصل !!
|
يا اخوانا
نحن عايزين نتقدم كروياً زي ما باقي الدول بتتقدم
وخلونا نفرح زي باقي الناس ما بتفرح
واتركوا جانباً هلالياتنا ومريخياتنا والعنترة الداخلية
هو في شي بوظ كورتنا وسياستنا غير كده
يا اخوانا بالجد نحن لازم نصلح الكورة من الداخل بالأول
وأنا من هنا بخاطب د. كمال شداد : يشد لينا الدوري الممتاز بأول قرار والقرار هو :
: تعديل أسماء الفرق في الدوري الممتاز بحيث لا يتكرر اسم الفريق في البطولة
يعني شنو المعني هلال العاصمة وهلال بورتسودان وهلال كادقلي وهلال سنجة
ومريخ كوستي ومريخ الفاشر ومريخ المريخ
يا اخوانا وينا القومية والتعددية والانتماء
شنو يعني لو كانت اسماء الفرق مختلفة عن بعض في كل منطقة وكل مدينة عن باقي المدن الاخرى في السودان يعني هي من قلة الاسامي .
يا اخوانا شوفو مصر دي فيها اكثر من 70 مليون انسان وفيها فريق الاهلي واحد بس وزمالك واحد بس والاتحاد وغيرهم
بقينا نسمع بانبي واسمنت اسيوط والكلية الحربية واسماء جديدة في كل سنة حسب الصعود والهبوط مافي اسم بيتكرر مافقيش اهلي بورسعيد ولا زمالك اسوان
الدوري السعودي برضوا ما فيهو اسم بتكرر
يا خوانا النجاح في كل حاجة يكون بالانتماء للاسرة للقبيلة للمنطقة ثم للوطن
يعني الليلة لو لعب هلال العاصمة مع فريق النجمة من الفاشر صدقوني ناس الفاشر حيشجعوا فريق النجمة عشان بيتمي للمنطقة ولكن لمن يلعب هلال العاصمة مع هلال الفاشر ناس الفاشر الهلالاب حيكونوا مع الهلال العاصمي
بعدين عدم تشابه الاسنماء وتطابقها بين الاندية سوف يحد من عملية انتقال اللاعبين للعب لاندية العاصمة هلال مريخ عشان الواحد ما بيكون بيلعب في هلال كادقلي وينتقل بسهولة لهلال العاصمة عشان هو هلالابي
اللاعب هنا بيكون في فريق ينافس على الدوري زيه وزي باقي الفرق في مختلف مدن السودان.
وكمان كده بنختار فريق قومي يمثل كل السودان من مختلف الاندية مش من العاصمة فقط
حقوا نبدا يا شداد الموسم الجديد بأسماء مختلفة (مهما كانت التضحيات والصعوبات يمكن نشوف ليها حل ) ويبدا الدوري بي هلال واحد ومريخ واحد والباقين ناس الميرغني وحي العرب والامل وغيرهم يظلوا على نفس الاسم اما كل فريق اسمو مكرر في الدوري الممتاز يغير اسمو ويخش المنافسة وده يكون بأمر القانون يا شداد يا ابو القوانين وصدقني يا دكتور شداد انت كده بتكون ختيت اول طوبة في بنيان تصحيح الكرة السودانية ( بالله بلد مليون ميل مربع ما فيهو غير اسمين فقط للأندية هلال مريخ )
|
|
 
|
|
|
|
جمال السنوسي
فيس بوك
تويتر
انستقرام
يوتيوب
بنتيريست